هِظْڧِيَالْ 1 - أَتَّوْرَتْ دَ أَنَّبَاوَا

غَبَاتَرْوَ

¹ أَنَانً أَ رَانَ تَبِيَرْ غَ وَتَنْ حُطُ نَشٜىٰكَرَا تَتَلَتِنْ، إِنَ كُسَدَ كُواْغِنْ كٜىٰبَرْ تَرٜىٰدَ وَطَنْدَ عَكَ ݣُوشٜىٰ ذُوَا بَوْتَا عَ بَابِيلَ، سَيْ سَمَّيْ سُكَ بُوطٜىٰ، نَاكُوَغَا رُعُيُواْيِنْ اللَّهْ؞

² أَ رَانَ تَبِيَرْ غَ وَتَنْ أَ شٜىٰكَرَا تَبِيَرْ بَايَنْدَ عَكَ كَيْ سَرْكِے يٜىٰهُواْيَكِنْ ذُوَا بَوْتَا،

³ سَيْ يَهْوٜىٰهْ يَيِ مَغَنَ دَ هِظْڧِيَالْ ڢِرِسْتِ، طَنْ بُظِ، عَثِكِنْ ڧَسَرْ بَابِيلَ، كُسَدَ كُواْغِنْ كٜىٰبَرْ؞ إِيكُوانْ حَنُّنْ يَهْوٜىٰهْ يأَنَانً عَكَنْسَ؞

رُعُيَرْ طَوْكَكَرْ يَهْوٜىٰهْ

⁴ إِنَ كَلُّواْ، سَيْغَا هَدَرِ مَيْ إِسْكَ يَتَاسُواْ دَغَ وَجٜىٰنْ أَرٜىٰوَ، بَبَّنْ غِرْغِجٜىٰ، حَصْكٜىٰ كُمَ يَنَ حَصْكَكَاوَا كٜىٰوَيٜىٰ دَشِ، وُتَا كُمَ تَنَ تَوَلْڧِيَ دَغَ ثِكِنْسَ؞ عَڟَكِيَرْ وُتَرْ وَنِ أَبُ يَنَ ڨَلِّ كَمَرْ تَغُلَّرْ دَ عَكَغُواْغٜىٰ؞

⁵ دَغَ ثِكِنْ ڟَكِيَرْ وُتَرْ، سَيْغَا وَطَنْسُ أَبُبُوَ مَاسُ كَمَنِّنْ حَلِتُّو مَاسُ رَيْ؞ غَا إِرِنْ كَمَنِّنْسُ، سُنَ كَمَ دَ یَنْ أَدَمْ،

⁶ عَمَّا كُواْوَنّٜىٰنْسُ يَنَدَ ڢُسْكُواْكِ حُطُ، كُمَ كُواْوَنّٜىٰنْسُ يَنَدَ ڢِكَڢِكَيْ حُطُ؞

⁷ ڧَڢَاڢُنْسُ مِيڧَڧُّ نٜىٰ، تَڢِنْ ڧَڢَاڢُنْسُ كُمَ يَنَ كَمَ دَ نَطَنْ بِجِمِ، سُنَ ڨَلِّ كَمَرْ تَغُلَّرْ دَ عَكَ غُواْغٜىٰ؞

⁸ سُنَدَ حَنُّوَ إِرِنَّمُتُمْ عَڧَرْڧَشِنْ ڢِكَڢِكَنْسُ؞ غَا يَدَّ ڢُسْكُواْكِ دَ ڢِكَڢِكَنْ حَلِتُّو حُطُنَّنْ سُكٜىٰ؞

⁹ ڢِكَڢِكَنْ كُواْوَثٜىٰ حَلِتَّ مَيْ رَيْ سُنَ أَ مِيڧٜىٰ، كُواْوَنٜىٰ ڢِكَڢِكِ يَتَٻَ ڢِكَڢِكِ نَحَلِتَّرْ دَتَكٜىٰ أَغٜىٰڢٜىٰنْتَ؞ سَعَدَّ ذَاسُيِ غَبَ عَتَكُواْوَنٜىٰ غٜىٰڢٜىٰ، سُنَ تَڢِيَ تَرٜىٰ كُمَ بَاتَرٜىٰدَ جُويَا جِكِنْسُبَ؞

¹⁰ غَا يَدَّ كَمَنِّنْ ڢُسْكُواْكِنْسُ يَكٜىٰ؞ كُواْوَنٜىٰ عَثِكِنْ حَلِتُّنَّنْ حُطُ يَنَدَ ڢُسْكَ إِرِنْ تَمُتُمْ أَغَبَ دَ ڢُسْكَ إِرِنْ تَذَاكِ أَغٜىٰڢٜىٰنْ دَامَ دَ ڢُسْكَ إِرِنْ تَبِجِمِ أَغٜىٰڢٜىٰنْ هَغُ دَ كُمَ ڢُسْكَ إِرِنْ تَغَغَّڢَ عَبَايَ؞

