مَيْ وَعَظِ 5 - أَتَّوْرَتْ دَ أَنَّبَاوَا

أَجِڟُواْرُوانْ اللَّهْ

¹ لُورَ دَ تَڢِيَرْكَ لُواْكَثِنْ دَ كَكٜىٰ شِغَ غِدَنْ اللَّهْ؞ ڠُومَّ كَتَڢِے دَ نِيَّرْ كَسَ كُنّٜىٰ دَاعَثٜىٰ كَتَڢِے مِيڧَ هَدَايَ إِرِ تَوَاوَايٜىٰ، غَمَا وَوَيٜىٰ بَسُ سَنْ أَبُ مَيْݣَوْ دَ مَرَرْ ݣَوْبَ؞

² كَدَ كَذَمَ مَيْ سَوْرِنْ بَاكِ، كُواْ كَبَرْ ذُوثِيَارْكَ تَيِ سَوْرِ تَڢِتَرْدَ مَغَنَ أَغَبَنْ اللَّهْ؞ غَمَا اللَّهْ يَنَ أَ سَمَ، كَيْ كُوَ كَنَنَنْ عَدُونِيَا؞ سَبُواْدَ حَكَ، كَدَ كَيِ كَلْمُواْمِ ڢِيٜىٰدَ أَبِنْدَ يَكَمَاتَ؞

³ يَوَنْ دَامُوَ يَكَنْ كَٰوُاْ يَوَنْ مَڢَرْكَيْ؞ حَكَ مَا يَوَنْ مَغَنَ يَكَنْ كَٰوُاْ مَغَنَرْ وَوَنْثِ؞

⁴ سَعَدَّ كَيِ ضَنْڟُوَا غَ اللَّهْ، كَدَ كَٻَاتَ لُواْكَثِنْ ثِكَاوَا، غَمَا بَايَ جِنْ دَاطِنْ ضَنْڟُوَارْ وَوَيٜىٰ؞ سَيْ كَثِكَ ضَنْڟُوَارْدَ كَيِ؞

⁵ ڠُومَّ كَدَ كَيِ ضَنْڟُوَا دَاعَثٜىٰ كَايِ ضَنْڟُوَا عَمَّا بَكَ ثِكَبَ؞

⁶ كَدَ كَيَرْدَ بَاكِنْكَ يَكَيْكَ ثِكِنْ ذُنُوبِ، دُواْمِنْ كَدَكَثٜىٰ وَڢِرِسْتِ ‏«‏نَايِ ضَنْڟُوَا ثِكِنْ كُسْكُرٜىٰنٜىٰ؞»‏ دُوانْمٜىٰ ذَاكَسَا اللَّهْ يَيِ ڢُشِے دَكَيْ، حَرْ يَهَلَّكَ عَيْكِنْ حَنُّوَنْكَ؟

⁷ غَ وَوَيٜىٰ، ضَنْڟُوَا كَمَرْ مَڢَرْكِ نٜىٰ دَ أَبِنْدَ بَعَغَانٜىٰبَ دَ يَوَنْ مَغَنْ‌غَنُ؞ عَمَّا كَيْ مَيْ حِكِمَ، إِنْكَايِ ضَنْڟُوَا، كَجِڟُواْرُوانْ اللَّهْ؞

أَرْزِڧِ مَا بَنْظَ نٜىٰ

⁸ عِدَنْ كَاغَ أَنَيِ وَتَلَكَاوَا دَنِّيَ دَ يَدَّ عَكٜىٰ سَٻَ أَدَلْثِے دَ غَسْكِيَ، كَدَ كَيِ مَامَاكِ غَمٜىٰدَ أَبِنْدَ يَكٜىٰ ڢَرُوَ؞ غَمَا كُواْوَنٜىٰ شُوغَبَا يَنَدَ شُوغَبَنْدَ يَكٜىٰ عَبِسَنْسَ، حَكَمَا أَݣَويْ مَنْيَنْ شُوغَبَنِّنْ دَسُكٜىٰ عَبِسَنْسُ دُكَ؞

⁹ أَبِنْ دَ ڧَسَا تَكٜىٰ بُڧَاتَ، شِينٜىٰ سَرْكِنْ دَيَكٜىٰ كُلَوَ دَ عَيْكِنْ غُواْنَ؞

