مَيْمَيْتَاوَرْ شَرِيعَ 29 - أَتَّوْرَتْ دَ أَنَّبَاوَا

يَرْجٜىٰجٜىٰنِيَرْ يَهْوٜىٰهْ دَ إِسْرَٰٓءِيلَ عَڧَسَرْ مُواْوَبْ

¹ وَطَنَّنْ سُونٜىٰ كَلْمُواْمِنْ يَرْجٜىٰجٜىٰنِيَرْ دَ يَهْوٜىٰهْ يَعُمَرْثِ مُوسَٰى يَيِ وَجَمَعَرْ إِسْرَٰٓءِيلَ عَثِكِنْ ڧَسَرْ مُواْوَبْ، وَتُواْ بَنْدَ يَرْجٜىٰجٜىٰنِيَرْ دَ يَيِ دَسُو عَكَنْ بَبَّنْ تُدُنْ هُواْرٜىٰبْ؞

² مُوسَٰى يَكِرَا دُكَنْ جَمَعَرْ إِسْرَٰٓءِيلَ، يَثٜىٰ مُسُ ‏«‏كُنْ دَيْ غَ دُكَنْ أَبِنْدَ يَهْوٜىٰهْ يَيِ أَعِدُوانْكُ عَثِكِنْ ڧَسَرْ مَصَرْ، أَبِنْدَ يَيِ وَ ڢِرْعَوْنَ دَ دُكَنْ مَاسُ حِدِمَرْسَ دَ كُمَ دُكَنْ ڧَسَرْسَ؞

³ عِدَنُونْكُ سُنْ غَ مَنْيَنْ وَهَلُواْلِ دَ عَلَمُ دَ مَنْيَنْ أَيُّكَنْ بَنْ مَامَاكِ؞

⁴ عَمَّا هَرْوَيَوْ يَهْوٜىٰهْ بَيْبَاكُ ذُوثِيَارْ غَانٜىٰوَ، كُواْ إِدَانُنْ غَنِ، كُواْ كُنُّوَنْجِبَ؞

⁵ نَبِدَكُو ثِكِنْ دَاجِ شٜىٰكَرَا أَرْبَعِنْ؞ رِيغُنَنْكُ دَ تَاكَلْمَنْكُ بَسُ ڟُوڢَبَ؞

⁶ بَكُثِ غُرَاسَ بَ، بَكُ كُوَ شَا ضُوً إِنَبِے كُواْ وَنِ أَبِنْ سَا بُغُوَ بَ، دُواْمِنْ كُسَنِ ثٜىٰوَ نِنٜىٰ يَهْوٜىٰهْ اللَّهْ نْكُ؞

⁷ سَعَدَّ كُكَ ذُواْ وَنَّنْ وُرِے، سَرْكِے سِهُوانْ نَ هٜىٰشْبُوانْ دَ سَرْكِے عُواغْ نَ بَشَنْ سُكَ تَاسُواْ مَنَ دَ يَاڧِ، عَمَّا مُكَثِ نَصَرَا عَكَنْسُ؞

⁸ مُكَ ڨُوثٜىٰ ڧَسَرْسُ، مُكَ بَادَ عِتَ أَبِنْ غَادُواْ غَ ذُرِيَرْ رَعُبَيْنُ دَ تَ غَدْ دَ رَبِنْ ذُرِيَرْ مَنَسّٜىٰ؞

⁹ سَبُواْدَ حَكَ، كُكِيَايٜىٰ كُكُمَ عَيْكَتَ كَلْمُواْمِنْ وَنَّنْ يَرْجٜىٰجٜىٰنِيَ دُواْمِنْ كُيَلْوَتَ ثِكِنْ دُكَنْ أَبِنْدَ ذَاكُيِ؞

¹⁰ ‏«‏يَوْ، غَاكُو نَنْ دُكَنْكُ، ڟَيٜىٰ أَغَبَنْ يَهْوٜىٰهْ اللَّهْ نْكُ، غَا شُوغَبَنِّنْ ظُرِيُواْيِنْكُ دَ دَتَّاوَنْكُ دَ شُوغَبَنِّنْكُ دَ دُكَنْ مَذَنْ إِسْرَٰٓءِيلَ،

¹¹ دَ یَیَنْكُ دَ مَاتَنْكُ دَ بَڧِنْ دَسُكٜىٰ ثِكِنْكُ، حَرْ مَا دَ وَطَنْدَ سُكٜىٰ سَارَ مُكُ إِتَاثٜىٰ دَ وَطَنْدَ سُكٜىٰ طٜىٰبُواْ مُكُ ضُوَ؞

