ڢِتُواْوَ 24 - أَتَّوْرَتْ دَ أَنَّبَاوَا

تَبَّتَرْ دَ يَرْجٜىٰجٜىٰنِيَ

¹ سَيْ يَهْوٜىٰهْ يَثٜىٰ وَ مُوسَٰى ‏«‏كَهَوْرُواْ وُرِينَ دَكَيْ دَ هَٰرُونَ دَ نَدَبْ دَ أَبِهُ، تَرٜىٰدَ دَتَّاوَنْ إِسْرَٰٓءِيلَ غُدَا سَبَعِنْ؞ تُنْ كُنَ نٜىٰسَ، سَيْ كُرُسُنَ كُيِ مِنِ سُجَّدَ؞

² مُوسَٰى، كَيْ كَطَيْ نٜىٰ ذَاكَيِ كُسَدَنِے يَهْوٜىٰهْ؞ سَوْرَنْ كُوَ بَذَاسُذُواْ كُسَبَ؞ كُواْ كَطَنْ كَدَ جَمَعَ سُهَوْرُواْ كَنْ بَبَّنْ تُدُنْ؞»‏

³ مُوسَٰى كُوَ يَسَوْكُواْ يَڢَطَا وَجَمَعَ دُكَنْ كَلْمُواْمِنْ دَ عُمَرْنَنْ يَهْوٜىٰهْ؞ سَيْ دُكَنْ جَمَعَرْ سُكَ أَمْسَ دَ مُرْيَ طَيَ سُكَثٜىٰ ‏«‏دُكَنْ أَبُبُوَنْ دَ يَهْوٜىٰهْ يَڢَطَا، ذَامُيِ؞»‏

⁴ مُوسَٰى كُوَ يَرُبُوتَ دُكَنْ أَبُبُوَنْ دَ يَهْوٜىٰهْ يَڢَطَا؞ وَشٜىٰغَرِ دَ سَسَّڢٜىٰ مُوسَٰى يَغِنَ بَغَدٜىٰ أَغِنْدِنْ بَبَّنْ تُدُنْ؞ يَكُمَ كَڢَ دُووَڟُنْ تُنَاوَا غُدَا غُواْمَشَا بِيُ، طَيَ دُواْمِنْ كُواْوَثٜىٰ ذُرِيَرْ إِسْرَٰٓءِيلَ؞

⁵ سَعَنً يَسَا وَطَنْسُ سَمَارِنْ إِسْرَٰٓءِيلَ سُمِيڧَ بِجِمَيْ دُواْمِنْ هَدَايَ تَڧُواْنَاوَا دَ كُمَ هَدَايَ تَڠَرَنْ زُمُنْثِ غَ يَهْوٜىٰهْ؞

⁶ مُوسَٰى كُوَ يَطٜىٰبِے رَبِنْ جِنِنْ وَطَنَّنْ دَبُّواْبِے، يَظُبَ ثِكِنْ ݣُونُواْنِ، يَيَيَّڢَا سَوْرَنْ رَبِنْ عَكَنْ بَغَدٜىٰ؞

⁷ سَيْ يَطَوْكِ لِتَّڢِنْ يَرْجٜىٰجٜىٰنِيَ يَكُمَ كَرَنْتَ وَمُتَنٜىٰنْ؞ دُكَنْسُ كُوَ سُكَ أَمْسَ سُكَثٜىٰ ‏«‏دُكَنْ أَبُبُوَنْ دَ يَهْوٜىٰهْ يَڢَطَا، ذَامُيِ؞»‏

⁸ سَعَنً مُوسَٰى يَطَوْكِ جِنِنْ يَيَيَّڢَا وَمُتَنٜىٰنْ يَثٜىٰ ‏«‏وَنَّنْ شِينٜىٰ جِنِنْدَ يَتَبَّتَرْ دَ يَرْجٜىٰجٜىٰنِيَرْ دَ يَهْوٜىٰهْ يَيِ دَكُو، بِسَغَ دُكَنْ وَطَنَّنْ أَبُبُوَنْ دَ يَهْوٜىٰهْ يَڢَطَا؞»‏

