ڢِتُواْوَ 15 - أَتَّوْرَتْ دَ أَنَّبَاوَا

وَاڧَرْ يَبُواْ أَ جَنْ تٜىٰكُ

¹ سَعَنً مُوسَٰى دَ مُتَنٜىٰنْ إِسْرَٰٓءِيلَ سُكَ رٜىٰرَ وَنَّنْ وَاڧَا غَ يَهْوٜىٰهْ، سُكَثٜىٰ، ‏«‏ذَنْ رٜىٰرَ وَاڧَا غَ يَهْوٜىٰهْ غَمَا يَا ثِ نَصَرَا مَيْغِرْمَ ڨُورَيْ؞ دُواْكِ دَ مَيْ هَوَنْسَ، يَا جٜىٰڢَرْ دَسُو عَثِكِنْ تٜىٰكُ؞

² يَهْوٜىٰهْ ڧَرْڢِينَ نٜىٰ دَ إِيكُواْنَ، شِينٜىٰ يَذَمَ ثٜىٰتُواْنَ؞ شِينٜىٰ اللَّهْ نَا، ذَنْيَبٜىٰشِ، اللَّهْ نَبَابَنَ، ذَنْ طَوْكَكَ شِ!‏

³ يَهْوٜىٰهْ ڠُونِنْ يَاڧِ نٜىٰ، يَهْوٜىٰهْ نٜىٰ سُونَنْسَ!‏

⁴ كٜىٰكُنَنْ دُواْكِنْ ڢِرْعَوْنَ دَ سُواْجُواْجِنْسَ، يَا جٜىٰڢَرْ دَسُو ثِكِنْ تٜىٰكُ؞ ذَاٻَٻُّنْ شُوغَبَنِّنْ ڢِرْعَوْنَ، يَا نُڟَرْ دَسُو أَ تٜىٰكُنْ ثِيَوَرْ إِوَ؞

⁵ ظُرْڢَڢَّنْ ضُوَيٜىٰ سُكَ رُڢٜىٰسُ، سُكَ نُڟٜىٰ حَرْ ڧَسَا كَمَرْ دُوڟٜىٰ؞

⁶ يَا يَهْوٜىٰهْ، حَنُّنْكَ نَدَمَ دَ غِرْمَ يَكٜىٰ ثِكِنْ إِيكُواْ؞ يَا يَهْوٜىٰهْ، حَنُّنْكَ نَدَمَ يَا كَكَّرْيَ أَبُواْكَنْ غَابَا؞

⁷ ‏«‏ثِكِنْ غِرْمَنْ دَرَجَرْكَ، كَتُمْٻُكٜىٰ مَاسُ غَابَادَكَيْ؞ ثِكِنْ ڧُونَرْ ڢُشِنْكَ كَثِنْيٜىٰسُ كَمَرْ بُوسَشِّيَرْ ثِيَوَ؞

⁸ دَ ڧَرْڢِنْ هُورَوَرْ حَنْثِنْكَ، ضُوَيٜىٰ سُكَيِ بَنْ‌غُواْ، ظُرْڢَڢَّنْ ضُوَيٜىٰ سُكَ ذَمَ تُلِ، أَمْبَلِيَرْ ضُوَ تَ دَسْكَرٜىٰ كَمَرْ دُوڟٜىٰ أَڟَكِيَرْ تٜىٰكُ؞

⁹ أَبُواْكِنْ غَابَا يَثٜىٰ، ‏‹‏ذَنْبِيسُ إِنْشَا كَنْسُ؞ ذَنْ رَبَ كَايَنْسُ دَ نَڨُوثٜىٰ، أَبِنْدَ نَكٜىٰسُواْ ذَنْ ڨُوثٜىٰ؞ ذَنْ ذَارٜىٰ تَكُواْبِنَ، هَنُّونَ ذَيْ هَلَكَاسُ؞›‏

¹⁰ كَا هُورَ إِسْكَرْكَ، تٜىٰكُ تَرُڢٜىٰسُ، سُكَ نُڟٜىٰ ثِكِنْ مَنْيَنْ ضُوَيٜىٰ، كَمَرْ ڧَرْڢٜىٰنْ دَرْمَ سُكَ نُڟٜىٰ؞

