مَيْمَيْتَاوَرْ شَرِيعَ 7 - أَتَّوْرَتْ دَ أَنَّبَاوَا

جَمَعَ مَڢِے دَرَجَ تَ يَهْوٜىٰهْ

¹ ‏«‏سَعَدَّ يَهْوٜىٰهْ اللَّهْ نْكُ يَكَيْكُ ڧَسَرْدَ ذَاكُ شِغَ كُثِ غَادُوانْتَ؞ ذَيْ كُمَ كُواْرِ أَلْعُمَّيْ مَاسُيَوَ أَغَبَنْكُ، وَتُواْ هِتِّيَاوَا دَ غِرْغَشِيَاوَا دَ أَمُواْرِيَاوَا دَ كَنْعَنِيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا، أَلْعُمَّ بَݣَويْ كٜىٰنَنْ، وَطَنْدَ سُكَڢِيكُ ڧَرْڢِے سُكَ كُمَ ڢِيكُ يَوَ؞

² سَعَدَّ يَهْوٜىٰهْ اللَّهْ نْكُ يَبَادَ وَطَنَّنْ أَلْعُمَّيْ أَ حَنُّنْكُ، كُكَ كُمَ ثِنْيٜىٰسُ دَ يَاڧِ، سَيْ كُهَلَكَاسُ كَكَڢْ؞ بَذَاكُيِ يَرْجٜىٰجٜىٰنِيَ دَسُوبَ، بَذَاكُ كُمَيِ مُسُ جِنْڧَيْ بَ؞

³ بَذَاكُ عَوْرٜىٰسُبَ، كُواْ كُبَادَ یَیَنْكُ مَتَ عَوْرٜىٰ غَ یَیَنْسُ مَظَا، كُواْ كُعَوْرُواْ وَیَیَنْكُ مَظَا یَیَنْسُ مَتَبَ؞

⁴ غَمَا ذَاسُ جُويَا یَیَنْكُ سُبَرْ بِنَ، سُجُويَا غَ بَوْتَاوَ وَطَنْسُ أَلُّواْلِ؞ وَنَّنْ ذَيْسَا ڢُشِنْ يَهْوٜىٰهْ يَيِ ڧُونَ عَكَنْكُ؞ يَهْوٜىٰهْ كُوَ ذَيْ هَلَكَاكُ دَ سَوْرِ؞

⁵ عَمَّا غَا يَدَّ ذَاكُيِ دَسُو؞ ذَاكُ رُرُّشٜىٰ بَغَدَنْسُ، كُڢَرْڢَشٜىٰ دُووَڟُنْ سُجَّدَرْسُ، كُسَسَّرٜىٰ غُمَكَنْ أَشٜىٰرَ نَاسُ، كُكُمَ ڧُواْنٜىٰ غُمَكَنْ أَلُّواْلِنْسُ دَ وُتَا؞

⁶ غَمَا كُو جَمَعَثٜىٰ وَدَّ عَكَ كٜىٰٻٜىٰ دَ ڟَرْكِے غَ يَهْوٜىٰهْ اللَّهْ نْكُ؞ يَهْوٜىٰهْ اللَّهْ نْكُ يَذَاٻٜىٰكُ دَغَ ثِكِنْ دُكَنْ ڧَبِيلُنْ دُونِيَا كُذَمَ ڧَبِيلَرْسَ، جَمَعَرْسَ مَڢِے دَرَجَ؞

⁷ ‏«‏يَهْوٜىٰهْ يَڧَوْنَثٜىٰكُ حَرْ يَذَاٻٜىٰكُ، بَ دُواْمِنْ كُنْڢِے سَوْرَنْ ڧَبِيلُ يَوَ بَنٜىٰ، غَمَا كُو نٜىٰ مَڢِے ڧَنْڧَنْتَ ثِكِنْ دُكَنْ ڧَبِيلُ؞

⁸ عَمَّا سَبُواْدَ يَهْوٜىٰهْ يَڧَوْنَثٜىٰكُ نٜىٰ، كُمَ يَسُواْ يَثِكَ ضَنْڟُوَارْ دَ يَيِ وَكَاكَنِّنْكُ، شِے يَسَا يَڢِتَرْ دَكُو دَ حَنُّنْسَ مَيْ إِيكُواْ، يَكُمَ ڢَنْشٜىٰكُ دَغَ غِدَنْ بَوْتَادَغَ حَنُّنْ سَرْكِے ڢِرْعَوْنَ نَ مَصَرْ؞

