عٜىٰسْتَا 6 - أَتَّوْرَتْ دَ أَنَّبَاوَا

أَنْ طَوْكَكَ مُوارْدٜىٰكَيْ

¹ أَوَنَّنْ دَرٜىٰ كُوَ سَرْكِے يَكَاسَ بَرْثِ؞ سَيْ يَعُمَرْتَ عَكَٰوُاْ لِتَّڢِنْ تَارِيحِ، وَتُواْ لِتَّڢِنْ دَ عَكَ رُبُوتَ أَلْعَمُرَنْ دَسُكٜىٰ ڢَرُوَ دُوانْ تُنَاوَا دَ مُلْكِنْسَ؞ عَكَ كُوَ كَرَنْتَ مَسَ؞

² سَيْ عَكَ تَرَرْ أَنْرُبُوتَ ثِكِنْ تَارِيحِ يَدَّ مُوارْدٜىٰكَيْ يَتُواْنَ أَسِيرِنْ بِغْتَنَ دَ تٜىٰرٜىٰشْ، وَتُواْ بِيُ دَغَ ثِكِنْ بَابَانِّنْ سَرْكِے مَاسُ غَادِنْ ڧُواْڢَرْ غِدَنْ سَرْكِے، وَطَنْدَ سُكَيِ نِيَّ سُكَشٜىٰ سَرْكِے أَهَسُرُسْ؞

³ سَرْكِے يَيِ تَمْبَيَ يَثٜىٰ ‏«‏وَثٜىٰ إِرِنْ غِرْمَ دَ لَادَ عَكَبَا مُوارْدٜىٰكَيْ سَبُواْدَ وَنَّنْ؟»‏ مَاسُيِ وَسَرْكِے حِدِمَ سُكَ أَمْسَ سُكَثٜىٰ ‏«‏بَا أَبِنْدَ عَكَيِ دُواْمِنْسَ كُواْ كَطَنْ؞»‏

⁴ أَنَ ثِكِنْ حَكَ سَيْ هَامَٰنَ يَشِغَ ذَوْرٜىٰ نَوَجٜىٰ نَغِدَنْ سَرْكِے دُواْمِنْ يَيِ مَغَنَ دَ سَرْكِے أَ رَاتَيٜىٰ مُوارْدٜىٰكَيْ عَكَنْ دُواْغُوانْ كَتَكُوانْ رَاتَيَ مُتَنٜىٰنْ دَ يَا رِغَا يَا شِرْيَ؞ سَيْ سَرْكِے يَيِ تَمْبَيَ يَثٜىٰ ‏«‏وَنٜىٰنٜىٰ أَ ذَوْرٜىٰ؟»‏

⁵ سَيْ مَاسُيِ وَسَرْكِے حِدِمَ سُكَ أَمْسَ سُكَثٜىٰ ‏«‏أَيْ، هَامَٰنَ نٜىٰ يَكٜىٰ ڟَيٜىٰ أَ ذَوْرٜىٰ؞»‏ سَيْ سَرْكِے يَثٜىٰ ‏«‏أَ شِغَرْ دَشِ؞»‏

⁶ سَيْ هَامَٰنَ يَشِغَ؞ سَرْكِے كُوَ يَثٜىٰ مَسَ ‏«‏مٜىٰ ذَاعَيِ وَمُتُمِنْ دَ سَرْكِے يَكٜىٰ مُرْنَ يَغِرْمَمَشِ؟»‏ سَيْ هَامَٰنَ يَيِ تُنَانِ أَ رَنْسَ يَثٜىٰ ‏«‏وَنٜىٰنٜىٰ وَنَّنْ دَ سَرْكِے يَكٜىٰ مُرْنَ يَغِرْمَمَ شِ إِنْ بَنِيبَ؟»‏

⁷ سَيْ هَامَٰنَ يَأَمْسَ وَ سَرْكِے يَثٜىٰ ‏«‏غَا أَبِنْدَ ذَاعَيِ وَمُتُمِنْ دَ سَرْكِے يَكٜىٰ مُرْنَ يَغِرْمَمَ؞

⁸ بَرِ عَكَٰوُاْ رِيغُنَنْ مُلْكٍ دَ سَرْكِے يَتَٻَ سَاوَا دَ كُمَ دُواْكِ دَ سَرْكِے يَتَٻَ هَوَ، وَنْدَ يَكٜىٰدَ أَدُواْ إِرِنْ نَسَرْكِے عَكَنْسَ،