¹¹ حَكَ ڢُسْكُواْكِنْسُ سُكٜىٰ؞ ڢِكَڢِكَنْسُ بِيُ كُوَ عَبُوطٜىٰ سُكٜىٰ، كُواْوَنٜىٰ ڢِكَڢِكِ يَنَ تَٻَ ڢِكَڢِكِنْ حَلِتَّرْ دَتَكٜىٰ أَغٜىٰڢٜىٰنْتَ؞ سَوْرَنْ ڢِكَڢِكَيْ بِيُ كُوَ، كُواْوَثٜىٰ حَلِتَّ تَرُڢٜىٰ جِكِنْتَ دَسُو؞

¹² سَعَدَّ ذَاسُيِ غَبَ عَتَكُواْوَنٜىٰ غٜىٰڢٜىٰ، سُنَ تَڢِيَ تَرٜىٰ كُمَ بَاتَرٜىٰدَ جُويَا جِكِنْسُبَ؞ سُنَ تَڢِيَ أَدُكْ عِنْدَ رُوحُ يَمُواْڟَسُ سُتَڢِے؞

¹³ غَا يَدَّ كَمَنِّنْ حَلِتُّو مَاسُ رَيْ يَكٜىٰ؞ عَڟَكِيَرْ حَلِتُّنْ، أَݣَويْ وَنِ أَبُ مَيْ كَمَ دَ غَرْوَشِنْ وُتَا مَيْثِ، كُواْ كَمَ دَ حَصْكٜىٰنْ ڢِتِلَ؞ أَبِنَّنْ يَنَ تَكَيْ دَ كَٰوُاْوَ أَڟَكَانِنْ حَلِتُّنْ؞ وُتَرْ كُوَ تَنَ حَصْكَكَاوَا، كُمَ دَغَ ثِكِنْ وُتَرْ، وَلْڧِيَ تَنَ ڢِتُواْوَ؞

¹⁴ حَلِتُّنَّنْ كُوَ سُكَيِ تَغُدُ سُنَ تَكَيْ دَ كَٰوُاْوَ كَمَرْ وَلْڧِيَ؞

¹⁵ أَنَانً إِنَ ثِكِنْ كَلُّوانْ حَلِتُّنَّنْ، سَيْغَا وَتَ ڧَڢَا كَمَرْ تَكٜىٰكٜىٰ عَڧَسَا كُسَدَ حَلِتُّنْ؞ أَݣَويْ ڧَڢَا طَيَ دُواْمِنْ كُواْوَثٜىٰ حَلِتَّرْ نَنْ مَيْ ڢُسْكُواْكِ حُطُ؞

¹⁶ غَا يَدَّ كَمَنِّنْ ڧَڢَاڢُنَّنْ يَكٜىٰ كُمَ غَا يَدَّ عَكَيِسُ؞ سُنَ ڨَلِّ كَمَرْ دُوڟٜىٰنَّنْ بٜىٰرِلْ مَيْ دَرَجَ؞ دُكَنْ ڧَڢَاڢُنَّنْ حُطُ كُمَ إِرِ طَيَ نٜىٰ؞ كُواْوَثٜىٰ ڧَڢَا تَيِ كَمَرْ وَتَ ڧَڢَا تَنَ جُويَاوَا عَثِكِنْ ڧَڢَا؞

¹⁷ سَعَدَّ ذَاسُيِ غَبَ، أَدُكْ غٜىٰڢٜىٰ طَيَ عَثِكِنْ حُطُ دَ سُكَ نُڢَ، ذَاسُيِ تَڢِيَ تَرٜىٰ كُمَ بَاتَرٜىٰدَ جُويَا جِكِنْسُبَ؞

¹⁸ غَا يَدَّ غِدَنْ ڧَڢَاڢُنْسُ سُكٜىٰ؞ غِدَنْ ڧَڢَاڢُنْ سُنَدَ ڟَيِ سُنَ كُمَ دَ بَنْ ڟُواْرُواْ، غَمَا دُكَنْ غِدَنْ ڧَڢَاڢُ حُطُنَّنْ أَݣَويْ إِدَانُو كٜىٰوَيٜىٰ دَسُو دُكَ؞

¹⁹ دُكْ سَعَدَّ حَلِتُّنَّنْ مَاسُ رَيْ سُكَ مُواْڟَ، سَيْ ڧَڢَاڢُ كَمَرْ نَكٜىٰكٜىٰ وَطَنْدَ سُكٜىٰ غٜىٰڢٜىٰنْ كُواْوَنٜىٰ طَيَنْسُ، سُو مَا سُكَنْ مُواْڟَ تَرٜىٰدَسُو؞ سَعَدَّ كُمَ حَلِتُّنَّنْ سُكَتَاشِ سَمَ، سَيْ ڧَڢَاڢُنَّنْ مَا سُتَاشِ سَمَ تَرٜىٰدَسُو؞

²⁰ دُكْ عِنْدَ رُوحٌ يَمُواْڟَسُ، حَلِتُّنَّنْ سُكَنْبِے، ڧَڢَاڢُنَّنْ سُو مَا سُكَنْ تَڢِے تَرٜىٰدَسُو؞ غَمَا رُوحٌ حَلِتُّنْ يَنَ ثِكِنْ ڧَڢَاڢُنْ؞

