مَيْمَيْتَاوَرْ شَرِيعَ 28 - أَتَّوْرَتْ دَ أَنَّبَاوَا

أَلْبَرْكُنْ بِيَيَّ

¹ مُوسَٰى يَثِيغَبَدَ مَغَنَ يَثٜىٰ ‏«‏عِدَنْ كُكَيِ بِيَيَّ دَ مَغَنَرْ يَهْوٜىٰهْ اللَّهْ نْكُ، كُكَ كِيَايٜىٰ، كُكَ كُمَ عَيْكَتَ دُكَنْ عُمَرْنَنْسَ وَطَنْدَ نَكٜىٰ عُمَرْثٜىٰكُ يَوْ، يَهْوٜىٰهْ اللَّهْ نْكُ ذَيْ طَوْكَكَاكُ ڢِيٜىٰدَ دُكَنْ سَوْرَنْ أَلْعُمَّنْ دُونِيَا؞

² دُكَنْ وَطَنَّنْ أَلْبَرْكُ ذَاسُ سَوْكُواْ مُكُ سُذَمَ نَاكُ، عِدَنْ كُكَيِ بِيَيَّ دَ مَغَنَرْ يَهْوٜىٰهْ اللَّهْ نْكُ؞

³ ‏«‏ذَاكُ ذَمَ مَاسُ أَلْبَرْكَ عَثِكِنْ غَرِ، كُمَ مَاسُ أَلْبَرْكَ أَغُواْنَكِ؞

⁴ ‏«‏یَیَنْ دَ ذَاكُ حَيْڢَ ذَاسُ ذَمَ مَاسُ أَلْبَرْكَ، حَكَنَنْ كُمَ أَمْڢَانِنْ غُواْنَكِنْكُ دَ یَیَنْ دَبُّواْبِنْكُ دَ یَیَنْ شَانُنْكُ دَ یَیَنْ تُمَكِنْكُ دَ نَأَوَكِنْكُ؞

⁵ ‏«‏ݣُونْدُنَنْكُ ذَاسُثِكَ دَ أَلْبَرْكُنْ كَايَنْ غُواْنَ، ݣُونُواْنِ نَدَمَ غَارِنْ غُرَاسَرْكُ كُمَ ذَاسُ كَسَنْثٜىٰ عَيَلْوَثٜىٰ؞

⁶ ‏«‏دَ أَلْبَرْكَ ذَاكُ شِغَ دَ أَلْبَرْكَ كُمَ ذَاكُ ڢِتَ؞

⁷ ‏«‏‏يَهْوٜىٰهْ ذَيْسَا كُثِ نَصَرَا عَكَنْ أَبُواْكَنْ غَابَنْكُ وَطَنْدَ ذَاسُ تَاسُواْ مُكُ؞ ذَاسُ تَاسُواْ مُكُ تَهَنْيَ طَيَ، عَمَّا ذَاسُ غُدُ دَغَ غَبَنْكُ تَهَنْيُواْيِ بَݣَويْ؞

⁸ ‏«‏يَهْوٜىٰهْ ذَيْسَا وَ أَبِنْدَ يَكٜىٰ ثِكِنْ ضُمْبُنَنْكُ أَلْبَرْكَ دَ دُكَنْ أَيُّكَنْ حَنُّوَنْكُ؞ ذَيْسَا مُكُ أَلْبَرْكَ ثِكِنْ ڧَسَرْ دَشِ يَهْوٜىٰهْ اللَّهْ نْكُ يَكٜىٰ بَاكُ؞

⁹ ‏«‏يَهْوٜىٰهْ ذَيْ كَڢَكُ كُذَمَ جَمَعَرْدَ يَكٜىٰٻٜىٰ وَكَنْسَ دَ ڟَرْكِے، كَمَرْ يَدَّ يَرَنْڟٜىٰ مُكُ، عِدَنْ كُكَ كِيَايٜىٰ عُمَرْنَنْ يَهْوٜىٰهْ اللَّهْ نْكُ كُكَ كُمَيِ تَڢِيَ ثِكِنْ حَنْيَرْسَ؞

