مَيْمَيْتَاوَرْ شَرِيعَ 25 - أَتَّوْرَتْ دَ أَنَّبَاوَا

¹ مُوسَٰى يَثِيغَبَدَ مَغَنَ يَثٜىٰ ‏«‏مَيْ يِوُوَ غَرْدَمَ ذَاتَ تَاشِ ڟَكَانِنْ مُتُمْ بِيُ، حَرْ أَبِنْ يَكَيْسُ وُرِنْ شَرِيعَ، مَاسُ شَرِيعَ كُمَ سُنْ يَنْكٜىٰ مُسُ مَغَنَرْ، سُكَ كُٻُتَرْدَ مَرَرْ لَيْڢِے، سُكَ حُكُنْتَ مَيْ لَيْڢِنْ؞

² عِدَنْ مَيْ لَيْڢِنْ يَثَنْثَنْثِ عَيِ مَسَ بُلَلَ، مَيْ شَرِيعَ ذَيْسَا مُتُمِنْ يَݣُونْتَ عَڧَسَا، عَكُمَيِ مَسَ بُلَلَ أَغَبَنْسَ دَيْدَيْ يَوَنْ بُلَلَرْ دَ تَ دَاثٜىٰ دَ لَيْڢِنْسَ دَ يَيِ؞

³ ذَاعَيِ وَمُتُمِنْ بُلَلَ أَرْبَعِنْ، عَمَّا كَدَ يَڢِ حَكَ؞ عِدَنْ بُلَلَرْ تَڢِے حَكَ، طَنْعُوَنْكَ ذَيْ ذَمَ أَبِنْ رٜىٰنِ أَعِدُوانْ یَنْعُوَنْسَ؞

⁴ ‏«‏بَذَاكَ كُلّٜىٰ بَاكِنْ سَانِيَرْ نُواْمَ لُواْكَثِنْ دَتَكٜىٰ تَتَّاكَ حَڟِبَ؞»‏

غَادُوانْ عَوْرٜىٰ

⁵ ‏«‏سَعَدَّ یَنْعُوَ مَظَا سُنَ ظَوْنٜىٰ أَوُرِے طَيَ تَرٜىٰ، سَيْ طَيَنْسُ يَمُتُ بَيْ حَيْڢُ بَ، مَاتَرْ وَنْدَ يَمُتُ طِنْ بَذَاتَ ڢِتَ تَ عَوْرِ وَنِ بَڧُواْ وَنْدَ بَدَغَ ثِكِنْ یَنْعُوَنْ مِجِنْبَ؞ سَيْ طَنْعُوَنْ مِجِنْتَ يَذُواْ وُرِنْتَ، يَ عَوْرٜىٰتَ، يَثِكَ حَكِّنْ طَنْعُوَنْ مِجِ؞

⁶ طَنْ ڢَضٍ دَ ذَاتَ حَيْڢَ ذَيْ ذَمَ نَطَنْعُوَنْ بَابَنْسَ وَنْدَ يَمُتُ، دُواْمِنْ كَدَ عَكَوَرْدَ سُونَنْ طَنْعُوَنْسَ دَغَ إِسْرَٰٓءِيلَ؞

⁷ عَمَّا عِدَنْ طَنْعُوَنْ مِجِنْ بَايَسُواْ يَطَوْكِ مَاتَرْ طَنْعُوَنْسَ دَ يَمُتُ تَذَمَ مَاتَرْسَ، سَيْ مَاتَرْ تَتَڢِے وُرِنْ دَتَّاوَا عَڧُواْڢَرْ غَرِ تَثٜىٰ، ‏‹‏طَنْعُوَنْ مِجِنَ يَڧِ يَكَڢَ سُونَنْ طَنْعُوَنْسَ دَ يَمُتُ، يَڧِ يَثِكَ حَكِّنْ طَنْعُوَنْ مِجِ أَغَرٜىٰنِ؞›‏

⁸ سَيْ دَتَّاوَنْ غَرِنْسَ سُكِرَا شِ، سُيِ مَسَ مَغَنَ؞ عِدَنْ كُوَ يَڧِ يَثٜىٰ، ‏‹‏بَانَسُواْ إِنْ عَوْرٜىٰتَ،›‏

