عٜىٰسْتَا 5 - أَتَّوْرَتْ دَ أَنَّبَاوَا

عٜىٰسْتَا تَايِ وَ سَرْكِے دَ هَامَٰنَ عَبِنْثِ نَمُسَمَّنْ

¹ أَنَانً عَكَنْ رَانَ تَ عُكُ، سَيْ عٜىٰسْتَا تَسَا رِيغُنَنْ مُلْكِنْتَ، تَشِغَ ذَوْرٜىٰ نَثِكِ نَغِدَنْ سَرْكِے، تَنَ ڢُسْكَنْتَرْ طَاكِنْ دَ كُجٜىٰرَرْ مُلْكِ تَكٜىٰ؞ سَرْكِے كُوَ يَنَ ظَوْنٜىٰ عَكَنْ كُجٜىٰرَرْ مُلْكِنْسَ يَنَ ڢُسْكَنْتَرْ ڧُواْڢَرْ شِغَ؞

² سَعَدَّ يَغَ سَرَوْنِيَ عٜىٰسْتَا تَنَ ڟَيٜىٰ أَڟَكِيَرْ ذَوْرٜىٰ نَثِكِ نَغِدَنْ سَرْكِے، سَيْ يَمِيڧَ مَتَ سَنْدَنْ ظِينَارِيَ نَمُلْكِ دَيَكٜىٰ أَ حَنُّنْسَ، غَمَا تَا سَامِ ڢَضٍ جِنِ دَغَ غَرٜىٰشِ؞ سَيْ عٜىٰسْتَا تَمَاڟَ كُسَ تَتَٻَ كَنْ سَنْدَنْ مُلْكٍ؞

³ سَرْكِے يَتَمْبَيٜىٰتَ يَثٜىٰ ‏«‏مٜىٰكِكٜىٰ بُڧَاتَ، يَا سَرَوْنِيَ عٜىٰسْتَا؟ ذَاكِ سَامُ؞ مٜىٰنٜىٰنٜىٰ ضُواْڧُوانْكِ؟ كُواْ دَمَا رَبِنْ مُلْكِنَ نٜىٰ، ذَنْبَاكِ؞»‏

⁴ سَيْ عٜىٰسْتَا تَأَمْسَ تَثٜىٰ ‏«‏عِدَنْ يَا غَمْشٜىٰكَ سَرْكِے، بَرِ كَيْ سَرْكِے كَذُواْ يَوْ تَرٜىٰدَ هَامَٰنَ أَ شِرِنْ ثِنْ عَبِنْثِ نَمُسَمَّنْ دَنَيِ مَكَ؞»‏

⁵ سَرْكِے كُوَ يَبَادَ عُمَرْنِ عَكَٰوُاْ هَامَٰنَ دَ سَوْرِ دُواْمِنْ سُيِ يَدَّ عٜىٰسْتَا تَڢَطَا؞ سَيْ سَرْكِے دَ هَامَٰنَ سُكَ تَڢِے بِكٍ ثِنْ عَبِنْثِ نَمُسَمَّنْ وَنْدَ عٜىٰسْتَا تَشِرْيَ؞

⁶ سَعَدَّ سُكٜىٰ ثِكِنْ شَنْ ضُوً إِنَبِے، سَيْ سَرْكِے يَتَمْبَيِ عٜىٰسْتَا يَثٜىٰ ‏«‏مٜىٰكِكٜىٰ بُڧَاتَ؟ ذَاكِ سَامُ؞ مٜىٰنٜىٰنٜىٰ ضُواْڧُوانْكِ؟ كُواْ دَمَا رَبِنْ مُلْكِنَ نٜىٰ، ذَنْبَاكِ؞»‏

⁷ عٜىٰسْتَا تَأَمْسَ تَثٜىٰ ‏«‏بُڧَاتَتَ دَ ضُواْڧُواْنَ شِينٜىٰ

⁸ عِدَنْ نَا سَامِ ڢَضٍ جِنِ أَغَبَنْكَ، يَا سَرْكِے، عِدَنْ كُمَ يَغَمْشٜىٰكَ، يَا سَرْكِے، كَبِيَ مِنِ بُڧَاتَ كَكُمَجِ ضُواْڧُواْنَ، بَرِ كَيْ سَرْكِے دَ هَامَٰنَ كُذُواْ بِكٍ ثِنْ عَبِنْثِ نَمُسَمَّنْ دَ ذَنْ شِرْيَ مُكُ غُواْبٜىٰ؞ سَعَنً ذَنْ أَمْسَ وَسَرْكِے تَمْبَيَرْسَ؞»‏

