ڢِتُواْوَ 19 - أَتَّوْرَتْ دَ أَنَّبَاوَا

إِسْرَٰٓءِيلَاوَا عَبَبَّنْ تُدُنْ سِنَيْ

¹ جَمَعَرْ إِسْرَٰٓءِيلَ سُكَ شِغَ ثِكِنْ دَاجِنْ سِنَيْ دَيْدَيْ وَتَا عُكُ بَايَنْ ڢِتُواْوَرْسُ دَغَ ڧَسَرْ مَصَرْ؞

² بَايَنْ تَاشِنْسُ دَغَ رٜىٰڢِدِمْ، سُكَ شِغَ دَاجِنْ سِنَيْ، سُكَ كَڢَ ذَنْ‌غُوانْسُ أَغِنْدِنْ بَبَّنْ تُدُ أَدَاجِنْ؞

أَلْڧَوَرِنْ كَڢَاوَرْ يَرْجٜىٰجٜىٰنِيَ

³ مُوسَٰى كُوَ يَهَوْ كَنْ بَبَّنْ تُدُنْ دُواْمِنْ يَسَدُ دَ اللَّهْ؞ يَهْوٜىٰهْ يَكِرَشِ دَغَ بَبَّنْ تُدُنْ يَثٜىٰ ‏«‏كَڢَطَا وَغِدَنْ يَعْڧُوبَ، وَتُواْ مُتَنٜىٰنْ إِسْرَٰٓءِيلَ، ثٜىٰوَ

⁴ ‏‹‏كُنْ‌غَ أَبِنْدَ نَيِ وَ مَصَرَاوَا دَ كُمَ يَدَّ نَطَوْكٜىٰكُ نَكَٰوُاْكُ وُرِينَ كَمَرْ يَدَّ غَغَّڢَ تَكٜىٰ طَوْكَرْ یَیَنْتَ؞

⁵ يَنْذُ ڢَا، عِدَنْ ذَاكُيِ بِيَيَّ دَ مَغَنَاتَ، كُكُمَ كِيَايٜىٰ يَرْجٜىٰجٜىٰنِيَتَ، ذَاكُ ذَمَ جَمَعَتَ مَڢِے دَرَجَ دَغَ ثِكِنْ دُكَنْ ڧَبِيلُنْ دُونِيَا، غَمَا دُكَنْ دُونِيَا تَاوَ ثٜىٰ؞

⁶ ذَاكُ ذَمَ مُلْكِ نَڢِرِسْتُواْثِے مَاسُيِمِنِ حِدِمَ دَ كُمَ أَلْعُمَّرْ دَ عَكَ كٜىٰٻٜىٰ دَ ڟَرْكِے؞›‏ وَطَنَّنْ سُونٜىٰ كَلْمُواْمِنْ دَ ذَاكَ ڢَطَا وَیَیَنْ إِسْرَٰٓءِيلَ؞»‏

⁷ سَيْ مُوسَٰى يَسَوْكَ دَغَ كَنْ بَبَّنْ تُدُنْ، يَكِرَا دَتَّاوَنْ مُتَنٜىٰنْ، يَكُمَ شِمْڢِطَا كَلْمُواْمِنَّنْ دُكَ أَغَبَنْسُ يَدَّ يَهْوٜىٰهْ يَعُمَرْثٜىٰشِ؞

⁸ دُكَنْ جَمَعَ كُوَ سُكَ أَمْسَ غَبَاطَيَ سُكَثٜىٰ ‏«‏دُكَنْ أَبِنْدَ يَهْوٜىٰهْ يَڢَطَا ذَامُيِ؞»‏ سَيْ مُوسَٰى يَمَيَرْ وَ يَهْوٜىٰهْ دَ أَمْسَرْ دَ جَمَعَرْ سُكَ بَايَرْ؞