⁹ سَيْ مَاتَرْ طَنْعُوَنْسَ تَجٜىٰ غَبَنْسَ أَعِدُوانْ دَتَّاوَنْ، تَثِرٜىٰ تَاكَلْمَنْسَ دَغَ ڧَڢَرْسَ، تَتُواْڢَ مَسَ مِيَوْ أَ ڢُسْكَرْسَ تَثٜىٰ، ‏‹‏حَكَ ذَاعَيِ غَ مُتُمِنْدَ يَڧِ يَغِنَ غِدَنْ طَنْعُوَنْسَ دَ يَمُتُ؞›‏

¹⁰ كُواْعِنَ ثِكِنْ إِسْرَٰٓءِيلَ ذَاعَ كِرَا غِدَنْسَ دَ سُونَنْ، ‏‹‏غِدَنْ وَنْدَ عَكَ ثِرٜىٰ مَسَ تَاكَلْمَ؞›‏ »‏

سَوْرَنْ دُواْكُواْكِ

¹¹ ‏«‏عِدَنْ مُتُمْ بِيُ سُنَ ڢَطَ دَ جُونَ، سَيْ مَاتَرْ طَيَنْ تَجٜىٰ دُواْمِنْ تَثٜىٰثِ مِجِنْتَ دَغَ حَنُّنْ وَنْدَ سُكٜىٰ ڢَطَ تَرٜىٰ، تَا كُوَ مِيڧَ حَنُّ تَثَڢْكٜىٰ ڠُويْوَرْسَ،

¹² سَيْ كُيَنْكٜىٰ حَنُّنْتَ، بَذَاكُجِ تَوْسَيِنْتَبَ؞

¹³ ‏«‏بَذَاكُ رِڧٜىٰ مَعَوْنِنْ نَوْيِ إِرِ بِيُ أَ جَكَرْكُبَ، وَتُواْ بَبَّ دَ ڧَرَمِ؞

¹⁴ بَذَاكُ رِڧٜىٰ مُودُ إِرِ بِيُ عَثِكِنْ غِدَنْكُ بَ، وَتُواْ بَبَّ دَ ڧَرَمِ؞

¹⁵ ذَاكُ رِڧٜىٰ ثِكَكّٜىٰنْ مَعَوْنِ نَغَسْكٜىٰ دَ ثِكَكّٜىٰنْ مُودُ نَغَسْكٜىٰ، دُواْمِنْ كُيِ ڟَوُانْ رَيْ عَثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ؞

¹⁶ غَمَا دُكَنْ مَاسُ عَيْكَتَ إِرِنْ وَطَنَّنْ أَبُبُوَ دَ دُكَنْ مَرَسَ غَسْكِيَ، أَبِنْ ڨَمَ نٜىٰ سُو غَ يَهْوٜىٰهْ اللَّهْ نْكُ؞»‏

عُمَرْنِنْ كَشٜىٰ أَمَلٜىٰكَاوَا

¹⁷ ‏«‏كُتُنَ دَ أَبِنْدَ أَمَلٜىٰكَاوَا سُكَيِ مُكُ أَ حَنْيَ لُواْكَثِنْ دَ كُكٜىٰ ڢِتُواْوَ دَغَ مَصَرْ؞

¹⁸ كُتُنَ يَدَّ سُكَ ڢَاطُواْ مُكُ لُواْكَثِنْ دَ كُكَ غَجِ بَابُ كُمَ سَوْرَنْ ڧَرْڢِے، سُكَ كُمَ هَلَّكَ دُكَنْ وَطَنْدَ سُنَ بَايَ دُواْمِنْ سُنْ غَجِ، سُنْ كَاسَ تَڢِيَ؞ بَسُ مَا جِڟُواْرُوانْ اللَّهْ بَ؞

¹⁹ سَبُواْدَ حَكَ، لُواْكَثِنْ دَ يَهْوٜىٰهْ يَبَاكُ هُوتُ دَغَ دُكَنْ أَبُواْكَنْ غَابَنْكُ عَكُواْعِنَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ دُواْمِنْ كُثِ غَادُوانْتَ كُمَلَّكٜىٰتَ، سَيْ كُكَوَرْدَ سُونَنْ أَمَلٜىٰكْ دَغَ ڧَرْڧَشِنْ سَمَ، حَرْ بَا وَنِ عَدُونِيَا دَ ذَيْسَاكٜىٰ تُنَاوَا دَسُو؞ كَدَ كُمَنْتَا!‏»‏