ڢِتُواْوَ 11 - أَتَّوْرَتْ دَ أَنَّبَاوَا

سَنَرْوَرْ مُتُوَرْ یَنْ ڢَارِ

¹ يَهْوٜىٰهْ كُوَ يَثٜىٰ وَ مُوسَٰى ‏«‏حَرْ يَنْذُ دَيْ، ذَنْعَيْكَ دَ وَنِ بَلَعِ كُمَ عَكَنْ ڢِرْعَوْنَ دَ مَصَرْ؞ بَايَنْ حَكَ ذَيْ بَرْكُ كُتَڢِے؞ عِ، سَعَدَّ يَبَرْكُ كُتَڢِے، ذَيْ كُواْرٜىٰكُ غَبَاطَيَ؞

² كَڢَطَا وَجَمَعَرْ إِسْرَٰٓءِيلَ ثٜىٰوَ كُواْوَنٜىٰ مُتُمْ دَ كُواْوَثٜىٰ مَثٜىٰ سُضُواْڧِ كَايَنْ دَرَجَ نَأَظُرْڢَا دَ ظِينَارِيَ دَغَ مَصَرَاوَا مَڨُوبْتَنْسُ؞»‏

³ يَهْوٜىٰهْ كُوَ يَا سَا إِسْرَٰٓءِيلَاوَا سُكَ سَامِ ڢَضٍ جِنِ أَعِدَانُنْ مَصَرَاوَا؞ مُوسَٰى دَ كَنْسَ كُمَ أَنْ‌غِرْمَمَ شِ سُواْسَيْ أَعِدَانُنْ دَتَّاوَنْ ڢِرْعَوْنَ دَ كُمَ أَعِدَانُنْ دُكَنْ مَصَرَاوَا؞

⁴ كَاڢِنْ مُوسَٰى يَڢِتَ سَيْيَثٜىٰ وَ ڢِرْعَوْنَ ‏«‏إِنْجِ يَهْوٜىٰهْ، ‏‹‏وَجٜىٰنْ ڟَكَرْ دَرٜىٰ ذَنْبِے تَثِكِنْ مَصَرْ؞

⁵ كُواْوَنٜىٰ طَنْ ڢَارِ عَثِكِنْ ڧَسَرْ مَصَرْ ذَيْ مُتُ دَغَ طَنْ ڢَارِ نَشِے ڢِرْعَوْنَ وَنْدَ يَكٜىٰ ذَمَ عَكُجٜىٰرَرْ مُلْكِ، حَرْ ذُوَا طَنْ ڢَارِ نَبَيْوَ وَدَّ تَكٜىٰنِڧَ، حَرْ مَا ذُوَا یَیَنْ ڢَارِ نَدَبُّواْبِے دُكَ؞

⁶ ذَاعَيِ كُوكَا مَيْ ڟَنَنِ كُواْعِنَ عَڧَسَرْ مَصَرْ، وَدَّ بَعَتَٻَيِبَ، بَ كُوَ ذَاعَ ڧَارَيِبَ؞

⁷ عَمَّا غَمٜىٰدَ إِسْرَٰٓءِيلَاوَا، كُواْ كَرٜىٰ مَا بَذَيْ يِوَوَنِ مُتُمْ كُواْ دَبَّ هَوْشِبَ، دُواْمِنْ كُسَنِ ثٜىٰوَ يَهْوٜىٰهْ يَا بَمْبَنْتَ ڟَكَانِنْ مَصَرَاوَا دَ إِسْرَٰٓءِيلَاوَا؞›‏ »‏

⁸ مُوسَٰى كُمَ يَثٜىٰ ‏«‏سَعَنً دُكَنْ دَتَّاوَنْكَ ذَاسُذُواْ سُرُسُنَ أَغَبَنَ دَ ڢُسْكَرْسُ حَرْ ڧَسَا، سُنَ ضُواْڧُواْ ثٜىٰوَ ‏‹‏كَيِسَوْرِ كَتَڢِے!‏ كَيْ دَ دُكَنْ جَمَعَرْدَ سُكٜىٰبِنْكَ!‏›‏ سَعَنً نٜىٰ ذَنْتَڢِے؞»‏ سَيْ مُوسَٰى يَڢِتَ دَغَ غَبَنْ ڢِرْعَوْنَ ثِكِنْ ڢُشِے سُواْسَيْ؞

⁹ سَيْ يَهْوٜىٰهْ يَثٜىٰ وَ مُوسَٰى ‏«‏ڢِرْعَوْنَ بَذَيْ كَسَ كُنّٜىٰ غَرٜىٰكَبَ دُواْمِنْ إِنْڧَارَ عَيْكَتَ أَيُّكَنْ بَنْ مَامَاكِنَ عَڧَسَرْ مَصَرْ؞»‏

¹⁰ مُوسَٰى دَ هَٰرُونَ سُكَ عَيْكَتَ دُكَنْ وَطَنَّنْ أَيُّكَنْ بَنْ مَامَاكِ أَغَبَنْ ڢِرْعَوْنَ، عَمَّا يَهْوٜىٰهْ يَا تَوْرَرَ ذُوثِيَارْ ڢِرْعَوْنَ، ڢِرْعَوْنَ كُوَ بَيْبَرْ إِسْرَٰٓءِيلَاوَا سُڢِتَ دَغَ ڧَسَرْسَبَ؞