ڢِتُواْوَ 13 - أَتَّوْرَتْ دَ أَنَّبَاوَا

كٜىٰٻٜىٰوَرْ یَیَنْ ڢَارِ

¹ سَيْ يَهْوٜىٰهْ يَثٜىٰ وَ مُوسَٰى،

² ‏«‏كَكٜىٰٻٜىٰ مِنِ دُكَنْ یَیَنْ ڢَارِ مَظَا دَ ڟَرْكِے؞ كُواْوَنٜىٰ طَنْ ڢَارِ وَنْدَ يَبُوطٜىٰ مَحَيْڢَ ثِكِنْ مُتَنٜىٰنْ إِسْرَٰٓءِيلَ نَوَنٜىٰ، كُواْ نَمُتُمْ كُواْ نَدَبَّ؞»‏

بِكٍ غُرَاسَرْ مَرَرْ يِسْتِ

³ سَيْ مُوسَٰى يَثٜىٰ وَجَمَعَ ‏«‏كُدِنْ‌غَ تُنَاوَ دَ وَنَّنْ رَانَ، رَانَرْ دَ كُكَ ڢِتُواْ دَغَ ڧَسَرْ مَصَرْ دَغَ غِدَنْ بَوْتَا؞ غَمَا يَهْوٜىٰهْ يَا ڢِتَرْ دَكُو دَغَ وُرِنْ دَ إِيكُوانْ حَنُّنْسَ؞ دُواْمِنْ تُنَاوَا دَ وَنَّنْ رَانَ، بَذَاكُثِ غُرَاسَرْ دَ عَكَيِ دَ يِسْتِبَ؞

⁴ يَوْ طِنَّنْ عَثِكِنْ وَتَنْ أَبِبْ كُنَ ڢِتُواْوَ دَغَ مَصَرْ؞

⁵ ‏«‏سَعَدَّ يَهْوٜىٰهْ يَكَيْكَ ثِكِنْ ڧَسَرْ كَنْعَنِيَاوَا دَ هِتِّيَاوَا دَ أَمُواْرِيَاوَا دَ هِوِيَاوَا دَ يٜىٰبُسِيَاوَا، وَدَّ يَهْوٜىٰهْ يَرَنْڟٜىٰوَ كَاكَنِّنْكَ ذَيْبَاكَ، ڧَسَاثٜىٰ مَيْ أَمْڢَانِ، سَيْ كَكِيَايٜىٰ وَنَّنْ ڧَٰعِدَرْ سُجَّدَ أَوَتَنَّنْ؞

⁶ ذَاكَ دِنْ‌غَ ثِنْ غُرَاسَرْ مَرَرْ يِسْتِ حَرْ ݣُونَكِے بَݣَويْ، عَمَّا أَ رَانَ تَبَݣَويْ ذَاكَيِ بِكٍ سُجَّدَ غَ يَهْوٜىٰهْ؞

⁷ ذَاعَ دِنْ‌غَ ثِنْ غُرَاسَرْ مَرَرْ يِسْتِ حَرْ ݣُونَكِے بَݣَويْ؞ عَثِكِنْ ݣُونَكِنَّنْ، كَدَ أَ سَامِ غُرَاسَ مَيْيِسْتِ أَغِدَنْكَ، كُمَ كَدَ أَ سَامِ يِسْتِ أَوُرِنْكَ؞

⁸ أَ رَانَرْ نَنْ ذَاكَ بَيَّنَ وَ طَنْكَ مَنُڢَرْ وَنَّنْ بِكٍ كَثٜىٰ، ‏‹‏وَنَّنْ بِكِ نَايِنٜىٰ دُواْمِنْ تُنَاوَا دَ أَبِنْدَ يَهْوٜىٰهْ يَيِ مِنِ، سَعَدَّ يَڢِتَرْ دَنِے دَغَ مَصَرْ؞›‏