¹⁰ سَعَنً دُكَنْ ڧَبِيلُنْ دُونِيَا ذَاسُ غَنِ أَنْكَڢَ سُونَنْ يَهْوٜىٰهْ عَكَنْكُ نٜىٰ، ذَاسُ كُوَ جِڟُواْرُوانْكُ؞

¹¹ يَهْوٜىٰهْ ذَيْسَا كُيَلْوَتَ سُواْسَيْ دَ یَیَنْ دَ ذَاكُ حَيْڢَ دَ یَیَنْ دَبُّواْبِے دَ أَمْڢَانِنْ غُواْنَ عَثِكِنْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْكُ ذَيْبَاكُ؞

¹² يَهْوٜىٰهْ ذَيْبُوطٜىٰ مُكُ طَاكِنْ أَجِيَرْ أَلْبَرْكُنْسَ أَ سَمَ يَبَا ڧَسَرْكُ ضُوَ أَدَيْدَيْ لُواْكَثِنْسَ، يَكُمَسَا أَلْبَرْكَ عَكَنْ دُكَنْ أَيُّكَنْ حَنُّوَنْكُ؞ ذَاكُ بَادَ رَنْثٜىٰ غَ أَلْعُمَّيْ دَيَوَ، عَمَّا بَذَاكُ كَرْٻِ رَنْثٜىٰ دَغَ غَرٜىٰسُبَ؞

¹³ يَهْوٜىٰهْ ذَيْسَا كُذَمَ كَيْ، بَوُڟِيَبَ؞ كُلُّمْ ثِيغَبَ ذَاكُيِ، بَ بَايَ بَ، عِدَنْ كُكَيِ بِيَيَّ دَ عُمَرْنَنْ يَهْوٜىٰهْ اللَّهْ نْكُ وَطَنْدَ نَكٜىٰ عُمَرْثٜىٰكُ يَوْ، عِدَنْ كُنْ كِيَايٜىٰ كُنْ كُمَ عَيْكَتَاسُ،

¹⁴ عِدَنْ كُمَ بَكُ جُويَا دَامَ كُواْ هَغُ كُكَبِے وَطَنْسُ أَلُّواْلِ دُواْمِنْ كُبَوْتَا مُسُبَ؞»‏

سَكَمَكُوانْ رَشِنْ بِيَيَّ

¹⁵ ‏«‏عَمَّا عِدَنْ بَذَاكُيِ بِيَيَّ دَ مَغَنَرْ يَهْوٜىٰهْ اللَّهْ نْكُبَ، كُواْ كُوَ بَكُ كِيَايٜىٰ كُعَيْكَتَ دُكَنْ عُمَرْنَنْسَ دَ ڧَٰعِدُواْدِنْسَ وَطَنْدَ نَكٜىٰ عُمَرْثٜىٰكُ يَوْ بَ، تُواْ، دُكَنْ وَطَنَّنْ لَعَنَ ذَاسُ سَوْكُواْ مُكُ سُشَا كَنْكُ؞

¹⁶ ‏«‏لَعَنَنُّ نٜىٰ ذَاكُذَمَ عَثِكِنْ غَرِ، لَعَنَنُّ كُمَ أَغُواْنَكِنْكُ؞

¹⁷ ‏«‏لَعَنَنُّ نٜىٰ ݣُونْدُنَنْكُ دَ كُمَ ݣُونُواْنِ نَدَمَ غَارِنْ غُرَاسَرْكُ؞

¹⁸ ‏«‏لَعَنَنُّ نٜىٰ یَیَنْ دَ ذَاكُ حَيْڢَ دَ أَمْڢَانِنْ غُواْنَكِنْكُ دَ یَیَنْ دَبُّواْبِنْكُ دَ یَیَنْ تُمَكِنْكُ دَ نَأَوَكِنْكُ؞

