عٜىٰسْتَا 3 - أَتَّوْرَتْ دَ أَنَّبَاوَا

هَامَٰنَ يَيِ ڧُلّٜىٰ ڧُلّٜىٰنْ هَلَّكَ يَهُودَاوَا

¹ بَايَنْ وَطَنَّنْ أَبُبُوَ سَرْكِے أَهَسُرُسْ يَطَوْكَكَ هَامَٰنَ طَنْ هَمّٜىٰدَتَ مُتُمِنْ ذُرِيَرْ أَغَغْ؞ يَطَغَ شِ، يَسَا شِ أَمَڟَيِنْ دَيَكٜىٰ بِسَ دُكَنْ سَوْرَنْ مَنْيَنْ مُتَنٜىٰنْسَ؞

² سَرْكِے يَبَادَ عُمَرْنِ غَ دُكَنْ دَتَّاوَنْ دَسُكٜىٰ عَڧُواْڢَرْ غِدَنْ سَرْكِے سُدُرْڧُسَ سُبَا هَامَٰنَ غِرْمَ؞ دُكَنْسُ سُكَنْيِ حَكَ عَمَّا مُوارْدٜىٰكَيْ نٜىٰ كَطَيْ يَڧِ يَدُرْڧُسَ يَبَاشِ غِرْمَ؞

³ سَيْ دَتَّاوَنْ دَسُكٜىٰ عَڧُواْڢَرْ غِدَنْ سَرْكِے سُكَ تَمْبَيِ مُوارْدٜىٰكَيْ سُكَثٜىٰ ‏«‏دُوانْمٜىٰ كَڧِ بِيَيَّ دَ دُواْكَرْ سَرْكِے؟»‏

⁴ سُنْيِتَيِ مَسَ مَغَنَ كُواْوَثٜىٰ رَانَ، شِيكُوَ يَڧِ جِنْسُ؞ سَيْ سُكَ ڢَطَا وَ هَامَٰنَ دُواْمِنْ سُغَ كُواْ أَبِنْدَ مُوارْدٜىٰكَيْ يَكٜىٰيِ ذَيْ ڟَيَ، غَمَا مُوارْدٜىٰكَيْ يَا رِغَا يَا ڢَطَا مُسُ ثٜىٰوَ شِ مُتُمِنْ يَهُودَ نٜىٰ؞

⁵ هَامَٰنَ يَثِكَ دَ ڢُشِے سُواْسَيْ سَعَدَّ يَغَانٜىٰ ثٜىٰوَ مُوارْدٜىٰكَيْ بَيْ دُرْڧُسَ بَيْ مَا رُسُنَ يَبَاشِ غِرْمَبَ؞

⁶ سَعَدَّ هَامَٰنَ يَجِ ثٜىٰوَ مُوارْدٜىٰكَيْ مُتُمِنْ يَهُودَ نٜىٰ، سَيْ هَامَٰنَ يَغَ ثٜىٰوَ عَكَشٜىٰ مُوارْدٜىٰكَيْ كَطَيْ بَذَيْ عِسَابَ؞ أَ مَيْمَكُوانْ حَكَ، سَيْ يَنٜىٰمِ حَنْيَرْ هَلَّكَ دُكَنْ مُتَنٜىٰنْ مُوارْدٜىٰكَيْ، وَتُواْ يَهُودَاوَا غَبَاطَيَ دَسُكٜىٰ ڧَرْڧَشِنْ مُلْكٍ سَرْكِے أَهَسُرُسْ؞

⁷ عَثِكِنْ وَتَ نَڢَرْكُواْ، وَتُواْ وَتَنْ نِسَنْ، نَشٜىٰكَرَا غُواْمَشَا بِيُ تَمُلْكٍ سَرْكِے أَهَسُرُسْ، عَكَ جٜىٰڢَ ڢُرْ وَتُواْ ڧُرِعَ، أَعِدُوانْ هَامَٰنَ دُواْمِنْ أَ سَامِ رَانَ دَ كُمَ وَتَنْ دَ ذَيْ دَاثٜىٰ دَ ڧُلّٜىٰ ڧُلّٜىٰنْ؞ سَيْ ڧُرِعَ تَڢَاطِ عَكَنْ رَانَ تَغُواْمَشَا عُكُ غَ وَتَنْ أَدَرْ؞

⁸ سَيْ هَامَٰنَ يَثٜىٰ وَ سَرْكِے أَهَسُرُسْ ‏«‏أَݣَويْ وَتَ ڧَبِيلَ أَوَرْوَڟٜىٰ عَثِكِنْ ڧَبِيلُنْ دُكَنْ يَنْكُنَنْ مُلْكِنْكَ؞ أَلْعَادَرْسُ دَبَمْ ثٜىٰ دَ نَسَوْرَنْ مُتَنٜىٰ، بَاسَ كُمَ كِيَايٜىٰ دُواْكَرْ سَرْكِے؞ دُواْمِنْ حَكَ بَيْ كَمَاتَ سَرْكِے يَيِ حَڧُرِ دَسُوبَ؞