¹¹ يَا يَهْوٜىٰهْ، وَنٜىٰنٜىٰ كَمَرْكَ عَثِكِنْ دُكَنْ أَلُّواْلِ؟ وَنٜىٰنٜىٰ كَمَرْكَ ثِكِنْ دَرَجَرْ ڟَرْكِنْكَ؟ ثِكِنْ طَوْكَكَ مَيْ بَنْ ڟُواْرُواْ، كَنَ عَيْكَتَ أَيُّكَنْ بَنْ مَامَاكِ!‏

¹² ‏«‏كَا مِيڧَ حَنُّنْكَ نَدَمَ، ڧَسَا تَهَطِيٜىٰ أَبُواْكَنْ غَابَنْمُ؞

¹³ دَ ڧَوْنَرْكَ مَرَرْ ثَنْجَاوَا، كَبِدَ جَمَعَرْكَ دَ كَڢَنْسَ؞ دَ ڧَرْڢِنْكَ كَجَغُواْرَنْثٜىٰسُ ذُوَا وُرِنْكَ مَيْ ڟَرْكِے؞

¹⁴ ڧَبِيلُ سُكَجِ سُكَيِ ضَوَرْ جِكِے، رَظَنَ تَكَامَ مَذَوْنَنْ ڢِلِسْتِيَ؞

¹⁵ سَرَاكُنَنْ عٜىٰدُوامْ، سُكَ ڢِرْغِتَ، شُوغَبَنِّنْ مُواْوَبْ، ضَوَرْ جِكِے تَكَامَسُ؞ دُكَنْ مَذَوْنَنْ كَنْعَنَ سُكَ نَرْكٜىٰ دَ ڟُواْرُواْ؞

¹⁶ ڟُواْرُواْ دَ رَظَنَ سُنْ ڢَاطُواْ مُسُ، دَ إِيكُوانْ حَنُّنْكَ سُكَ ڟَيَ بَا مُواْڟِ كَمَرْ دُوڟٜىٰ، سَيْ دَ جَمَعَرْكَ سُكَ ڧٜىٰتَرٜىٰ، يَا يَهْوٜىٰهْ، عِ، سَيْ دَ جَمَعَرْكَ دَ كَڢَنْسَ سُكَ ڧٜىٰتَرٜىٰ؞

¹⁷ كَكَٰوُاْسُ، كَشُوكَسُ عَكَنْ تُدُنْ غَادُوانْكَ، تُدُنْ دَكَيْ، يَا يَهْوٜىٰهْ، كَمَيْدَشِ وُرِنْ ذَمَنْكَ، وُرِے مَيْ ڟَرْكِے، يَا عُبَنْ‌غِجِ، وُرِنْ دَ حَنُّنْكَ يَكَڢَ؞

¹⁸ ‏«‏‏يَهْوٜىٰهْ ذَيْ يِمُلْكِ حَرْ أَبَدَا أَبَدِنْ!‏»‏

وَاڧَرْ مَرْيَمُ

¹⁹ سَعَدَّ دَوَكِنْ ڢِرْعَوْنَ دَ كٜىٰكُنَنْ دُواْكِنْسَ دَ مَاسُ هَوَنْ دَوَكِنْسَ سُكَ شِغَ ثِكِنْ تٜىٰكُنْ، يَهْوٜىٰهْ يَا كُواْمَرْدَ ضُوَ عَكَنْسُ، ضُوً كُوَ يَا رُڢٜىٰسُ كَكَڢْ؞ عَمَّا إِسْرَٰٓءِيلَاوَا سُكَبِے تَثِكِنْ ڟَكِيَرْ تٜىٰكُنْ عَكَنْ بُوسَشِّيَرْ ڧَسَا؞