¹² كُنَ نَنْ يَوْ دُواْمِنْ كُطَوْرَ يَرْجٜىٰجٜىٰنِيَ دَ يَهْوٜىٰهْ اللَّهْ نْكُ، يَرْجٜىٰجٜىٰنِيَرْ دَ يَهْوٜىٰهْ اللَّهْ نْكُ يَكٜىٰيِ دَكُو تَرٜىٰدَ ضَنْڟُوَا عَيَوْ؞

¹³ يَهْوٜىٰهْ يَنَ سُواْ يَتَبَّتَرْدَكُو يَوْ، كُذَمَ جَمَعَرْسَ، شِيكُوَ يَذَمَ اللَّهْ نْكُ، كَمَرْ يَدَّ يَيِ مُكُ أَلْڧَوَرِ يَكُمَ ضَنْڟٜىٰ وَكَاكَنِّنْكُ، وَتُواْ إِبْرَٰهِيمْ دَ إِسْحَٰڧَ دَ يَعْڧُوبَ؞

¹⁴ بَ تَرٜىٰدَ كُو دَ كُكٜىٰ ڟَيٜىٰ أَنَنْ أَغَبَنْ يَهْوٜىٰهْ اللَّهْ نْمُ يَوْ كَطَيْ نَكٜىٰيِنْ وَنَّنْ يَرْجٜىٰجٜىٰنِيَ تَرٜىٰدَ ضَنْڟُوَابَ،

¹⁵ عَمَّا حَرْ مَا دَ وَطَنْدَ بَاسَ تَرٜىٰدَمُو عَيَوْ؞

¹⁶ ‏«‏كُو دَ كَنْكُ كُنْ سَنْ يَدَّ مُكَيِ ذَمَ عَثِكِنْ ڧَسَرْ مَصَرْ دَ كُمَ يَدَّ مُكَبِے تَڟَكِيَرْ أَلْعُمَّنْ دَ كُكَ وُثٜىٰ ثِكِنْسُ؞

¹⁷ كُنْ غَا أَبُبُوَنْسُ نَڧَظَنْتَادَ غُمَكَنْسُ نَ إِتَاثٜىٰ دَ نَدُوڟٜىٰ دَ نَأَظُرْڢَا دَ نَظِنَرِيَ وَطَنْدَ سُكٜىٰ ثِكِنْسُ؞

¹⁸ كُتَبَّتَرْ ثٜىٰوَ بَابُ ذُوثِيَارْ وَنِ مُتُمْ، كُواْ تَوَتَ مَثٜىٰ، كُواْ تَ عِيَلِ، كُواْ تَوَتَ ذُرِيَ عَثِكِنْكُ، وَدَّ ذُوثِيَارْ تَجُويَ غَ بَرِنْ يَهْوٜىٰهْ اللَّهْ نْمُ دُواْمِنْ تَبَوْتَا وَ أَلُّواْلِنْ وَطَنَّنْ أَلْعُمَّيْ؞ كَدَ ڢَا عَتَرَرْ دَ وَنِ عَثِكِنْكُ مَيْ ذَمَ كَمَرْ تُوشٜىٰنْ ڟِرُواْ مَيْ بَادَ یَیَ مَاسُ دَڢِ، مَاسُ طَاثِ؞

¹⁹ عِدَنْ وَنِ مُتُمْ يَجِ كَلْمُواْمِنْ ضَنْڟُوَارْ نَنْ، سَعَنً يَسَا وَكَنْسَ أَلْبَرْكَ يَنَ تُنَانِ أَ ذُوثِيَارْسَ ثٜىٰوَ ‏‹‏بَا أَبِنْدَ ذَيْسَامٜىٰنِ كُواْ دَنَبِے حَنْيَتَ دَتَوْرِنْ كَيْ،›‏ وَنَّنْ ذَيْ كَٰوُاْ بَلَعِ عَكَنْ دُكَنْكُ، مَاسُ كِرْكِ دَ مَرَسَ كِرْكِ؞

²⁰ يَهْوٜىٰهْ بَذَيْ غَاڢَرْتَا مَسَبَ، أَمَيْمَكُوانْ حَكَ ڢُشِنْ يَهْوٜىٰهْ دَ كِيشِنْسَ ذَاسُ ڧُونَ عَكَنْ مُتُمِنَّنْ؞ دُكَنْ لَعَنَرْ دَ عَكَ رُبُوتَ عَثِكِنْ وَنَّنْ لِتَّڢِ ذَاسُ سَوْكُواْ عَكَنْسَ، كُمَ يَهْوٜىٰهْ ذَيْ كَوَرْدَ سُونَنْسَ دَغَ ڧَرْڧَشِنْ سَمَ؞

