أَڢِسَاوَا 5 - أَتَّوْرَتْ دَ أَنَّبَاوَا

¹ تُنْدَيَكٜىٰ كُنْ ذَمَ یَیَ وَطَنْدَ اللَّهْ يَكٜىٰ ڧَوْنَ، سَيْ كُطَوْكِ مِصَالِ دَغَ وُرِنْ اللَّهْ عَثِكِنْ ذَمَنْكُ؞

² كُيِ ذَمَنْ ڧَوْنَ كَمَرْ يَدَّ أَلْمَسِيحُ يَڧَوْنَثٜىٰمُ، يَكُمَ بَادَ كَنْسَ دُواْمِنْمُ، بَيْكُواْ مَيْ ڧَنْشِ، هَدَايَ كُمَ غَ اللَّهْ؞

³ كَدَ مَا عَكُواْ عَمْبَثِ إِسْكَنْثِ دَ كُواْوَنٜىٰ إِرِنْ عَيْكِنْ لَلَتَ كُواْ ݣُوطَيِ أَڟَكَانِنْكُ، دُواْمِنْ كُوَ بَيْ دَاثٜىٰ دَ ڟَرْكَكَابَ؞

⁴ حَكَ مَا دَ ڧَظَامَرْ مَغَنَ دَ ذَنْثٜىٰنْ بَنْظَ دَ وَوَنْثِ، غَمَا بَسُ دَاثٜىٰ دَكُوبَ؞ أَ مَيْمَكُوانْ حَكَ كُدِنْ‌غَ غُواْدٜىٰ وَ اللَّهْ؞

⁵ كُدَيْ سَنِ ثٜىٰوَ مَيْيِنْ إِسْكَنْثِ، كُواْ مَيْ عَيْكِنْ لَلَتَ، كُواْ مَيْ ݣُوطَيِ، وَنْدَ شِ دَ مَيْ بَوْتَرْ غُمَكَ طَيَنٜىٰ، بَاسُدَ رَبُوانْ غَادُواْ أَمُلْكٍ أَلْمَسِيحُ دَ اللَّهْ كُواْ كَطَنْ؞

⁶ كَدَ وَنِ كُوَ يَرُوطٜىٰكُ دَ مَغَنَرْ وُاْڢِ؞ أَيْ، سَبُواْدَ وَطَنَّنْ ذُنُبَيْ نٜىٰ ڢُشِنْ اللَّهْ يَكٜىٰ ذُوَا عَكَنْ مَاسُ رَشِنْ بِيَيَّ؞

⁷ سَبُواْدَ حَكَ كَدَ كُهَطَكَيْ دَسُو؞

⁸ دُواْمِنْ دَا كُنَ أَدُهُ، عَمَّا عَيَنْظُ، كُنْ سَامِ حَصْكٜىٰ تَوُرِنْ عُبَنْ‌غِجِ؞ كُيِ ذَمَنْ مُتَنٜىٰنْ حَصْكٜىٰ،

⁹ دُواْمِنْ حَصْكٜىٰ يَكٜىٰ حَيْڢَرْ دَ أَيُّكَ مَاسُ ݣَوْ دَ ذَمَنْ أَدَلْثِے دَ مَغَنَرْ غَسْكِيَ؞

¹⁰ كُتَبَّتَرْ ثٜىٰوَ كُنْ كُواْيِ أَبِنْدَ ذَيْ غَمْشِ عُبَنْ‌غِجِ؞

¹¹ كُرَبُ دَ أَيُّكَنْ دُهُ مَرَسَ أَمْڢَانِ، أَمَيْمَكُوانْ حَكَ كُتُواْنَسُ؞

¹² غَمَا أَبِنْ كُنْيَا نٜىٰ أَ مَا ڢَطَا أَبُبُوَنْ دَسُكٜىٰيِ عَٻُواْيٜىٰ؞

¹³ سَعَدَّ عَكَ كَٰوُاْ دُكَنْ أَبُ أَغَبَنْ حَصْكٜىٰ، ذَاعَ سَنْ عَيْنِحِنْ يَدَّ سُكٜىٰ؞

¹⁴ شِيَسَا عَكَثٜىٰ، ‏«‏تَاشِ، كَيْ دَ كَكٜىٰ بَرْثِ!‏ كَتَاشِ دَغَ مَتَتُّو!‏ أَلْمَسِيحُ كُوَ ذَيْ حَصْكَكَاكَ؞»‏

¹⁵ سَبُواْدَ حَكَ سَيْ كُمَيْدَ حَنْكَلِ ڨُورَيْ غَ ذَمَنْكُ؞ كَدَ كُذَمَ كَمَرْ وَوَيٜىٰ، سَيْدَيْ كَمَرْ مَاسُ حِكِمَ؞

¹⁶ كُيِ أَمْڢَانِ دَ كُواْوَنٜىٰ ظَرَڢِ نَيِنْ كِرْكِ، غَمَا ݣُونَكِنْ دَمُكٜىٰ ثِكِ يَنْذُ مُوغَيٜىٰ نٜىٰ؞

¹⁷ سَبُواْدَ حَكَ كَدَ كُذَمَ وَوَيٜىٰ، سَيْدَيْ كُڢَهِمْثِ كُواْ مٜىٰنٜىٰنٜىٰ نُڢِنْ عُبَنْ‌غِجِ؞