⁹ وَنَّنْ بِكِ ذَيْ ذَمَ مَكَ كَمَرْ عَلَمَ عَكَنْ حَنُّنْكَ دَ كُمَ أَبِنْ تُنَاوَا أَغُواْشِنْكَ، دُواْمِنْ كُواْيَرْوَرْ يَهْوٜىٰهْ تَكَسَنْثٜىٰ عَبَاكِنْكَ، غَمَا يَهْوٜىٰهْ نٜىٰ يَڢِتَرْ دَكَيْ دَغَ مَصَرْ دَ إِيكُوانْ حَنُّنْسَ؞

¹⁰ سَبُواْدَ حَكَ، ذَاكَ كِيَايٜىٰ وَنَّنْ ڧَٰعِدَرْ بِكِ كُواْوَثٜىٰ شٜىٰكَرَا أَدَيْدَيْ لُواْكَثِنْتَ؞»‏

مِيڧَاوَرْ یَیَنْ ڢَارِ

¹¹ ‏«‏سَعَدَّ يَهْوٜىٰهْ يَكَيْكَ ثِكِنْ ڧَسَرْ كَنْعَنِيَاوَا، كَمَرْ يَدَّ يَرَنْڟٜىٰ مَكَ، كَيْ دَ كَاكَنِّنْكَ، يَكُمَ بَاكَ،

¹² سَيْ كَمِيڧَ غَ يَهْوٜىٰهْ دُكَنْ یَیَنْ ڢَارِ مَظَا؞ دُكَنْ یَیَنْ ڢَارِ مَظَا نَدَبُّواْبِنْكَ ذَاكَ مِيڧَسُ غَ يَهْوٜىٰهْ؞

¹³ عَمَّا ذَاكَ ڢَنْشِ كُواْوَنٜىٰ طَنْ ڢَارِ نَجَاكُنَ دَغَ وُرِنْ يَهْوٜىٰهْ تَوُرِنْ بَادَ طَنْ ضَغُواْ أَمَدَدِنْسَ؞ عَمَّا عِدَنْ بَذَاكَ ڢَنْشٜىٰشِ بَ، سَيْ كَكَرْيٜىٰ وُيَنْسَ؞ كُواْوَنٜىٰ طَنْ ڢَضٍ یَیَنْكَ، ذَاكَ ڢَنْشٜىٰشِ؞

¹⁴ نَنْ غَبَ عِدَنْ طَنْكَ يَا تَمْبَيٜىٰكَ ثٜىٰوَ ‏‹‏مٜىٰنٜىٰنٜىٰ مَنُڢَرْ وَنَّنْ؟›‏ سَيْ كَثٜىٰ مَسَ، ‏‹‏دَ إِيكُوانْ حَنُّنْسَ يَهْوٜىٰهْ يَڢِتَرْ دَمُو دَغَ مَصَرْ دَغَ غِدَنْ بَوْتَا؞

¹⁵ سَعَدَّ ڢِرْعَوْنَ يَيِ كُنّٜىٰنْ ڧَشِ يَڧِ يَبَرْمُ مُتَڢِے، سَيْ يَهْوٜىٰهْ يَكَكَّشٜىٰ دُكَنْ یَیَنْ ڢَارِ مَظَا عَثِكِنْ ڧَسَرْ مَصَرْ دَغَ طَنْ ڢَارِ نَمُتُمْ ذُوَا طَنْ ڢَارِ نَدَبَّ؞ شِے يَسَا كُواْوَنٜىٰ طَنْ ڢَارِ نَدَبُّواْبِے، نَكَنْ مِيڧَشِ هَدَايَ غَ يَهْوٜىٰهْ؞ عَمَّا كُواْوَنٜىٰ طَنْ ڢَارِ نَیَیَنَ، نَكَنْ ڢَنْشٜىٰشِ؞›‏

¹⁶ وَنَّنْ ڧَٰعِدَ ذَاتَ ذَمَ كَمَرْ عَلَمَ عَكَنْ حَنُّنْكَ دَ أَبِنْ تُنَاوَا أَغُواْشِنْكَ ثٜىٰوَ يَهْوٜىٰهْ نٜىٰ يَڢِتَرْ دَمُو دَغَ مَصَرْ تَوُرِنْ إِيكُوانْ حَنُّنْسَ؞»‏

ڧُنْشِنْ غِرْغِجٜىٰ دَ ڧُنْشِنْ وُتَا

¹⁷ عَڧَرْشٜىٰ سَعَدَّ سَرْكِے ڢِرْعَوْنَ يَبَرْ مُتَنٜىٰنْ سُتَڢِے، اللَّهْ بَيْ بِيدَسُو أَ حَنْيَرْدَ تَبِے تَڧَسَرْ ڢِلِسْتِيَاوَا بَ، كُواْدَيَكٜىٰ عِتَثٜىٰ غَجٜىٰرِيَرْ حَنْيَ دَغَ مَصَرْ ذُوَا ڧَسَرْدَ يَرَنْڟٜىٰ ذَيْبَاسُ؞ غَمَا اللَّهْ يَاثٜىٰ ‏«‏كَدَ إِنْ جَمَعَرْ سُنْ غَا ذَاسُيِ يَاڧِ سُثَنْجَ تُنَانِنْسُ سُكُواْمَ مَصَرْ؞»‏

¹⁸ مَيْمَكُوانْ حَكَ، اللَّهْ يَبِيدَسُو تَهَنْيَرْ دَ تَكٜىٰوَيٜىٰ تَثِكِنْ دَاجِ وَجٜىٰنْ تٜىٰكُنْ ثِيَوَرْ إِوَ؞ جَمَعَرْ إِسْرَٰٓءِيلَ كُوَ سُكَ ڢِتَ دَغَ ثِكِنْ ڧَسَرْ مَصَرْ كَمَرْ سُواْجُواْجِنْ دَسُكٜىٰ أَشِرْيٜىٰ دُواْمِنْ يَاڧِ؞

¹⁹ مُوسَٰى كُوَ يَا طَوْكِ ڧَسُسُوَنْ يُوسُڢَ؞ غَمَا يُوسُڢَ دَا يَا رِغَا يَا سَا یَیَنْ إِسْرَٰٓءِيلَ سُكَ ضَنْڟٜىٰ ثٜىٰوَ ‏«‏حَڧِيڧَ يَهْوٜىٰهْ ذَيْ ظِيَرْثٜىٰكُ دُواْمِنْ يَڢِتَرْ دَكُو دَغَ نَنْ؞ أَ لُواْكَثِنْ، سَيْ كُطَوْكِ ڧَسُسُوَنَ تَرٜىٰدَكُو؞»‏

²⁰ جَمَعَرْ إِسْرَٰٓءِيلَ سُكَتَاشِ دَغَ سُكُّواتْ، سُكَيِ ذَنْ‌غُواْ أَ عٜىٰتَمْ عَكَنْ إِيَاكَرْ دَاجِنْ؞

²¹ دَ رَانَ يَهْوٜىٰهْ يَا وُثٜىٰ غَبَنْسُ دَ ڧُنْشِنْ غِرْغِجٜىٰ دُواْمِنْ يَنُونَ مُسُ حَنْيَ دَ دَرٜىٰ كُمَ دَ ڧُنْشِنْ وُتَا دُواْمِنْ يَبَاسُ حَصْكٜىٰ، دُواْمِنْ سُيِ تَڢِيَ كُواْ دَدَرٜىٰ كُواْ دَرَانَ؞

²² ڧُنْشِنَّنْ نَغِرْغِجٜىٰ دَرَانَ كُواْ نَوُتَ دَدَرٜىٰ بَسُ رَبُ دَمُتَنٜىٰنْبَ؞