مَيْ وَعَظِ 8 - أَتَّوْرَتْ دَ أَنَّبَاوَا

¹ وَ يَكٜىٰ كَمَرْ مُتُمْ مَيْ حِكِمَ؟ وَنٜىٰنٜىٰ كُمَ يَسَنْ ڢَسَرَرْ أَبُبُوَ؟ حِكِمَ تَكَنْسَا ڢُسْكَرْ مُتُمْ تَحَصْكَكَ، تَكَنْ سَا ڢُسْكَرْ دَ تَطَوْرٜىٰ كُمَ، تَوَرْوَارٜىٰ؞

يِوَسَرْكِے بِيَيَّ

² كَكِيَايٜىٰ عُمَرْنِنْ سَرْكِے، سَبُواْدَ ضَنْڟُوَارْ بِيَيَّ وَدَّ كَطَوْكَ أَغَبَنْ اللَّهْ؞

³ كَدَ كَيِ سَوْرِ، عَمَّا كَڢِتَ دَغَ غَبَنْ سَرْكِے؞ كَدَ كَدَطٜىٰ أَوُرِے مَيْ حَڟَرِ، غَمَا سَرْكِے يَنَ عِيَيِنْ أَبِنْدَ يَغَ دَامَ؞

⁴ تُنْدَيَكٜىٰ مَغَنَرْ سَرْكِے دَ إِيكُواْ تَكٜىٰ، وَ ذَيْثٜىٰ مَسَ ‏«‏مٜىٰ كَكٜىٰيِ؟»‏

⁵ دُكْ وَنْدَ يَكٜىٰ بِيَيَّ دَ عُمَرْنِنْ سَرْكِے بَذَيْ ثُوتُ أَوُرِے مَيْ حَڟَرِبَ، ذُوثِيَارْ مَيْ حِكِمَ تَكَنْ سَنْ لُواْكَثِنْ يِنْ أَبُ دَ حَنْيَرْ دَ تَدَاثٜىٰ عَبِے؞

⁶ غَمَا كُواْوَنٜىٰ ذَنْثٜىٰ يَنَدَ لُواْكَثِنْسَ دَ حَنْيَرْسَ، كُواْدَيَكٜىٰ وَهَلَرْ یَنْ أَدَمْ دَيَوَ تَكٜىٰ؞

⁷ حَڧِيڧَ، بَاوَنْدَ يَسَنْ أَبِنْدَ ذَيْ ڢَرُ، غَمَا وَنٜىٰنٜىٰ ذَيْ ڢَطَا مَسَ أَبِنْدَ يَكٜىٰ غَبَ؟

⁸ بَاوَنْدَ يَكٜىٰدَ إِيكُواْ عَكَنْ نُمْڢَشِنْسَ بَا كُمَ وَنْدَ يَكٜىٰدَ إِيكُواْ عَكَنْ رَانَرْ مُتُوَرْسَ؞ كَمَرْ يَدَّ بَاوَنْدَ يَكٜىٰدَ إِظْنِ يَبَرْ يَاڧِ، بَا مَيْ مُغُنْتَا وَنْدَ ذَيْ كُٻُتَ تَوُرِنْ مُغُنْتَارْسَ؞

⁹ نَغَ وَنَّنْ دُكَ، أَ لُواْكَثِنْدَ نَطَوْكِ نِيَّرْ سَا كَيْنَ غَ دُكَنْ أَبِنْدَ عَكٜىٰيِ أَ رَايُوَرْ دُونِيَرْ نَنْ؞ نَغَ وَنِ يَنَدَ إِيكُواْ عَكَنْ وَطَنْسُ، إِيكُوانْ كُوَ يَثُوثٜىٰ شِ؞

هَنْيُواْيِنْ اللَّهْ دَ وُيَرْ غَانٜىٰوَ

¹⁰ نَا كُمَ غَ عَكَنْ بِنّٜىٰ مُوغَيٜىٰ دَ بَنْ غِرْمَ، مُتَنٜىٰنْدَ دَا سُكَنْ شِغَ سُڢِتَ أَ وُرِے مَيْ ڟَرْكِے، عَكَنْ يَبٜىٰسُ عَبِرْنِنْ دَ دَا سُكَنْيِ مُغُنْتَارْسُ؞ وَنَّنْ مَا بَنْظَنٜىٰ؞