¹⁹ ‏«‏دَ لَعَنَ ذَاكُ شِغَ دَ لَعَنَ كُمَ ذَاكُڢِتَ؞

²⁰ ‏«‏يَهْوٜىٰهْ ذَيْ عَيْكَ مُكُ دَ لَعَنَ دَ رُوطٜىٰوَ دَ دَامُوَ عَثِكِنْ كُواْوَنٜىٰ أَبِنْدَ كُكٜىٰسُواْ كُيِ، حَرْ كُلَلَثٜىٰ كُهَلَّكَ دَ سَوْرِ، سَبُواْدَ مُغُنْتَارْ أَيُّكَنْ دَ كُكَ عَيْكَتَ، سَبُواْدَ كُنْ يَاشٜىٰشِ؞

²¹ يَهْوٜىٰهْ ذَيْسَا بَلَعِ يَمَنّٜىٰ مُكُ حَرْ سَيْ يَثِنْيٜىٰكُ كَكَڢْ دَغَ ڧَسَرْدَ كُكٜىٰ شِرِنْ شِغَ دُواْمِنْ كُثِ غَادُوانْتَ؞

²² يَهْوٜىٰهْ ذَيْ بُغٜىٰكُ دَ ثِيوُانْ ڢُكَ دَ ظَظْذَاٻِ دَ ثِيوُانْ كُمْبُرِ دَ ذَاڢِ مَيْ ڟَنَنِ دَ رَشِنْ ضُوَ دَ ڢُمْڢُنَ، ذَاسُيِ تَدَامُنْكُ حَرْ سَيْ كُنْ لَلَثٜىٰ؞

²³ سَمَنْ دَيَكٜىٰ بِسَنْكُ ذَيْ ذَمَ كَمَرْ تَغُلَّ، كُمَ ڧَسَرْدَ تَكٜىٰ عَڧَرْڧَشِنْكُ ذَاتَ ذَمَ كَمَرْ ڧَرْڢٜىٰ؞

²⁴ يَهْوٜىٰهْ ذَيْ مَيْدَ ضُوً سَمَنْ دَيَكٜىٰ ظُبَ بِسَ غُواْنَكِنْكُ يَذَمَ ڧُورَا؞ ڧُورَرْ ذَاتَيِ تَسَوْكُواْ مُكُ دَغَ سَمَ حَرْ كُهَلَّكَ؞

²⁵ ‏«يَهْوٜىٰهْ ذَيْسَا أَبُواْكَنْ غَابَنْكُ سُثِ نَصَرَا عَكَنْكُ، ذَاكُ ڢِتُواْ دُواْمِنْ كُتَاسُواْ مُسُ تَهَنْيَ طَيَ، عَمَّا ذَاكُ غُدُ أَغَبَنْسُ تَهَنْيُواْيِ بَݣَويْ؞ ذَاكُ ذَمَ أَبِنْ ڟُواْرُواْ غَ دُكَنْ مُلْكُواْكِنْ دُونِيَا سَعَدَّ سُكَغَ أَبِنْدَ يَڢَرُ دَكُو؞

²⁶ غَوَوَّكِنْكُ ذَاسُ ذَمَ عَبِنْثِ غَ دُكَنْ ڟُنْڟَيٜىٰنْ سَرَرِنْ سَمَ دَ نَنَمُواْمِنْ دَاجِ عَڧَسَا، حَرْ بَذَاعَ سَامِ وَنْدَ ذَيْ كُواْرٜىٰسُبَ؞

²⁷ يَهْوٜىٰهْ ذَيْسَا مُكُ ڧُرَجٜىٰ إِرِنْ نَ مَصَرْ دَ مِيكِ دَ ڧَظْوَ دَ ڧَيْڧَيِ وَطَنْدَ بَذَاسُ وَرْكٜىٰبَ؞

