عٜىٰسْتَا 4 - أَتَّوْرَتْ دَ أَنَّبَاوَا

مُوارْدٜىٰكَيْ يَضُواْڧِ عٜىٰسْتَا تَتَيْمَكَ

¹ سَعَدَّ مُوارْدٜىٰكَيْ يَجِ دُكَنْ أَبِنْدَ عَكَيِ، يَيَيَّاغٜىٰ رِيغُنَنْسَ، يَسَا رِغَا تَنُونَ بَڧِنْ ثِكِ، يَظُبَ تُواْكَ عَكَيْ؞ يَكُمَ ڢِتَ يَبِے ثِكِنْ بِرْنِ يَنَ إِيهُ يَنَ كُوكَا مَيْ سُواْسَيْ؞

² دَ يَ إِسُواْ بَاكِنْ ڧُواْڢَرْ غِدَنْ سَرْكِے، بَيْ شِغَ بَ، غَمَا دُكْ وَنْدَ يَسَا رِغَا تَنُونَ بَڧِنْ ثِكِ، بَعَيَرْدَ مَسَ يَشِغَ؞

³ عَكُواْعِنَ دَ عَكَجِ عُمَرْنِنْ سَرْكِے دَ دُواْكَرْسَ ثِكِنْ يَنْكُنَنْ ڧَسَرْ، يَهُودَاوَا سُكَيِ بَڧِنْ ثِكِ سُواْسَيْ دَ أَظُمِ دَ كُوكَا دَ إِيهُ؞ دَ يَوَ عَثِكِنْسُ سُكَسَا رِيغُنَنْ نُونَ بَڧِنْ ثِكِ سُكَ ݣُونْتَ ثِكِنْ تُواْكَ؞

⁴ سَعَدَّ مَتَ مَاسُيِ وَ سَرَوْنِيَ عٜىٰسْتَا حِدِمَ تَرٜىٰدَ بَابَانِّنْتَ سُكَ ڢَطَا وَ عٜىٰسْتَا أَبِنْدَ مُوارْدٜىٰكَيْ يَكٜىٰيِ، سَيْ تَدَامُ ڨُورَيْ؞ تَا كُمَ عَيْكَ وَ مُوارْدٜىٰكَيْ رِيغُنَ يَسَا أَمَيْمَكُوانْ رِغَا تَنُونَ بَڧِنْ ثِكِ، عَمَّا يَڧِ كَرْٻَ؞

⁵ سَيْ عٜىٰسْتَا تَكِرَا هَتَكْ، طَيَ دَغَ ثِكِنْ بَابَانِّ وَنْدَ سَرْكِے يَسَا يَيِ مَتَ حِدِمَ، تَعُمَرْثٜىٰشِ يَجٜىٰ وُرِنْ مُوارْدٜىٰكَيْ يَبِنْثِكَ أَبِنْدَ يَڢَرُ دَ كُمَ أَبِنْدَ يَسَا يَكٜىٰيِنْ حَكَ؞

⁶ سَيْ هَتَكْ يَتَڢِے وُرِنْ مُوارْدٜىٰكَيْ أَ ڢِيلِنْ غَرِ أَغَبَنْ ڧُواْڢَرْ غِدَنْ سَرْكِے؞

⁷ مُوارْدٜىٰكَيْ كُوَ يَڢَطَا مَسَ دُكَنْ أَبِنْدَ يَڢَرُ دَشِ دَ كُمَ دَيْدَيْ كُطِنْ دَ هَامَٰنَ يَيِ أَلْڧَوَرِ ذَيْبِيَ أَ مَعَجِنْ سَرْكِے دُوانْ أَ هَلَّكَ يَهُودَاوَا؞

⁸ مُوارْدٜىٰكَيْ كُوَ يَبَا هَتَكْ رُبُوتَثِّيَرْ دُواْكَرْ دَ عَكَيِ أَ شُوشَنْ، وَدَّ ذَاتَسَا أَ هَلَّكَ يَهُودَاوَا؞ مُوارْدٜىٰكَيْ كُمَ يَضُواْڧِ هَتَكْ يَنُونَاوَ عٜىٰسْتَا وَنَّنْ تَكَرْدَرْ دُواْكَا يَبَيَّنَ مَتَ يَكُمَسَا تَتَڢِے وُرِنْ سَرْكِے تَاضُواْڧٜىٰشِ، تَيِ تَنَاثٜىٰوَ دُواْمِنْ يَجِ تَوْسَيِنْ مُتَنٜىٰنْتَ؞

