مَيْ وَعَظِ 10 - أَتَّوْرَتْ دَ أَنَّبَاوَا

أَبُبُوَنْدَ ذَاعَ لُورَ دَسُو

¹ كَمَرْ يَدَّ مَتَتُّنْ ڧُدَجٜىٰ سُكَنْ سَا مَنْ ڧَنْشِ يَيِ وَرِ، حَكَكُمَ وَوَنْثِ كَطَنْ يَكَنْ ٻَاتَ حِكِمَ دَ غِرْمَ؞

² ذُوثِيَارْ مَيْ حِكِمَ تَكَنْ كَيْ شِ غَ يِنْ أَبِنْدَ يَكٜىٰ دَيْدَيْ، عَمَّا ذُوثِيَارْ وَاوَا تَكَنْ كَيْ شِ غَ يِنْ أَبِنْدَ بَ دَيْدَيْبَ؞

³ وَاوَا، كُواْ عَثِكِنْ تَڢِيَ أَ حَنْيَ، يَكَنْ نُونَ بَ شِ دَ حَنْكَلِ، يَكَنْ كُمَ بَيَّنَ وَ كُواْوَ شِ وَاوَا نٜىٰ؞

⁴ عِدَنْ ڢُشِنْ مَيْ مُلْكِ يَتَاشِ عَكَنْكَ، كَدَ كَيِ سَوْرِنْ بَرِنْ عِنْدَ كَكٜىٰ، غَمَا ݣُونْتَرْدَ حَنْكَلِ، يَكَنْسَا عَيَاڢٜىٰ مَنْيَنْ لَيْڢُواْڢِ؞

⁵ أَݣَويْ مُغُنْتَارْدَ نَغَنِ أَ رَايُوَرْ دُونِيَرْ نَنْ، بَبَّنْ كُسْكُرٜىٰنْ دَ مَيْ مُلْكِ يَكَنْيِ؞

⁶ عَكَنْ بَا وَوَيٜىٰ مَنْيَنْ مَڟَيِ، مَاسُ أَرْزِڧِ كُمَ سَيْ عَبَاسُ وُرِنْ ڧَسْڧَنْثِ؞

⁷ نَتَٻَ غَنِنْ بَايِ عَكَنْ دَوَكِ، یَیَنْ سَرْكِے سُنَ تَاكَاوَ دَ ڧَڢَا كَمَرْ بَايِ؞

⁸ وَنْدَ يَتُواْنَ رَامِنْ مُغُنْتَا شِينٜىٰ ذَيْ ڢَاطِ عَثِكِ، وَنْدَ يَرُشٜىٰ كَتَنْ‌غَ، شِينٜىٰ مَثِيجِ ذَيْ سَارَ؞

⁹ وَنْدَ يَڢَرْڢَسَ دُوَڟُو، شِينٜىٰ ذَاسُيِ مَسَ رَوْنِ، وَنْدَ يَڢَسْكَرٜىٰ إِتَاثٜىٰ، شِينٜىٰ ذَيْ جَٰوُاْ مَسَ حَڟَرِ؞

¹⁰ عِدَنْ بَاكِنْ غَاتَرِ بَ شِ دَكَيْڢِ إِنْكُمَ بَعَوَاسَ بَاكِنْ بَ، سَيْ دَ ڧَرْڢِے مَيْ يَوَ ذَاعَيِ أَمْڢَانِ دَشِ؞ عَمَّا أَمْڢَانِنْ حِكِمَ تَكَنْ كَٰوُاْ ثِنْ نَصَرَا؞

¹¹ عِدَنْ مَثِيجِ يَسَارِ مُتُمْ كَاڢِنْ عَيِمَسَ رِغَكَڢِ، عَيْكِنْ رِغَكَڢِ بَا شِ دَ أَمْڢَانِ؞

¹² مَغَنَرْ دَ مَيْ حِكِمَ يَڢَطَا تَكَنْ كَٰوُاْ مَسَ ڢَضٍ جِنِ؞ عَمَّا مَغَنَرْ دَتَكٜىٰ ڢِتُواْوَ دَغَ بَاكِنْ وَاوَا تَكَنْ هَلَكَاشِ؞

¹³ ڢَرْكُوانْ مَغَنْ‌غَنُنْ بَاكِنْسَ وَوَنْثِنٜىٰ، ڧَرْشٜىٰنْ مَغَنَرْسَ مُغُنْتَادَ هَوْكَ نٜىٰ؞

¹⁴ دُكْدَهَكَ وَاوَا يَكَنْيِ مَغَنَ عَكَيْ عَكَيْ؞ بَاوَنْدَ يَسَنْ أَبِنْدَ ذَيْ ڢَرُ، وَ ذَيْ ڢَطَا وَوَنِ أَبِنْدَ ذَيْ ڢَرُ نَنْ غَبَ؟

¹⁵ عَيْكِنْ وَاوَا يَكَنْ غَاجِيَرْ دَشِ، تُنْدَ وَوَنْثِنْسَ يَكَنْ مَكَنْتَ مَسَ عِدُواْ؞

¹⁶ كَيْتُوانْكِ، يَا كٜىٰ ڧَسَرْدَ سَرْكِنْكِ يَرُواْ نٜىٰ، یَیَنْ سَرْكِنْكِ سُنَ تَبِكٍ جِنْ دَاطِے تُنْدَ سَڢٜىٰ!‏

¹⁷ مَيْ ڢَضٍ ثِكِثٜىٰ كٜىٰ، يَا كٜىٰ ڧَسَرْدَ سَرْكِنْكِ دَتِّجُواْنٜىٰ، یَیَنْ سَرْكِنْكِ سُكَنْيِ بِكِنْسُ أَدَيْدَيْ لُواْكَثِ، دُواْمِنْ سُسَامِ ڧَرْڢِے بَ دُواْمِنْ سُبُغُبَ؞

¹⁸ ڨُيَ تَكَنْ سَا عِتَتُوَنْ رُڢِ سُيِ تَمُواْڟِ، رَڠُونْثِ يَكَنْسَا جِنْكَ يَيِ يُواْيُواْ؞

¹⁹ عَكَنْ شِرْيَ بِكِ دُواْمِنْ جِنْ دَاطِے، ضُوً إِنَبِے كُوَ دُواْمِنْ ڢَرَنْتَ رَيْ، كُطِ كُمَ دُواْمِنْ بِيَنْ كُواْوَنٜىٰ إِرِنْ بُڧَاتَ؞

²⁰ كَدَ كَذَاغِ سَرْكِے كُواْ عَثِكِنْ ذُوثِيَارْكَ، كَدَ كُمَ كَذَاغِ مَيْ أَرْزِڧِ كُواْ أَطَاكِنْ ݣُونْثِيَرْكَ، غَمَا وَنِ ڟُنْڟُ ذَيْ عِيَ كَيْ مَغَنَرْكَ، كُواْ وَتَ حَلِتَّ مَيْ ڢِكَڢِكَيْ ذَاتَ تُواْنَ أَسِيرِنْكَ؞