²¹ دُكْ سَعَدَّ حَلِتُّنْ سُكَ مُواْڟَ، ڧَڢَاڢُنْ مَا سُكَنْ مُواْڟَ؞ دُكْ سَعَدَّ حَلِتُّنْ سُكَ ڟَيَ، ڧَڢَاڢُنْ مَا سُكَنْ ڟَيَ؞ دُكْ سَعَدَّ حَلِتُّنْ سُكَتَاشِ سَمَ، ڧَڢَاڢُنْ مَا سُكَنْ تَاشِ سَمَ تَرٜىٰدَسُو؞ غَمَا رُوحٌ حَلِتُّنْ يَنَ ثِكِنْ ڧَڢَاڢُنْ؞

²² أَ شِمْڢِطٜىٰ أَ سَمَ دَ كَنْ حَلِتُّنْ أَݣَويْ وَنِ أَبُ مَيْ كَمَنِّنْ مُرْڢِ وَنْدَ يَكٜىٰ ڨَلِّ كَمَرْ مَدُوبِے، أَبِنْ ڟُواْرُواْ نٜىٰ؞

²³ عَڧَرْڧَشِنْ مُرْڢِنَّنْ، ڢِكَڢِكَنْ حَلِتُّنْ سُنَ أَ مِيڧٜىٰ، كُواْوَنٜىٰ ڢِكَڢِكِنْ يَنَ تَٻَ ڢِكَڢِكِ نَحَلِتَّرْ دَتَكٜىٰ أَغٜىٰڢٜىٰنْتَ؞ سَوْرَنْ ڢِكَڢِكَيْ بِيُ كُوَ، كُواْوَثٜىٰ حَلِتَّ تَرُڢٜىٰ جِكِنْتَ دَسُو؞

²⁴ دُكْ سَعَدَّ حَلِتُّنْ سُكٜىٰ تَڢِيَ، سَيْ نَجِ ڧَارَرْ ڢِكَڢِكَنْسُ كَمَرْ رُورِنْ رَاڧُمَنْ ضُوَ، كَمَرْ مُرْيَرْ ڟَاوَ تَ مَيْ إِيكُواْ دُكَ، كَمَرْ ڧَارَرْ هَيَانِيَرْ ضُنْدُنَارْ سُواْجَ؞ سَعَدَّ حَلِتُّنْ سُكَ ڟَيَ، سَيْ سُسَوْكَرْ دَ ڢِكَڢِكَنْسُ؞

²⁵ سَيْ عَكَجِ وَتَ مُرْيَ تَڢِتُواْ دَغَ بِسَنْ مُرْڢِنْ دَيَكٜىٰ سَمَ دَ كَنْ حَلِتُّنْ؞ سَعَدَّ سُكَ ڟَيَ، سَيْ سُسَوْكَرْ دَ ڢِكَڢِكَنْسُ؞

²⁶ عَبِسَنْ مُرْڢِنْ دَيَكٜىٰ سَمَ دَ كَنْ حَلِتُّنْ، أَݣَويْ وَنِ أَبُ كَمَرْ كُجٜىٰرَرْ مُلْكِ، وَدَّ عَكَيِ دَ دُوڟٜىٰنَّنْ سَڢَّيَ مَيْ دَرَجَ؞ عَثَنْ بِسَ أَݣَويْ وَنِ مَيْ كَمَنِّنْ مُتُمْ يَنَ ظَوْنٜىٰ عَكَنْ أَبِنْدَ يَكٜىٰ كَمَرْ كُجٜىٰرَرْ مُلْكٍ؞

²⁷ دَغَ ݣُونْݣُوسُوانْسَ ذُوَا سَمَ نَغَ يَنَ ڨَلِّ كَمَرْ تَغُلَّرْ دَ عَكَغُواْغٜىٰ، وَنِ أَبُ كَمَرْ وُتَا يَنَ كٜىٰوَيٜىٰ دَشِ؞ دَغَ ݣُونْݣُوسُوانْسَ ذُوَا ڧَسَا كُمَ نَغَ وَنِ أَبُ كَمَ دَ وُتَا يَنَ وَلْڧِيَ كٜىٰوَيٜىٰ دَشِ؞

²⁸ كَمَرْ يَدَّ عَكٜىٰغَنِنْ بَكَنْ غِذُواْ تَنَ حَصْكَكَاوَا عَثِكِنْ غِرْغِجٜىٰ أَ رَانَرْ دَ عَكَيِ ضُوً سَمَ، حَكَنَنْ عَكَ غَ حَصْكٜىٰنْدَ يَكٜىٰوَيٜىٰشِ؞ وَنَّنْ شِينٜىٰ بَيَّنَرْ كَمَنِّنْ طَوْكَكَرْ يَهْوٜىٰهْ؞ سَعَدَّ نَغَنِ، نَڢَاطِ دَ ڢُسْكَتَ حَرْ ڧَسَا، سَيْ نَجِ مُرْيَرْ وَنِ تَنَ مَغَنَ؞