⁹ سَيْ هَتَكْ يَكُواْمَ، يَڢَطَا وَ عٜىٰسْتَا أَبِنْدَ مُوارْدٜىٰكَيْ يَڢَطَا مَسَ؞

¹⁰ عٜىٰسْتَا كُوَ تَعُمَرْثِ هَتَكْ يَكَيْ وَ مُوارْدٜىٰكَيْ سَڧُواْ يَثٜىٰ،

¹¹ ‏«‏دُكَنْ دَتَّاوَنْ سَرْكِے دَ مُتَنٜىٰنْ ڧَسَرْ نَنْ سُنْ سَنْ ثٜىٰوَ عِدَنْ وَنِ يَتَڢِے وُرِنْ سَرْكِے أَ ذَوْرٜىٰ نَثِكِ بَاتَرٜىٰدَ سَرْكِے يَكِرَا شِيبَ، دُواْكَا تَثٜىٰ عَكَشٜىٰ مُتُمِنْ؞ حَنْيَ طَيَ كَطَيْ دَ وَنَّنْ بَذَيْ ڢَرُبَ عِتَثٜىٰ إِنْ سَرْكِے يَمِيڧَوَ مُتُمِنْ سَنْدَنْ ظِينَارِيَ نَمُلْكِ دُواْمِنْ يَرَايُ؞ غَاشِ يَوْ ݣُونَ تَلَاتِنْ كٜىٰنَنْ سَرْكِے بَيْ كِرَنِ إِنْجٜىٰ وُرِنْسَبَ؞»‏

¹² عَكَ ڢَطَا وَ مُوارْدٜىٰكَيْ أَبِنْدَ عٜىٰسْتَا تَثٜىٰ؞

¹³ دَ يَجِ حَكَ سَيْ يَعَيْكَ هَتَكْ وُرِنْ عٜىٰسْتَادَ سَڧُواْنَّنْ ثٜىٰوَ ‏«‏كَدَ كِيِ ڟَمَّنِ ثٜىٰوَ ذَاكِ ڟِيرَا سَبُواْدَ كِنَ غِدَنْ سَرْكِے أَ سَعَدَّ سَوْرَنْ يَهُودَاوَا سُكَ مُتُ؞

¹⁴ غَمَا عِدَنْ كِنْيِ شِضُ أَوَنَّنْ لُواْكَثِ، تُواْ، تَيْمَكُواْ دَ ثٜىٰتُوانْ يَهُودَاوَا ذَيْذُواْ دَغَ وَتَ حَنْيَ دَبَمْ، عَمَّا كٜىٰ دَ غِدَنْ إِيَايٜىٰنْكِ ذَاكُ هَلَّكَ؞ وَيَسَنِ، كُواْ سَبُواْدَ لُواْكَثِنْ بُڧَاتَ كَمَرْ وَنَّنْ نٜىٰ كِكَ سَامِ وَنَّنْ مَڟَيِ نَذَمَنْ سَرَوْنِيَ؟»‏

¹⁵ سَعَنً عٜىٰسْتَا تَعَيْكَ وَ مُوارْدٜىٰكَيْ وَنَّنْ أَمْسَ تَثٜىٰ،

¹⁶ ‏«‏جٜىٰكَ، كَتَتَّارَ دُكَنْ يَهُودَاوَا وَطَنْدَ سُكٜىٰ أَ شُوشَنْ؞ كُيِ أَظُمِ دُواْمِنَ؞ كَدَ كُثِ كُواْ كُشَا دَرٜىٰ دَ رَانَ حَرْ ݣُونَ عُكُ؞ نِے كُمَ دَ یَنْ مَاتَا مَاسُ يِمِنِ حِدِمَ ذَامُيِ أَظُمِ كَمَرْ يَدَّ ذَاكُيِ؞ بَايَنْ عَكَيِ حَكَ، ذَنْتَڢِے وُرِنْ سَرْكِے، كُواْدَيَكٜىٰ دُواْكَا تَحَنَ؞ عِدَنْ نَمُتُ، نَامُتُ كٜىٰنَنْ؞»‏

¹⁷ سَيْ مُوارْدٜىٰكَيْ يَتَڢِے يَعَيْكَتَ دُكْ أَبِنْدَ عٜىٰسْتَا تَعُمَرْثٜىٰشِ؞