مَيْمَيْتَاوَرْ شَرِيعَ 27 - أَتَّوْرَتْ دَ أَنَّبَاوَا

دُواْكُواْكِنْدَ عَكَ رُبُوتَ عَكَنْ دُوَڟُو

¹ سَيْ مُوسَٰى دَ دَتَّاوَنْ إِسْرَٰٓءِيلَ سُكَ عُمَرْثِ جَمَعَ سُكَثٜىٰ ‏«‏كُكِيَايٜىٰ دُكَنْ عُمَرْنَنْ دَ نَكٜىٰ عُمَرْثٜىٰكُ يَوْ؞

² رَنْ دَ كُكَ ڧٜىٰتَرٜىٰ كُواْغِنْ يُواْدَنْ، كُكَ شِغَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ، ذَاكُ كَڢَ مَنْيَنْ دُوَڟُو كُشَاڢٜىٰسُ دَ ڢَرَرْ ڧَسَا؞

³ عَكَنْسُ ذَاكُ رُبُوتَ دُكَنْ كَلْمُواْمِنْ وَنَّنْ كُواْيَرْوَا، سَعَدَّ كُكَ ڧٜىٰتَرٜىٰ دُواْمِنْ كُشِغَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ، ڧَسَاثٜىٰ مَيْ أَمْڢَانِ، كَمَرْ يَدَّ يَهْوٜىٰهْ اللَّهْ نَكَاكَنِّنْكُ يَيِ مُكُ أَلْڧَوَرِ؞

⁴ سَعَدَّ كُكَ ڧٜىٰتَرٜىٰ كُواْغِنْ يُواْدَنْ، سَيْ كُكَڢَ وَطَنَّنْ دُووَڟُنْ دَ نَكٜىٰ عُمَرْثٜىٰكُ يَوْ عَبَبَّنْ تُدُنْ عٜىٰبَلْ؞ ذَاكُ كُمَ شَاڢٜىٰسُ دَ ڢَرَرْ ڧَسَا؞

⁵ أَوُرِنْ ذَاكُ غِنَا بَغَدٜىٰ غَ يَهْوٜىٰهْ اللَّهْ نْكُ دَ دُووَڟُنْ دَ بَعَيِ أَمْڢَانِ دَ ڧَرْڢٜىٰ عَكَنْسُبَ؞

⁶ ذَاكُ غِنَا بَغَدٜىٰنْ يَهْوٜىٰهْ اللَّهْ نْكُ دَ دُووَڟُنْ دَ بَعَسَسَّڧَبَ؞ سَعَنً كُمِيڧَ هَدَايَ تَڧُواْنَاوَا عَكَنْسَ غَ يَهْوٜىٰهْ اللَّهْ نْكُ؞

⁷ ذَاكُ كُمَ مِيڧَ هَدَايُ نَڠَرَنْ زُمُنْثِ أَوُرِنْ، كُنَثِ كُنَ مُرْنَ أَغَبَنْ يَهْوٜىٰهْ اللَّهْ نْكُ؞

⁸ عَكَنْ دُووَڟُنْ دَ كُكَ شَاڢَ دَ ڢَرَرْ ڧَسَا، ذَاكُ رُبُوتَ دُكَنْ كَلْمُواْمِنْ وَنَّنْ كُواْيَرْوَا، رُبُوتُنْ كُمَ سُڢِتَ دَلَّ دَلَّ؞»‏

⁹ سَعَنً مُوسَٰى دَ ڢِرِسْتُواْثِے، وَتُواْ ذُرِيَرْ لَوِ، سُكَيِ مَغَنَ غَ دُكَنْ إِسْرَٰٓءِيلَ سُكَثٜىٰ ‏«‏كُيِ شِضُ كُكَسَ كُنّٜىٰ، يَا إِسْرَٰٓءِيلَ!‏ يَوْ كُنْ ذَمَ جَمَعَرْ يَهْوٜىٰهْ اللَّهْ نْكُ؞

¹⁰ سَبُواْدَ حَكَ، كُيِ بِيَيَّ غَ يَهْوٜىٰهْ اللَّهْ نْكُ، كُكِيَايٜىٰ عُمَرْنَنْسَ دَ ڧَٰعِدُواْدِنْسَ وَطَنْدَ نَكٜىٰ عُمَرْثٜىٰكُ يَوْ؞»‏

لَعَنَرْ رَشِنْ بِيَيَّ

¹¹ أَ رَانَرْ نَنْ مُوسَٰى يَعُمَرْثِ جَمَعَرْ، يَثٜىٰ،

¹² ‏«‏سَعَدَّ كُكَ ڧٜىٰتَرٜىٰ كُواْغِنْ يُواْدَنْ، وَطَنَّنْ ظُرِيُواْيِ ذَاسُ ڟَيَ عَكَنْ بَبَّنْ تُدُنْ غٜىٰرِظِمْ سَعَدَّ عَكٜىٰ ڢَطِنْ كَلْمُواْمِنْ أَلْبَرْكَ دُواْمِنْ جَمَعَ، وَتُواْ ذُرِيَرْ سِمٜىٰيُوانْ دَ تَ لَوِ دَ تَ يَهُودَ دَ تَ إِسَّكَرْ دَ تَ يُوسُڢَ دَ كُمَ تَ بِلِيَامِنُ؞

¹³ كُمَ وَطَنَّنْ ظُرِيُواْيِ ذَاسُ ڟَيَ عَكَنْ بَبَّنْ تُدُنْ عٜىٰبَلْ سَعَدَّ عَكٜىٰ ڢَطِنْ كَلْمُواْمِنْ لَعَنَ، وَتُواْ ذُرِيَرْ رَعُبَيْنُ دَ تَ غَدْ دَ تَ أَشٜىٰرْ دَ تَ ظٜىٰبُلُنْ دَ تَ دَنْ دَ كُمَ تَ نَڢْتَلِ؞

¹⁴ سَعَنً لَوِيَاوَا ذَاسُ تَادَ مُرْيَ سُثٜىٰ وَدُكَنْ جَمَعَرْ إِسْرَٰٓءِيلَ،

¹⁵ ‏«‏ ‏‹‏لَعَنَنّٜىٰ نٜىٰ مُتُمِنْدَ يَسَسَّڧَ غُنْكِ كُواْ يَيِ ظُبِنْ غُنْكِنْ أَلُّواْلِ نَڧَرْڢٜىٰ، عَيْكِنْ ڠُونِ، سَيْ يَاكَڢَشِ أَوَنِ وُرِے عَٻُواْيٜىٰ؞ أَبِنْ ڨَمَ نٜىٰ غَ يَهْوٜىٰهْ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

¹⁶ ‏«‏ ‏‹‏لَعَنَنّٜىٰ نٜىٰ مُتُمِنْدَ يَرٜىٰنَ بَابَنْسَ دَ مَامَرْسَ؞›‏ ‏«‏سَيْ دُكَنْ جَمَعَ سُأَمْسَ، سُثٜىٰ، ‏‹‏أَمِينْ!‏›‏

¹⁷ ‏«‏ ‏‹‏لَعَنَنّٜىٰ نٜىٰ مُتُمِنْدَ يَثِرٜىٰ عَلَمَرْ شَيْدَرْ إِيَاكَرْ غُواْنَرْسَ دَ مَڨُوبْثِنْسَ؞›‏ ‏«‏سَيْ دُكَنْ جَمَعَ سُأَمْسَ، سُثٜىٰ، ‏‹‏أَمِينْ!‏›‏

¹⁸ ‏«‏ ‏‹‏لَعَنَنّٜىٰ نٜىٰ مُتُمِنْدَ يَسَا مَكَهُواْ يَكَوْثٜىٰ دَغَ حَنْيَ؞›‏ ‏«‏سَيْ دُكَنْ جَمَعَ سُأَمْسَ، سُثٜىٰ، ‏‹‏أَمِينْ!‏›‏

¹⁹ ‏«‏ ‏‹‏لَعَنَنّٜىٰ نٜىٰ مُتُمِنْدَ يَجُجُّويٜىٰ غَسْكِيَرْ دَتَكٜىٰ حَكِّنْ بَڧُواْ، كُواْ مَرَايَ، كُواْ مَاتَرْ دَ مِجِنْتَ يَمُتُ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

²⁰ ‏«‏ ‏‹‏لَعَنَنّٜىٰ نٜىٰ مُتُمِنْدَ يَݣُونَ دَ مَاتَرْ بَابَنْسَ، غَمَا وَنَّنْ ذَيْ ڧَسْڧَنْتَرْدَ بَابَنْسَ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

²¹ ‏«‏ ‏‹‏لَعَنَنّٜىٰ نٜىٰ مُتُمِنْدَ يَݣُونَ دَ دَبَّ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

²² ‏«‏ ‏‹‏لَعَنَنّٜىٰ نٜىٰ مُتُمِنْدَ يَݣُونَ دَ یَرْعُوَرْسَ، كُواْ یَرْ بَابَنْسَ كُواْ یَرْ مَامَرْسَ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

²³ ‏«‏ ‏‹‏لَعَنَنّٜىٰ نٜىٰ مُتُمِنْدَ يَݣُونَ دَ مَامَرْ مَاتَرْسَ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

²⁴ ‏«‏ ‏‹‏لَعَنَنّٜىٰ نٜىٰ مُتُمِنْدَ يَكَشٜىٰ مَڨُوبْثِنْسَ عَٻُواْيٜىٰ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

²⁵ ‏«‏ ‏‹‏لَعَنَنّٜىٰ نٜىٰ مُتُمِنْدَ يَكَرْٻِ كُطِ دُواْمِنْ يَكَشٜىٰ مَرَرْ لَيْڢِے؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏

²⁶ ‏«‏ ‏‹‏لَعَنَنّٜىٰ نٜىٰ مُتُمِنْ دَ بَيْ أَمِنْثِ دَ وَطَنَّنْ كَلْمُواْمِنْ كُواْيَرْوَرْ نَنْ تَوُرِنْ عَيْكَتَاسُبَ؞›‏ ‏«‏سَيْ دُكَنْ جَمَعَ سُأَمْسَ سُثٜىٰ، ‏‹‏أَمِينْ!‏›‏ »‏