²⁸ يَهْوٜىٰهْ ذَيْ بُغٜىٰكُ دَ ثِيوُانْ هَوْكَ دَ نَمَكَنْتَ دَ ضِكِثِيوَرْ حَنْكَلِ؞

²⁹ ذَاكُيِتَ تُنْتُٻٜىٰ أَڟَكَرْ رَانَ كَمَرْ يَدَّ مَكَڢِ سُكَنْ لَلُبَ عَثِكِنْ دُهُ، عَمَّا بَذَاكُ يَلْوَتَ أَ حَنْيَرْكُبَ؞ ذَاعَيِ تَثُوتَرْكُ، أَنَ تَيِ مُكُ ڨُوثٜىٰ كُلُّمْ، كُمَ بَاوَنْدَ ذَيْثٜىٰثٜىٰكُ؞

³⁰ ‏«‏ذَاكُ طَوْرَ أَلْڧَوَرِنْ عَوْرٜىٰ دَ يَارِنْيَ، عَمَّا وَنِ مُتُمْ دَبَمْ نٜىٰ ذَيْ ݣُونَ دَ عِتَ؞ ذَاكُ غِنَا غِدَا، عَمَّا بَذَاكُ ذَوْنَ عَثِكِيبَ؞ ذَاكُ شُوكَ غُواْنَكِنْ إِنَبِے، عَمَّا بَذَاكُ مُواْضِ یَیَنْبَ؞

³¹ ذَاعَيَنْكَ سَانِيَرْكُ أَعِدُوانْكُ، عَمَّا بَذَاكُثِ نَامَنْتَبَ؞ ذَاعَڨُوثٜىٰ جَاكِنْكُ دَ ڧَرْڢِے أَغَبَنْكُ، كُمَ بَذَاعَ مَيَرْ مُكُبَ؞ تُمَكِنْكُ مَا ذَاعَ بَا أَبُواْكَنْ غَابَنْكُ، بَاوَنْدَ ذَيْ تَيْمَكٜىٰكُ؞

³² أَ عِدُوانْكُ ذَاعَ ݣُوشِ یَیَنْكُ مَظَا دَ مَاتَا عَكَيْسُ وَتَ ڧَسَا دَبَمْ؞ ذَاكُيِ مَرْمَرِنْ غَنِنْسُ دُكَنْ يِنِ، عَمَّا عَبَنْظَ، غَمَا بَاكُ دَ إِيكُوانْ يِنْ كُواْمٜىٰ؞

³³ مُتَنٜىٰنْ دَ بَكُ سَنْسُبَ، ذَاسُذُواْ سُثِ أَمْڢَانِنْ غُواْنَكِنْكُ دَ دُكَنْ أَبِنْدَ كُكَيِ وَهَلَ كُكَ نُواْمٜىٰ؞ ذَاعَيِ تَوُلَڧَنْتَرْ دَكُو، عَكُمَ دَنّٜىٰكُ كُلُّمْ؞

³⁴ أَبُبُوَنْ دَ عِدَنُونْكُ ذَاسُ غَنِ ذَاسُسَا كُذَمَ مَهَوْكَتَ؞

³⁵ يَهْوٜىٰهْ ذَيْ بُغِ ڠُوِوُاْيِنْكُ دَ ڧَڢَاڢُنْكُ دَ مَرُورَيْ مَاسُ مُونِ دَغَ تَڢِنْ ڧَڢَاڢُنْكُ حَرْ ذُوَا سَمَنْ كَنْكُ، بَذَاكُ وَرْكٜىٰبَ؞

