مَيْ وَعَظِ 3 - أَتَّوْرَتْ دَ أَنَّبَاوَا

كُواْمٜىٰ يَنَ دَ لُواْكَثِنْسَ

¹ غَ كُواْوَنٜىٰ أَبُ أَݣَويْ لُواْكَثِنْسَ، أَݣَويْ لُواْكَثِ كُمَ دُواْمِنْ كُواْوَنٜىٰ أَبُ عَڧَرْڧَشِنْ سَمَ؞

² أَݣَويْ لُواْكَثِنْ حَيْڢُوَ دَ لُواْكَثِنْ مُتُوَ، أَݣَويْ لُواْكَثِنْ شُوكَ دَ لُواْكَثِنْ تُمْٻُكٜىٰ أَبِنْدَ عَكَ شُوكَ،

³ أَݣَويْ لُواْكَثِنْ كِسَا دَ لُواْكَثِنْ وَرْكٜىٰوَ، أَݣَويْ لُواْكَثِنْ رُشٜىٰوَ دَ لُواْكَثِنْ غِنَاوَا،

⁴ أَݣَويْ لُواْكَثِنْ كُوكَا دَ لُواْكَثِنْ دَارِيَا، أَݣَويْ لُواْكَثِنْ نُونَ بَڧِنْ ثِكِ دَ لُواْكَثِنْ ڢَضٍ ثِكِ،

⁵ أَݣَويْ لُواْكَثِنْ وَرْوَڟَ دُوَڟُو دَ لُواْكَثِنْ تَتَّرَاسُ، أَݣَويْ لُواْكَثِنْ ضُنْ‌غُمٜىٰوَ دَ لُواْكَثِنْ ڧِنْ ضُنْ‌غُمٜىٰوَ،

⁶ أَݣَويْ لُواْكَثِنْ نٜىٰمَ دَ لُواْكَثِنْ سَكٜىٰوَ، أَݣَويْ لُواْكَثِنْ أَجِيَ دَ لُواْكَثِنْ ظُبَرْوَ،

⁷ أَݣَويْ لُواْكَثِنْ يَاغٜىٰوَا دَ لُواْكَثِنْ طِنْكَاوَا، أَݣَويْ لُواْكَثِنْ يِنْ شِضُ دَ لُواْكَثِنْ يِنْ مَغَنَ،

⁸ أَݣَويْ لُواْكَثِنْ ڧَوْنَ دَ لُواْكَثِنْ ڧِيَيَّ، أَݣَويْ لُواْكَثِنْ يَاڧِ دَ لُواْكَثِنْ سَلَمَ؞

⁹ وَنٜىٰ أَمْڢَانِ نٜىٰ مُتُمْ ذَيْسَامُ دَغَ دُكَنْ عَيْكِنْسَ؟

¹⁰ نَغَ أَبِنْدَ اللَّهْ يَطُواْرَ وَمُتَنٜىٰ سُيِ تَڢَامَ دَشِ؞

¹¹ يَسَ كُواْوَنٜىٰ أَبُ يَدَاثٜىٰ دَ لُواْكَثِنْسَ؞ بَنْدَ حَكَمَا، يَسَا عَتُنَانِنْ یَنْ أَدَمْ سَنِنْ أَبِنْدَ يَوُثٜىٰ دَ أَبِنْدَ يَكٜىٰ نَنْ غَبَ، عَمَّا دُكْدَهَكَ بَسُ عِيَ سَنِنْ ثِكَكّٜىٰنْ أَبِنْدَ اللَّهْ يَيِ دَغَ ڢَرْكُواْ ذُوَا ڧَرْشٜىٰبَ؞

¹² نَا غَانٜىٰ بَابُ أَبِنْدَ يَڢِ ݣَوْ مُتُمْ يَيِ، سَيْدَيْ يَيِ ڢَضٍ ثِكِ يَكُمَيِ أَبِنْدَ يَكٜىٰدَ ݣَوْ مُدِّنْ يَنَدَ رَيْ؞

