مَيْمَيْتَاوَرْ شَرِيعَ 34 - أَتَّوْرَتْ دَ أَنَّبَاوَا

مُتُوَرْ مُوسَٰى

¹ سَيْ مُوسَٰى يَتَاشِ دَغَ ڢِيلَيٜىٰنْ مُواْوَبْ يَهَوْ ذُوَا بَبَّنْ تُدُنْ نٜىٰبُواْ، حَرْ يَكَيْ كَنْ بَبَّنْ تُدُنْ ڢِسْغَ، وَنْدَ يَكٜىٰ ڢُسْكَنْتَرْ يٜىٰرِكُواْ؞ يَهْوٜىٰهْ كُوَ يَنُونَ مَسَ دُكَنْ ڧَسَرْ، أَبِنْدَ يَكَامَ دَغَ يَنْكِنْ غِلٜىٰيَدْ حَرْ ذُوَا يَنْكِنْ دَنْ عَ أَرٜىٰوَ،

² دَ تَ دُكَنْ يَنْكِنْ نَڢْتَلِ دَ يَنْكِنْ إِڢْرَيِمْ دَ نَ مَنَسّٜىٰ دَ دُكَنْ يَنْكِنْ يَهُودَ حَرْ ذُوَا تٜىٰكُنْ مٜىٰدِتٜىٰرٜىٰنِيَ عَيَمَّ،

³ دَ يَنْكِنْ نٜىٰغٜىٰبْ وَنْدَ يَكٜىٰ تَكُدُ دَ ݣُورِنْدَ يَمِيڧٜىٰ دَغَ ذُواْوَرْ ذُوَا يٜىٰرِكُواْ، بِرْنِنْ عِتَتُوَنْ دَبِينُواْ؞

⁴ يَهْوٜىٰهْ كُوَ يَثٜىٰ مَسَ ‏«‏وَنَّنْ عِتَثٜىٰ ڧَسَرْدَ نَرَنْڟٜىٰوَ إِبْرَٰهِيمْ دَ إِسْحَٰڧَ دَ يَعْڧُوبَ ثٜىٰوَ ذَنْبَادَ عِتَ غَ ذُرِيَرْسُ؞ نَبَرْكَ كَغَنِ دَ عِدُوانْكَ، عَمَّا كَيْ بَذَاكَ ڧٜىٰتَرٜىٰكَ شِغَبَ؞»‏

⁵ سَيْ مُوسَٰى، بَاوَنْ يَهْوٜىٰهْ، يَمُتُ عَثَنْ عَثِكِنْ ڧَسَرْ مُواْوَبْ، بِسَغَ مَغَنَرْ يَهْوٜىٰهْ؞

⁶ يَهْوٜىٰهْ يَبِنّٜىٰشِ عَݣُورِ عَڧَسَرْ مُواْوَبْ، وُرِنْ دَيَكٜىٰ ڢُسْكَنْتَرْ بٜىٰتْ ڢٜىٰيُوارْ، عَمَّا بَابُوَنْدَ يَسَنْ وُرِنْ دَ عَكَ بِنّٜىٰشِ هَرْوَيَوْ؞

⁷ مُوسَٰى يَنَ شٜىٰكَرَا طَرِے دَ عَشِرِنْ لُواْكَثِنْدَ يَمُتُ؞ عِدَنُونْسَ بَسُيِ دُهُ بَ، ڧَرْڢِنْ جِكِنْسَ كُمَ بَيْ رَغُبَ؞

⁸ جَمَعَرْ إِسْرَٰٓءِيلَ سُكَيِ كُوكَنْ مُتُوَرْ مُوسَٰى عَثِكِنْ ڢِيلَيٜىٰنْ مُواْوَبْ ݣُونَكِے تَلَاتِنْ؞ سَعَنً ݣُونَكِنْ كُوكَا دَ مَكُواْكِ دُواْمِنْ مُوسَٰى سُكَ ثِكَ؞

⁹ يُواْشُوَ طَنْ نُنْ يَنَ ثِكٜىٰ دَ رُوحٌ حِكِمَ، غَمَا مُوسَٰى يَسَا حَنُّنْ أَلْبَرْكَ عَكَنْسَ، كُمَ جَمَعَرْ إِسْرَٰٓءِيلَ سُكَيِ مَسَ بِيَيَّ، سُكَ عَيْكَتَ يَدَّ يَهْوٜىٰهْ يَعُمَرْثِ مُوسَٰى؞

¹⁰ تُنْدَغَ لُواْكَثِنْ بَعَتَٻَيِنْ وَنِ أَنَّبِے عَ إِسْرَٰٓءِيلَ كَمَرْ مُوسَٰى بَ، وَنْدَ يَهْوٜىٰهْ يَسَنْ شِ ڢُسْكَ دَ ڢُسْكَ؞

¹¹ بَابُ أَنَّبِنْدَ يَيِ دُكَنْ عَلَمُ دَ أَيُّكَنْ بَنْ مَامَاكِنْ دَ يَهْوٜىٰهْ يَعَيْكِ مُوسَٰى يَعَيْكَتَ عَڧَسَرْ مَصَرْ، عَكَنْ ڢِرْعَوْنَ دَ كَنْ دُكَنْ دَتَّاوَنْسَ دَ دُكَنْ ڧَسَرْسَ؞

¹² بَ كُوَ وَنْدَ يَعَيْكَتَ دُكَنْ أَيُّكَ مَاسُ إِيكُواْ دَ أَبُبُوَ مَاسُ بَنْ ڟُواْرُواْ إِرِ وَطَنْدَ مُوسَٰى يَعَيْكَتَ أَغَبَنْ دُكَنْ جَمَعَرْ إِسْرَٰٓءِيلَ؞