أَڢِسَاوَا 2 - أَتَّوْرَتْ دَ أَنَّبَاوَا

دَغَ مُتُوَ ذُوَا رَيْ

¹ أَ دَا كُو مَتَتُّو نٜىٰ، سَبُواْدَ لَيْڢُواْڢِنْكُ دَ ذُنُبَنْكُ

² وَطَنْدَ دَا كُكٜىٰ ثِكِ سَعَدَّ كُكٜىٰبِنْ هَنْيُواْيِنْ دُونِيَرْ نَنْ، كُنَ بِنْ سَرْكِنْ مُلْكِ أَ سَمَّيْ، وَتُواْ، رُوحُنَّنْ دَيَكٜىٰ ذُغَ ذُوثِيَارْ مُتَنٜىٰنْ دَ سُكَڧِ بِيَيَّ غَ اللَّهْ؞

³ دُكَنْمُ دَيْ حَكَ مُكٜىٰ أَدَا، مُنَ بِنْ شَعَوَثٜىٰ شَعَوَثٜىٰنْ جِكِنْمُ، مُنَ يِنْ أَبِنْدَ جِكِے دَ ذُوثِيَا سُكٜىٰ ذُغَمُ مُيِ كَوَيْ؞ تَهَكَ، بِسَغَ حَلِنْمُ نَیَنْ أَدَمْ، مُو مَا دَا ڢُشِنْ اللَّهْ يَذُواْ كَنْمُ كَمَرْ يَدَّ يَكٜىٰ عَكَنْ سَوْرَنْ یَنْ أَدَمْ؞

⁴ عَمَّا اللَّهْ مَيْ يَوَنْ تَوْسَيِنٜىٰ، ڧَوْنَرْسَ ذُوَا غَرٜىٰمُ كُمَ تَايِيَوَ ڨُورَيْ،

⁵ حَرْ تُنْ سَعَدَّ مُكٜىٰ مَتَتُّو تَوُرِنْ ذُنُبَنْمُ، سَيْ يَرَايَرْ دَمُو تَرٜىٰدَ أَلْمَسِيحُ؞ تَوُرِنْ أَلْحٜىٰرِنٜىٰ عَكَثٜىٰثٜىٰكُ؞

⁶ يَكُمَ تَاشٜىٰمُ تَرٜىٰدَ أَلْمَسِيحُ، حَرْ تَوُرِنْ أَلْمَسِيحُ عِيسَىٰ، يَبَامُ وُرِنْ ذَمَ أَ سَمَانِيَ تَرٜىٰ دَشِ؞

⁷ اللَّهْ يَيِ وَنَّنْ كُوَ دُواْمِنْ أَ زَامَانِ مَيْ ذُوَا يَنُونَ أَلْحٜىٰرِنْسَ عَيَلْوَثٜىٰ مَرَرْ إِيَاكَ؞ أَلْحٜىٰرِنَّنْ نَاسَ، يَنُونَ مَنَشِ عَثِكِنْ أَلْمَسِيحُ عِيسَىٰ؞

⁸ أَيْ، تَأَلْحٜىٰرِنْ اللَّهْ نٜىٰ كُكَ سَامِ ثٜىٰتُواْ تَوُرِنْ بَنْ‌غَسْكِيَ؞ وَنَّنْ كُوَ بَا ڧُواْڧَرِنْ كَنْكُ بَنٜىٰ، ݣَوْتَثٜىٰ تَ اللَّهْ؞

⁹ بَ كُوَ سَبُواْدَ عَيْكِنْ لَادَبَ، دُواْمِنْ كَدَ وَنِ يَيِ تَاڧَمَ؞

¹⁰ أَيْ، مُو دَكَنْمُ عَيْكِنْسَنٜىٰ، أَنْسَاكٜىٰ حَلِتَّرْمُ عَثِكِنْ أَلْمَسِيحُ عِيسَىٰ، مُسَمَّنْ دُواْمِنْ مُيِ أَيُّكَ مَاسُ ݣَوْ وَطَنْدَ اللَّهْ يَارِغَا يَشِرْيَ مَنَ تُنْدَ ڢَارِ مُيِ؞

أَلْمَسِيحُ يَاهَطَ دُكَنْ مُتَنٜىٰ

¹¹ سَبُواْدَ حَكَ، كُتُنَ يَدَّ كُكٜىٰ أَدَا؞ كُو بَا يَهُودَاوَا بَنٜىٰ بِسَغَ حَيْڢُوَ؞ سُو وَطَنْدَ سُكٜىٰ كِرَنْ كَنْسُ ‏«‏مَاسُ كَاثِيَرْ»‏ نَنْ، سُكَنْ كِرَاكُ ‏«‏مَرَسَ كَاثِيَ»‏؞ غَاشِ كُوَ، كَاثِيَرْ نَنْ تَجِكِثٜىٰ، وَدَّ عَكٜىٰيِ دَ حَنُّ؞

