ڢِتُواْوَ 2 - أَتَّوْرَتْ دَ أَنَّبَاوَاحَيْڢُوَرْ مُوسَٰى 1 أَنَانً سَيْ وَنِ مُتُمْ دَغَ ذُرِيَرْ لَوِ يَا عَوْرِ مَتَ دَغَ ثِكِنْ وَنَّنْ ذُرِيَرْ لَوِ؞ 2 مَاتَرْ كُوَ تَايِ ثِكِ تَحَيْڢِ طَا؞ سَعَدَّ تَغَ جَرِرِنْ يَنَدَ ݣَوْ، سَيْ تَٻُواْيٜىٰشِ حَرْ وَتَا عُكُ؞ 3 عَمَّا سَعَدَّ تَغَ بَذَاتَ عِيَ ڧَارَ ٻُواْيٜىٰشِ أَغِدَابَ، سَيْ تَسَاڧَ ݣُونْدُواْ نَثِيَوَرْ إِوَ، تَشَاڢٜىٰ ݣُونْدُوانْ دَ مَنْݣُولْتَ، دُواْمِنْ كَدَ يَنُڟٜىٰ عَثِكِنْ ضُوَ؞ سَيْ تَسَ جَرِرِنْ عَثِكِنْ ݣُونْدُوانْ، تَجٜىٰ تَأَجِيٜىٰ شِ عَثِكِنْ ثِيَوَ مَاسُ ڟَيِ عَبَاكِنْ كُواْغِنْ نِلُ؞ 4 یَرْعُوَرْ جَرِرِنْ كُوَ تَا ڟَيَ ثَنْ دَنِيسَ، تَنَ جِرَا تَغَ أَبِنْدَ ذَيْ ڢَرُ دَشِ؞ 5 سَيْ یَرْ سَرْكِے ڢِرْعَوْنَ تَغَنْغَرَ دُواْمِنْ تَيِ وَنْكَ أَ كُواْغِنْ نِلُ، یَنْ مَاتَا مَاسُيِمَتَ حِدِمَ كُوَ سُنَ يَٰوُاْ عَبَاكِنْ كُواْغِنْ؞ دَ تَغَ ݣُونْدُواْ عَثِكِنْ ثِيَوَ مَيْ ڟَيِ، سَيْ تَ عَيْكِ طَيَ دَغَ ثِكِنْ یَنْ مَاتَنَّنْ تَجٜىٰ تَطَوْكُواْ شِ؞ 6 سَعَدَّ تَبُوطٜىٰ ݣُونْدُوانْ، تَغَ جَرِرِ يَنَ كُوكَا؞ سَيْ تَجِ تَوْسَيِنْسَ تَثٜىٰ «أَيَّ! وَنَّنْ جَرِرِ طَيَ دَغَ ثِكِنْ یَیَنْ إِبْرَانِيَاوَا نٜىٰ؞» 7 سَيْ یَرْعُوَرْ جَرِرِنْ تَذُواْ تَثٜىٰ وَ یَرْ سَرْكِے «إِنْ تَڢِے إِنْ كِرَوُاْ مِكِ وَتَ مَتَادَغَ ثِكِنْ مَاتَانْ إِبْرَانِيَاوَا وَدَّ ذَاتَيِ مِكِ رٜىٰنُوانْ طَنَّنْ؟» 8 سَيْ یَرْ سَرْكِنْ تَأَمْسَ مَتَ تَثٜىٰ «عِ، كِتَڢِے؞» يَارِنْيَرْ كُوَ تَجٜىٰ تَكِرَا مَامَرْ جَرِرِنْ؞ 9 دَ مَامَرْ تَذُواْ، سَيْ یَرْ سَرْكِے تَثٜىٰمَتَ «كِطَوْكِ جَرِرِنَّنْ كِيِمِنِ رٜىٰنُوانْسَ، نِے كُوَ ذَنْبِيَكِ لَادَنْكِ؞» سَيْ مَاتَرْ تَطَوْكِ جَرِرِنْ تَيِ رٜىٰنُوانْسَ؞ 10 دَغَ بَايَ، سَعَدَّ يَرُوانْ يَيِ غِرْمَ، سَيْ تَكَيْشِ وُرِنْ یَرْ سَرْكِے ڢِرْعَوْنَ؞ يَرُوانْ كُوَ يَا ذَمَ طَنْ یَرْ سَرْكِے؞ تَا كِرَا سُونَنْسَ مُوسَٰى، تَثٜىٰ «غَمَا نَا ثِرُواْشِ دَغَ ثِكِنْ ضُوَ؞» مُوسَٰى يَا غُدُ ذُوَا مَدْيَنَ 11 أَنَانً وَتَرَانَ سَعَدَّ مُوسَٰى يَيِ غِرْمَ، يَا تَڢِے وُرِنْ مُتَنٜىٰنْسَ، يَكُمَغَا يَدَّ سُكٜىٰ شَنْ وَهَلَ دَ عَيْكِنْ دُواْلٜىٰ؞ سَيْ يَغَ وَنِ مُتُمِنْ مَصَرْ يَنَ دُوكَنْ وَنِ دَغَ إِبْرَانِيَاوَا، طَيَ دَغَ ثِكِنْ یَنْعُوَنْسَ؞ 12 سَيْ مُوسَٰى يَوَيْوَيَ يَدُوبَ نَنْ دَ ثَنْ دُواْمِنْ يَتَبَّتَرْ بَاوَنْدَ يَكٜىٰ غَنِنْسَ، سَيْ يَكَشٜىٰ مُتُمِنْ مَصَرْ طِنَّنْ، يَٻُواْيٜىٰ غَاوَرْ عَثِكِنْ يَشِ؞ 13 وَشٜىٰغَرِ مُوسَٰى يَا سَاكٜىٰ ڢِتَ، سَيْ يَتَرَرْ دَ وَطَنْسُ إِبْرَانِيَاوَا بِيُ سُنَ ڢَطَ دَ جُونَ! يَثٜىٰ وَطَيَنْ دَ يَكٜىٰدَ لَيْڢِے «مٜىٰيَسَا كَكٜىٰ بُغُنْ طَنْعُوَنْكَ، طَيَ دَغَ مُتَنٜىٰنْكَ إِبْرَانِيَاوَا؟» 14 سَيْ مُتُمِنْ يَأَمْسَ يَثٜىٰ «وَ يَانَطَكَ سَرْكِے كُواْ مَيْ شَرِيعَ عَكَنْمُ؟ كَنَ نُڢِ كَكَشٜىٰنِ كَمَرْ يَدَّ كَاكَشٜىٰ مُتُمِنْ مَصَرْ نٜىٰ؟» سَيْ مُوسَٰى يَجِڟُواْرُواْ سُواْسَيْ، يَثٜىٰ أَ رَنْسَ «أَشٜىٰ! مُتَنٜىٰ سُنْ سَنْ أَبِنْدَ نَعَيْكَتَ؞» 15 سَعَدَّ ڢِرْعَوْنَ يَجِ وَنَّنْ لَابَرِ، يَنٜىٰمَ يَكَشٜىٰ مُوسَٰى؞ عَمَّا مُوسَٰى يَا غُدُ دَغَ غَبَنْ ڢِرْعَوْنَ، يَتَڢِے يَذَوْنَ عَڧَسَرْ مَدْيَنَ؞ أَنَانً وَتَرَانَ عَڧَسَرْ مَدْيَنَ، مُوسَٰى يَنَ ظَوْنٜىٰ عَبَاكِنْ وَتَ رِجِيَ، 16 سَيْ یَیَ مَاتَا غُدَا بَݣَويْ نَ يِتْرُواْ ڢِرِسْتِ نَ مَدْيَنَ سُكَذُواْ سُطِبَ ضُوَ دَغَ رِجِيَرْ، سُثِكَ وُرِنْ دَ عَكٜىٰسَا وَدَبُّواْبِے ضُوَ دُواْمِنْ غَرْكٜىٰنْ بَابَنْسُ يَشَا؞ 17 عَمَّا وَطَنْسُ مَكِيَايَ سُكَذُواْ سُكَ كُواْرِ یَنْ مَاتَانْدَ غَرْكٜىٰنْسُ؞ سَيْ مُوسَٰى يَتَاشِ يَتَيْمَكٜىٰسُ، يَطِبَ ضُوَ يَبَا غَرْكٜىٰنْسُ يَشَا؞ 18 سَعَدَّ سُكَ كُواْمَ وُرِنْ بَابَنْسُ، رٜىٰيُوٜىٰلْ، وَتُواْ يِتْرُواْ كٜىٰنَنْ، شِيكُوَ يَا تَمْبَيٜىٰسُ يَثٜىٰ «يَيَ عَكَيِ يَوْ كُكَ دَاوُاْ دَ سَوْرِ حَكَ؟» 19 سُكَ أَمْسَ سُكَثٜىٰ «وَنِ مُتُمِنْ مَصَرْ نٜىٰ يَثٜىٰثٜىٰمُ دَغَ حَنُّنْ مَكِيَايَ، حَرْ مَا يَا طٜىٰبُواْ مَنَ ضُوَ يَكُمَ بَا غَرْكٜىٰنْ يَشَا؞» 20 رٜىٰيُوٜىٰلْ يَثٜىٰ وَیَیَنْسَ یَنْ مَاتَنَّنْ «إِنَا مُتُمِنْ يَكٜىٰ؟ مٜىٰيَسَا بَكُذُواْ دَشِيبَ؟ كُتَڢِے كُكِرَشِ يَذُواْ، مُثِ عَبِنْثِ تَرٜىٰ؞» 21 مُوسَٰى كُوَ يَا يَرْدَ يَذَوْنَ تَرٜىٰدَسُو؞ سَيْ رٜىٰيُوٜىٰلْ يَبَا مُوسَٰى یَرْسَ ظِڢُّواْرَ يَ عَوْرَ؞ 22 ظِڢُّواْرَ تَا حَيْڢَ مَسَ طَا، سَيْ مُوسَٰى يَكِرَا سُونَنْسَ غٜىٰرْشُوامْ، غَمَا يَا ثٜىٰ «نِے بَڧُواْ نٜىٰ عَڧَسَرْدَ بَنَوَبَ؞» 23 بَايَنْ شٜىٰكَرُ دَيَوَ، سَيْ سَرْكِنْ مَصَرْ يَمُتُ؞ إِسْرَٰٓءِيلَاوَا سُكَيِ تَنِيشِ ثِكِنْ بَوْتَرْسُ، سُكَيِ كُوكَا دُواْمِنْ نٜىٰمَنْ تَيْمَكُواْ؞ كُوكَنْسُ نَنٜىٰمَنْ تَيْمَكُواْ يَا كَيْ وُرِنْ اللَّهْ؞ 24 اللَّهْ كُوَ يَا جِ نِشٜىٰ نِشٜىٰنْسُ يَا كُمَ تُنَ دَ يَرْجٜىٰجٜىٰنِيَرْسَ دَ إِبْرَٰهِيمْ دَ إِسْحَٰڧَ دَ يَعْڧُوبَ؞ 25 اللَّهْ يَا دُوبِے مُتَنٜىٰنْ إِسْرَٰٓءِيلَ، يَا كُوَ لُورَ دَ أَبِنْدَ يَكٜىٰ ڢَرُوَ دَسُو؞ |
Hausa Common Language Ajami Bible © The Bible Society of Nigeria, 2020
Bible Society of Nigeria