⁹ سَيْ مُوسَٰى دَ هَٰرُونَ دَ نَدَبْ دَ أَبِهُ دَ كُمَ دَتَّاوَنْ إِسْرَٰٓءِيلَ غُدَا سَبَعِنْ سُكَ هَوْرَ كَنْ بَبَّنْ تُدُنْ؞

¹⁰ عَثَنْ نٜىٰ سُكَغَ اللَّهْ نَ إِسْرَٰٓءِيلَ؞ عَڧَرْڧَشِنْ تَڢِنْ ڧَڢَاڢُنْسَ أَݣَويْ دَٻٜىٰنْ دُووَڟُنْ دَرَجَ نَسَڢَّيَ، مَيْ ڨَلِّ كَمَرْ مَدُوبِے أَ رَانَ؞

¹¹ حَنُّنْ اللَّهْ كُوَ بَيْتَٻَ دَتَّاوَنْ جَمَعَرْ إِسْرَٰٓءِيلَ بَ؞ سُكَغَ اللَّهْ سُكَثِ سُكَشَا أَغَبَنْسَ؞

مُوسَٰى عَكَنْ بَبَّنْ تُدُنْ سِنَيْ

¹² يَهْوٜىٰهْ يَثٜىٰ وَ مُوسَٰى ‏«‏كَڧَارَ هَوْرُواْ وُرِينَ عَكَنْ بَبَّنْ تُدُنْ، كَجِرَنِ؞ ذَنْ بَاكَ أَلُّنَنْ دُوڟٜىٰنْ دَسُكٜىٰ دَ كُواْيَرْوَا دَ دُواْكُواْكِنْدَ نَرُبُوتَ دُواْمِنْ عَكُواْيَرْ دَ مُتَنٜىٰ؞»‏

¹³ مُوسَٰى يَيِ شِرِ دَ مَتَيْمَكِنْسَ يُواْشُوَ، سَيْ يَتَاشِ يَهَوْ كَنْ بَبَّنْ تُدُنْ اللَّهْ؞

¹⁴ مُوسَٰى كُوَ يَثٜىٰ وَسَوْرَنْ دَتَّاوَنْ ‏«‏كُجِرَمُ أَنَنْ حَرْ سَيْ مُنْ دَاوُاْ وُرِنْكُ؞ عِدَنْ وَنِ يَنَدَ وَتَ دَامُوَ لُواْكَثِنْ دَ بَامُ أَنَنْ، سَيْ يَسَامِ هَٰرُونَ دَ هُرْ، وَطَنْدَ سُكٜىٰ تَرٜىٰدَكُو؞»‏

¹⁵ مُوسَٰى يَهَوْرَ بَبَّنْ تُدُنْ، سَيْ غِرْغِجٜىٰنْ يَرُڢٜىٰ كَنْ بَبَّنْ تُدُنْ؞

¹⁶ حَصْكٜىٰنْ طَوْكَكَرْ يَهْوٜىٰهْ كُوَ يَذَوْنَ عَكَنْ بَبَّنْ تُدُنْ سِنَيْ؞ غِرْغِجٜىٰنْ كُوَ يَرُڢٜىٰ بَبَّنْ تُدُنْ حَرْ ݣُونَكِے شِدَ؞ أَ رَانَ تَبَݣَويْ، سَيْ يَهْوٜىٰهْ يَكِرَا مُوسَٰى دَغَ ثِكِنْ غِرْغِجٜىٰنْ؞

¹⁷ حَصْكٜىٰنْ طَوْكَكَرْ يَهْوٜىٰهْ يَبَيَّنَ عَكَنْ بَبَّنْ تُدُنْ؞ مُتَنٜىٰنْ إِسْرَٰٓءِيلَ سُكَ غَنْشِ كَمَرْ وَتَ بَبَّرْ وُتَا مَيْ ثِنْيٜىٰوَ عَكَنْ تُدُنْ؞

¹⁸ سَيْ مُوسَٰى يَشِغَ ثِكِنْ غِرْغِجٜىٰنْ يَايِنْ دَيَكٜىٰ هَوْرَاوَا كَنْ بَبَّنْ تُدُنْ؞ مُوسَٰى كُوَ يَذَوْنَ عَكَنْ تُدُنْ يِنِ أَرْبَعِنْ دَ دَرٜىٰ أَرْبَعِنْ؞