¹⁸ كَدَ كُمَ كُبُغُ دَ ضُوً إِنَبِے، وَنْدَ ذَيْ كَيْكُ غَ نٜىٰمَنْ جِنْ دَاطِے نَرَشِنْ كُنْيَا؞ أَ مَيْمَكُوانْ حَكَ كُثِكَ دَ رُوحُ،

¹⁹ كُيِ مَغَنَ دَ جُونَ دَ كَلْمُواْمِنْ زَبُورَا دَ وَاڧُواْڧِنْ يَبُواْ دَ وَاڧُواْڧِ نَرُوحَنِيَ؞ كُيِ تَرٜىٰرَ وَاڧُواْڧِ دَ زَبُورَا غَ عُبَنْ‌غِجِ دَ دُكَنْ ظُكَاتَنْكُ؞

²⁰ كُلُّمْ كُدِنْ‌غَ غُواْدٜىٰ وَ اللَّهْ عُبَادَ سُونَنْ عُبَنْ‌غِجِنْمُ عِيسَىٰ أَلْمَسِيحُ عَكَنْ دُكَنْ كُواْمٜىٰ؞

ذَمَنْ مَظَا دَ مَاتَا ثِكِنْ عَوْرٜىٰ

²¹ كُمِيڧَ كَنْكُ غَ جُونَ ثِكِنْ ڟُواْرُوانْ أَلْمَسِيحُ؞

²² كُو مَاتَانْ عَوْرٜىٰ، كُمِيڧَ كَنْكُ غَ مَذَنْكُ، كَمَرْ يَدَّ كُكٜىٰيِ وَ عُبَنْ‌غِجِ؞

²³ غَمَا مِجِ شِينٜىٰ كَنْ مَاتَرْسَ، كَمَرْ يَدَّ أَلْمَسِيحُ يَكٜىٰ كَنْ جَمَعَرْ مَاسُبِے وَتُواْ، جِكِنْسَ؞ شِے كَنْسَ كُمَ شِينٜىٰ مَيْ ثٜىٰتُوانْ جِكِنْ؞

²⁴ كَمَرْ يَدَّ جَمَعَرْ مَاسُبِے تَكٜىٰ مِيڧَ كَنْتَ غَ أَلْمَسِيحُ، حَكَكُمَ مَتَ سُمِيڧَ كَنْسُ غَ مَذَنْسُ تَكُواْوَنٜىٰ حَلِ؞

²⁵ كُو مَظَا كُڧَوْنَثِ مَاتَنْكُ كَمَرْ يَدَّ أَلْمَسِيحُ يَڧَوْنَثِ جَمَعَرْ مَاسُبِے حَرْ يَبَادَ كَنْسَ دُواْمِنْتَ،

²⁶ دُواْمِنْ يَكٜىٰٻٜىٰتَ دَ ڟَرْكِے غَ اللَّهْ تَوُرِنْ مَغَنَرْسَ بَايَنْدَ يَڟَبْتَثٜىٰتَ تَوُرِنْ وَنْكٜىٰتَ دَ ضُوَ؞

²⁷ يَيِ وَنَّنْ دُواْمِنْ أَ سَعَدَّ ذَيْ مِيڧَا وَكَنْسَ جَمَعَرْ مَاسُبِے، تَذَمَ دَ دَرَجَ سُواْسَيْ بَاتَرٜىٰدَ وَنِ تَبُواْ كُواْ وَتَ عَلَمَرْ رَشِنْ ݣَنْ غَنِ بَ، تَكُمَ ذَمَ دَ ڟَرْكِے، مَرَرْ لَيْڢِے كُمَ؞

²⁸ تَهَكَ يَا كَمَاتَ مَظَا سُڧَوْنَثِ مَاتَنْسُ كَمَرْ يَدَّ سُكٜىٰ ڧَوْنَرْ جِكِنْسُ؞ أَيْ، وَنْدَ يَڧَوْنَثِ مَاتَرْسَ، يَڧَوْنَثِ كَنْسَ كٜىٰنَنْ؞

²⁹ دُواْمِنْ بَاوَنْدَ يَتَٻَ ڧِنْ جِكِنْسَ، سَيْدَيْ يَثِيَرْ دَشِ يَكُلَ دَشِ سُواْسَيْ كَمَرْ يَدَّ أَلْمَسِيحُ يَكٜىٰ كُلَدَ جَمَعَرْ مَاسُبِنْسَ؞

³⁰ غَمَا مُو غَٻُواْٻِنْ جِكِنْسَ نٜىٰ؞

³¹ كَمَرْ يَدَّ يَكٜىٰ أَرُبُوثٜىٰ ثٜىٰوَ ‏«‏سَبُواْدَ حَكَ مُتُمْ ذَيْ بَرْ مَامَرْسَ دَ بَابَنْسَ، يَمَنّٜىٰوَ مَاتَرْسَ، سُو بِيُ سُذَمَ جِكِے طَيَ؞»‏

³² وَنَّنْ أَسِيرِ نٜىٰ مَيْ ظُرْڢِ؞ نِے كُوَ إِنَ نُڢِنْ أَلْمَسِيحُ دَ جَمَعَرْ مَاسُبِينٜىٰ؞

³³ دُكْدَهَكَ دَيْ، مَغَنَرْ تَا شَاڢٜىٰكُ، كُو مَا؞ بَرِ كُواْوَنٜىٰ طَيَنْكُ يَڧَوْنَثِ مَاتَرْسَ كَمَرْ كَنْسَ، عِتَ مَاتَرْ كُوَ تَغِرْمَمَ مِجِنْتَ؞