عٜىٰسْتَا 9 - أَتَّوْرَتْ دَ أَنَّبَاوَا

نَصَرَرْ يَهُودَاوَا عَكَنْ أَبُواْكَنْ غَابَنْسُ

¹ أَنَانً أَ رَانَ تَغُواْمَشَا عُكُ غَ وَتَنْ غُواْمَشَا بِيُ، وَتُواْ وَتَنْ أَدَرْ دَيْدَيْ رَانَرْ دَ أَبُواْكَنْ غَابَنْ يَهُودَاوَا سُكَسَا ذُوثِيَا ذَاسُثِكَ عُمَرْنِنْ سَرْكِے دَ دُواْكَرْسَ سُهَلَّكَ يَهُودَاوَا، أَمَيْمَكُوانْ حَكَ سَيْ كُواْمٜىٰ يَثَنْجَ؞ يَهُودَاوَا سُكَ ڢَاطَوَ أَبُواْكَنْ غَابَنْسُ سُكَيِ نَصَرَا عَكَنْسُ؞

² سَيْ يَهُودَاوَا سُكَ تَتَّارُ عَبِرَنٜىٰنْسُ أَدُكَنْ يَنْكُنَنْ ڧَسَرْ سَرْكِے أَهَسُرُسْ، دُواْمِنْ سُيِ يَاڧِ دَ دُكْ وَطَنْدَ سُكٜىٰ دَ نِيَّ سُيِ مُسُ ٻَرْنَ؞ بَابُوَنِ وَنْدَ يَ عِيَ ڢُسْكَنْثٜىٰسُ، غَمَا ڟُواْرُوانْسُ يَڢَاطَوَ دُكَنْ ڧَبِيلُنْ ڧَسَرْ؞

³ دُكَنْ مَنْيَنْ مُتَنٜىٰنْ يَنْكُنَ دَ هَكِمَنْ يَنْكُنَ دَ ڠُومْنُواْنِ دَ دَتَّاوَا سُكَ كُمَ تَيْمَكِ يَهُودَاوَا سَبُواْدَ ڟُواْرُوانْ مُوارْدٜىٰكَيْ يَكَامَسُ؞

⁴ غَمَا مُوارْدٜىٰكَيْ يَا ذَمَ بَبَّنْ مُتُمْ أَغِدَنْ سَرْكِے؞ يَيِ تَڧَارَ يِنْ سُونَ أَدُكَنْ يَنْكُنَنْ مُلْكِ، كُمَ إِيكُوانْسَ يَيِ تَڧَارُوَ؞

⁵ سَبُواْدَ حَكَ يَهُودَاوَا سُكَ ڢَاطَوَ دُكَنْ أَبُواْكَنْ غَابَنْسُ دَ تَكُواْبِے، سُكَ كَكَّشٜىٰسُ، سُكَ هَلَكَاسُ، سُكَ كُمَيِ أَبِنْدَ سُكَغَ دَامَ دَسُو؞

⁶ أَوُرِے مَيْ كَتَنْ‌غَ عَبِرْنِنْ شُوشَنْ، يَهُودَاوَا سُكَ كَشٜىٰ سُكَ كُمَ هَلَّكَ مُتَنٜىٰ طَرِے بِيَرْ؞

⁷ بَنْ دَ وَطَنَّنْ سُكَ كَشٜىٰ ڢَرْشَنْدَتَ دَ دَلْڢُوانْ دَ أَسْڢَتَ،

⁸ دَ ڢُواْرَتَ دَ أَدَلِيَ دَ أَرِدَتَ،

⁹ دَ ڢَرْمَشْتَ دَ أَرِسَيْ دَ أَرِدَيْ دَ بَيْظَتَ؞

¹⁰ وَطَنَّنْ نٜىٰ یَیَ غُواْمَ نَ هَامَٰنَ طَنْ هَمّٜىٰدَتَ، أَبُواْكِنْ غَابَنْ يَهُودَاوَا؞ عَمَّا بَسُ ڨُوثٜىٰ كَايَنْسُبَ؞

¹¹ أَ رَانَرْ ثٜىٰ عَكَ ڢَطَا وَسَرْكِے يَوَنْ مُتَنٜىٰنْ دَ عَكَهَلَّكَ أَوُرِے مَيْ كَتَنْ‌غَ عَبِرْنِنْ شُوشَنْ؞

