ڢِتُواْوَ 5 - أَتَّوْرَتْ دَ أَنَّبَاوَامُوسَٰى دَ هَٰرُونَ سُنْ ڢُسْكَنْثِ ڢِرْعَوْنَ 1 دَغَ نَنْ سَيْ مُوسَٰى دَ هَٰرُونَ سُكَ تَڢِے وُرِنْ سَرْكِے ڢِرْعَوْنَ؞ سُكَثٜىٰ مَسَ «إِنْجِ يَهْوٜىٰهْ اللَّهْ نَ إِسْرَٰٓءِيلَ، ‹كَبَرْ جَمَعَتَ سُتَڢِے، دُواْمِنْ سُيِ مِنِ بِكٍ سُجَّدَ عَثِكِنْ دَاجِ؞› » 2 ڢِرْعَوْنَ يَثٜىٰ «وَنٜىٰنٜىٰ وَنَّنْ يَهْوٜىٰهْ دَ ذَنْيِ مَسَ بِيَيَّ حَرْ إِنْبَرْ جَمَعَرْ إِسْرَٰٓءِيلَ سُتَڢِے؟ أَيْ! نِے بَنْ سَنْ وَنَّنْ يَهْوٜىٰهْ بَ، بَذَنْ بَرْ جَمَعَرْ إِسْرَٰٓءِيلَ سُتَڢِبَ؞» 3 سَيْ مُوسَٰى دَ هَٰرُونَ سُكَ أَمْسَ سُكَثٜىٰ «اللَّهْ نَ إِبْرَانِيَاوَا يَا بَيَّنَ كَنْسَ أَغَرٜىٰمُ؞ مُنَ ضُواْڧُوانْكَ كَبَرْمُ مُيِ تَڢِيَ تَݣُونَ عُكُ ذُوَا ثِكِنْ دَاجِ دُواْمِنْ مُمِيڧَ هَدَايُ غَ يَهْوٜىٰهْ اللَّهْ نْمُ؞ غَمَا إِنْ بَمُ تَڢِے بَ، ذَيْ هَلَكَامُ دَ بَلَعِ كُواْ تَكُواْبِے؞» 4 عَمَّا سَرْكِنْ مَصَرْ يَثٜىٰ وَ مُوسَٰى دَ هَٰرُونَ «دُوانْمٜىٰ كُكٜىٰ حَنَ مُتَنٜىٰ يِنْ عَيْكِنْسُ؟ كُكُواْمَ وُرِنْ عَيْكِنْكُ!» 5 سَيْ ڢِرْعَوْنَ يَثِيغَبَدَ يِنْ مَغَنَ ثٜىٰوَ «غَاشِ، يَنْذُ جَمَعَرْ إِسْرَٰٓءِيلَ سُنْيِيَوَ، يَنْذُ كُمَ كُنَ سُواْ كُهَنَاسُ يِنْعَيْكِنْسُ!» 6 أَوَنَّنْ رَانَ ڢَا ڢِرْعَوْنَ يَا بَادَ وَنَّنْ عُمَرْنِ غَ مَصَرَاوَا وَطَنْدَ سُكٜىٰ شُوغَبَنِّنْ عَيْكِنْ دُواْلٜىٰ دَ كُمَ غَ إِسْرَٰٓءِيلَاوَا وَطَنْدَ سُكٜىٰ لُورَ دَ عَيْكِ يَاثٜىٰ، 7 «بَذَاكُ ڧَارَ تَنَدَ وَمُتَنٜىٰنَّنْ ثِيَوَ تَيِنْ بُلُواكْ كَمَرْ دَا بَ؞ كُسَاسُ سُتَڢِے سُنٜىٰمِ ثِيَوَ دَ كَنْسُ؞ 8 دُكْدَهَكَ، كُبُڧَثٜىٰسُ سُيِيَوَنْ بُلُواكْ دَيْدَيْ يَدَّ سُكَيِ دَ ڢَرْكُواْ، كَدَ كُضَغٜىٰ مُسُ كُواْ غُدَا؞ أَيْ یَنْ ڧِوِيَنٜىٰ سُو! شِے يَسَا سُكٜىٰيِنْ كُوكَا سُنَ ثٜىٰوَ ‹عَبَرْمُ مُتَڢِے مُمِيڧَوَ اللَّهْ نْمُ هَدَايَ أَدَاجِ؞› 9 سَيْ عَڧَارَ وَمُتَنٜىٰنَّنْ نَوْيِنْ عَيْكِ سُثِيغَبَدَ ڢَامَ، دُواْمِنْ كَدَ سُسَامِ ظَرَڢِنْ كَسَ كُنّٜىٰ غَ مَغَنْغَنُنْ ڧَضْيَا؞» أَنْ ڧَارَ وَ إِسْرَٰٓءِيلَاوَا نَوْيِنْ عَيْكِ 10 سَيْ شُوغَبَنِّنْ عَيْكِنْ دُواْلٜىٰ دَ مَاسُ لُورَ دَ عَيْكِ سُكَ تَڢِے سُكَ سَنَرْدَ إِسْرَٰٓءِيلَاوَا ثٜىٰوَ «سَرْكِے ڢِرْعَوْنَ يَثٜىٰ بَذَيْ سَاكٜىٰ تَنَدَ مُكُ ثِيَوَ بَكُمَ؞ 11 سَيْ كُتَڢِے كُنٜىٰمِ ثِيَوَرْكُ دَ كَنْكُ دَغَ دُكْ عِنْدَ ذَاكُ عِيَ سَامُواْوَ؞ عَمَّا ڢَا بَذَاعَ ضَغٜىٰ مُكُ كُواْ غُدَا طَيَ دَغَ ثِكِنْ يَوَنْ بُلُواكْ دَ دَا كُكٜىٰيِبَ؞» 12 سَيْ مُتَنٜىٰنْ سُكَ وَرْوَڟُ كُواْعِنَ عَڧَسَرْ مَصَرْ دُواْمِنْ تَتَّارَ ثِيَوَرْ يِنْ بُلُواكْ؞ 13 شُوغَبَنِّنْ عَيْكِنْ دُواْلٜىٰ سُنْيِ تَمَاڟَ مُسُ ثٜىٰوَ سُيِيَوَنْ بُلُواكْ نَكُواْوَثٜىٰ رَانَ، كَمَرْ يَدَّ دَا سُكَنْيِ أَ لُواْكَثِنْ دَ عَكٜىٰ تَنَدَ مُسُ ثِيَوَ؞ 14 عَكَ بُلَلِ إِسْرَٰٓءِيلَاوَا مَاسُ لُورَ دَ عَيْكِ، وَطَنْدَ شُوغَبَنِّنْ عَيْكِنْ دُواْلٜىٰ سُكَسَا عَبِسَنْسُ، سُكَثٜىٰ مُسُ «مٜىٰيَسَا جِيَ دَ يَوْ بَكُ ثِكَ يَوَنْ بُلُواكْ دَ دَا كُكَنْيِبَ؟» كُوكَنْ إِسْرَٰٓءِيلَاوَا مَاسُ لُورَ دَ عَيْكِ 15 سَيْ إِسْرَٰٓءِيلَاوَا مَاسُ لُورَ دَ عَيْكِ سُكَ كَيْ كُوكَنْسُ وُرِنْ ڢِرْعَوْنَ سُكَثٜىٰ «رَنْكَيَدَطٜىٰ! مٜىٰيَسَا كَيِ وَبَايِنْكَ حَكَ؟ 16 غَاشِ، بَعَبَامُ ثِيَوَبَ، عَمَّا أَنَ ڢَطَا مَنَ مُيِ بُلُواكْ يَدَّ دَا مُكٜىٰيِ؞ دُوبَ يَدَّ عَكَيِ مَنَ دُوكَ عَكَنْ أَبِنْدَ بَ لَيْڢِنْمُبَ! لَيْڢِنْ مُتَنٜىٰنْكَنٜىٰ، وَتُواْ شُوغَبَنِّنْ عَيْكِنْ دُواْلٜىٰ؞» 17 ڢِرْعَوْنَ كُوَ يَأَمْسَ مُسُ يَثٜىٰ «كُو یَنْ ڧِوِيَنٜىٰ! لَلَّيْ كُو یَنْ ڧِوِيَنٜىٰ! شِے يَسَا كُنَ تَثٜىٰوَ عَبَرْكُ كُتَڢِے كُيِ وَ يَهْوٜىٰهْ هَدَايَ؞ 18 كُكُواْمَ وُرِنْ عَيْكِنْكُ! عِ، بَابُ ثِيَوَرْ دَ ذَاعَ بَاكُ طِنْ، عَمَّا دُواْلٜىٰنٜىٰ كُيِيَوَنْ بُلُواكْ دَ دَا كُكَنْيِ؞» 19 إِسْرَٰٓءِيلَاوَا مَاسُ لُورَ دَ عَيْكِ سُنْ غَانٜىٰ ثٜىٰوَ لَلَّيْ سُنْ شِغَ عُكُ، سَعَدَّ عَكَثٜىٰ مُسُ «بَذَاكُ ضَغٜىٰ كُواْ دَ غُدَا طَيَ دَغَ ثِكِنْ يَوَنْ بُلُواكْ نَكُواْوَثٜىٰ رَانَ دَ دَا كُكَنْيِبَ؞» 20 سَعَدَّ سُكَ ڢِتَ دَغَ غَبَنْ ڢِرْعَوْنَ، سَيْ سُكَ سَدُ دَ مُوسَٰى دَ هَٰرُونَ وَطَنْدَ سُكٜىٰ جِضَانْسُ؞ 21 سَيْ سُكَثٜىٰ وَ مُوسَٰى دَ هَٰرُونَ «بَرِ يَهْوٜىٰهْ يَغَ أَبِنْدَ كُكَيِ، يَحُكُنْتَكُ! كُنْ سَا مَنَ بَڧِنْ جِنِ أَوُرِنْ ڢِرْعَوْنَ دَ دَتَّاوَنْسَ؞ أَبِنْ دَ كُكَيِ يَنَ كَمَرْ كُنْ طَوْكِ تَكُواْبِنٜىٰ كُنْسَا أَ حَنُّنْسُ دُواْمِنْ سُكَشٜىٰمُ؞» مُوسَٰى يَا كَيْ دَامُوَرْ غَ يَهْوٜىٰهْ 22 سَيْ مُوسَٰى يَكُواْمَ وُرِنْ يَهْوٜىٰهْ يَثٜىٰ «يَا عُبَنْغِجِ، مٜىٰيَسَا كَجَٰوُاْوَ مُتَنٜىٰنْكَ وُلَڧَنْثِ؟ مٜىٰيَسَا كَاعَيْكٜىٰنِ نَنْ؟ 23 غَمَا تُنْدَ نَتَڢِے وُرِنْ ڢِرْعَوْنَ نَيِ مَغَنَ دَ سُونَنْكَ، يَڧَارَيِ وَمُتَنٜىٰنْكَ وُلَڧَنْثِ؞ كَيْ كُمَ بَكَيِ وَنِ أَبُ دُواْمِنْ كَكُٻُتَرْ دَ جَمَعَرْكَبَ!» |
Hausa Common Language Ajami Bible © The Bible Society of Nigeria, 2020
Bible Society of Nigeria