⁹ عَبَا طَيَ دَغَ ثِكِنْ مَنْيَنْ مُتَنٜىٰ مَڢِے غِرْمَ؞ وَنَّنْ بَبَّنْ مُتُمْ كُوَ يَسَا وَمُتُمِنَّنْ دَ سَرْكِے يَكٜىٰ مُرْنَ يَغِرْمَمَ رِيغُنَنْ مُلْكِ؞ يَكُمَ سَاشِ عَكَنْ دُواْكِنْ، يَذَاغَيَ دَشِ أَ ڢِيلِ نَثِكِنْ بِرْنِ، يَيِ تَشٜىٰلَ أَغَبَنْ مُتُمِنَّنْ يَنَ ثٜىٰوَ ‏‹‏دُوبَ أَبِنْدَ عَكٜىٰيِ غَ مُتُمِنْ دَ سَرْكِے يَكٜىٰ مُرْنَ يَغِرْمَمَ!‏›‏ »‏

¹⁰ سَيْ سَرْكِے يَثٜىٰ وَ هَامَٰنَ ‏«‏كَيِسَوْرِ كَطَوْكِ رِيغُنَنْ دَ دُواْكِنْ، كَتَڢِے وُرِنْ مُوارْدٜىٰكَيْ مُتُمِنْ يَهُودَ وَنْدَ يَكَنْ ذَوْنَ عَبَاكِنْ ڧُواْڢَرْ غِدَنْ سَرْكِے، كَيِ مَسَ كَمَرْ يَدَّ كَڢَطَا؞ كَدَ كَضَغٜىٰ كُواْمٜىٰ؞»‏

¹¹ سَيْ هَامَٰنَ يَجٜىٰ يَطَوْكِ رِيغُنَنْ دَ دُواْكِنْ؞ يَسَا وَ مُوارْدٜىٰكَيْ رِيغُنَنْ، يَكُمَسَا مُوارْدٜىٰكَيْ يَهَوْ دُواْكِنْ، سَعَنً يَوُثٜىٰ غَبَنْسَ؞ هَامَٰنَ يَذَاغَيَ دَشِ أَ ڢِيلِ نَثِكِنْ بِرْنِنْ، يَنَ شٜىٰلَ وَمُتَنٜىٰ يَنَ ثٜىٰوَ ‏«‏دُوبَ أَبِنْدَ عَكٜىٰيِ غَ مُتُمِنْ دَ سَرْكِے يَكٜىٰ مُرْنَ يَغِرْمَمَ!‏»‏

¹² بَايَنْ وَنَّنْ مُوارْدٜىٰكَيْ يَكُواْمَ ڧُواْڢَرْ غِدَنْ سَرْكِے، عَمَّا هَامَٰنَ يَتَڢِے غِدَنْسَ أَغُجٜىٰ ثِكٜىٰ دَ بَڧِنْ ثِكِ؞ كُنْيَا كُوَ تَرُڢٜىٰشِ؞

¹³ سَيْ يَڢَطَا وَمَاتَرْسَ ظٜىٰرٜىٰشْ دَ كُمَ دُكَنْ أَبُواْكَنْسَ، دُكَنْ أَبِنْدَ يَڢَرُ دَشِ؞ سَيْ مُتَنٜىٰنْسَ مَاسُ بَاشِ شَوَرَا دَ مَاتَرْسَ ظٜىٰرٜىٰشْ سُكَثٜىٰ ‏«‏عِدَنْ دَيْ مُوارْدٜىٰكَيْ دَ كَڢَارَ ڢَاطُوَ أَغَبَنْسَ مُتُمِنْ يَهُودَ نٜىٰ، تُواْ، بَذَاكَثِ نَصَرَا عَكَنْسَبَ، لَلَّيْ ذَاكَ ڢَاطِ!‏»‏

¹⁴ يَايِنْ دَسُكٜىٰ ثِكِنْ مَغَنَ، سَيْغَا وَطَنْسُ بَابَانِّنْ سَرْكِے سُكَ إِسُواْ سُكَ تَڢِے دَ هَامَٰنَ دَ سَوْرِ ذُوَا وُرِنْ ثِنْ عَبِنْثِ نَمُسَمَّنْ دَ عٜىٰسْتَا تَشِرْيَ؞