¹² سَيْ سَرْكِے يَثٜىٰ وَ سَرَوْنِيَ عٜىٰسْتَا ‏«‏عَثِكِنْ وُرِے مَيْ كَتَنْ‌غَ أَ شُوشَنْ كَطَيْ، يَهُودَاوَا سُنْ كَشٜىٰ سُنْ كُمَ هَلَّكَ مُتَنٜىٰ طَرِے بِيَرْ دَ كُمَ یَیَنْ هَامَٰنَ غُدَا غُواْمَ؞ تُواْ، وَ يَسَنْ أَبِنْدَ سُكَيِ عَثِكِنْ سَوْرَنْ يَنْكُنَنْ مُلْكٍ؟ مٜىٰ كُمَ كِكٜىٰ بُڧَاتَ؟ ذَاكِ سَامُ؞ مٜىٰنٜىٰنٜىٰ ضُواْڧُوانْكِ؟ ذَنْ بَاكِ؞»‏

¹³ عٜىٰسْتَا كُوَ تَأَمْسَ تَثٜىٰ ‏«‏عِدَنْ يَا غَمْشٜىٰكَ، يَا سَرْكِے، بَرِ عَيَرْدَ وَ يَهُودَاوَنْ دَسُكٜىٰ ثِكِنْ بِرْنِنْ شُوشَنْ سُڧَارَ يِنْ حَكَ غُواْبٜىٰ، كَمَرْ يَدَّ عَكَ بَادَ دُواْكَا سُكَيِ يَوْ؞ بَرِ كُمَ عَبَادَ دُواْكَا أَ رَاتَيٜىٰ غَوَوَّكِنْ یَیَنْ هَامَٰنَ غُدَا غُواْمَنَّنْ عَكَنْ دُواْغَيٜىٰنْ كَتَكَنْ رَاتَيَ مُتَنٜىٰ؞»‏

¹⁴ سَبُواْدَ حَكَ سَرْكِے يَبَادَ عُمَرْنِ عَيِ حَكَ؞ سَيْ عَكَيِ شٜىٰلَرْ دُواْكَرْ نَنْ عَثِكِنْ بِرْنِنْ شُوشَنْ؞ عَكَ كُمَ رَاتَيٜىٰ غَوَوَّكِنْ یَیَنْ هَامَٰنَ نَنْ غُدَا غُواْمَ؞

¹⁵ سَيْ يَهُودَاوَنْ دَسُكٜىٰ عَثِكِنْ بِرْنِنْ شُوشَنْ، سُكَسَاكٜىٰ تَارُوَ أَ رَانَ تَغُواْمَشَا حُطُ غَ وَتَنْ غُواْمَشَا بِيُ، وَتُواْ وَتَنْ أَدَرْ؞ يَهُودَاوَنْ كُوَ سُكَ هَلَّكَ مُتَنٜىٰ طَرِے عُكُ عَبِرْنِنْ؞ عَمَّا بَسُ ڨُوثٜىٰ كَايَنْسُبَ؞

¹⁶ أَنَ ثِكِنْ حَكَ سَيْ سَوْرَنْ يَهُودَاوَا نَثِكِنْ يَنْكُنَنْ مُلْكٍ سُكَ تَتَّارُ دُواْمِنْ سُكَارٜىٰ رَايُكَنْسُ سُكُمَ سَامِ هُوتُ دَغَ ڢَطَ دَ أَبُواْكَنْ غَابَنْسُ؞ سُكَ كُوَ كَشٜىٰ أَبُواْكَنْ غَابَنْسُ، مُتَنٜىٰ دُبُو سَبَعِنْ دَ بِيَرْ؞ عَمَّا بَسُ ڨُوثٜىٰ كَايَنْسُبَ؞

¹⁷ وَنَّنْ يَڢَرُ أَ رَانَ تَغُواْمَشَا عُكُ غَ وَتَنْ غُواْمَشَا بِيُ، وَتُواْ وَتَنْ أَدَرْ؞ وَشٜىٰغَرِ، وَتُواْ رَانَ تَغُواْمَشَا حُطُ، سُكَ هُوتَ دَغَ ڢَطَ دَ أَبُواْكَنْ غَابَنْسُ؞ سُكَ مَيْدَ رَانَرْ تَذَمَ رَانَرْ مُرْنَ دَ رَانَرْ بِكِ؞

¹⁸ عَمَّا يَهُودَاوَنْ دَسُكٜىٰ ثِكِنْ بِرْنِنْ شُوشَنْ كُوَ سُكَ تَارُ أَ رَانَ تَغُواْمَشَا عُكُ دَ كُمَ تَغُواْمَشَا حُطُ، سَيْ سُكَ هُوتَ دَغَ ڢَطَ دَ أَبُواْكَنْ غَابَنْسُ أَ رَانَ تَغُواْمَشَا بِيَرْ؞ سُكَ مَيْدَ عِتَ تَذَمَ رَانَرْ مُرْنَ دَ رَانَرْ بِكِ؞