شِرِنْ كَڢَاوَرْ يَرْجٜىٰجٜىٰنِيَ

⁹ سَيْ يَهْوٜىٰهْ يَثٜىٰ وَ مُوسَٰى ‏«‏غَاشِ، نِے ذَنْذُواْ وُرِنْكَ عَثِكِنْ دُهُنْ غِرْغِجٜىٰ، دُواْمِنْ جَمَعَرْ سُجِ يَايِنْ دَ نَكٜىٰ مَغَنَ دَكَيْ، دُواْمِنْ كُمَ دَغَ يَنْذُ سُدِنْ‌غَ أَمِنْثٜىٰوَ دَكَيْ؞»‏ سَعَدَّ مُوسَٰى يَمَيَرْ وَ يَهْوٜىٰهْ دَ أَمْسَرْ دَ جَمَعَرْ سُكَ بَايَرْ،

¹⁰ سَيْ يَهْوٜىٰهْ يَثٜىٰ وَ مُوسَٰى ‏«‏كَسَوْكَ كَجٜىٰ وُرِنْ جَمَعَرْ، كَسَا سُڟَرْكَكٜىٰ كَنْسُ يَوْ دَ غُواْبٜىٰ، سُكُمَ وَنْكٜىٰ رِيغُنَنْسُ؞

¹¹ كَتَبَّتَرْ سُنَ أَشِرْيٜىٰ أَرَانَ تَ عُكُ، غَمَا أَرَانَ تَ عُكُنْ نٜىٰ نِے يَهْوٜىٰهْ ذَنْ سَوْكُواْ عَكَنْ بَبَّنْ تُدُنْ سِنَيْ أَعِدَانُنْ دُكَنْ جَمَعَ؞

¹² سَيْ كَكَڢَ وَجَمَعَ إِيَاكَ كٜىٰوَيٜىٰ دَ بَبَّنْ تُدُنْ، كَڢَطَا مُسُ ثٜىٰوَ ‏‹‏كُلُورَ، كَدَ وَنِنْكُ يَهَوْ بَبَّنْ تُدُنْ كُواْ يَتَٻَ إِيَاكَرْ دَ عَكَ كَڢَ؞ دُكْ وَنْدَ يَتَٻَ بَبَّنْ تُدُنْ، لَلَّيْ ذَاعَ كَشٜىٰشِ!‏

¹³ بَابُ حَنُّنْ دَ ذَيْ تَٻَشِ، عَمَّا ذَاعَ جٜىٰجّٜىٰڢٜىٰشِ دَ دُوَڟُو كُواْ أَ هَرْبٜىٰشِ دَ كِبِيُواْيِ؞ كُواْ دَ دَبَّنٜىٰ كُواْ دَ مُتُمْنٜىٰ، بَذَاعَبَرْ شِ دَ رَيْبَ؞›‏ سَعَدَّ عَكَبُوسَ ڧَهُواْ دَ وَتَ بُوسَ مَيْ دُواْغُوَرْ ڧَارَ، سَيْ مُتَنٜىٰ سُتَتَّارُ كُسَدَ بَبَّنْ تُدُنْ؞»‏

¹⁴ سَيْ مُوسَٰى يَسَوْكُواْ دَغَ كَنْ بَبَّنْ تُدُنْ ذُوَا وُرِنْ مُتَنٜىٰنْ؞ يَسَا مُتَنٜىٰ سُكَ ڟَرْكَكٜىٰ كَنْسُ سُكَ كُمَ وَنْكٜىٰ رِيغُنَنْسُ؞

¹⁵ مُوسَٰى كُوَ يَثٜىٰ مُسُ ‏«‏كُشِرْيَ دُواْمِنْ رَانَ تَ عُكُ؞ كَدَ وَنِ نَمِجِ يَݣُونَ دَ مَثٜىٰ؞»‏

بَيَّنَرْ يَهْوٜىٰهْ عَتُدُنْ سِنَيْ

¹⁶ أَ سَاڢِيَرْ رَانَ تَ عُكُ، ڟَاوَ تَايِ تَڧَارَ، وَلْڧِيَ تَنَ تَ حَصْكَكَاوَا ثِكِنْ غِرْغِجٜىٰ مَيْ دُهُ عَبِسَ بَبَّنْ تُدُنْ؞ سَيْ عَكَجِ بَبَّرْ ڧَارَرْ ڧَهُواْ، حَرْ دُكَنْ مُتَنٜىٰنْ دَسُكٜىٰ ثِكِنْ ذَنْ‌غُواْ سُكَيِ ضَوَرْ جِكِے؞