³⁶ ‏«‏يَهْوٜىٰهْ ذَيْ كَيْكُ دَ سَرْكِنْكُ دَ كُكَ ذَاٻَا وَكَنْكُ ذُوَا وَتَ أَلْعُمَّرْ دَ كُو دَ كَاكَنِّنْكُ بَكُسَنِبَ؞ ثَنْ ذَاكُ بَوْتَاوَ وَطَنْسُ أَلُّواْلِ، وَتُواْ غُمَكَ نَ إِتَاثٜىٰ دَ نَدُوڟٜىٰ؞

³⁷ ذَاكُ ذَمَ أَبِنْ ڟُواْرُواْ دَ أَبِنْ مِصَالِ دَ أَبِنْ غُواْرِ عَثِكِنْ دُكَنْ ڧَبِيلُ عِنْدَ يَهْوٜىٰهْ ذَيْكَيْكُ؞

³⁸ ‏«‏ذَاكُ شُوكَ إِرِ دَيَوَ أَغُواْنَ، عَمَّا ذَاكُ غِرْبٜىٰ كَطَنْ، غَمَا ڢَارِ ذَاسُ ثِنْيٜىٰشِ؞

³⁹ ذَاكُ شُوكَ غُواْنَكِنْ إِنَبِے، ذَاكُ ڠَرَسُ، عَمَّا بَذَاكُشَا ضُوً إِنَبِنْ بَ، كُواْ كُتَتَّارَ یَیَنْ بَ، غَمَا ڟُڟَ ذَاسُثِنْيٜىٰسُ؞

⁴⁰ ذَاكُسَامِ عِتَتُوَنْ ظَيْتُنْ عَكُواْعِنَ ثِكِنْ دُكَنْ يَنْكُنَنْكُ، عَمَّا بَذَاكُ شَاڢَ كَنْكُ دَ مَنْبَ، غَمَا دُكْ یَیَنْ ظَيْتُنْ طِنْ ذَاسُ ظُبٜىٰ كَكَڢْ كَاڢِنْ سُإِسَ غِرْبِے؞

⁴¹ ذَاكُ حَيْڢِ یَیَ مَظَا دَ مَاتَا، عَمَّا بَذَاسُ ذَمَ نَاكُبَ، غَمَا ذَاعَ ݣُوشٜىٰسُ ذُوَا بَوْتَا؞

⁴² دُكَنْ عِتَتُوَنْكُ دَ أَمْڢَانِنْ غُواْنَكِنْكُ، ڢَارِ ذَاسُثِنْيٜىٰ؞

⁴³ ‏«‏بَڧِنْ دَسُكٜىٰ ذَمَ عَثِكِنْكُ ذَاسُيِتَيِنْ غَبَ غَبَ، كُو كُوَ ذَاكُيِتَيِنْ بَايَ بَايَ؞

⁴⁴ بَاڧِ ذَاسُ بَاكُ رَنْثٜىٰ، عَمَّا كُو بَذَاكُ عِيَبَاسُ رَنْثٜىٰبَ؞ سُو ذَاسُ ذَمَ كَيْ، كُو ذَاكُ ذَمَ وُڟِيَ؞

⁴⁵ ‏«‏دُكَنْ لَعَنَرْ نَنْ ذَاسُسَوْكُواْ مُكُ، سُبِيكُ، سُكَامَكُ، حَرْ سَيْ كُنْهَلَّكَ، سَبُواْدَ بَكُيِ بِيَيَّ غَ يَهْوٜىٰهْ اللَّهْ نْكُبَ، بَكُكِيَايٜىٰ عُمَرْنَنْ دَ ڧَٰعِدُواْدِنْسَ وَنْدَ يَبَاكُبَ؞

⁴⁶ ذَاسُ ذَمَ عَلَمَ دَ أَبِنْ غَرْغَطِے عَكَنْكُ دَ ذُرِيَرْكُ حَرْ أَبَدَا؞

⁴⁷ تُنْدَيَكٜىٰ بَكُ بَوْتَاوَ يَهْوٜىٰهْ اللَّهْ نْكُ دَ ڢَضٍ ثِكِ تَرٜىٰدَ مُرْنَ أَ ذُوثِيَارْكُ سَبُواْدَ دُكَنْ أَبِنْدَ يَبَاكُ عَيَلْوَثٜىٰبَ،