⁹ سَبُواْدَ حَكَ، سَيْ كُسَنِ يَهْوٜىٰهْ اللَّهْ نْكُ شِينٜىٰ اللَّهْ، اللَّهْ مَيْ أَمِنْثِ نٜىٰ، مَيْ كِيَايٜىٰ يَرْجٜىٰجٜىٰنِيَ، مَيْ نُونَ ڧَوْنَرْسَ مَرَرْ ثَنْجَاوَا غَ یَیَ حَرْ ذُوَا ڟَارَا تَدُبُو نَوَطَنْدَ سُكٜىٰ ڧَوْنَرْسَ، سُنَ كُمَ كِيَايٜىٰ عُمَرْنَنْسَ؞

¹⁰ عَمَّا اللَّهْ نٜىٰ مَيْ سَاكَ وَ كُواْوَنٜىٰ مُتُمْ وَنْدَ يَڧِشِ؞ بَا يَٻَاتَ لُواْكَثِنْ يِنْ رَامُوَا عَكَنْ دُكْ وَنْدَ يَڧِشِ؞

¹¹ سَبُواْدَ حَكَ دَ ڨُوذُواْ كُكِيَايٜىٰ وَطَنَّنْ دُواْكُواْكِ دَ ڧَٰعِدُواْدِ دَ عُمَرْنَنْ دَ نَكٜىٰ عُمَرْثٜىٰكُ عَيَوْ؞»‏

أَلْبَرْكُنْ بِيَيَّ

¹² ‏«‏عِدَنْ كُكَ لُورَ دَ وَطَنَّنْ عُمَرْنَيْ، كُكَ كِيَايٜىٰ كُكَ كُمَ عَيْكَتَاسُ، يَهْوٜىٰهْ اللَّهْ نْكُ ذَيْ كِيَايٜىٰ يَرْجٜىٰجٜىٰنِيَرْسَ دَكُو، ذَيْ كُمَ نُونَ مُكُ ڧَوْنَرْسَ مَرَرْ ثَنْجَاوَرْ دَ يَرَنْڟٜىٰوَ كَاكَنِّنْكُ؞

¹³ ذَيْ ڧَوْنَثٜىٰكُ، يَكُمَ أَلْبَرْكَثٜىٰكُ، يَكُمَ ڧَارَ يَوَنْكُ؞ ذَيْ كُوَ سَا وَیَیَنْكُ أَلْبَرْكَ، يَسَاوَ أَمْڢَانِنْ غُواْنَكِنْكُ أَلْبَرْكَ دَ حَڟِنْكُ دَ إِنَبِنْكُ دَ مَنْكُ دَ یَیَنْ غَرْكٜىٰنْكُ نَتُمَكِ دَ نَأَوَكِ دَ نَشَانُو عَثِكِنْ ڧَسَرْدَ يَرَنْڟٜىٰوَ كَاكَنِّنْكُ ذَيْبَاكُ؞

¹⁴ ذَاكُ ذَمَ مَاسُ أَلْبَرْكَ ڢِيٜىٰدَ كُواْوَثٜىٰ ڧَبِيلَ؞ بَذَاعَ سَامِ مُتُمْ كُواْ مَثٜىٰ مَرَرْ حَيْڢُوَ عَثِكِنْكُ بَ، كُواْ عَثِكِنْ دَبُّواْبِنْ غِدَنْكُ؞

¹⁵ يَهْوٜىٰهْ ذَيْ كِيَايٜىٰكُ دَغَ كُواْوَنٜىٰ ثِيوُاْ؞ بَذَيْ كَٰوُاْ إِرِنْ مُوغَيٜىٰنْ ثُوتُتُّكَنْ مَصَرْ وَطَنْدَ كُكَ سَنِ بَ، عَمَّا ذَيْ تُورَسُ عَكَنْ دُكَنْ وَطَنْدَ سُكٜىٰ غَابَادَكُو؞

¹⁶ ذَاكُ هَلَّكَ دُكَنْ ڧَبِيلُنْ دَ يَهْوٜىٰهْ اللَّهْ نْكُ يَكٜىٰ بَادَسُو أَ حَنُّنْكُ؞ كُواْ كَطَنْ بَذَاكُجِ تَوْسَيِنْسُبَ، بَذَاكُ بَوْتَاوَ أَلُّواْلِنْسُبَ، غَمَا وَنَّنْ ذَيْ ذَمَ مُكُ تَرْكُواْ؞

