ڢِتُواْوَ 1 - أَتَّوْرَتْ دَ أَنَّبَاوَا

وَهَلَرْ إِسْرَٰٓءِيلَاوَا أَ مَصَرْ

¹ غَا سُونَيٜىٰنْ یَیَ مَظَا نَ إِسْرَٰٓءِيلَ وَطَنْدَ سُكَ تَڢِے تَرٜىٰدَ بَابَنْسُ يَعْڧُوبَ ذُوَا مَصَرْ، كُواْوَنّٜىٰنْسُ دَ عِيَلِنْسَ؞

² رَعُبَيْنُ دَ سِمٜىٰيُوانْ دَ لَوِ دَ يَهُودَ،

³ دَ إِسَّكَرْ دَ ظٜىٰبُلُنْ دَ بِلِيَامِنُ،

⁴ دَ دَنْ دَ نَڢْتَلِ دَ غَدْ دَ أَشٜىٰرْ؞

⁵ يُوسُڢَ كُوَ أَنْ رِغَا أَنْ كَيْشِ مَصَرْ؞ يَوَنْ یَیَ مَظَا نَ يَعْڧُوبَ دَ جِيكُواْكِنْسَ مَظَا دُكَ، مُتُمْ سَبَعِنْ نٜىٰ؞

⁶ أَنَانً سَيْ يُوسُڢَ يَمُتُ، شِے دَ دُكَنْ یَنْعُوَنْسَ دَ دُكَنْ وَنَّنْ ڟَارَا؞

⁷ عَمَّا ذُرِيَرْ یَیَنْ إِسْرَٰٓءِيلَ سُكَ يَلْوَتَ سُكَ حَيْڢِ یَیَ دَيَوَ، سُكَ ڧَارُ حَرْ جَمَعَرْسُ تَيِ ڧَرْڢِے، سُكَ كُمَ ثِكَ ڧَسَرْ؞

⁸ أَوَنَّنْ لُواْكَثِ كُوَ، عَكَيِ وَنِ سَابُوانْ سَرْكِے أَ مَصَرْ وَنْدَ بَيْ سَنْ يُوسُڢَ بَ؞

⁹ سَيْ سَرْكِنْ كُوَ يَثٜىٰ وَمُتَنٜىٰنْسَ ‏«‏غَاشِ، جَمَعَرْ إِسْرَٰٓءِيلَ سُنْيِيَوَ كُمَ سُنْڢِيمُ ڧَرْڢِے؞

¹⁰ ذُواْ، مُسَنْ إِرِنْ دَبَرَرْ دَ ذَامُ يِمُسُ دُواْمِنْ كَدَ سُيِ تَڧَارُوَ؞ إِنْ بَهَكَبَ، عِدَنْ يَاڧِ يَتَاسُواْ، ذَاسُ عِيَ حَطَكَيْ دَ أَبُواْكَنْ غَابَنْمُ، سُيَاڧٜىٰمُ، سُغُدُ دَغَ ڧَسَرْ؞»‏

¹¹ سَيْ مَصَرَاوَا سُكَ نَطَ وَمُتَنٜىٰنْ إِسْرَٰٓءِيلَ شُوغَبَنِّنْ عَيْكِنْ دُواْلٜىٰ دُواْمِنْ سُدَنّٜىٰسُ دَ عَيْكِ مَيْ وُيَ؞ عَكَسَا مُتَنٜىٰنْ إِسْرَٰٓءِيلَ سُغِنَ وَ ڢِرْعَوْنَ بِرَنٜىٰنْ أَجِيَ، وَتُواْ ڢِتُوامْ دَ رَمَسٜىٰسْ؞

¹² عَمَّا يَايِنْ دَ مَصَرَاوَا سُكٜىٰ ڧَارَ دَنّٜىٰ إِسْرَٰٓءِيلَاوَا، حَكَ إِسْرَٰٓءِيلَاوَا سُكٜىٰ ڧَارَ يَلْوَتَ دَ يَطُوَ، حَرْ مَصَرَاوَا سُكَ ڢَارَ جِنْ ڟُواْرُوانْ إِسْرَٰٓءِيلَاوَا؞

