مَيْمَيْتَاوَرْ شَرِيعَ 26 - أَتَّوْرَتْ دَ أَنَّبَاوَا

غَمٜىٰ دَ نُونً ڢَارِ دَ زَكَّ

¹ مُوسَٰى يَثِيغَبَدَ مَغَنَ يَثٜىٰ ‏«‏سَعَدَّ كُكَ شِغَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ دُواْمِنْ كُثِ غَادُوانْتَ، كُكَثِ غَادُوانْتَ كُكَ كُمَ مَلَّكٜىٰتَ، غَا أَبِنْدَ ذَاكُيِ؞

² سَيْ كُطِبَ دَغَ ثِكِنْ نُونً ڢَارِ نَدُكَنْ أَمْڢَانِنْ ڧَسَا وَنْدَ كُكَ شُوكَ عَڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ؞ كُسَا ثِكِنْ ݣُونْدُواْ كُكَيْ وُرِنْ دَ يَهْوٜىٰهْ اللَّهْ نْكُ ذَيْ ذَاٻَا دُواْمِنْ عَيِ سُجَّدَ دَ سُونَنْسَ؞

³ ذَاكُ تَڢِے وُرِنْ ڢِرِسْتِ وَنْدَ يَكٜىٰ عَيْكِ أَ لُواْكَثِنْ، كُثٜىٰ مَسَ، ‏‹‏يَوْ نَڢُرْتَوَ يَهْوٜىٰهْ اللَّهْ نْكَ ثٜىٰوَ نَشِغَ ثِكِنْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْمُ ذَيْبَامُ؞›‏

⁴ ‏«‏سَعَنً ڢِرِسْتِ ذَيْ كَرْٻِ ݣُونْدُوانْ دَغَ حَنُّنْكُ يَأَجِيٜىٰ عَڧَسَا أَغَبَنْ بَغَدٜىٰنْ يَهْوٜىٰهْ اللَّهْ نْكُ؞

⁵ سَعَنً كُمَ سَيْكُ أَمْسَ أَغَبَنْ يَهْوٜىٰهْ اللَّهْ نْكُ، كُثٜىٰ، ‏«‏ ‏‹‏دَا كَكَنَ مُتُمِنْ سُورِيَ نٜىٰ، مَيْ يَوَنْ يَٰوُاْ؞ يَغَنْ‌غَرَ ذُوَا مَصَرْ، عَثَنْ يَذَوْنَ كَمَرْ بَڧُواْ دَ مُتَنٜىٰ كَطَنْ، عَثَنْ يَذَمَ بَبَّرْ أَلْعُمَّ مَيْغِرْمَ، مَيْ إِيكُواْ، مَيْ يَوَ؞

⁶ مُتَنٜىٰنْ مَصَرْ سُكَ وُلَڧَنْتَرْ دَمُو، سُكَ ڟَنَنْتَ مَنَ، سُكَسَامُ ثِكِنْ بَوْتَا مَيْ ڟَنَنِ؞

⁷ سَعَنً مُنْيِ كُوكَا غَ يَهْوٜىٰهْ، يَهْوٜىٰهْ اللَّهْ نَكَاكَنِّنْمُ، يَهْوٜىٰهْ كُوَ يَجِ كُوكَنْمُ يَغَ عَذَابَرْدَ مُكٜىٰ شَا، دَ وَهَلَرْدَ مُكٜىٰ شَا، دَ دَنِّيَرْدَ سُكٜىٰيِ مَنَ؞

⁸ يَهْوٜىٰهْ كُمَ يَڢِتَرْ دَمُو دَغَ مَصَرْ، دَ حَنُّ مَيْ إِيكُواْ يَڢِتَرْ دَمُو، دَ مَنْيَنْ أَيُّكَنْ بَنْمَامَاكِ، تَرٜىٰدَ نُونَ إِيكُوانْسَ مَيْ بَنْڟُواْرُواْ، دَ عَلَمُ دَ أَيُّكَنْ بَنْمَامَاكِ؞

⁹ يَكُمَ كَٰوُاْمُ ثِكِنْ وَنَّنْ وُرِے، يَبَامُ وَنَّنْ ڧَسَرْ تَذَمَ تَامُ، ڧَسَاثٜىٰ مَيْ أَمْڢَانِ سُواْسَيْ؞

¹⁰ غَاشِ، يَا يَهْوٜىٰهْ، يَنْذُ نَا كَٰوُاْ نُونً ڢَارِ نَأَمْڢَانِنْ ڧَسَرْ نُونً ڢَارِنْ دَكَيْ كَبَانِ؞›‏ ‏«‏سَعَنً كُ أَجِيٜىٰ ݣُونْدُوانْ أَغَبَنْ يَهْوٜىٰهْ اللَّهْ نْكُ، كُرُسُنَ كُيِ مَسَ سُجَّدَ؞

¹¹ كُيِ مُرْنَ كُمَ، كُو دَ لَوِيَاوَا دَ بَڧِنْ دَسُكٜىٰ ذَمَ عَثِكِنْكُ، سَبُواْدَ دُكَنْ أَبُبُوَ مَاسُ ݣَوْ وَطَنْدَ يَهْوٜىٰهْ اللَّهْ نْكُ يَبَاكُ، كُو دَ عِيَلَنْكُ؞