¹³ كُواْوَنٜىٰ مُتُمْ يَثِ يَشَا، يَجِوَ رَنْسَ دَاطِے ثِكِنْ دُكَنْ عَيْكِنْسَ، غَمَا وَنَّنْ ݣَوْتَرْ اللَّهْ ثٜىٰ؞

¹⁴ نَا سَنِ دُكَنْ أَبِنْدَ اللَّهْ يَيِ ذَيْ كَسَنْثٜىٰ حَرْ أَبَدَا، بَابُ أَبِنْدَ ذَاعَ ڧَارَ، كُواْ أَ ضَغٜىٰ دَغَ ثِكِ؞ اللَّهْ يَيِ حَكَ كُوَ دُواْمِنْ دُكَنْ مُتَنٜىٰ سُذَمَ مَاسُ ڟُواْرُوانْسَ؞

¹⁵ دُكَنْ أَبِنْدَ يَڢَرُ، يَرِغَا يَڢَرُ؞ أَبِنْ دَ ذَيْ ڢَرُ مَا، يَارِغَا يَڢَرُ أَدَا؞ اللَّهْ كُمَ يَنَ سَا كُواْمٜىٰ يَسَاكٜىٰ ڢَرُوَ؞

شَرِيعَ دَ رَايُوَا تَنَنْ غَبَ تَ اللَّهْ ثٜىٰ

¹⁶ بَنْدَ حَكَ، نَغَ وَنِ أَبُ أَ رَايُوَرْ دُونِيَرْ نَنْ، أَمَيْمَكُوانْ شَرِيعَرْ غَسْكِيَ، غَ مُغُنْتَا، أَمَيْمَكُوانْ أَدَلْثِے مَا، غَ أَبِنْدَ بَ دَيْدَيْبَ؞

¹⁷ نَثٜىٰ أَ ذُوثِيَاتَ، ‏«‏دَ مَيْ أَدَلْثِے دَ مُوغُ، اللَّهْ ذَيْ شَرْعَنْتَسُ، غَمَا يَا سَا لُواْكَثِ نَيِنْ كُواْوَنٜىٰ أَبُ، لُواْكَثِ نَيِنْ كُواْوَنٜىٰ عَيْكِ؞»‏

¹⁸ نَكُمَثٜىٰ أَ ذُوثِيَاتَ ‏«‏غَمٜىٰ دَ یَنْ أَدَمْ، اللَّهْ نٜىٰ يَنَ ڠُودَاسُ دُواْمِنْ يَنُونَ مُسُ ثٜىٰوَ بَسُڢِ دَبُّواْبِے بَ؞

¹⁹ غَمَا ڧَرْشٜىٰنْ یَنْ أَدَمْ دَ نَدَبُّواْبِے أَبُ طَيَ نٜىٰ؞ يَدَّ طَيَ يَكٜىٰ مُتُوَ حَكَمَا طَيَنْ؞ نُمْڢَشِنْسُ إِرِ طَيَنٜىٰ، كُمَ طَنْ أَدَمْ بَيْڢِے دَبَّ كُواْمٜىٰبَ؞ دُكَنْ كُواْمٜىٰ بَنْظَنٜىٰ؞

²⁰ دُكَنْسُ وُرِے طَيَ سُكٜىٰ تَڢِيَ، دُكَنْسُ دَغَ تُرْٻَيَا سُكَ ڢِتُواْ، دُكَنْسُ كُمَ غَ ڧُورَا ذَاسُ كُواْمَ؞

²¹ وَ ذَيْ عِيَ سَنِ كُواْ رُوحٌ طَنْ أَدَمْ يَكَنْ تَڢِے سَمَ، رُوحٌ دَبَّ كُمَ يَتَڢِے ڧَرْڧَشِنْ ڧَسَا؟

²² نَكُوَ غَانٜىٰ بَابُ أَبِنْدَ يَڢِ حَكَ، یَنْ أَدَمْ سُجِ دَاطِنْ عَيْكِنْسُ، غَمَا وَنَّنْ رَبُوانْ دَ اللَّهْ يَشِرْيَ مُسُنٜىٰ؞ وَنٜىٰنٜىٰ ذَيْسَا سُغَ أَبِنْدَ ذَيْ ڢَرُ بَايَنْ مُتُوَرْسُ؟»‏