⁹ رَنْكَيَدَطٜىٰ!‏ عِدَنْ يَا غَمْشِ سَرْكِے، بَرِ عَيِ دُواْكَا دُوانْ أَ هَلَكَاسُ؞ نِے كُمَ ذَنْبَادَ أَظُرْڢَا وَجٜىٰنْ كِلُواْ دُبُو طَرِے عُكُ دَ دُبُو أَرْبَعِنْ غَ حَنُّنْ مَاسُ يِنْ عَيْكِنْ سَرْكِے سُأَجِيٜىٰ عَثِكِنْ مَعَجِنْ سَرْكِے؞»‏

¹⁰ دُواْمِنْ حَكَ سَرْكِے يَثِرٜىٰ ذُواْبٜىٰنْسَ، وَنْدَ عَكَنْ بُغَ هَاتِمِنْ سَرْكِے دَشِ، يَبَا هَامَٰنَ طَنْ هَمّٜىٰدَتَ مُتُمِنْ أَغَغْ، أَبُواْكِنْ غَابَنْ مُتَنٜىٰنْ يَهُودَ؞

¹¹ سَيْ سَرْكِے يَثٜىٰ وَ هَامَٰنَ ‏«‏كَرِڧٜىٰ كُطِنْ، كَكُمَيِ دَ مُتَنٜىٰنْ يَدَّ كَغَ دَامَ؞»‏

¹² أَ رَانَ تَغُواْمَشَا عُكُ غَ وَتَ نَڢَرْكُواْ، عَكَ كِرَا مَرُبُوتَنْ سَرْكِے؞ سُكَ رُبُوتَ دُكَنْ أَبِنْدَ هَامَٰنَ يَعُمَرْتَ؞ عَكَ جُويَا عُمَرْنِنْ ذُوَا كُواْوَنٜىٰ يَرٜىٰ دَ حَنْيَرْ رُبُوتُنْ دَ عَكٜىٰيِنْ أَمْڢَانِ دَسُو عَكُواْوَنٜىٰ يَنْكِنْ مُلْكٍ؞ عَكَ كُمَ عَيْكَ شِ ذُوَا دُكَنْ هَكِمَنْ مُلْكِ دَ ڠُومْنُواْنِنْ يَنْكُنَ دَ مَنْيَنْ مُتَنٜىٰ نَڧَبِيلُنْ؞ أَنْ رُبُوتَ شِ دَ سُونَنْ سَرْكِے أَهَسُرُسْ، عَكَ كُمَ بُغَ هَاتِمِنْسَ عَكَيْ؞

¹³ عَكَبَا یَنْ كَدَتَݣُونَ وَسِيڧُنْ ذُوَاغَ كُواْوَنٜىٰ يَنْكِ نَمُلْكٍ؞ عَثِكِنْ وَسِيڧُنْ أَنْرُبُوتَ ثٜىٰوَ عَكَنْ رَانَ تَغُواْمَشَا عُكُ غَ وَتَنْ أَدَرْ، ذَاعَ هَلَّكَ دُكَنْ مُتَنٜىٰنْ يَهُودَ، عَكَكَّشٜىٰسُ عَكُمَ كَوَرْدَسُو، مَنْيَ دَ ڧَنَانَا، مَاتَادَ يَارَا، عَكُمَ ڨُوثٜىٰ كَايَنْسُ؞

¹⁴ أَبِنْ دَيَكٜىٰ ثِكِنْ وَسِيڧُنْ أَنْسَا يَذَمَ دُواْكَا عَكُواْوَنٜىٰ يَنْكِ، عَكُمَيِ شٜىٰلَرْسَ غَ دُكَنْ ڧَبِيلُنْ ڧَسَرْ، دُوانْ كُواْوَ يَكَسَنْثٜىٰ دَشِرِ دُواْمِنْ وَنَّنْ رَانَ؞

¹⁵ سَيْ یَنْ كَدَتَݣُونَ سُكَتَاشِ أَغُجٜىٰ بِسَغَ عُمَرْنِنْ سَرْكِے؞ عَكَ سَنَرْدَ دُواْكَرْ عَثِكِنْ وُرِے مَيْ كَتَنْ‌غَ عَبِرْنِنْ شُوشَنْ؞ سَرْكِے دَ هَامَٰنَ سُكَ ذَوْنَ سُنَثِ سُنَشَا، بِرْنِنْ شُوشَنْ كُوَ تَنَ ضِكِثِيوَ؞