¹² ‏«‏عَثِكِنْ كُواْوَثٜىٰ شٜىٰكَرَا تَ عُكُ، وَتُواْ شٜىٰكَرَا تَبَادَ زَكَّ، ذَاكُ بَادَ زَكَّرْ أَمْڢَانِنْ غُواْنَكِنْكُ وَ لَوِيَاوَا دَ بَاڧِ دَ مَرَايُ دَ مَاتَانْدَ مَذَنْسُ سُكَ مُتُ، دُواْمِنْ سُو مَا سُثِ سُڧُواْشِ عَثِكِنْ غَرُرُوَنْكُ؞

¹³ سَعَنً ذَاكُيِ مَغَنَ أَغَبَنْ يَهْوٜىٰهْ اللَّهْ نْكُ كُثٜىٰ، ‏‹‏نَارِغَا نَا ڢِتَرْدَ زَكَّرْ دَ عَكَ كٜىٰٻٜىٰ دَ ڟَرْكِے دَغَ ثِكِنْ غِدَانَ، نَا كُمَبَا لَوِيَاوَا دَ بَڧِنْ دَسُكٜىٰ ذَمَ عَثِكِنْمُ دَ مَرَايُ دَ مَاتَانْدَ مَذَنْسُ سُكَ مُتُ بِسَغَ دُكَنْ عُمَرْنِنْدَ كَاعُمَرْثٜىٰنِ؞ بَنْ كُوَ ڧٜىٰتَرٜىٰ كُواْ مَنْتَادَ وَنِ عُمَرْنِبَ؞

¹⁴ بَنْثِ كُواْمٜىٰ دَغَ زَكَّرْ بَ، سَعَدَّ نَكٜىٰ بَڧِنْ ثِكِ؞ بَنْ كُمَ ڢِتَرْدَ كُواْمٜىٰ دَغَ ثِكِنْتَبَ سَعَدَّ نَڧَظَنْتُ؞ بَنْ كُوَ مِيڧَشِ هَدَايَ غَ مَتَتُّو بَ؞ يَا يَهْوٜىٰهْ اللَّهْ نَا، نَيِ مَكَ بِيَيَّ، نَعَيْكَتَ دُكَنْ أَبِنْدَ كَاعُمَرْثٜىٰنِ؞

¹⁵ بَرِ كَدُوبِے ڧَسَا دَغَ سَمَ دَغَ وُرِنْ ذَمَنْكَ مَيْ ڟَرْكِے، كَسَا وَجَمَعَرْكَ إِسْرَٰٓءِيلَ أَلْبَرْكَ، دُكْ دَ ڧَسَرْدَ كَبَامُ، ڧَسَا مَيْ أَمْڢَانِ كَمَرْ يَدَّ كَرَنْڟٜىٰوَ كَاكَنِّنْمُ؞›‏ »‏

جَمَعَرْ يَهْوٜىٰهْ مَاسُ ڟَرْكِے

¹⁶ ‏«‏يَوْ، يَهْوٜىٰهْ اللَّهْ نْكُ يَنَ عُمَرْتَرْكُ كُكِيَايٜىٰ وَطَنَّنْ ڧَٰعِدُواْدِ دَ عُمَرْنَيْ؞ سَيْ كُكِيَايٜىٰسُ كُكُمَ عَيْكَتَاسُ دَ دُكَنْ ذُوثِيَارْكُ دَ دُكَنْ رَنْكُ؞

¹⁷ يَوْ، كُنْ شَيْدَ ثٜىٰوَ يَهْوٜىٰهْ شِينٜىٰ اللَّهْ نْكُ، كُمَ ذَاكُيِ تَڢِيَ عَثِكِنْ حَنْيَرْسَ، دُواْمِنْ كُكِيَايٜىٰ ڧَٰعِدُواْدِنْسَ دَ دُواْكُواْكِنْسَ دَ عُمَرْنَنْسَ، كُنَيِ وَمَغَنَرْسَ بِيَيَّ؞

¹⁸ يَوْ يَهْوٜىٰهْ يَا شَيْدَ ثٜىٰوَ كُو جَمَعَرْسَثٜىٰ مَڢِے دَرَجَ، كَمَرْ يَدَّ يَيِ مُكُ أَلْڧَوَرِ، كُمَ ذَاكُ كِيَايٜىٰ دُكَنْ دُواْكُواْكِنْسَ؞

¹⁹ يَهْوٜىٰهْ يَا كُمَ شَيْدَ ثٜىٰوَ ذَيْ طَوْكَكَاكُ ڢِيٜىٰدَ دُكَنْ أَلْعُمَّنْ دَ يَيِ؞ ذَيْ كُمَسَا كُذَمَ أَبِنْ يَبُواْ، مَيْ سُونَ، مَيْ دَرَجَ؞ ذَاكُ ذَمَ أَلْعُمَّرْ دَ عَكَ كٜىٰٻٜىٰ دَ ڟَرْكِے غَ يَهْوٜىٰهْ اللَّهْ نْكُ، كَمَرْ يَدَّ يَيِ أَلْڧَوَرِ؞»‏