¹³ سَيْ مَصَرَاوَا سُكَيِ تَدَنّٜىٰ مُتَنٜىٰنْ إِسْرَٰٓءِيلَ بَابُ تَوْسَيِ؞

¹⁴ سُكَسَاسُ ثِكِنْ رَايُوَرْ بَڧِنْ ثِكِ سَبُواْدَ ڟَنَنِنْ عَيْكِنْ دُواْلٜىٰ مَيْ وُيَ نَݣُوٻَنْ ڧَسَا دَ يِنْ بُلُواكْ دَ كُواْوَنٜىٰ إِرِنْ عَيْكِ أَ ڢِيلِ؞ بَسُ كُوَ جِ تَوْسَيِنْسُبَ كُواْ كَطَنْ؞

¹⁵ سَيْ سَرْكِے ڢِرْعَوْنَ نَ مَصَرْ يَيِ مَغَنَ دَ شِڢْرَ دَ ڢُوَ، مَاتَا مَاسُ كَرْٻَرْ حَيْڢُوَرْ إِبْرَانِيَاوَا؞ يَثٜىٰ،

¹⁶ ‏«‏سَعَدَّ كُكٜىٰيِ وَمَاتَنْ إِبْرَانِيَاوَا عَيْكِنْكُ نَكَرْٻَرْ حَيْڢُوَ، إِنْ كُكَ غَنْسُ ثِكِنْ حَيْڢُوَ، كُلُورَ، عِدَنْ نَمِجِ نٜىٰ عَكَ حَيْڢَ، سَيْ كُكَشٜىٰ، عَمَّا عِدَنْ تَمَثٜىٰ ثٜىٰ، سَيْ كُبَرْتَ دَ رَيْ؞»‏

¹⁷ عَمَّا مَاسُ كَرْٻَرْ حَيْڢُوَ طِنْ مَاسُ ڟُواْرُوانْ اللَّهْ نٜىٰ، سَبُواْدَ حَكَ بَسُ كُوَيِ أَبِنْدَ سَرْكِنْ مَصَرْ يَڢَطَا مُسُ بَ، سُكَ بَرْ یَیَ مَظَا دَ رَيْ؞

¹⁸ سَبُواْدَ حَكَ سَرْكِنْ مَصَرْ يَعَيْكَ عَكَ كِرَا مَاسُ كَرْٻَرْ حَيْڢُوَرْ نَنْ، يَا كُوَ تَمْبَيٜىٰسُ ‏«‏دُوانْمٜىٰ كُكَيِ حَكَ؟ مٜىٰيَسَا كُكَ بَرْ یَیَ مَظَا دَ رَيْ؟»‏

¹⁹ سُكَ أَمْسَ سُكَثٜىٰ ‏«‏مَاتَنْ إِبْرَانِيَاوَا بَ كَمَرْ مَاتَانْ مَصَرْ بَنٜىٰ، غَمَا سُو مَاسُ ڧَرْڢِينٜىٰ، سُكَنْ حَيْڢُ تُنْ مَا كَاڢِنْ مُإِسُواْ وُرِنْسُ؞»‏

²⁰ سَبُواْدَ حَكَ اللَّهْ يَ أَلْبَرْكَثِ مَاتَنَّنْ مَاسُ كَرْٻَرْ حَيْڢُوَ؞ مُتَنٜىٰنْ إِسْرَٰٓءِيلَ كُوَ سُكَ ثِيغَبَدَ ڧَارُوَ حَرْ جَمَعَرْسُ تَيِ ڧَرْڢِے سُواْسَيْ؞

²¹ سَبُواْدَ ڟُواْرُوانْ اللَّهْ دَ مَاسُ كَرْٻَرْ حَيْڢُوَرْ نَنْ سُكٜىٰ دَشِ، اللَّهْ يَ أَلْبَرْكَثٜىٰسُ يَكَڢَ مُسُ ذُرِيَ؞

²² ڢِرْعَوْنَ كُوَ يَا بَادَ عُمَرْنِنَّنْ غَ دُكَنْ مُتَنٜىٰنْسَ ثٜىٰوَ ‏«‏كُواْوَنٜىٰ طَا نَمِجِنْ دَ مَتَنْ إِبْرَانِيَاوَا سُكَ حَيْڢَ، كُجٜىٰڢَرْ دَشِ ثِكِنْ كُواْغِنْ نِلُ، عَمَّا كُواْوَثٜىٰ یَ تَمَثٜىٰ، كُبَرْتَ دَ رَيْ؞»‏