ڢِتُواْوَ 9 - أَتَّوْرَتْ دَ أَنَّبَاوَا

بَلَعِ نَبِيَرْ:‏ مُتُوَرْ دَبُّواْبِے

¹ سَيْ يَهْوٜىٰهْ يَڢَطَا وَ مُوسَٰى يَتَڢِے وُرِنْ ڢِرْعَوْنَ يَثٜىٰ مَسَ ‏«‏إِنْجِ يَهْوٜىٰهْ اللَّهْ نَ إِبْرَانِيَاوَا، ‏‹‏كَبَرْ جَمَعَتَ سُتَڢِے سُيِ مِنِ سُجَّدَ؞

² عِدَنْ ڢَا كَاڧِ كَبَرْسُ سُتَڢِے، وَتُواْ كَثِيغَبَدَ رِڧُوانْسُ،

³ حَنُّنْ يَهْوٜىٰهْ ذَيْبُغٜىٰكُ دَ بَلَعِ نَمُتُوَ يَهَلَّكَ دَبُّواْبِنْ ڢِيلَيٜىٰنْ ڧَسَا، وَتُواْ دَوَكِ دَ جَاكُنَ دَ رَاڧُمَ دَ شَانُو دَ تُمَكِ دَ أَوَكِ؞

⁴ عَمَّا نِے يَهْوٜىٰهْ ذَنْسَا إِيَاكَ ڟَكَانِنْ دَبُّواْبِے نَ إِسْرَٰٓءِيلَاوَا دَ مَصَرَاوَا، يَدَّ بَ كُواْ دَبَّ طَيَ نَمُتَنٜىٰنْ إِسْرَٰٓءِيلَ وَنْدَ ذَيْمُتُ؞

⁵ نِے يَهْوٜىٰهْ نَارِغَا نَا شِرْيَ لُواْكَثِنْ دَ وَنَّنْ ذَيْڢَرُ؞ غُواْبٜىٰ نٜىٰ ذَنْيِ وَنَّنْ أَبُ عَثِكِنْ ڧَسَرْ؞›‏ »‏

⁶ وَشٜىٰغَرِ يَهْوٜىٰهْ يَيِ أَبِنْدَ يَڢَطَا؞ دُكَنْ دَبُّواْبِنْ مَصَرَاوَا سُكَ مُتُ، عَمَّا بَ كُواْ طَيَ دَغَ ثِكِنْ دَبُّواْبِنْ إِسْرَٰٓءِيلَاوَا وَنْدَ يَمُتُ؞

⁷ سَيْ ڢِرْعَوْنَ يَعَيْكَ عَكَ تَبَّتَرْ ثٜىٰوَ بَ كُواْ دَبَّ طَيَ نَ إِسْرَٰٓءِيلَاوَا دَ يَمُتُ؞ عَمَّا ذُوثِيَارْ ڢِرْعَوْنَ تَتَوْرَرٜىٰ، بَيْبَرْ جَمَعَرْ سُتَڢِبَ؞

بَلَعِ نَشِدَ:‏ مَرُورَيْ

⁸ سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ ‏«‏كُطٜىٰبِے تُواْكَ ثِكٜىٰ دَ تَڢِنْ حَنُّوَنْكُ دَغَ مَڧٜىٰرَ، سَيْ مُوسَٰى يَوَاڟَرْدَ تُواْكَرْ أَسَرَرِنْ سَمَ أَعِدُوانْ ڢِرْعَوْنَ؞

⁹ تُواْكَرْ كُوَ ذَاتَبَظُو كَمَرْ ڧُورَا عَبِسَ دُكَنْ ڧَسَرْ مَصَرْ، ذَاتَ كُمَسَا مَرُورَيْ سُڢِڢِّتُواْ عَكَنْ مُتَنٜىٰ دَ دَبُّواْبِے دُكَ؞»‏

¹⁰ سَيْ سُكَ طٜىٰبِے تُواْكَ دَغَ مَڧٜىٰرَ سُكَ تَڢِے وُرِنْ ڢِرْعَوْنَ؞ أَغَبَنْ ڢِرْعَوْنَ، سَيْ مُوسَٰى يَوَاڟَرْدَ تُواْكَرْ أَسَرَرِنْ سَمَ؞ تُواْكَرْ كُوَ تَسَا مَرُورَيْ سُكَ ڢِڢِّتُواْ عَكَنْ مُتَنٜىٰ دَ دَبُّواْبِے؞

¹¹ حَرْ مَا مَاسُ دَبُواْ بَسُ عِيَ ڟَيَاوَا أَغَبَنْ مُوسَٰى بَ، سَبُواْدَ سُو مَا سُنْكَمُ دَ مَرُورَنْ كَمَرْ سَوْرَنْ مَصَرَاوَا؞

¹² عَمَّا يَهْوٜىٰهْ يَا تَوْرَرَ ذُوثِيَارْ ڢِرْعَوْنَ، يَا كُمَڧِ كَسَ كُنّٜىٰ غَرٜىٰسُ، كَمَرْ يَدَّ يَهْوٜىٰهْ يَڢَطَا وَ مُوسَٰى؞