¹⁷ ‏«‏وَتَڧِيلَ ذَاكُثٜىٰ، ‏‹‏ڧَبِيلُنَّنْ سُنْيِيَوَ ڢِيٜىٰ دَمُو؞ يَيَ ذَامُيِ مُكَوَرْ دَسُو؟›‏

¹⁸ بَذَاكُ جِڟُواْرُوانْسُبَ؞ كُتُنَ دَ أَبِنْدَ يَهْوٜىٰهْ اللَّهْ نْكُ يَيِ دَ ڢِرْعَوْنَ دَ كُمَ دُكَنْ مَصَرَاوَا؞

¹⁹ كُتُنَ دَ مَنْيَنْ بَلَعِنْ دَ كُكَ غَنِ دَ عِدُوانْكُ دَ عَلَمُ دَ أَيُّكَنْ بَنْ مَامَاكِ دَ كُمَ حَنُّ مَيْ إِيكُواْ دَ كُمَ مَيْ ڧَرْڢِے وَنْدَ يَهْوٜىٰهْ اللَّهْ نْكُ يَڢِتَرْ دَكُو دَشِ؞ حَكَ يَهْوٜىٰهْ اللَّهْ نْكُ ذَيْ يِدَ دُكَنْ ڧَبِيلُنْ دَ كُكٜىٰ جِنْ ڟُواْرُوانْسُ؞

²⁰ بَنْدَ حَكَمَا، يَهْوٜىٰهْ اللَّهْ نْكُ ذَيْ عَيْكَ دَ وَنِ أَبُ مَيْ كَٰوُاْ ضِكِثِيوَ أَغَرٜىٰسُ، حَرْ سَيْ وَطَنْدَ سُكَ رَغُ عَثِكِنْ وُرَارٜىٰنْ ٻُيَنْسُ سُنْ هَلَّكَ؞

²¹ بَذَاكُ جِڟُواْرُوانْسُبَ، غَمَا يَهْوٜىٰهْ اللَّهْ نْكُ يَنَ تَرٜىٰدَكُو، شِيكُوَ مَيْغِرْمَ نٜىٰ مَيْ بَنْ ڟُواْرُواْ؞

²² يَهْوٜىٰهْ اللَّهْ نْكُ ذَيْ كَوَرْدَ وَطَنَّنْ ڧَبِيلُ أَغَبَنْكُ دَ كَطَنْ دَ كَطَنْ؞ بَذَاكُ عِيَ هَلَّكَرْ دَسُو غَبَاطَيَ أَ لُواْكَثِ طَيَبَ، دُواْمِنْ كَدَ نَمُواْمِنْ دَاجِ سُيَطُ دَيَوَ سُدَامٜىٰكُ؞

²³ عَمَّا يَهْوٜىٰهْ اللَّهْ نْكُ ذَيْبَادَسُو أَ حَنُّنْكُ، ذَيْ كُمَسَا سُضِكِثِے سُواْسَيْ حَرْ سَيْ أَنْهَلَكَاسُ؞

²⁴ اللَّهْ ذَيْبَادَ سَرَاكُنَنْسُ أَ حَنُّنْكُ، كُو كُمَ ذَاكُ كَوَرْدَ سُونَيٜىٰنْسُ دَغَ ڧَرْڧَشِنْ سَمَ؞ بَاوَنْدَ ذَيْ عِيَ ڢَطَ دَكُو، حَرْ سَيْ كُنْ هَلَكَاسُ دُكَ؞

²⁵ سَيْ كُڧُواْنٜىٰ صِڢُّواْڢِنْ أَلُّواْلِنْسُ دَ وُتَا؞ كَدَ كُيِ ݣُوطَيِنْ أَظُرْڢَا كُواْ ظِينَارِيَرْ دَ عَكَيِ غُمَكَ دَسُو؞ كَدَ كُݣُوشٜىٰسُ، دُواْمِنْ كَدَ يَذَمَ مُكُ تَرْكُواْ، غَمَا أَبِنْ ڨَمَ نٜىٰ غَ يَهْوٜىٰهْ اللَّهْ نْكُ؞

²⁶ كَدَ كُكَٰوُاْ أَبِنْ ڨَمَ عَثِكِنْ غِدَاجٜىٰنْكُ، دُواْمِنْ كَدَ كُذَمَ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ كَمَرْ أَبِنْ؞ غَبَاطَيَ كُڧِ أَبِنْ، كُيِ ڨَمَرْسَ، غَمَا أَبُ نٜىٰ وَنْدَ عَكَ كٜىٰٻٜىٰ دُواْمِنْ هَلَّكَرْوَ؞»‏