⁴⁸ سَبُواْدَ حَكَ ثِكِنْ رَشِنْ كُواْمٜىٰ ذَاكُ بَوْتَاوَ أَبُواْكَنْ غَابَنْدَ يَهْوٜىٰهْ ذَيْ تُورَ مُكُ؞ ذَاكُ بَوْتَا مُسُ عَثِكِنْ يُنْوَ دَ ڧِشِنْ ضُوَ دَ ڟِرَيْثِ؞ يَهْوٜىٰهْ ذَيْسَا سُسَا غُنْ‌غُمٜىٰنْ دَنِّيَ عَكَنْكُ سَيْ أَنْهَلَّكَرْ دَكُو كَكَڢْ؞

⁴⁹ يَهْوٜىٰهْ ذَيْ كَٰوُاْ وَتَ أَلْعُمَّ مَيْ غَابَادَكُو دَغَ نٜىٰسَ دَغَ إِيَاكَرْ دُونِيَا، تَسَوْكُواْ عَكَنْكُ كَمَرْ غَغَّڢَ، أَلْعُمَّرْ دَ بَكُسَنْ يَرٜىٰنْسُبَ،

⁵⁰ أَلْعُمَّرْ دَ ڢُسْكَرْتَ تَنَدَ بَنْ ڟُواْرُواْ، أَلْعُمَّرْ دَ بَاتَغَنِنْ غِرْمَنْ ڟُواْهُواْ كُواْ تَنُونَ أَلْحٜىٰرِ غَ ڧَنَانَا؞

⁵¹ ذَاتَ ثِنْيٜىٰ یَیَنْ دَبُّواْبِنْكُ دَ نَأَمْڢَانِنْ غُواْنَكِنْكُ، حَرْ سَيْ كُنْ هَلَّكَ؞ بَذَاتَ بَرْ مُكُ حَڟِ، كُواْ ضُوً إِنَبِے، كُواْ مَيْ، كُواْ یَیَنْ غَرْكٜىٰنْ شَانُنْكُ كُواْ نَتُمَكِنْكُ كُواْ نَأَوَكِنْكُبَ، حَرْ سَيْ كُنْ لَلَثٜىٰ؞

⁵² ذَاتَ كُمَ كٜىٰوَيٜىٰكُ عَثِكِنْ دُكَنْ غَرُرُوَنْكُ، حَرْ سَيْ دُكَنْ كَتَنْ‌غَرْكُ مَاسُ ڟَيِ وَطَنْدَ كُكٜىٰ دُواْغَضَ غَرٜىٰسُ سُنْ ڢَاطِ، كُواْعِنَ عَثِكِنْ ڧَسَرْدَ يَهْوٜىٰهْ اللَّهْ نْكُ يَبَاكُ؞

⁵³ ‏«‏ذَاكُثِ نَامَنْ یَیَنْكُ وَطَنْدَ ذَاكُ حَيْڢَ، یَیَنْكُ مَظَا دَ مَاتَا وَطَنْدَ يَهْوٜىٰهْ اللَّهْ نْكُ يَبَاكُ سَبُواْدَ ڟَنَنِنْ مَڟِنْ دَ أَبُواْكَنْ غَابَنْكُ سُكَيِ مُكُ لُواْكَثِنْ دَ سُكَ كٜىٰوَيٜىٰكُ دُواْمِنْ يَاڧِ؞

⁵⁴ كُواْ مُتُمِنْدَ يَڢِ دُكَنْكُ غَتَ دَ يَوَنْ تَوْسَيِ مَا، بَذَيْبَا طَنْعُوَنْسَ دَ مَاتَرْسَ وَدَّ يَكٜىٰ ڧَوْنَ دَ یَیَنْسَ وَطَنْدَ سُكَ رَغُ عَبِنْثِبَ؞