بَلَعِ نَبَݣَويْ:‏ ڧَنْڧَرَ

¹³ سَيْ يَهْوٜىٰهْ يَڢَطَا وَ مُوسَٰى يَتَاشِ دَ سَسَّڢٜىٰ يَسَامِ ڢِرْعَوْنَ يَثٜىٰ مَسَ ‏«‏إِنْجِ يَهْوٜىٰهْ اللَّهْ نَ إِبْرَانِيَاوَا، ‏‹‏كَبَرْ جَمَعَتَ سُتَڢِے دُواْمِنْ سُيِ مِنِ سُجَّدَ؞

¹⁴ أَوَنَّنْ لُواْكَثِ، ذَنْعَيْكَ دَ بَلَعِ مَڢِے ڟَنَنِ عَكَنْكَ دَ دَتَّاوَنْكَ دَ دُكَنْ مُتَنٜىٰنْكَ، دُواْمِنْ لَلَّيْ كُوَ ذَاكَ سَنِ ثٜىٰوَ بَابُوَنِ مَيْكَمَ دَنِے عَثِكِنْ دُكَنْ دُونِيَا؞

¹⁵ غَمَا دَاعَثٜىٰ تُنْتُنِ نَمِيڧَ هَنُّونَ نَبُغٜىٰكَ دَ مُتَنٜىٰنْكَ دَ بَلَعِ دَ أَنْرِغَا أَنْكَوَرْ دَكَيْ دَغَ ڢُسْكَرْ دُونِيَا؞

¹⁶ عَمَّا نِے دَيْ نَبَرْكَ كَرَايُ حَرْ وَرْهَكَ دُواْمِنْ وَنَّنْ دَلِيلِ، وَتُواْ دُواْمِنْ إِنْ نُونَ مَكَ إِيكُواْنَ، إِنْكُمَ سَنَرْدَ سُونَنَ عَثِكِنْ دُونِيَا دُكَ؞

¹⁷ حَرْ يَنْذُ كَنَ تَطَوْكَكَ كَنْكَ عَكَنْ جَمَعَتَ، كُمَ كَڧِ كَبَرْسُ سُتَڢِے؞

¹⁸ غُواْبٜىٰ وَرْهَكَ، ذَنْسَا عَيِ ڧَنْڧَرَ مَيْ ڟَنَنِنْ غَسْكٜىٰ وَدَّ مَصَرْ بَتَ تَٻَ غَنِنْ إِرِنْتَبَ تُنْدَغَ تَارِيحِنْ كَڢَاوَرْتَ حَرْ ذُوَا يَنْذُ؞

¹⁹ يَنْذُ ڢَا، سَيْ كَبَادَ عُمَرْنِ عَكَٰوُاْ شَانُنْكَ عَثِكِنْ رُمْڢَ تَرٜىٰدَ كُواْوَنٜىٰ أَبِنْدَ يَكٜىٰ نَاكَ وَنْدَ يَكٜىٰ أَوَجٜىٰ؞ غَمَا كُواْوَنٜىٰ مُتُمْ كُواْ دَبَّرْ دَتَكٜىٰ وَجٜىٰ، إِنْ ڧَنْڧَرَ تَڢَاطُواْ، ذَاتَ كَشٜىٰشِ غَبَاطَيَ؞›‏ »‏

²⁰ كُواْوَنٜىٰ دَتِّجُوانْ ڢِرْعَوْنَ وَنْدَ يَجِڟُواْرُوانْ مَغَنَرْ يَهْوٜىٰهْ، يَا سَا بَايِنْسَ دَ شَانُنْسَ سُغُدُ ذُوَا ثِكِنْ رُمْڢَ؞

²¹ عَمَّا دُكْ وَنْدَ بَيْكُلَ دَ مَغَنَرْ يَهْوٜىٰهْ بَ، يَبَرْ بَايِنْسَ دَ شَانُنْسَ أَوَجٜىٰ؞

²² سَيْ يَهْوٜىٰهْ يَڢَطَا وَ مُوسَٰى ثٜىٰوَ يَمِيڧَ حَنُّنْسَ سَمَ دُواْمِنْ ڧَنْڧَرَ تَڢَاطُواْ كُواْعِنَ عَڧَسَرْ مَصَرْ، عَكَنْ مُتَنٜىٰ دَ دَبُّواْبِے دَ كُمَ كَنْ ڟِرٜىٰ ڟِرٜىٰ نَڢِيلَيٜىٰنْ ڧَسَرْ مَصَرْ؞

²³ سَيْ مُوسَٰى يَمِيڧَ سَنْدَنْ كِيوُانْسَ سَمَ؞ يَهْوٜىٰهْ كُوَ يَا عَيْكَ دَ ڟَاوَ دَ ڧَنْڧَرَ، وَلْڧِيَرْ وُتَا كُمَ تَسَوْكُواْ حَرْ ڧَسَا؞ يَهْوٜىٰهْ يَا ظُبُواْ ڧَنْڧَرَ عَكَنْ دُكَنْ ڧَسَرْ مَصَرْ؞