¹¹ سَبُواْدَ بَعَيَنْكٜىٰ حُكُنْثِ غَ مَاسُ عَيْكَتَ مُغُنْتَادَ سَوْرِبَ، يَسَا ذُوثِيَارْ یَنْ أَدَمْ تَنَدَ ڧَرْڢِنْ عَيْكَتَ مُغُنْتَا؞

¹² كُواْدَيَكٜىٰ مَيْ مُغُنْتَا يَكَنْ عَيْكَتَ مُغُنْتَا سَوْ طَرِے يَكُمَ دَطٜىٰ عَدُونِيَا، دُكْدَهَكَ نَسَنِ عِدَنْ مُتُمْ يَنَ ڟُواْرُوانْ اللَّهْ، يَنَ كُمَ غِرْمَمَشِ، كُواْمٜىٰ ذَيْ تَڢِے دَيْدَيْ؞

¹³ عَمَّا نَسَنِ مُوغَيٜىٰ بَذَاسُ سَامِ ذَمَنْ لَاڢِيَبَ، سُو كَمَرْ إِنُوَنٜىٰ، بَذَاسُ دَطٜىٰ عَدُونِيَابَ، غَمَا بَاسُ دَ ڟُواْرُوانْ اللَّهْ؞

¹⁴ دُوبِے أَبِنْ بَنْظَ وَنْدَ يَكٜىٰ ڢَرُوَ عَدُونِيَا؞ أَبِنْ دَ يَكَنْ ڢَرُ دَ مَاسُ أَدَلْثِے، سَيْ كَثٜىٰ مُوغَيٜىٰ نٜىٰسُو، أَبِنْدَ كُوَ يَكَنْ سَامِ مُوغَيٜىٰ، سَيْ كَثٜىٰ مَاسُ أَدَلْثِنٜىٰ سُو؞ نَثٜىٰ وَنَّنْ مَا بَنْظَنٜىٰ؞

¹⁵ دُواْمِنْ حَكَ نَثٜىٰ يَنَدَ ݣَوْ مُتُمْ يَجِوَ رَنْسَ دَاطِے، غَمَا بَابُوَنِ أَبُ أَ رَايُوَرْ دُونِيَرْ نَنْدَ يَڢِ وَمُتُمْ يَثِ يَشَا يَكُمَ جِوَ رَنْسَ دَاطِے؞ وَنَّنْ ذَيْ ڧَرْڢَڢَ شِ عَثِكِنْ عَيْكِنْسَ أَدُكَنْ ݣُونَكِنْ رَنْسَ وَنْدَ اللَّهْ يَبَا شِ عَدُونِيَرْ نَنْ؞

¹⁶ نَيِ نِيَّرْ سَا كَيْنَ غَ سَامُنْ حِكِمَ، إِنْكُمَ سَنْ أَبِنْدَ يَكٜىٰ ڢَرُوَ عَدُونِيَا، بَنْ كُمَبَا عِدُواْنَ بَرْثِبَ دَرٜىٰ دَ رَانَ؞

¹⁷ سَيْ نَغَ دُكَنْ عَيْكِنْ اللَّهْ، نَكُمَ غَانٜىٰ بَابُ مُتُمْ وَنْدَ يَ عِيَ سَنِنْ أَبِنْدَ يَكٜىٰ ڢَرُوَ أَ رَايُوَرْ دُونِيَرْ نَنْ؞ دُكْ دَ إِيَاكَرْ ڧُواْڧَرِنْسَ ثِكِنْ ذَاڢِنْ نٜىٰمَ، بَذَيْ عِيَ غَانٜىٰ كُواْمٜىٰبَ؞ كُواْ مَا يَطَوْكِ كَنْسَ مَيْ حِكِمَنٜىٰ مَيْ عِيَ سَنِ، دُكْدَهَكَ بَذَيْ غَانٜىٰبَ؞