عٜىٰسْتَا 7 - أَتَّوْرَتْ دَ أَنَّبَاوَا

أَنْ رَاتَيٜىٰ هَامَٰنَ

¹ سَيْ سَرْكِے دَ هَامَٰنَ سُكَ تَڢِے دُوانْ ثِنْ عَبِنْثِ نَمُسَمَّنْ تَرٜىٰدَ سَرَوْنِيَ عٜىٰسْتَا؞

² سُنَ ثِكِنْ شَنْ ضُوً إِنَبِے أَ رَانَ تَبِيُ، سَيْ سَرْكِے يَسَاكٜىٰ ثٜىٰ وَ عٜىٰسْتَا ‏«‏سَرَوْنِيَ عٜىٰسْتَا، مٜىٰكِكٜىٰ بُڧَاتَ؟ ذَاكِ سَامُ؞ مٜىٰنٜىٰنٜىٰ ضُواْڧُوانْكِ؟ كُواْ دَمَا رَبِنْ مُلْكِنَ نٜىٰ، ذَنْبَاكِ؞»‏

³ سَرَوْنِيَ عٜىٰسْتَا تَأَمْسَ تَثٜىٰ ‏«‏يَا كَيْ سَرْكِے، عِدَنْ نَا سَامِ ڢَضٍ جِنِ أَغَبَنْكَ، عِدَنْ كُمَ يَغَمْشٜىٰكَ، رَنْكَيَدَطٜىٰ، كَبَرْنِ دَ رَيْ؞ أَبِنْ دَ نَكٜىٰ بُڧَاتَ كٜىٰنَنْ؞ كُمَ كَبَرْ مُتَنٜىٰنَ سُرَايُ؞ ضُواْڧُواْنَ كٜىٰنَنْ؞

⁴ غَمَا أَنْسَيَرْ دَمُو، نِے دَ مُتَنٜىٰنَ، دُواْمِنْ أَ هَلَكَامُ عَكَكَّشٜىٰمُ عَكُمَ كَوَرْ دَمُو؞ دَاعَثٜىٰ أَنْسَيَرْ دَمُو كَوَيْ مُذَمَ بَايِ مَظَا دَ مَاتَادَ نَيِ شِضُ، غَمَا بَابُ كُطِ دَغَ أَبُواْكِنْ غَابَادَ ذَيْ عِيَ بِيَنْ إِرِنْ هَسَرَرْ دَ سَرْكِے ذَيْ يِ؞»‏

⁵ سَيْ سَرْكِے أَهَسُرُسْ يَتَمْبَيِ سَرَوْنِيَ عٜىٰسْتَا يَثٜىٰ ‏«‏وَنٜىٰنٜىٰ مُتُمِنْ؟ إِنَا مُتُمِنْ دَ يَكٜىٰدَ ذُوثِيَارْ عَيْكَتَ إِرِنْ وَنَّنْ أَبُ؟»‏

⁶ عٜىٰسْتَا تَأَمْسَ تَثٜىٰ ‏«‏غَا أَبُواْكِنْ غَابَنْمُ نَنْ!‏ غَا مَيْڧِنْمُ نَنْ!‏ وَنَّنْ مُوغُ هَامَٰنَ!‏»‏ سَيْ هَامَٰنَ يَجِڟُواْرُواْ ڨُورَيْ حَرْ يَنَ ضَوَرْ جِكِے أَغَبَنْ سَرْكِے دَ سَرَوْنِيَ؞

⁷ سَيْ سَرْكِے يَتَاشِ دَ ڢُشِے، يَبَرْ ضُوً إِنَبِنْسَ يَڢِتَ وَجٜىٰ عِنْدَ عَكَ شُوكَ ڢُلَوَ أَ ڢِيلِنْ غِدَنْ سَرْكِے؞ عَمَّا هَامَٰنَ يَڟَيَ يَنَ ضُواْڧُوانْ سَرَوْنِيَ عٜىٰسْتَا تَثٜىٰثِ رَنْسَ، غَمَا يَا غَانٜىٰ مُوغُنْ أَبِنْدَ سَرْكِے ذَيْ يِمَسَ؞

⁸ دَ سَرْكِے يَكُواْمَ دَغَ ڢِيلِنْ دَ عَكَ شُوكَ ڢُلَوَ ذُوَا وُرِنْ دَسُكٜىٰ ثِنْ عَبِنْثِ نَمُسَمَّنْ، سَيْغَا هَامَٰنَ يَڢَاطِ عَكَنْ دُواْغُوَرْ كُجٜىٰرَ عِنْدَ عٜىٰسْتَا تَكٜىٰ، يَنَ رِرِّڧٜىٰتَ يَنَ ضُواْڧُواْ؞ سَعَدَّ سَرْكِے يَغَنْشِ سَيْيَثٜىٰ ‏«‏حَرْ مَا ذَيْثِ مُتُنْثِنْ سَرَوْنِيَ أَغَبَنَ أَغِدَانَ؟»‏ دَظَرَرْ سَرْكِے يَڢَطِ حَكَ، سَيْ عِدُوانْ هَامَٰنَ يَيِجَا؞

⁹ سَيْ هَرْبُواْنَ، طَيَ دَغَ ثِكِنْ بَابَانِّ مَاسُيِ وَسَرْكِے حِدِمَ يَثٜىٰ ‏«‏غَاشِ، هَامَٰنَ يَا رِغَا يَا تَادَ دُواْغُوانْ كَتَكُوانْ رَاتَيَ مُتَنٜىٰ مَيْ ڟَيِ وَجٜىٰنْ ڧَڢَا سَبَعِنْ دَ بِيَرْ أَغِدَنْسَ؞ يَتَادَشِ دُواْمِنْ يَرَاتَيٜىٰ مُوارْدٜىٰكَيْ، مُتُمِنْدَ يَثٜىٰثِ رَنْ سَرْكِے؞»‏ سَيْ سَرْكِے يَثٜىٰ ‏«‏كُرَاتَيٜىٰ هَامَٰنَ عَكَيْ!‏»‏

¹⁰ سَيْ ڢَا عَكَ رَاتَيٜىٰ هَامَٰنَ عَكَنْ دُواْغُوانْ كَتَكُوانْ رَاتَيَ مُتَنٜىٰ وَنْدَ يَشِرْيَ دُواْمِنْ مُوارْدٜىٰكَيْ؞ سَعَنً ڢُشِنْ سَرْكِے يَݣُونْتَ؞