¹⁹ شِيَسَا يَهُودَاوَنْ دَسُكٜىٰ ذَمَ ثِكِنْ ڧَوْيُكَ دَ كَرْكَرَ سُكَ كٜىٰٻٜىٰ رَانَ تَغُواْمَشَا حُطُ غَ وَتَنْ غُواْمَشَا بِيُ، وَتُواْ وَتَنْ أَدَرْ، تَذَمَ رَانَرْ هُوتُ؞ رَانَرْ تَكَسَنْثٜىٰ رَانَرْ بِكِ دَ مُرْنَ دَ رَانَرْ عَيْكَ وَ جُونَ ݣَوْتَنْ عَبِنْثِ؞

بِكٍ ڢُورِمْ

²⁰ مُوارْدٜىٰكَيْ كُوَ يَرُبُوتَ وَطَنَّنْ أَبُبُوَ، يَكُمَ عَيْكَ دَ وَسِيڧُ ذُوَاغَ يَهُودَاوَا نَكُسَ دَ نَنٜىٰسَ وَطَنْدَ سُكٜىٰ ذَمَ عَيَنْكُنَنْ مُلْكٍ سَرْكِے أَهَسُرُسْ؞

²¹ يَ عُمَرْثٜىٰسُ سُكٜىٰٻٜىٰ رَانَ تَغُواْمَشَا حُطُ دَ كُمَ تَغُواْمَشَا بِيَرْ غَ وَتَنْ غُواْمَشَا بِيُ، وَتُواْ وَتَنْ أَدَرْ، سُذَمَ رَانَكُنْ هُوتُ عَكُواْوَثٜىٰ شٜىٰكَرَا،

²² دُواْمِنْ أَوَطَنَّنْ رَانَكُو نٜىٰ يَهُودَاوَا سُكَ هُوتَ دَغَ ڢَطَ دَ أَبُواْكَنْ غَابَنْسُ؞ أَوَنَّنْ وَتَنْ نٜىٰ بَڧِنْ ثِكِنْسُ يَكُواْمَ ڢَضٍ ثِكِ، رَانَرْ كُوكَنْسُ كُمَ تَكُواْمَ رَانَرْ بِكِ؞ عَكَ عُمَرْثٜىٰسُ سُكِيَايٜىٰ رَانَكُنَّنْ سُذَمَ مُسُ رَانَكُنْ بِكِ دَ نَمُرْنَ، رَانَكُو نَعَيْكَ وَجُونَ عَبِنْثِ دَ نَعَيْكَ ݣَوْتَيْ غَ مَتَلَوْتَ؞

²³ سَيْ يَهُودَاوَا سُكَ يَرْدَ سُثِيغَبَدَ أَلْعَادَرْ بِكٍ كُواْوَثٜىٰ شٜىٰكَرَا، كَمَرْ يَدَّ مُوارْدٜىٰكَيْ يَعُمَرْثٜىٰسُ؞

²⁴ سُنْيِ حَكَ غَمَا هَامَٰنَ طَنْ هَمّٜىٰدَتَ، مُتُمِنْ أَغَغْ، أَبُواْكِنْ غَابَنْ دُكَنْ يَهُودَاوَا، دَا يَا شِرْيَ مُغُنْتَا عَكَنْ يَهُودَاوَا دُواْمِنْ عَكَكَّشٜىٰسُ عَكُمَ هَلَكَاسُ أَ رَانَرْ، تَوُرِنْ جٜىٰڢَ ڧُرِعَ وَدَّ عَكٜىٰ ثٜىٰ دَ عِتَ ‏«‏ڢُورِمْ»‏؞

²⁵ عَمَّا سَعَدَّ سَرْكِے يَجِ مُغُنْتَارْ دَ هَامَٰنَ يَشِرْيَ، سَيْ سَرْكِے يَبَادَ عُمَرْنِ أَرُبُوثٜىٰ ثٜىٰوَ دُكْ مُغُنْتَارْ دَ هَامَٰنَ يَشِرْيَ عَكَنْ يَهُودَاوَا يَكُواْمَ كَنْسَ، كُمَ أَ رَاتَيٜىٰشِ دَ یَیَنْسَ مَظَا عَكَنْ دُواْغَيٜىٰنْ كَتَكَنْ رَاتَيَ مُتَنٜىٰ؞