²⁰ سَيْ أَنَّبِيَ مَرْيَمُ، یَرْعُوَرْ هَٰرُونَ، تَطَوْكِ تَمْبُرَ أَ حَنُّنْتَ؞ مَاتَا دُكَ سُكَ ڢِتَ سُنَ بِنْتَ عَبَايَ سُنَ كِطِ سُنَ ضَوَ،

²¹ مَرْيَمُ تَبِدَسُ ثِكِنْ وَاڧَا تَنَ ثٜىٰوَ ‏«‏رٜىٰرَ وَاڧَا غَ يَهْوٜىٰهْ، غَمَا يَاثِ نَصَرَا مَيْغِرْمَ ڨُورَيْ؞ دُواْكِ دَ مَيْ هَوَنْسَ يَا جٜىٰڢَرْ ثِكِنْ تٜىٰكُ؞»‏

ضُوَ مَيْ طَٰثِے عَتَڢْكُنَنْ مَرَ

²² مُوسَٰى كُوَ يَبِدَ جَمَعَرْ إِسْرَٰٓءِيلَ دَغَ تٜىٰكُنْ ثِيَوَرْ إِوَ، سُكَ شِغَ ثِكِنْ دَاجِنْ شُرْ؞ سُكَيِ تَڢِيَ عَثِكِنْ وَنَّنْ دَاجِ ݣُونَ عُكُ، بَسُ سَامِ ضُوَبَ؞

²³ دَ سُكَ إِسُواْ تَڢْكُنَنْ مَرَ، سُكَ سَامِ ضُوَ؞ عَمَّا مُتَنٜىٰ بَسُ عِيَ شَنْ ضُوً بَ، سَبُواْدَ طَاثِنْسَ؞ شِيَسَا عَكَ كِرَا وُرِنَّنْ دَ سُونَ مَرَ؞

²⁴ سَيْ مُتَنٜىٰنْ سُكَيِ وَ مُوسَٰى غُنَغُنِ سُكَثٜىٰ ‏«‏مٜىٰ ذَامُ شَا؟»‏

²⁵ مُوسَٰى يَيِ كُوكَا غَ يَهْوٜىٰهْ، سَيْ يَهْوٜىٰهْ يَنُونَ مَسَ وَنِ إِتَاثٜىٰ؞ مُوسَٰى يَا كَرْيَ طَنْ سَنْدَنْ إِتَاثٜىٰنْ يَجٜىٰڢَ عَثِكِنْ ضُوً؞ سَيْ ضُوً يَجُويَ يَذَمَ مَيْ دَاطِنْشَا؞ أَ نَنْ نٜىٰ يَهْوٜىٰهْ يَكَڢَ مُسُ ڧَٰعِدَ دَ عُمَرْنِ، يَكُمَ ڠُودَ أَمِنْثِنْ مُتَنٜىٰنْ إِسْرَٰٓءِيلَ أَوُرِنْ؞

²⁶ يَهْوٜىٰهْ يَثٜىٰ ‏«‏عِدَنْ ذَاكُ كَسَ كُنّٜىٰ غَ مَغَنَاتَ، نِے دَ نَكٜىٰ يَهْوٜىٰهْ اللَّهْ نْكُ، كُكُمَيِ أَبِنْدَ يَكٜىٰ دَيْدَيْ أَعِدُواْنَ، كُيِ بِيَيَّ دَ عُمَرْنَيْنَ، كُكِيَايٜىٰ ڧَٰعِدُواْدِنَ، نِے كُمَ بَذَنْ عَيْكَ مُكُ دَ ثُوتُتُّكَنْدَ نَعَيْكَ وَ مَصَرَاوَا بَ؞ غَمَا نِنٜىٰ يَهْوٜىٰهْ مَيْ وَرْكَرْ دَكُو؞»‏

²⁷ دَغَ نَنْ سُكَ إِسُواْ عٜىٰلِمْ، عِنْدَ أَݣَويْ مَٻُٻُّغَرْ ضُوَ غُواْمَشَا بِيُ دَ عِتَتُوَنْ دَبِينُواْ سَبَعِنْ؞ أَ نَنْ نٜىٰ سُكَيِ ذَنْ‌غُواْ عَبَاكِنْ ضُوَ؞