ڢِتُواْوَ 7 - أَتَّوْرَتْ دَ أَنَّبَاوَا

¹ يَهْوٜىٰهْ يَثٜىٰ وَ مُوسَٰى ‏«‏غَاشِ، ذَنْسَا كَذَمَ كَمَرْ اللَّهْ غَ ڢِرْعَوْنَ؞ طَنْعُوَنْكَ هَٰرُونَ كُوَ ذَيْ يِمَغَنَ أَمَدَدِنْكَ كَمَرْ أَنَّبِنْكَ؞

² دُكَنْ أَبِنْدَ نَعُمَرْثٜىٰكَ سَيْ كَڢَطَا وَطَنْعُوَنْكَ هَٰرُونَ، شِيكُوَ ذَيْ ڢَطَا وَ ڢِرْعَوْنَ يَبَرْ جَمَعَرْ إِسْرَٰٓءِيلَ سُڢِتَ دَغَ ڧَسَرْسَ؞

³ عَمَّا ذَنْ تَوْرَرَ ذُوثِيَارْ ڢِرْعَوْنَ؞ كُواْدَيَكٜىٰ نَڧَارَ عَيْكَتَ عَلَمُ نَكُمَ نُونَ أَيُّكَنْ بَنْ مَامَاكِ عَثِكِنْ ڧَسَرْ مَصَرْ،

⁴ ڢِرْعَوْنَ بَذَيْ كَسَ كُنّٜىٰ غَرٜىٰكُبَ؞ سَعَنً ذَنْ مِيڧَ هَنُّونَ عَكَنْ مَصَرْ دَ أَيُّكَنْ حُكُنْثِ مَاسُ ڟَنَنِ؞ بَايَنْ حَكَ ذَنْ ڢِتَرْدَ جَمَعَتَ مُتَنٜىٰنْ إِسْرَٰٓءِيلَ ڧُنْ‌غِيَ ڧُنْ‌غِيَ دَغَ ڧَسَرْ مَصَرْ؞

⁵ مَصَرَاوَا كُوَ ذَاسُ سَنِ ثٜىٰوَ نِنٜىٰ يَهْوٜىٰهْ، سَعَدَّ نَمِيڧَ هَنُّونَ نَيِنْ غَابَادَ مَصَرْ دُواْمِنْ إِنْ ڢِتَرْدَ جَمَعَرْ إِسْرَٰٓءِيلَ دَغَ ثِكِنْسُ؞»‏

⁶ مُوسَٰى دَ هَٰرُونَ سُكَيِ أَبِنْدَ يَهْوٜىٰهْ يَعُمَرْثٜىٰسُ؞

⁷ مُوسَٰى يَنَدَ شٜىٰكَرَا تَمَٰنِنْ، هَٰرُونَ كُمَ يَنَدَ شٜىٰكَرَا تَمَٰنِنْ دَ عُكُ، سَعَدَّ سُكَيِ ڢَرْكُوانْ مَغَنَرْسُ دَ ڢِرْعَوْنَ؞

عَلَمَرْ سَنْدَنْ هَٰرُونَ

⁸ سَيْ يَهْوٜىٰهْ يَثٜىٰ وَ مُوسَٰى دَ هَٰرُونَ،

⁹ ‏«‏عِدَنْ ڢِرْعَوْنَ يَاثٜىٰمُكُ، ‏‹‏نُونَ مِنِ إِيكُوانْكُ تَوُرِنْيِنْ عَيْكِنْ بَنْ مَامَاكِ،›‏ سَيْ كَڢَطَا وَ هَٰرُونَ يَطَوْكِ سَنْدَنْسَ، يَجٜىٰڢَشِ ڧَسَا أَغَبَنْ ڢِرْعَوْنَ؞ سَنْدَنْ كُوَ ذَيْ ذَمَ مَثِيجِ؞»‏

¹⁰ سَيْ مُوسَٰى دَ هَٰرُونَ سُكَ تَڢِے وُرِنْ ڢِرْعَوْنَ، سُكَيِ أَبِنْدَ يَهْوٜىٰهْ يَعُمَرْثٜىٰسُ؞ هَٰرُونَ يَجٜىٰڢَ سَنْدَنْسَ أَغَبَنْ ڢِرْعَوْنَ دَ دَتَّاوَنْسَ، سَنْدَنْ كُوَ يَذَمَ مَثِيجِ؞

¹¹ سَيْ ڢِرْعَوْنَ يَكِرَا مُتَنٜىٰ مَاسُ حِكِمَ دَ مَاسُ سِحِرِ دَ مَاسُ دَبُواْ نَڧَسَرْ مَصَرْ، سُو مَا سُكَيِ حَكَ تَهَنْيَرْسُ تَأَسِيرِ؞

¹² كُواْوَنّٜىٰنْسُ يَجٜىٰڢَ سَنْدَنْسَ ڧَسَا، سَيْ دُكَنْ سَنْدُنَنْسُ سُكَ ذَمَ مَثِيظَيْ؞ عَمَّا نَ هَٰرُونَ يَا حَطِيٜىٰ نَاسُ؞

¹³ دُكْدَهَكَ ذُوثِيَارْ ڢِرْعَوْنَ تَتَوْرَرٜىٰ، بَيْ كُوَ كَسَ كُنّٜىٰ غَرٜىٰسُبَ، كَمَرْ يَدَّ يَهْوٜىٰهْ يَا رِغَا يَايِ مَغَنَ؞

بَلَعِ نَڢَرْكُواْ:‏ ضُوَ يَا ذَمَ جِنِ

¹⁴ سَيْ يَهْوٜىٰهْ يَثٜىٰ وَ مُوسَٰى ‏«‏ذُوثِيَارْ ڢِرْعَوْنَ تَا تَوْرَرٜىٰ، غَاشِ، يَاڧِ يَبَرْ جَمَعَرْ سُتَڢِے؞

¹⁵ سَيْ كَتَڢِے وُرِنْ ڢِرْعَوْنَ دَ سَڢٜىٰ دَيْدَيْ لُواْكَثِنْ دَ يَڢِتُواْ دُواْمِنْ يَتَڢِے كُواْغِنْ نِلُ؞ كَجِرَشِ عَبَاكِنْ كُواْغِنْ؞ كَطَوْكِ سَنْدَنَّنْ وَنْدَ يَذَمَ مَثِيجِ؞

¹⁶ سَيْ كَڢَطَا وَ ڢِرْعَوْنَ ثٜىٰوَ نِے يَهْوٜىٰهْ اللَّهْ نَ إِبْرَانِيَاوَا يَعَيْكٜىٰكَ وُرِنْسَ يَثٜىٰ، ‏‹‏كَبَرْ جَمَعَتَ سُتَڢِے، دُواْمِنْ سُيِ مِنِ سُجَّدَ أَدَاجِ؞ عَمَّا غَاشِ حَرْ يَنْذُ بَكَ كَسَ كُنّٜىٰبَ؞›‏

¹⁷ إِنْجِ يَهْوٜىٰهْ، ‏‹‏تَوُرِنْ أَبُبُوَنْ دَ ذَنْيِ ذَاكَسَنِ ثٜىٰوَ نِنٜىٰ يَهْوٜىٰهْ؞ غَاشِ، ذَنْ بُغِ ضُوً نِلُ دَ سَنْدَنَّنْ دَيَكٜىٰ أَ هَنُّونَ، ضُوً كُوَ ذَيْ ذَمَ جِنِ؞

¹⁸ كِڢَيٜىٰنْ كُواْغِنْ ذَاسُمُتُ، كُمَ كُواْغِنْ ذَيْ يِوَرِ سُواْسَيْ، يَدَّ مَصَرَاوَا بَذَاسُ عِيَشَنْ ضُوً بَ؞›‏ »‏

¹⁹ سَيْ يَهْوٜىٰهْ يَثٜىٰ وَ مُوسَٰى ‏«‏ڢَطَا وَ هَٰرُونَ يَطَوْكِ سَنْدَنْسَ يَمِيڧَشِ عَبِسَ ضُوَيٜىٰنْ مَصَرْ، وَتُواْ عَبِسَ كُواْغُنَ دَ هَنْيُواْيِنْ ضُوَ دَ تَڢْكُنَ دَ دُكَنْ مَٻُٻُّغَرْ ضُوَ، دُواْمِنْ ضُوً يَذَمَ جِنِ عَكُواْعِنَ عَثِكِنْ ڧَسَرْ مَصَرْ، حَرْ مَا دَ ضُوً دَ عَكَيِ أَجِيَرْسَ عَثِكِنْ غُواْرَ دَ ضَنْدَا؞»‏

²⁰ مُوسَٰى دَ هَٰرُونَ كُوَ سُكَيِ دَيْدَيْ كَمَرْ يَدَّ يَهْوٜىٰهْ يَعُمَرْثٜىٰسُ؞ أَغَبَنْ ڢِرْعَوْنَ دَ دَتَّاوَنْسَ هَٰرُونَ يَمِيڧَ سَنْدَنْسَ يَبُغِ ضُوً كُواْغِنْ نِلُ، سَيْ دُكَنْ ضُوً كُواْغِنْ يَذَمَ جِنِ؞

²¹ كِڢَيٜىٰنْ دَسُكٜىٰ ثِكِنْ كُواْغِنْ سُكَ مُتُ؞ كُواْغِنْ نِلُ كُوَ يَيِ وَرِ ڨُورَيْ حَرْ مَصَرَاوَا بَسُ عِيَ شَنْ ضُوَنْسَبَ؞ كُواْعِنَ عَثِكِنْ ڧَسَرْ مَصَرْ ضُوَ يَا ذَمَ جِنِ؞

²² عَمَّا مَاسُ دَبُواْ نَڧَسَرْ مَصَرْ سُو مَا سُكَيِ حَكَ تَهَنْيَرْسُ تَأَسِيرِ؞ سَيْ ذُوثِيَارْ ڢِرْعَوْنَ تَثِيغَبَدَ تَوْرَرٜىٰوَ، بَيْ كُوَ كَسَ كُنّٜىٰ غَ مُوسَٰى دَ هَٰرُونَ بَ، كَمَرْ يَدَّ يَهْوٜىٰهْ يَا رِغَا يَايِ مَغَنَ؞

²³ ڢِرْعَوْنَ كُوَ يَجُويَ يَكُواْمَ ثِكِنْ غِدَنْسَ نَسَرْكِے، بَيْمَا دَامُ دَ أَبِنْدَ يَكٜىٰ ڢَرُوَبَ؞

²⁴ دُكَنْ مَصَرَاوَا كُوَ سُكَ تُواْتُّواْنَ رَامُكَ عَبَاكِنْ كُواْغِنْ نِلُ دُواْمِنْ نٜىٰمَنْ ضُوً شَا، غَمَا بَسُ عِيَشَنْ ضُوً كُواْغِنْ بَ؞

²⁵ عَكَ ثِكَ ݣُونَكِے بَݣَويْ بَايَنْدَ يَهْوٜىٰهْ يَبُغِ كُواْغِنْ يَذَمَ جِنِ؞