²⁶ شِيَسَا عَكَثٜىٰ دَ رَانَكُو طِنَّنْ ڢُورِمْ دَغَ كَلْمَرْ نَنْ ‏«‏ڢُرْ»‏، وَتُواْ ڧُرِعَ؞ بِسَغَ دُكَنْ أَبُبُوَنْ دَ عَكَ رُبُوتَ أَوَسِيڧَرْ مُوارْدٜىٰكَيْ دَ كُمَ بِسَغَ أَبُبُوَنْ دَ سُكَ غَنِ دَ كُمَ أَبُبُوَنْ دَ سُكَ سَامٜىٰسُ،

²⁷ سَيْ يَهُودَاوَا سُكَغَ يَذَمَ دُواْلٜىٰ بِكٍ يَذَمَ أَلْعَادَا أَغَرٜىٰسُ؞ سُو دَ ذُرِيَرْسُ دَ كُمَ دُكْ وَطَنْدَ ذَاسُ ذَمَ يَهُودَاوَا ذَاسُ ثِيغَبَدَ كِيَايٜىٰ وَطَنَّنْ رَانَكُو بِيُ بَا ڢَاسَوَ أَ لُواْكَثِنْ دَ عَكَ شِرْيَ عَكُواْوَثٜىٰ شٜىٰكَرَا؞ ذَاعَ دِنْ‌غَ يِنْتَ كَمَرْ يَدَّ مُوارْدٜىٰكَيْ يَعُمَرْتَ؞

²⁸ ذَاعَكُمَ دِنْ‌غَ تُنَاوَا دَ وَطَنَّنْ رَانَكُو عَكُمَ كِيَايٜىٰسُ دَغَ ڟَارَا ذُوَا ڟَارَا دَ كُمَ ثِكِنْ كُواْوَنٜىٰ عِيَلِ دَ ثِكِنْ كُواْوَنٜىٰ يَنْكِ دَ كُمَ كُواْوَنٜىٰ بِرْنِ؞ كَدَ يَهُودَاوَا سُدَيْنَ كِيَايٜىٰ رَانَكُنْ بِكٍ ڢُورِمْ، كُواْ سُبَرْ جِيكُواْكِنْسُ سُمَنْتَا سُ كِيَايٜىٰ وَطَنَّنْ رَانَكُو بِيُ؞

²⁹ سَعَنً سَرَوْنِيَ عٜىٰسْتَا یَرْ أَبِهَيِلْ، تَرٜىٰدَ مُوارْدٜىٰكَيْ مُتُمِنْ يَهُودَ، تَرُبُوتَ دَ ثِكَكّٜىٰنْ إِيكُواْ دُواْمِنْ تَتَبَّتَرْ دَ وَسِيڧَ تَبِيُ غَمٜىٰدَ ذَنْثٜىٰنْ بِكٍ ڢُورِمْ؞

³⁰ عَكَ كُوَ عَيْكَ دَ وَسِيڧُنَّنْ ذُوَاغَ دُكَنْ مُتَنٜىٰنْ يَهُودَ عَيَنْكُنَ طَرِے دَ عَشِرِنْ دَ بَݣَويْ نَمُلْكٍ سَرْكِے أَهَسُرُسْ؞ عَثِكِنْ وَسِيڧُنْ أَنْيِ وَ يَهُودَاوَا ڢَتَنْ سَلَمَ دَ تَبَّتَرْ دَ لَاڢِيَرْسُ؞

³¹ عَكَ كُمَ عُمَرْثٜىٰسُ، سُو دَ ذُرِيَرْسُ، سُكِيَايٜىٰ رَانَكُنْ بِكٍ ڢُورِمْ أَ لُواْكَثِنْ دَ عَكَ شِرْيَ؞ عَكَ كُمَ عُمَرْثٜىٰسُ سُكِيَايٜىٰ رَانَكُنْ أَظُمِ دَ نَبَڧِنْ ثِكِ وَطَنْدَ سُكَ كَڢَ وَكَنْسُ، كَمَرْ يَدَّ مُوارْدٜىٰكَيْ مُتُمِنْ يَهُودَ دَ سَرَوْنِيَ عٜىٰسْتَا سُكَ عُمَرْتَ؞

³² دُواْكَرْ عٜىٰسْتَا كُوَ تَتَبَّتَرْ دَ ڧَٰعِدُواْدِنْ بِكٍ ڢُورِمْ، عَكَ كُمَ رُبُوتَسُ عَثِكِنْ نَطَطّٜىٰنْ لِتَّڢِنْ تَارِيحِ؞