¹⁷ مُوسَٰى كُوَ يَڢِتَرْدَ جَمَعَ دَغَ ثِكِنْ تٜىٰنْتُنَنْسُ دُواْمِنْ سُسَدُ دَ اللَّهْ؞ سُكَ كُوَ ڟَيَ أَغِنْدِنْ بَبَّنْ تُدُنْ؞

¹⁸ هَيَاڧِے يَرُڢٜىٰ دُكَنْ بَبَّنْ تُدُنْ سِنَيْ، غَمَا يَهْوٜىٰهْ كٜىٰوَيٜىٰ دَ وُتَا يَسَوْكُواْ عَكَنْ بَبَّنْ تُدُنْ؞ هَيَاڧِنْ يَتَاشِ سَمَ كَمَرْ هَيَاڧِنْ ڧُواْنٜىٰوَرْ دَاجِ، دُكَنْ تُدُنْ كُوَ يَغِرْغِظَ سُواْسَيْ؞

¹⁹ دَڧَارَرْ ڧَهُوانْ تَنَ تَڧَارُوَ، سَيْ مُوسَٰى يَيِ مَغَنَ، اللَّهْ كُوَ يَأَمْسَ مَسَ دَ ڟَاوَ؞

²⁰ سَيْ يَهْوٜىٰهْ يَسَوْكُواْ عَكَنْ بَبَّنْ تُدُنْ سِنَيْ، يَكُمَ كِرَا مُوسَٰى يَسَامٜىٰشِ عَكَنْ بَبَّنْ تُدُنْ؞ مُوسَٰى كُوَ يَهَوْ تُدُنْ؞

²¹ سَيْ يَهْوٜىٰهْ يَثٜىٰ وَ مُوسَٰى ‏«‏كَسَوْكَ كَڢَطَا وَجَمَعَ ثٜىٰوَ كَدَ سُكُسْكُرَ سُڧٜىٰتَرٜىٰ إِيَاكَرْ نَنْ دُواْمِنْ سُذُواْ غَنِنْ يَهْوٜىٰهْ، غَمَا إِنْ سُكَيِ حَكَ دَيَوَ دَغَ ثِكِنْسُ ذَاسُ مُتُ؞

²² كُواْ دَمَا ڢِرِسْتُواْثِنْ دَ سُكَ سَابَا ذُوَا كُسَدَ يَهْوٜىٰهْ، دُواْلٜىٰنٜىٰ سُڟَرْكَكٜىٰ كَنْسُ، كُواْ كُوَ إِنْ هَلَكَاسُ؞»‏

²³ سَيْ مُوسَٰى يَثٜىٰ وَ يَهْوٜىٰهْ ‏«‏مُتَنٜىٰنْ بَذَاسُ هَوْ بَبَّنْ تُدُنْ سِنَيْ بَ، غَمَا كَيْ دَ كَنْكَ كَڢَطَا مُسُ كَدَ سُهَوْ؞ كَا ڢَطَا مِنِ إِنْسَا إِيَاكَ كٜىٰوَيٜىٰ دَ تُدُنْ إِنْكُمَ كٜىٰٻٜىٰشِ دَ ڟَرْكِے؞»‏

²⁴ سَيْ يَهْوٜىٰهْ يَثٜىٰ مَسَ ‏«‏تَاشِ كَسَوْكَ ڧَسَا، سَعَنً كَهَوْ تَرٜىٰدَ هَٰرُونَ؞ عَمَّا كَدَ كَبَرْ ڢِرِسْتُواْثِے دَ جَمَعَ سُڧٜىٰتَرٜىٰ إِيَاكَرْ نَنْ دُواْمِنْ سُهَوْ وُرِينَ؞ إِنْ سُنْيِ حَكَ ذَنْ حُكُنْتَسُ؞»‏

²⁵ مُوسَٰى كُوَ يَغَنْ‌غَرَ ڧَسَا وُرِنْ مُتَنٜىٰنْ، يَڢَطَا مُسُ أَبِنْدَ يَهْوٜىٰهْ يَعُمَرْثٜىٰشِ؞