²⁴ عَكَيِ تَيِنْ ڧَنْڧَرَ، وَلْڧِيَرْ وُتَا كُمَ تَايِ تَيِ عَثِكِنْ ڧَنْڧَرَرْ؞ عَكَيِ ڧَنْڧَرَ مَيْ ڟَنَنِنْ غَسْكٜىٰ إِرِنْ وَدَّ بَعَتَٻَيِبَ ثِكِنْ دُكَنْ ڧَسَرْ مَصَرْ تُنْ لُواْكَثِنْ دَ تَذَمَ أَلْعُمَّ؞

²⁵ ڧَنْڧَرَرْ تَهَلَّكَرْ دَ كُواْوَنٜىٰ أَبِنْدَ يَكٜىٰ أَوَجٜىٰ كُواْعِنَ عَڧَسَرْ مَصَرْ، مُتَنٜىٰ دَ دَبُّواْبِے، تَلَلَتَرْ دَ ڟِرٜىٰ ڟِرٜىٰ نَڢِيلَيٜىٰ، حَرْ تَكَكَّرْيَ دُكَنْ عِتَتُوَ؞

²⁶ عَيَنْكِنْ غُواْشٜىٰنْ نٜىٰ كَطَيْ عِنْدَ إِسْرَٰٓءِيلَاوَا سُكٜىٰ دَ ذَمَ، بَعَيِ ڧَنْڧَرَبَ؞

²⁷ سَيْ ڢِرْعَوْنَ يَعَيْكَ عَكِرَا مَسَ مُوسَٰى دَ هَٰرُونَ يَثٜىٰ مُسُ ‏«‏أَوَنَّنْ لُواْكَثِ كَمْ نَيِ ذُنُوبِ؞ يَهْوٜىٰهْ يَنَدَ أَدَلْثِے؞ نِے دَ جَمَعَتَ مُكٜىٰ دَ مُغُنْتَا؞

²⁸ ضُواْڧِ يَهْوٜىٰهْ!‏ وَنَّنْ ڟَاوَ دَ ڧَنْڧَرَ سُنْ إِشٜىٰمُ!‏ يَنْذُ كَمْ، ذَنْبَرْكُ كُتَڢِے؞»‏

²⁹ مُوسَٰى يَا أَمْسَ يَثٜىٰ ‏«‏دَظَرَرْ نَڢِتَ دَغَ ثِكِنْ بِرْنِنْ، ذَنْ مِيڧَ حَنُّوَنَ غَ يَهْوٜىٰهْ ثِكِنْ أَدُّعَ؞ ڟَاوَرْ ذَاتَدَيْنَ، بَذَاعَ ڧَارَيِنْ ڧَنْڧَرَ كُمَ بَ دُواْمِنْ كَسَنِ ثٜىٰوَ دُونِيَا تَ يَهْوٜىٰهْ ثٜىٰ؞

³⁰ عَمَّا كَيْ دَ دَتَّاوَنْكَ، نَسَنِ حَرْ يَنْذُ بَكُجِڟُواْرُوانْ يَهْوٜىٰهْ اللَّهْ بَتُكُنَ؞»‏

³¹ ڟِرُواْ نَڢِلَكسْ دَ نَهَڟِنْ بَلٜىٰ كُوَ سُكَ لَلَثٜىٰ، غَمَا حَڟِنْ بَلٜىٰ يَا رِغَا يَا نُونَ، كُمَ ڟِرُواْ نَڢِلَكسْ يَا رِغَا يَايِ ڢُلَوَ؞

³² عَمَّا أَلْكَمَ دَ أَلْكَمَرْ دَاجِ بَسُ لَلَثٜىٰبَ، غَمَا سُكَنْيِ غِرْمَ دَ لَتِّ؞

³³ سَيْ مُوسَٰى يَڢِتَ دَغَ وُرِنْ ڢِرْعَوْنَ، يَكُمَ ڢِتَ دَغَ بِرْنِنْ؞ دَ يَمِيڧَ حَنُّوَنْسَ غَ يَهْوٜىٰهْ، سَيْ ڟَاوَرْ دَ ڧَنْڧَرَرْ سُكَ ڟَيَ ثِكْ، بَعَيِ ضُوً سَمَ بَكُمَ؞

³⁴ سَعَدَّ ڢِرْعَوْنَ يَغَ أَنْطَوْكٜىٰ ضُوً سَمَ دَ ڧَنْڧَرَ دَ ڟَاوَ، سَيْ يَسَاكٜىٰيِنْ ذُنُوبِ يَتَوْرَرَ ذُوثِيَارْسَ دَشِ دَدَتَّوَنْسَ؞

³⁵ ذُوثِيَارْ ڢِرْعَوْنَ تَتَوْرَرٜىٰ، بَيْبَرْ إِسْرَٰٓءِيلَاوَا سُتَڢِبَ، كَمَرْ يَدَّ يَهْوٜىٰهْ يَا رِغَا يَا ڢَطَا تَبَاكِنْ مُوسَٰى؞