هَامَٰنَ يَيِ شِرِ يَكَشٜىٰ مُوارْدٜىٰكَيْ

⁹ أَ رَانَرْ نَنْ هَامَٰنَ يَڢِتَ دَ ڢَضٍ ثِكِ دَ مُرْنَ سُواْسَيْ؞ دَ يَنَ وُثٜىٰوَ عَبَاكِنْ ڧُواْڢَرْ غِدَنْ سَرْكِے، يَكُوَ لُورَ ثٜىٰوَ مُوارْدٜىٰكَيْ بَيْ تَاشِ كُواْ يَنُونَ عَلَمَرْ ڟُواْرُواْ يَايِنْ دَيَكٜىٰ وُثٜىٰوَ بَ، هَامَٰنَ يَثِكَ دَ ڢُشِے سُواْسَيْ غَمٜىٰدَ مُوارْدٜىٰكَيْ؞

¹⁰ دُكْدَهَكَ، هَامَٰنَ يَتَڢِے غِدَا بَاتَرٜىٰدَ يَنُونَ ڢُشِنْسَبَ؞ سَيْ يَعَيْكَ وَ أَبُواْكَنْسَ دَ مَاتَرْسَ ظٜىٰرٜىٰشْ سُذُواْ؞

¹¹ سَيْ يَبُغَ ڧِرْجِ غَمٜىٰدَ يَوَنْ دُوكِيَرْسَ دَ يَوَنْ یَیَنْسَ مَظَا دَ كُمَ يَدَّ سَرْكِے يَڧَارَ طَوْكَكَ يَكُمَ طَغَ شِ ذُوَا مَڟَيِنْ شُوغَبَنْ مَنْيَنْ مُتَنٜىٰ دَ دَتَّاوَنْ سَرْكِے؞

¹² هَامَٰنَ كُوَ يَثِيغَبَدَ يَبُوانْ كَنْسَ يَنَ ثٜىٰوَ ‏«‏حَرْ سَرَوْنِيَ عٜىٰسْتَا مَا بَتَيَرْدَ كُواْوَ يَتَڢِے تَرٜىٰدَ سَرْكِے ذُوَا بِكٍ ثِنْ عَبِنْثِنْ مُسَمَّنْ دَ تَشِرْيَبَ، سَيْ نِے كَطَيْ دَسَرْكِے؞ غُواْبٜىٰ مَا تَسَاكٜىٰ غَيَّثٜىٰنِ تَرٜىٰدَ سَرْكِے؞

¹³ دُكْدَهَكَ دُكَنْ وَطَنَّنْ بَسُسَا نِے نَا جِ دَاطِے بَ، تُنْدَ نَغَ مُوارْدٜىٰكَيْ مُتُمِنْ يَهُودَ نَنْ ظَوْنٜىٰ عَبَاكِنْ ڧُواْڢَرْ غِدَنْ سَرْكِے؞»‏

¹⁴ سَيْ مَاتَرْسَ ظٜىٰرٜىٰشْ دَ كُمَ دُكَنْ أَبُواْكَنْسَ سُكَ بَاشِ شَوَرَا ثٜىٰوَ ‏«‏بَرِ كَسَا عَتَادَ كَتَكُوانْ رَاتَيَ مُتَنٜىٰ مَيْ ڟَيِنْدَ يَكَيْ وَجٜىٰنْ ڧَڢَا سَبَعِنْ دَ بِيَرْ؞ غُواْبٜىٰ دَ سَڢٜىٰ كَيِ مَغَنَ دَ سَرْكِے أَ رَاتَيٜىٰ مُوارْدٜىٰكَيْ عَكَيْ؞ سَعَنً كَتَڢِے ثِنْ عَبِنْثِ نَمُسَمَّنْ تَرٜىٰدَ سَرْكِے ڢُسْكَرْكَ أَ سَكٜىٰ؞»‏ سَيْ هَامَٰنَ يَجِ دَاطِنْ وَنَّنْ شَوَرَا أَ رَنْسَ؞ سَيْ يَسَا عَكَ تَادَ دُواْغُوانْ كَتَكُوانْ رَاتَيَ مُتَنٜىٰ؞