²¹ يَهْوٜىٰهْ ذَيْ وَارٜىٰ مُتُمِنَّنْ دَغَ دُكَنْ ذُرِيَرْ إِسْرَٰٓءِيلَ دُواْمِنْ يَحُكُنْتَ شِ بِسَغَ دُكَنْ لَعَنَرْ يَرْجٜىٰجٜىٰنِيَرْ دَ عَكَ رُبُوتَ عَثِكِنْ وَنَّنْ لِتَّڢِنْ كُواْيَرْوَا؞

²² ‏«‏سَعَنً ڟَارَا مَيْ ذُوَا، وَتُواْ یَیَنْ دَ ذَاسُ تَاسُواْ بَايَنْكُ دَ بَڧِنْ دَ ذَاسُذُواْ دَغَ ڧَسَا مَيْ نِيسَ ذَاسُ غَ لَلَثٜىٰوَرْ ڧَسَرْدَ كُمَ عَذَابَرْ دَ يَهْوٜىٰهْ يَعَيْكَ مَتَ؞

²³ دُكَنْ ڧَسَرْ ذَاتَ ڧُواْنٜىٰ دَ ڢَرَرْ وُتَا مَيْ وَرِ دَ غِشِرِ، بَابُ أَبِنْدَ ذَاعَ عِيَ شُوكَ، بَابُ كُمَ أَبِنْدَ ذَيْ عِيَ ڟِيرَا، بَابُ ثِيَوَرْ دَ ذَاتَ عِيَيِنْ غِرْمَ عَثِكِ دَيْدَيْ كَمَرْ يَدَّ يَهْوٜىٰهْ يَهَلَّكَرْ دَ سُواْدُوامْ دَ غُواْمُواْرَ دَ أَدْمَ دَ ظٜىٰبُواْيِمْ، عَثِكِنْ ڢُشِنْسَ مَيْ ذَاڢِ؞

²⁴ حَڧِيڧَ دُكَنْ أَلْعُمَّيْ ذَاسُيِ مَامَاكِ سُثٜىٰ، ‏‹‏مٜىٰيَسَا يَهْوٜىٰهْ يَيِ وَڧَسَرْ نَنْ حَكَ؟ مٜىٰيَسَا يَنُونَ ڢُشِے مَيْ ڟَنَنِ حَكَ؟›‏

²⁵ سَعَنً ذَاسُسَامِ أَمْسَ ثٜىٰوَ ‏‹‏أَيْ سَبُواْدَ سُنْ كَرْيَ يَرْجٜىٰجٜىٰنِيَرْ يَهْوٜىٰهْ اللَّهْ نَكَاكَنِّنْسُ، يَرْجٜىٰجٜىٰنِيَرْ دَ يَيِ دَسُو سَعَدَّ يَڢِتَرْ دَسُو دَغَ ڧَسَرْ مَصَرْ؞

²⁶ سُكَ جُويَا سُكَ بَوْتَاوَ وَطَنْسُ أَلُّواْلِ، سُكَيِ مُسُ سُجَّدَ، أَلُّواْلِنْ دَ سُو كَنْسُ بَسُ سَنْسُبَ، كُمَ بَشِے يَهْوٜىٰهْ نٜىٰ يَبَاسُبَ؞

²⁷ سَبُواْدَ حَكَنٜىٰ ڢُشِنْ يَهْوٜىٰهْ يَيِڧُونَ عَكَنْ وَنَّنْ ڧَسَرْ، يَنَ كَٰوُاْ مَتَ دُكَنْ لَعَنَرْ دَ عَكَ رُبُوتَ ثِكِنْ وَنَّنْ لِتَّڢِ؞

²⁸ يَهْوٜىٰهْ كُمَ يَتُمْٻُكٜىٰسُ دَغَ ڧَسَرْسُ ثِكِنْ ڢُشِے مَيْ ڟَنَنِ دَ هَوْشِ دَ ذَاڢِنْ رَنْسَ، يَكُمَ وَاڟَرْ دَسُو عَثِكِنْ وَتَ ڧَسَا دَبَمْ، كَمَرْ يَدَّ سُكٜىٰ عَيَوْ؞›‏

²⁹ ‏«‏أَبُبُوَنْ أَسِيرِ نَ يَهْوٜىٰهْ اللَّهْ نْمُ نٜىٰ، عَمَّا أَبُبُوَنْ دَ عَكَ بَيَّنَ نَامُنٜىٰ، مُو دَ یَیَنْمُ حَرْ أَبَدَا، دُواْمِنْ مُكِيَايٜىٰ دُكَنْ كَلْمُواْمِنْ وَنَّنْ كُواْيَرْوَا؞»‏