¹² كُتُنَ أَ لُواْكَثِنْ بَعَهَطَكُ دَ أَلْمَسِيحُ بَ، بَاكُ دَ مَڟَيِ ثِكِنْ جَمَعَرْ إِسْرَٰٓءِيلَ، بَڧِينٜىٰ كُو غَ دُكَنْ يَرْجٜىٰجٜىٰنِيَرْ أَلْڧَوَرِنَّنْ دَ اللَّهْ يَيِ؞ كُو دَيْ عَدُونِيَرْنَنْ بَاكُ دَ بٜىٰغٜىٰ، بَاكُ دَ اللَّهْ؞

¹³ عَمَّا يَنْذُ كُنَ ثِكِنْ أَلْمَسِيحُ عِيسَىٰ، كُو دَ دَا كُكٜىٰ ثَنْ دَنِيسَ، أَنْكَٰوُاْكُ كُسَ تَوُرِنْ جِنِنْ أَلْمَسِيحُ؞

¹⁴ غَمَا أَلْمَسِيحُ شِينٜىٰ سَلَمَرْمُ، شِے وَنْدَ يَطَوْكِ يَهُودَاوَا دَ وَطَنْدَ بَا يَهُودَاوَا بَ، يَمَيْدَسُو طَيَ؞ يَرُشٜىٰ كَتَنْ‌غَرْ نَنْ دَ تَرَبَسُ، وَتُواْ، ڧِنْ جُونَ دَيَكٜىٰ ڟَكَانِنْسُ؞

¹⁵ يَكَوَرْدَ كُواْيَرْوَرْ نَنْ تَ مُوسَٰى مَيْ عُمَرْنَيْ دَ ڧَٰعِدُواْدِ تَوُرِنْ بَادَ جِكِنْسَ؞ يَيِ حَكَ دُواْمِنْ تَوُرِنْسَ يَحَلِثِّ سَابُوَرْ ذُرِيَ دَغَ ذُرِيَرْ نَنْ بِيُ؞ تَهَكَ كُمَ يَكَٰوُاْ سَلَمَ ڟَكَانِنْسُ؞

¹⁶ يَكُمَيِ حَكَ دُواْمِنْ يَشِرْيَسُ دُكَ بِيُ دَ اللَّهْ، سُذَمَ جِكِے طَيَ، تَوُرِنْ مُتُوَرْسَ عَكَنْ غِثِّيٜىٰ؞ تَهَكَ يَكَوَرْدَ ڧِيَيَّرْ دَ تَرَبَسُ أَدَا؞

¹⁷ يَكُوَ ذُواْ يَيِ مُكُ وَعَظِنْ لَابَرِ مَيْ دَاطِے نَسَلَمَ، كُو وَطَنْدَ بَا يَهُودَاوَا بَ، كُو دَ كُكٜىٰ نٜىٰسَ دَ اللَّهْ؞ يَكُمَيِ وَ يَهُودَاوَا حَكَ، سُو دَسُكٜىٰ كُسَ؞

¹⁸ أَيْ، تَوُرِنْسَ نٜىٰ دُكَنْمُ بِيُ ذَامُ سَامِ دَامَرْ ذُوَا وُرِنْ عُبَا تَهَنْيَ طَيَ، وَتُواْ رُوحٌ اللَّهْ؞

¹⁹ سَبُواْدَ حَكَ، يَنْذُ كُو وَطَنْدَ بَا يَهُودَاوَا بَ، بَبَڧِ بَنٜىٰ كُمَ، بَكُ رَسَ وُرِنْ ذَمَبَ؞ أَيْ، كُو مَاسُ یَنْثِ نٜىٰ تَرٜىٰدَ سَوْرَنْ ڟَرْكَكَا، یَنْ غِدَا نٜىٰ كُمَ كَمَرْ سَوْرَنْ عِيَلِنْ اللَّهْ؞

²⁰ أَنْ كَڢَكُ دُكَ بِسَ تُوشٜىٰنْ دَ مَنْذَنِّے دَ أَنَّبَاوَا سُكَ غِنَا، أَلْمَسِيحُ عِيسَىٰ كَنْسَ كُوَ شِينٜىٰ دُوڟٜىٰ مَڢِے أَمْڢَانِ أَغِنِنْ؞

²¹ شِينٜىٰ وَنْدَ تَوُرِنْسَ دُكَنْ غِنِنْ يَكٜىٰ حَطٜىٰ، شِينٜىٰ كُمَ يَكٜىٰسَا غِنِنْ يَيِ تَڧَارَ غِرْمَ حَرْ يَذَمَ هَيْكَلِ مَيْ ڟَرْكِے وَنْدَ عَكَ كٜىٰٻٜىٰوَ عُبَنْ‌غِجِ؞

²² عَثِكِنْسَ نٜىٰ كُكُمَ عَكَ غِنَكُ دَ سَوْرَنْ دُواْمِنْ كُذَمَ غِدَا عِنْدَ اللَّهْ يَكٜىٰ ذَمَ تَوُرِنْ رُوحُنْسَ؞