¹⁰ مَيْ سُوانْ كُطِ، بَايَ ڧُواْشِ دَشِ، مَيْ سُوانْ أَرْزِڧِ مَا، بَايَ ڧُواْشِ دَ أَبِنْدَ يَكٜىٰ سَامُ؞ وَنَّنْ مَا بَنْظَنٜىٰ؞

¹¹ سَعَدَّ أَرْزِڧِ يَڧَارُ، مَاسُثِ كُمَ سُكَنْ ڧَارُ؞ وَنٜىٰ أَمْڢَانِ مَيْ أَرْزِڧِ ذَيْسَامُ؟ سَيْ دَيْ يَسَنِ يَنَدَ أَرْزِڧِ كَوَيْ؞

¹² مَعَيْكَثِ يَكَنْ جِ دَاطِنْ بَرْثِنْسَ، كُواْ يَنَدَ عَبِنْثِ كَطَنْ كُواْ دَيَوَ؞ عَمَّا ڧُواْشِنْ مَيْ أَرْزِڧِ يَكَنْ هَنَشِ بَرْثِ سَبُواْدَ دَامُوَرْ يَوَنْ أَرْزِڧِنْسَ؞

¹³ نَغَ وَنِ مُوغُنْ أَبُ أَ رَايُوَرْ دُونِيَرْ نَنْ، دُوكِيَرْ دَ مَيْ عِتَ يَيِ أَجِيَ يَجَا مَسَ بَڧِنْ ثِكِ؞

¹⁴ كُواْ كُمَ دُوكِيَ تَلَلَثٜىٰ سَبُواْدَ مُوغُوَرْ هَسَرَ، حَرْ مَا بَابُ أَبِنْدَ ذَيْ ضَغٜىٰ وَنْدَ ذَاعَ بَرْ وَ یَیَ غَادُواْ؞

¹⁵ ڟِرَرَ طَنْ أَدَمْ يَڢِتُواْ دَغَ ثِكِنْ مَامَرْسَ، ڟِرَرَ كُمَ ذَيْ كُواْمُواْ؞ بَذَيْ طَوْكِ كُواْمٜىٰ أَ حَنُّنْسَ دَغَ عَيْكِنْ دَ يَيِبَ؞

¹⁶ وَنَّنْ مَا مُوغُنْ أَبُ نٜىٰ؞ يَدَّ طَنْ أَدَمْ يَذُواْ، حَكَكُمَ يَكَنْ كُواْمَ؞ وَنٜىٰ أَمْڢَانِ نٜىٰ يَكٜىٰ سَامُوَ دَغَ وَهَلَرْ ڧُواْڧَرِنْ كَامُنْ إِسْكَ؟

¹⁷ غَاشِ، دُكَنْ ݣُونَكِنْسَ ثِكِنْ دُهُ نٜىٰ، دَ بَڧِنْ ثِكِ دَ دَامُوَ دَ ثِيوُاْ دَ ڢُشِے؞

¹⁸ غَا أَبِنْدَ نَغَانٜىٰ؞ يَنَ دَݣَوْ مُتُمْ يَثِ يَشَا، يَكُمَ جِ دَاطِنْ دُكَنْ عَيْكِنْسَ أَ رَايُوَرْ دُونِيَرْ نَنْ نَیَنْ ݣُونَكِنْ دَ اللَّهْ يَبَا شِ، غَمَا وَنَّنْ رَبُوانْ دَ اللَّهْ يَشِرْيَ وَمُتُمْ نٜىٰ؞

¹⁹ حَكَ يَكٜىٰ غَ دُكَنْ وَنْدَ اللَّهْ يَبَا شِ دُوكِيَ دَ أَرْزِڧِ، يَكُمَ بَاشِ ظَرَڢِ يَجِ دَاطِنْسُ؞ جِنْ دَاطِنْ عَيْكِنْسَ دَ كَرْٻَرْ رَبُوانْ أَبِنْدَ اللَّهْ يَشِرْيَ مَسَ، وَنَّنْ مَا ݣَوْتَا ثٜىٰ دَغَ اللَّهْ؞

²⁰ غَمَا إِرِنْ مُتُمِنَّنْ بَايَ ثِكَ دَامُوَ، سَبُواْدَ اللَّهْ يَنَ بِيَ مَسَ بُڧَاتَرْ ذُوثِيَارْسَ؞