ڢِتُواْوَ 39 - أَتَّوْرَتْ دَ أَنَّبَاوَايِنْ رِيغُنَنْ بَبَّنْ ڢِرِسْتِ 1 دَغَ ظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَ، عَكَيِ رِيغُنَ مَاسُ أَدُوانْ سَاڧَ نَهَنُّ دُواْمِنْ يِنْ حِدِمَ أَ وُرِے مَيْ ڟَرْكِے؞ عَكَيِ رِيغُنَ مَاسُ ڟَرْكِے دُواْمِنْ هَٰرُونَ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ يِنْ عٜىٰڢُوادْ ﴿ ڢِتْ 28.6-8 ﴾ 2 عَكَ طِنْكَ عٜىٰڢُوادْ دَ ظَرٜىٰنْ سَاڧَ نَظِينَارِيَ دَ نَمَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ نَلِيلِنْ مَيْݣَوْ؞ 3 عَكَ بُبُّغَ ظِينَارِيَ تَذَمَ ڢَلّٜىٰ، عَكَ يَيَّنْكَ تَذَمَ ظَرٜىٰ دُواْمِنْ عَيِ أَدُوانْ سَاڧَ تَرٜىٰدَ ظَرٜىٰنَّنْ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ كُمَ ظَرٜىٰنْ لِيلِنْ مَيْݣَوْ، عَيْكِنْ ڠُونِ؞ 4 عَكَيِ وَ عٜىٰڢُوادْ أَبِنْ رَاتَيَ تَكُواْوَثٜىٰ كَڢَطَ، وَطَنْدَ عَكَ حَطَسُ أَغٜىٰڢٜىٰنْ عٜىٰڢُوادْ نَسَمَ دُواْمِنْ أَ عِيَ طَوْرَ شِ؞ 5 أَبِنْ طَمَرَ مَيْ أَدُوانْ ڠُونِنْ طِنْكِ، عَكَيِشِ دَ إِرِنْ طِنْكِ نَ عٜىٰڢُوادْ دَ ظَرٜىٰنْ سَاڧَ إِرِنْ نَ عٜىٰڢُوادْ، وَتُواْ ظَرٜىٰنْ سَاڧَ نَظِينَارِيَ دَ نَمَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ كُمَ ظَرٜىٰنْ لِيلِنْ مَيْݣَوْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ 6 عَكَ طَوْكِ دُوَڟُو مَاسُ دَرَجَ بِيُ نَ عُواْنِسْ، عَكَ ذَانَ سُونَيٜىٰنْ یَیَنْ إِسْرَٰٓءِيلَ عَكَنْسُ، كَمَرْ يَدَّ مَيْ سَسَّڧَ دُوَڟُو مَاسُ دَرَجَ يَكَنْ ذَانَ هَاتِمِ عَكَنْسُ؞ عَكَ كُمَ سَاسُ عَثِكِنْ ڧَرَمِنْ ڢِرَمْ نَظِينَارِيَ؞ 7 عَكَ مَنَّ دُووَڟُنْ عَكَنْ أَبِنْ رَاتَيَ عٜىٰڢُوادْ عَكَڢَطَ، دُواْمِنْ سُذَمَ دُووَڟُنْ تُنَاوَا دَ یَیَنْ إِسْرَٰٓءِيلَ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ يِنْ أَلْجِهُنْ ڧِرْجِ نَ عٜىٰڢُوادْ ﴿ ڢِتْ 28.15-30 ﴾ 8 عَكَيِ ڨَلّٜىٰنْ أَلْجِهُنْ ڧِرْجِ نَ عٜىٰڢُوادْ؞ عَكَيِشِ دَ ظَرٜىٰ إِرِنْ نَ عٜىٰڢُوادْ، وَتُواْ ظَرٜىٰنْ سَاڧَ نَظِينَارِيَ دَ نَمَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ ظَرٜىٰنْ لِيلِنْ مَيْݣَوْ، عَيْكِنْ ڠُونِ؞ 9 ڨَلّٜىٰنْ دَ عَكَ سَاڧَ، كُواْوَنٜىٰ غٜىٰڢٜىٰنْسَ يَكَسَنْثٜىٰ دَيْدَيْ دَ سَوْرَنْ، وَتُواْ إِنْثِ تَرَ، كُمَ عَكَ نَطَشِ بِيُ دُواْمِنْ يَذَمَ أَلْجِهُنْ ڧِرْجِ نَ عٜىٰڢُوادْ؞ 10 عَكَ جٜىٰرَ لَيِ حُطُ نَدُوَڟُو مَاسُ دَرَجَ عَكَنْتَ؞ غَا يَدَّ عَكَ مَنَّ دُووَڟُنْ، أَ لَيِ نَڢَرْكُواْ، كَرْنٜىٰلِيَنْ دَ تُواْڢَسْ دَ ظُمُرُّدُ، 11 أَ لَيِ نَبِيُ، كِرِسُواْلَتْ دَ سَڢَّيَ دَ دَيْمُوانْ، 12 أَ لَيِ نَعُكُ، يَسِنْ دَ أَغَتْ دَ أَمٜىٰتِسْ، 13 أَ لَيِ نَهُطُ، بٜىٰرِلْ دَ عُواْنِسْ دَ يَسْڢَ؞ كُواْوَنٜىٰ دُوڟٜىٰ عَكَسَا شِ ثِكِنْ ڧَرَمِنْ ڢِرَمْ نَظِينَارِيَ؞ 14 عَكَنْ دُووَڟُنَّنْ غُواْمَشَا بِيُ، عَكَ ذَانَ سُونَيٜىٰنْ یَیَنْ إِسْرَٰٓءِيلَ بِسَغَ ذُرِيَرْسُ غُواْمَشَا بِيُ؞ عَكَ ذَانَ سُونَيٜىٰنْسُ عَكَنْ دُووَڟُنْ كَمَرْ هَاتِمِ؞ 15 عَكَيِ إِغِيُواْيِنْ سَرْڧَ نَظِينَارِيَ ظَلَّ دُواْمِنْ رَاتَيَ أَلْجِهُنْ ڧِرْجِ نَ عٜىٰڢُوادْ؞ 16 عَكَيِ ڢِرَمْ غُدَا بِيُ نَظِينَارِيَ دَ كُمَ ذُواْبٜىٰ غُدَا بِيُ نَظِينَارِيَ، وَطَنْدَ عَكَسَا عَكْوَانَ بِيُ نَسَمَ نَأَلْجِهُنْ ڧِرْجِ نَ عٜىٰڢُوادْ؞ 17 عَكَسَا إِغِيُواْيِنْ سَرْڧَ بِيُ نَظِينَارِيَ ثِكِنْ ذُواْبَّنْدَ سُكٜىٰ عَݣُونَرْ نَنْ بِيُ نَسَمَ نَأَلْجِهُنْ ڧِرْجِ نَ عٜىٰڢُوادْ؞ 18 بَاكِ بِيُ نَ إِغِيُواْيِنْ سَرْڧَ بِيُنَّنْ، عَكَ حَطَ عَكَنْ ڢِرَمْ بِيُ نَظِينَارِيَ دُواْمِنْ أَطَوْرَسُ غَ أَبُبُوَنْ رَاتَيَ بِيُ نَغَبَنْ أَلْجِهُنْ ڧِرْجِ نَ عٜىٰڢُوادْ؞ 19 عَكَ ڧَارَ يِنْ وَطَنْسُ ذُواْبٜىٰ بِيُ نَظِينَارِيَ، وَطَنْدَ عَكَسَا عَكْوَانَ بِيُ تَڧَسَا عَبَايَنْ أَلْجِهُنْ ڧِرْجِنْ؞ 20 عَكَ ڧَارَيِنْ وَطَنْسُ ذُواْبٜىٰ بِيُ نَظِينَارِيَ، عَكَسَا طَيَ عَكَنْ كُواْوَنٜىٰ أَبِنْ رَاتَيَ أَلْجِهُنْ عَتَغَبَ دَيْدَيْ عِنْدَ مَهَطِنْ طَمَرَ مَيْ أَدُواْ يَكٜىٰ؞ 21 عَكَ طَوْرَ أَلْجِهُنْ ڧِرْجِ نَ عٜىٰڢُوادْ تَوُرِنْ طَوْرَ ذُواْبٜىٰنْسَ دَ إِغِيَرْ ضُوً بُلَ غَ ذُواْبٜىٰنْ عٜىٰڢُوادْ، دُواْمِنْ أَ مَنّٜىٰ غَ طَمَرَ مَيْ أَدُواْ، كُمَ يَكَامَ جِكِے دَݣَوْ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ يِنْ سَوْرَنْ رِيغُنَنْ ڢِرِسْتُواْثِے ﴿ ڢِتْ 28.31-43 ﴾ 22 عَكَ سَاڧَ دُواْغُوَرْ رِغَا مَيْ كَلَرْ ضُوً بُلَ؞ عَكَسَا عٜىٰڢُوادْ عَبِسَ وَنَّنْ رِغَا؞ 23 عَكَيِ وُيَنْ رِغَرْ نَسَاوَ، عَكَ كُمَ سَاڧَ وُيَنْ رِغَرْ يَيِ كَوْرِ دُواْمِنْ كَدَ يَيَاغٜىٰ؞ 24 عَبَاكِنْ رِغَرْ تَڧَسَا، عَكَيِ أَدُوانْ صِڢُّواْڢِنْ یَیَنْ رُمَّنْ نَظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَا دَ ظَرٜىٰنْ لِيلِنْ مَيْݣَوْ؞ عَكَ كُمَ طَوْرَ ڧأَنَانً ڧَرَرَّوَ نَظِينَارِيَ أَڟَكَانِنْسُ حَرْ عَكٜىٰوَيٜىٰ بَاكِنْ رِغَرْ؞ 25 عَكَيِ ڧَرَرَّوَ دَ ظِينَارِيَ ظَلَّ؞ عَكَ جٜىٰرَسُ بِيدَبِے، وَتُواْ بَايَنْ ڧُنْشِنْ أَدُوانْ یَیَنْ رُمَّنْ طَيَ، عَكَ طَوْرَ یَرْ ڧَرَرَّوَ طَيَ؞ حَكَ عَكَيِ تَبِے حَرْ عَكَ كٜىٰوَيٜىٰ رِغَرْ دَسُو؞ 26 عَكَ جٜىٰرَسُ بِيدَبِے، وَتُواْ بَايَنْ ڧُنْشِنْ أَدُوانْ یَیَنْ رُمَّنْ طَيَ، عَكَ طَوْرَ یَرْ ڧَرَرَّوَ طَيَ؞ حَكَ عَكَيِ تَبِے حَرْ عَكَ كٜىٰوَيٜىٰ رِغَرْ حِدِمَ دَسُو، بِسَغَ يَدَّ يَهْوٜىٰهْ يَعُمَرْثِ مُوسَٰى؞ 27 عَكَ سَاڧَ غَجٜىٰرِيَرْ رِغَا مَيْ أَدُوانْ سَاڧَ نَهَنُّ دَ ظَرٜىٰنْ لِيلِنْ مَيْݣَوْ دُواْمِنْ هَٰرُونَ دَ یَیَنْسَ مَظَا؞ 28 عَكَ كُمَيِ هُولَرْ ڢِرِسْتِ دَ ظَرٜىٰنْ لِيلِنْ مَيْݣَوْ دَ ڧأَنَانً هُولُنَ دَ ظَرٜىٰنْ لِيلِنْ مَيْݣَوْ دَ كُمَ غَجٜىٰرُنْ وَنْدُنَ دَ ظَرٜىٰنْ لِيلِنْ مَيْݣَوْ؞ 29 عَكَيِ أَبِنْ طَمَرَ مَيْ أَدُوانْ سَاڧَ نَهَنُّ دَ ظَرٜىٰنْ لِيلِنْ مَيْݣَوْ دَ ظَرٜىٰنْ سَاڧَ مَيْ كَلَرْ ضُوً بُلَ دَ مَيْ كَلَرْ جَرْ غَرُورَا دَ مَيْ كَلَرْ جَ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ 30 عَكَيِ طَنْ ڧَرَمِنْ أَلُّواْ دَ ظِينَارِيَ ظَلَّ، وَنْدَ عَكَ مَنّٜىٰ أَ هُولَ مَيْ ڟَرْكِے نَڢِرِسْتِ، عَكَ ذَانَ رُبُوتُو إِرِنَّهَاتِمِ عَكَنْسَ حَكَ، «أَنْ كٜىٰٻٜىٰ دَ ڟَرْكِے غَ يَهْوٜىٰهْ؞» 31 عَكَسَا وَطَنْ ڧَرَمِنْ أَلُّواْ إِغِيَرْ دَ عَكَيِ دَ ظَرٜىٰ مَيْ كَلَرْ ضُوً بُلَ، دُواْمِنْ أَ عِيَ طَوْرَ شِ عَكَنْ هُولَرْ ڢِرِسْتِ، بِسَغَ يَدَّ يَهْوٜىٰهْ يَعُمَرْثِ مُوسَٰى؞ غَمَاوَرْ عَيْكِنْ ﴿ ڢِتْ 35.10-19 ﴾ 32 تَهَكَ عَكَ غَمَ دُكَنْ عَيْكِنْ تٜىٰنْتِنْ كَسَنْثٜىٰوَرْ يَهْوٜىٰهْ؞ جَمَعَرْ إِسْرَٰٓءِيلَ سُكَيِ كُواْمٜىٰ بِسَغَ يَدَّ يَهْوٜىٰهْ يَعُمَرْثِ مُوسَٰى؞ 33 سَيْ سُكَ كَٰوُاْوَ مُوسَٰى تٜىٰنْتِنْ كَسَنْثٜىٰوَرْ يَهْوٜىٰهْ دَ بَبَّنْ تٜىٰنْتِنْسَ دَ دُكَنْ كَايَنْ عَيْكِنْسَ دَ ڧُوغِيُواْيِنْسَ دَ ڢِرَمْ نَاسَ دَ سَنْدُنَنْسَ دَ غِنْشِڧَنْسَ دَ غِنْدِنْ ذَمَنْسَ، 34 دَ أَبِنْ رُڢٜىٰ تٜىٰنْتِنَّنْ دَ ڢَتُنْ رَغُنَنْ دَ عَكَيِسُ دَ جَرْ كَلَ دَ أَبِنْ رُڢٜىٰوَ نَوَجٜىٰ دَ عَكَيِ دَ ڢَتُ مَاسُ ݣَوْ دَ بَبَّنْ لَبُلٜىٰنْ وُرِے مَڢِے ڟَرْكِے، 35 دَ عَݣُوتِنْ شَيْدَرْ يَرْجٜىٰجٜىٰنِيَ دَ سَنْدُنَنْسَ دَ مُرْڢِنْسَ، وَتُواْ وُرِنْ طَوْكَرْ أَلْحَكِنْ ذُنُوبِ، 36 دَ تٜىٰبُرْ دَ كَايَيَّكِنْسَ دُكَ دَ كُمَ غُرَاسَرْ دَ عَكَ كٜىٰٻٜىٰ، 37 دَ سَنْدَنْ ظِينَارِيَ ظَلَّ مَيْ رِڧٜىٰ ڢِتِلُ دَ ڢِتِلُنْسَ عَكَيْ دَ دُكَنْ كَايَنْ عَيْكِنْسَ دَ مَنْ ظَيْتُنْ دُواْمِنْ ڢِتِلُ، 38 دَ بَغَدٜىٰنْ ظِينَارِيَ دُواْمِنْ ڧُواْنَ تُرَارٜىٰ دَ مَنْ كٜىٰٻٜىٰوَ دَ تُرَارٜىٰ مَيْ ڧَنْشِ دَ لَبُلٜىٰ نَڧُواْڢَرْ شِغَ تٜىٰنْتِ، 39 دَ بَغَدٜىٰنْ دَ عَكَيِ دَ تَغُلَّ، تَرٜىٰدَ رَاغَرْسَ نَتَغُلَّ دَ سَنْدُنَنْسَ دَ دُكَنْ كَايَنْ عَيْكِنْسَ دَ ڧَتُوانْ ݣُونُواْ دَ غِنْدِنْ ذَمَنْسَ، 40 دَ لَبُلٜىٰنْ ڢِيلِنْ تٜىٰنْتِنْ دَ غِنْشِڧَنْسَ دَ غِنْدِنْ ذَمَنْسُ دَ لَبُلٜىٰنْ ڧُواْڢَرْ شِغَ ڢِيلِنْ بَبَّنْ تٜىٰنْتِنْ دَ إِغِيُواْيِنْسَ دَ ڧُسُواْشِنْ كَڢَاوَرْسَ دَ دُكَنْ كَايَنْ عَيْكِ نَحِدِمَ عَثِكِنْ تٜىٰنْتِ، تٜىٰنْتِنْ سَدُوَ دَ يَهْوٜىٰهْ، 41 دَ رِيغُنَ مَاسُ أَدُوانْ سَاڧَ نَهَنُّ دُواْمِنْ حِدِمَ ثِكِنْ وُرِے مَيْ ڟَرْكِے دَ رِيغُنَ مَاسُ ڟَرْكِے نَ هَٰرُونَ ڢِرِسْتِ دَ رِيغُنَ نَیَیَنْسَ مَظَا دُواْمِنْ حِدِمَرْسُ تَڢِرِسْتُواْثِے؞ 42 تَهَكَ جَمَعَرْ إِسْرَٰٓءِيلَ سُكَ غَمَ دُكَنْ عَيْكِنْ تٜىٰنْتِنْ كَسَنْثٜىٰوَرْ يَهْوٜىٰهْ دَيْدَيْ بِسَغَ يَدَّ يَهْوٜىٰهْ يَعُمَرْثِ مُوسَٰى؞ 43 سَعَدَّ مُوسَٰى يَدُوبِے دُكَنْ عَيْكِنْ، يَغَ ثٜىٰوَ لَلَّيْ سُنْيِ كُواْمٜىٰ دَيْدَيْ بِسَغَ يَدَّ يَهْوٜىٰهْ يَعُمَرْتَ، سَيْ مُوسَٰى يَسَا مُسُ أَلْبَرْكَ؞ |
Hausa Common Language Ajami Bible © The Bible Society of Nigeria, 2020
Bible Society of Nigeria