⁵⁵ مُتُمِنَّنْ بَذَيْسُواْ يَبَا وَنِنْسُ نَامَنْ یَیَنْسَ وَنْدَ يَكٜىٰثِبَ، غَمَا بَا أَبِنْدَ يَضَغٜىٰ مَسَ، سَبُواْدَ ڟَنَنِنْ مَڟِنْ دَ أَبُواْكَنْ غَابَنْكُ ذَاسُيِ مُكُ أَ لُواْكَثِنْ دَ سُكَ كٜىٰوَيٜىٰ غَرُرُوَنْكُ دُواْمِنْ يَاڧِ؞

⁵⁶ مَثٜىٰنْ دَ تَڢِے دُكَنْكُ غَتَ دَ دَرَجَ، حَرْ مَا بَاتَسُواْ تَسَا تَڢِنْ ڧَڢَرْتَ عَڧُورَا، عِتَمَا بَذَاتَبَا مِجِنْتَ دَتَكٜىٰ ڧَوْنَ دَ طَنْتَ دَ یَرْتَ عَبِنْثِبَ؞

⁵⁷ حَرْ مَا مَحَيْڢَرْ دَ تَڢِتُواْ بَايَنْ حَيْڢُوَ دَ جَرِرِنْ دَ تَحَيْڢَ، ذَاتَ ثِنْيٜىٰسُ عَٻُواْيٜىٰ، غَمَا بَابُ أَبِنْدَ ذَاتَثِ، سَبُواْدَ ڟَنَنِنْ مَڟِنْ دَ أَبُواْكَنْ غَابَنْكُ ذَاسُيِ مُكُ أَ لُواْكَثِنْ دَ سُكَ كٜىٰوَيٜىٰ غَرُرُوَنْكُ دُواْمِنْ يَاڧِ؞

⁵⁸ ‏«‏عِدَنْ ڢَا بَكُ كِيَايٜىٰ كُكُمَ عَيْكَتَ دُكَنْ كَلْمُواْمِنْ وَنَّنْ كُواْيَرْوَا وَطَنْدَ عَكَ رُبُوتَ عَثِكِنْ وَنَّنْ لِتَّڢِ بَ، دُواْمِنْ كُجِڟُواْرُوانْ سُونَنَّنْ مَيْ طَوْكَكَ مَيْ بَنْ ڟُواْرُواْ، وَتُواْ سُونَنْ يَهْوٜىٰهْ اللَّهْ نْكُ،

⁵⁹ تُواْ، يَهْوٜىٰهْ ذَيْ عَيْكَرْ دَ بَلَعِ مَيْ ڟَنَنِ مَرَرْ ڧَارٜىٰوَ دَ ثُوتُتُّكَ مَرَسَ وَرْكٜىٰوَ، سُكَامَكُ، كُو دَ ذُرِيَرْكُ؞

⁶⁰ ذَيْ كُوَ جَٰوُاْ مُكُ دُكَنْ ثُوتُتُّكَنْ مَصَرْ وَطَنْدَ كُكَ جِڟُواْرُوانْسُ، ذَاسُ كُوَ مَنّٜىٰ مُكُ؞

⁶¹ كُواْوَنٜىٰ إِرِنْ ثِيوُاْ دَ بَلَعِ، وَطَنْدَ بَعَرُبُوتَ عَثِكِنْ لِتَّڢِنْ كُواْيَرْوَا بَ، يَهْوٜىٰهْ ذَيْ كَٰوُاْ مُكُ حَرْ سَيْ كُنْ هَلَّكَ؞

⁶² كُواْدَيَكٜىٰ دَا كُنْيِيَوَ كَمَرْ تَوْرَرِ أَ سَمَ، ذَاكُ ذَمَ كَطَنْ، غَمَا بَكُيِ بِيَيَّ دَ يَهْوٜىٰهْ اللَّهْ نْكُبَ؞

⁶³ كَمَرْ يَدَّ يَهْوٜىٰهْ يَجِ دَاطِے يَكَٰوُاْ مُكُ أَلْحٜىٰرِ عَيَلْوَثٜىٰ، يَكُمَسَا كُنْ ڧَارُ سُواْسَيْ، حَكَنَّنْ مَا يَهْوٜىٰهْ ذَيْجِے دَاطِے يَلَلَتَ دَكُو، يَكُمَ هَلَكَاكُ؞ ذَاعَكُمَ تُمْٻُكٜىٰكُ دَغَ ثِكِنْ ڧَسَرْدَ كُكٜىٰ شِرِنْ شِغَ دُواْمِنْ كُثِ غَادُوانْتَ؞

⁶⁴ ‏«‏يَهْوٜىٰهْ ذَيْ وَاڟَرْ دَكُو ثِكِنْ دُكَنْ ڧَبِيلُ دَغَ وَنَّنْ إِيَاكَرْ دُونِيَا ذُوَا وَنْثَنْ؞ عَثَنْ ذَاكُ بَوْتَاوَ وَطَنْسُ أَلُّواْلِ نَ إِتَاثٜىٰ دَ نَدُوڟٜىٰ، أَلُّواْلِنْ دَ كُواْ كُو كُواْ كَاكَنِّنْكُ مَا بَكُسَنْسُبَ؞

⁶⁵ عَثِكِنْ وَطَنَّنْ أَلْعُمَّيْ بَذَاكُ سَامِ كُواْمٜىٰ دَ سَوْڧِبَ، بَابُ مَا وُرِنْ دَ تَڢِنْ ڧَڢَرْكُ ذَيْ هُوتَ؞ عَثَنْ يَهْوٜىٰهْ ذَيْبَاكُ ذُوثِيَارْ دَامُوَ دَ عِدَنُونْدَ بَاسَ غَنِ سُواْسَيْ دَ ذُوثِيَا مَيْ ڢِدَّ رَيْ؞

⁶⁶ عَكُلُّمْ رَنْكُ ذَيْ كَسَنْثٜىٰ دَ دَامُوَ دَرٜىٰ دَ رَانَ ذَاكُ كَسَنْثٜىٰ ثِكِنْ ڟُواْرُواْ، بَابُ تَبَّثِ كُواْ ذَاكُ كَيْ غُواْبٜىٰ دَ رَيْ كُواْ بَابُ؞

⁶⁷ دَ سَڢٜىٰ ذَاكُثٜىٰ، ‏‹‏دَمَا عَثٜىٰ يَمَّثٜىٰ!‏›‏ إِنْ يَمَّ كُمَ تَايِ سَيْكُثٜىٰ، ‏‹‏دَمَا عَثٜىٰ سَاڢِيَثٜىٰ!‏›‏ سَبُواْدَ ڟَنَنِنْ ڟُواْرُوانْ دَ ذُوثِيَارْكُ تَكٜىٰ ثِكِ دَ كُمَ أَبُبُوَنْ دَ عِدَنُونْكُ سُكٜىٰ غَنِ؞

⁶⁸ يَهْوٜىٰهْ ذَيْ كُواْمَرْ دَكُو ذُوَا ڧَسَرْ مَصَرْ ثِكِنْ جِضَاغٜىٰنْ ضُوَ، عَتَهَنْيَرْ دَ يَيِ مُكُ أَلْڧَوَرِ بَذَاكُ سَاكٜىٰ بِنْتَبَ؞ عَثَنْ ذَاكُسُواْ كُسَيَرْ دَ كَنْكُ غَ أَبُواْكَنْ غَابَنْكُ، كُذَمَ بَايِ مَظَا دَ مَاتَا، عَمَّا بَابُوَنْدَ ذَيْ سَيٜىٰكُ؞»‏