ڢِتُواْوَ 20 - أَتَّوْرَتْ دَ أَنَّبَاوَادُواْكُواْكِ غُواْمَ ﴿ مَيْ شَـ 5.1-21 ﴾ 1 أَنَانً سَيْ اللَّهْ يَڢَطِ دُكَنْ وَطَنَّنْ كَلْمُواْمِ يَثٜىٰ، 2 «نِنٜىٰ يَهْوٜىٰهْ اللَّهْ نْكُ، وَنْدَ يَڢِتَرْ دَكُو دَغَ ڧَسَرْ مَصَرْ دَغَ غِدَنْ بَوْتَا؞ 3 «بَذَاكَيِ سُجَّدَ غَ وَطَنْسُ أَلُّواْلِبَ سَيْنِے كَطَيْ؞ 4 «بَذَاكَ سَسَّڧَ وَكَنْكَ وَنِ غُنْكِ، كُواْ مَيْ كَمَ دَ وَتَ حَلِتَّرْ وَنِ أَبُ عَثَنْ سَمَ كُواْ أَنَنْ دُونِيَا، كُواْ كُمَ أَبِنْدَ يَكٜىٰ ثِكِنْ ضُوَ عَڧَرْڧَشِنْ دُونِيَا بَ؞ 5 بَذَاكَ رُسُنَ مُسُبَ، كُواْ كَيِمُسُ سُجَّدَ، غَمَا نِے يَهْوٜىٰهْ اللَّهْ نْكَ، اللَّهْ نٜىٰ مَيْ بُڧَاتَرْ ثِكَكِّيَرْ ڧَوْنَرْكَ، مَيْ حُكُنْتَ یَیَ سَبُواْدَ ذُنُبَنْ إِيَايٜىٰنْسُ حَرْ ذُوَا ڟَارَا تَ عُكُ دَ تَهُطُ تَوَطَنْدَ سُكَڧِينِ؞ 6 عَمَّا نِے مَيْ نُونَ ڧَوْنَ مَرَرْ ثَنْجَاوَا نٜىٰ غَ یَیَ حَرْ ذُوَا ڟَارَا تَدُبُو تَوَطَنْدَ سُكٜىٰ ڧَوْنَتَ سُنَ كُمَ كِيَايٜىٰ دُواْكُواْكِنَ؞ 7 «بَذَاكَيِ أَمْڢَانِ دَ سُونَنْ يَهْوٜىٰهْ اللَّهْ نْكَ عَبَنْظَ بَ، غَمَا نِے يَهْوٜىٰهْ بَذَنْ كَاسَ حُكُنْتَ وَنْدَ يَيِ أَمْڢَانِ دَ سُونَنَ عَبَنْظَبَ؞ 8 «كَتُنَ دَ رَانَرْ هُوتُ تَمَكُواْ دُواْمِنْ كَكِيَايٜىٰتَ دَ ڟَرْكِے؞ 9 ݣُونَكِے شِدَ ذَاكَيِ عَيْكِنْكَ، كَغَمَ دُكَنْ أَيُّكَنْكَ نَيَوْ دَ كُلُّمْ؞ 10 عَمَّا رَانَ تَبَݣَويْ، رَانَرْ هُوتُ تَمَكُواْ ثٜىٰ دَ عَكَ كٜىٰٻٜىٰ غَ يَهْوٜىٰهْ اللَّهْ نْكَ؞ أَوَنَّنْ رَانَ بَذَاكَيِ كُواْوَنٜىٰ إِرِنْ عَيْكِبَ؞ وَنَّنْ يَشَاڢٜىٰكَ دَ یَیَنْكَ مَظَا دَ مَاتَادَ بَايِنْكَ مَظَا دَ مَاتَادَ دَبُّواْبِنْكَ دَ دُكَنْ بَڧُوانْ دَيَكٜىٰ ذَمَ تَرٜىٰدَكَيْ؞ 11 غَمَا عَثِكِنْ ݣُونَكِے شِدَ نٜىٰ يَهْوٜىٰهْ يَيِ سَمَ دَ دُونِيَا دَ تٜىٰكُ دَ دُكَنْ أَبُبُوَنْ دَسُكٜىٰ عَثِكِنْسُ؞ عَمَّا يَهُوتَ أَ رَانَ تَبَݣَويْ؞ سَبُواْدَ حَكَ يَهْوٜىٰهْ يَ أَلْبَرْكَثِ رَانَرْ هُوتُ تَمَكُواْ يَكُمَ كٜىٰٻٜىٰتَ دَ ڟَرْكِے؞ 12 «كَغِرْمَمَ بَابَنْكَ دَ مَامَرْكَ، دُواْمِنْ كَيِ ڟَوُانْ رَيْ عَثِكِنْ ڧَسَرْدَ يَهْوٜىٰهْ اللَّهْ نْكَ يَكٜىٰ بَاكَ؞ 13 «بَذَاكَيِ كِسَنْ كَيْبَ؞ 14 «بَذَاكَيِ ظِنَبَ؞ 15 «بَذَاكَيِ سَاتَا بَ؞ 16 «بَذَاكَيِ شَيْدَرْ ڧَضْيَا عَكَنْ مَڨُوبْثِنْكَبَ؞ 17 «بَذَاكَيِ ݣُوطَيِنْ غِدَنْ مَڨُوبْثِنْكَبَ؞ بَذَاكَيِ ݣُوطَيِنْ مَاتَرْ مَڨُوبْثِنْكَ، كُواْ بَايِنْسَ مَظَا دَ مَاتَا، كُواْ شَانُنْسَ، كُواْ جَاكِنْسَ، كُواْ وَنِ أَبِنْدَ مَڨُوبْثِنْكَ يَكٜىٰ دَشِيبَ؞» ڟُواْرُواْ يَا كَامَ جَمَعَ ﴿ مَيْ شَـ 5.22-23 ﴾ 18 سَعَدَّ دُكَنْ جَمَعَ سُكَجِ ڟَاوَ دَ ڧَارَرْ ڧَهُواْ، سُكَ كُمَ غَا وَلْڧِيَ دَ هَيَاڧِنْ دَيَكٜىٰ تَتَاشِ دَغَ كَنْ تُدُنْ، سَيْ ڟُواْرُواْ يَكَامَسُ، سُكَ كُمَ ڟَيَ دَنِيسَ سُنَ ضَوَرْ جِكِے؞ 19 سَيْسُكَثٜىٰ وَ مُوسَٰى «بَرِ كَيْ كَڢَطَا مَنَ أَبِنْدَ اللَّهْ يَڢَطَا، ذَامُ سَوْرَرٜىٰكَ؞ عَمَّا كَدَ اللَّهْ يَيِ مَغَنَ دَمُو، دُواْمِنْ إِنْ يَيِ ذَامُ مُتُ؞» 20 مُوسَٰى كُوَ يَثٜىٰ وَجَمَعَ «كَدَ كُجِڟُواْرُواْ، غَمَا اللَّهْ يَذُواْ نٜىٰ دُواْمِنْ يَڠُودَ أَمِنْثِنْكُ، يَكُمَسَا كُكَسَنْثٜىٰ دَ ڟُواْرُوانْسَ دُواْمِنْ كَدَ كُيِ ذُنُوبِ؞» 21 جَمَعَرْ سُكَ ڟَيَ دَنِيسَ، سَعَدَّ مُوسَٰى يَڧَارَ مَڟَاوَا كُسَدَ غِرْغِجٜىٰ مَيْ دُهُ عِنْدَ اللَّهْ يَكٜىٰ؞ دُواْكُواْكِ غَمٜىٰدَ بَغَدَيْ 22 سَيْ يَهْوٜىٰهْ يَثٜىٰ وَ مُوسَٰى «غَا أَبِنْدَ ذَاكَ ڢَطَا وَجَمَعَرْ إِسْرَٰٓءِيلَ، ‹كُو دَكَنْكُ كُنْ غَ ثٜىٰوَ نَيِ مَغَنَ دَكُو دَغَ سَمَ؞ 23 بَذَاكُيِ وَكَنْكُ أَلُّواْلِ نَأَظُرْڢَا كُواْ نَظِينَارِيَ دُواْمِنْ عَيِ مُسُ سُجَّدَ حَطٜىٰ دَنِے بَ؞ 24 بَغَدٜىٰنْ دَ ذَاكُيِ مِنِ، ذَاعَيِ شِ دَ ڧَسَا كَوَيْ؞ عَكَنْسَ ذَاكُ مِيڧَ مِنِ تُمَكِنْكُ دَ أَوَكِنْكُ دَ شَانُنْكُ دُواْمِنْ هَدَايُنْكُ نَڧُواْنَاوَا دَ نَڠَرَنْ زُمُنْثِ؞ عَكُواْوَنٜىٰ وُرِنْدَ نَسَا عَتُنَ دَ سُونَنَ، ذَنْذُواْ وُرِنْكُ إِنْسَا مُكُ أَلْبَرْكَ؞ 25 عِدَنْ ذَاكُغِنَ مِنِ بَغَدٜىٰ دَ دُوَڟُو، سَيْ كُيِ أَمْڢَانِ دَ دُووَڟُنْ دَ بَعَسَسَّڧَبَ؞ غَمَا عِدَنْ كُنْ سَسَّڧَشِ دَ طَنْ ڧَرْڢٜىٰنْ سَسَّڧَ، كُنْ ڧَظَنْتَرْ دَشِ كٜىٰنَنْ؞ 26 بَذَاكُ غِنَا مِنِ بَغَدٜىٰ مَيْ مَتَاكَلَ بَ، دُواْمِنْ كَدَ كُنُونَ ڟِرَيْثِنْكُ لُواْكَثِنْ دَ كُكٜىٰ هَوَ؞› » |
Hausa Common Language Ajami Bible © The Bible Society of Nigeria, 2020
Bible Society of Nigeria