مَيْمَيْتَاوَرْ شَرِيعَ 24 - أَتَّوْرَتْ دَ أَنَّبَاوَادُواْكَرْ كِسَنْ عَوْرٜىٰ دَ سَاكٜىٰ يِنْ عَوْرٜىٰ 1 «مَيْ يِوُوَ نٜىٰ مُتُمْ ذَيْ طَوْكِ مَثٜىٰ يَ عَوْرٜىٰتَ، عَمَّا بَتَ غَمْشٜىٰشِيبَ سَبُواْدَ يَتَرَرْ دَ وَنِ أَبُ مَرَرْ ݣَوْ غَمٜىٰدَ عِتَ؞ مَيْ يِوُوَ يَبَاتَ تَكَرْدَرْ كِسَنْ عَوْرٜىٰ أَ حَنُّنْتَ، يَكُمَ ڢِتَرْدَ عِتَ دَغَ غِدَنْسَ، تَا كُوَ بَرْ غِدَنْسَ؞ 2 بَايَنْدَ تَڢِتَ غِدَنْسَ، سَيْ تَ عَوْرِ وَنِ مُتُمْ دَبَمْ؞ 3 مَيْ يِوُوَ مِجِ نَبِيُنْ كُمَ يَڧِتَ، يَكُمَ رُبُوتَ مَتَ تَكَرْدَرْ كِسَنْ عَوْرٜىٰ يَبَاتَ أَ حَنُّنْتَ، يَكُمَ ڢِتَرْدَ عِتَ دَغَ غِدَنْسَ، كُواْ كُوَ مِجِنْتَ نَبِيُ طِنْ يَمُتُ؞ 4 عِدَنْ وَنَّنْ يَڢَرُ، مِجِنْتَ نَڢَرْكُوانْ وَنْدَ دَا يَڢِتَرْدَ عِتَ، بَا شِ دَ إِيكُواْ يَسَاكٜىٰ عَوْرٜىٰتَ تَذَمَ مَاتَرْسَبَ، تُنْدَيَكٜىٰ تَڧَظَنْتُ، غَمَا وَنَّنْ أَبِنْ ڨَمَ نٜىٰ غَ يَهْوٜىٰهْ؞ بَذَاكُ جَٰوُاْ ذُنُوبِ عَڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ كُثِ غَادُوانْتَبَ؞» سَوْرَنْ دُواْكُواْكِ 5 «سَعَدَّ مُتُمْ يَيِ سَابُوانْ عَوْرٜىٰ، بَذَيْ تَڢِے يَاڧِ تَرٜىٰدَ سُواْجُواْجِ بَ، بَ كُوَ ذَاعَ سَا شِ وَنِ عَيْكِبَ؞ ذَيْ ذَوْنَ أَغِدَا حَرْ شٜىٰكَرَا طَيَ، دُواْمِنْ يَڢَرَنْتَ ذُوثِيَارْ مَاتَرْسَ وَدَّ يَ عَوْرَ؞ 6 «مُتُمْ بَذَيْ كَرْٻِ دُوڟٜىٰنْ نِڧَ كُواْ طَنْ دُوڟٜىٰنْ نِڧَ عَكَنْ جِنْغِنَ بَ، غَمَا يِنْ حَكَ يَيِ دَيْدَيْ دَ كَرْٻَرْ جِنْغِنَرْ رَيْ؞ 7 «عِدَنْ عَكَ كَامَ وَنِ يَنَ سَاتَرْ طَنْعُوَنْسَ مُتُمِنْ إِسْرَٰٓءِيلَ، دُواْمِنْ يَمَيْدَشِ بَاوَ، كُواْ يَسَيَرْ دَشِ، سَيْ عَكَشٜىٰ ٻَرَوُاْنَّنْ؞ حَكَ ذَاكُ كَوَرْدَ مُغُنْتَادَغَ ثِكِنْكُ؞ 8 «كَيِ حَنْكَلِ دَ بَلَعِنْ ثُوتَرْ ڢَتَرْ جِكِے، كَكِيَايٜىٰ كَكُمَ عَيْكَتَ دُكْ أَبِنْدَ ڢِرِسْتُواْثِے، وَتُواْ ذُرِيَرْ لَوِ سُكَ عُمَرْثٜىٰكَ دَيْدَيْ كَمَرْ يَدَّ نَعُمَرْثٜىٰسُ؞ 9 كَتُنَ دَ أَبِنْدَ يَهْوٜىٰهْ اللَّهْ نْكُ يَيِ وَ مَرْيَمُ عَكَنْ حَنْيَ لُواْكَثِنْ دَ كُكٜىٰ ڢِتُواْوَ دَغَ مَصَرْ؞ 10 «سَعَدَّ كَبَا مَڨُوبْثِنْكَ رَنْثٜىٰ نَكُواْوَنٜىٰ إِرِ، بَذَاكَ شِغَ ثِكِنْ غِدَنْسَ كَكَرْٻِ جِنْغِنَ دَغَ غَرٜىٰشِيبَ؞ 11 ذَاكَ جِرَا أَوَجٜىٰ، سَيْ مُتُمِنْ دَ كَكٜىٰ بَاشِ رَنْثٜىٰنْ يَڢِتُواْ دَ جِنْغِنَرْ أَوَجٜىٰ يَبَاكَ؞ 12 عِدَنْ مُتُمِنْ تَلَكَ نٜىٰ، بَذَاكَ ݣُونَ دَ رِغَرْسَ دَ يَبَادَ عِتَ جِنْغِنَبَ؞ 13 كَمَيَرْ مَسَ دَ جِنْغِنَرْسَ أَ ڢَاطُوَرْ رَانَ دُواْمِنْ يَ عِيَ ݣُونَ ثِكِنْ رِغَرْسَ؞ ذَيْ كُوَ أَلْبَرْكَثٜىٰكَ، كُمَ وَنَّنْ ذَيْ ذَمَ مَكَ أَدَلْثِے أَغَبَنْ يَهْوٜىٰهْ اللَّهْ نْكَ؞ 14 «بَذَاكَ ثُوثِ لٜىٰبُرَ وَنْدَ يَكٜىٰ مَتَلَوْثِ كُمَ مَيْ بُڧَاتَ، كُواْ شِے طَنْعُوَنْكَ مُتُمِنْ إِسْرَٰٓءِيلَ نٜىٰ، كُواْ شِے بَڧُواْ نٜىٰ وَنْدَ يَكٜىٰ ذَمَ عَثِكِنْ وَنِ غَرِ عَڧَسَرْكُ؞ 15 سَيْ كَبِيَشِ لَادَنْ عَيْكِنْسَ كُواْوَثٜىٰ رَانَ كَاڢِنْ رَانَ تَڢَاطِ، غَمَا شِے مَتَلَوْثِ نٜىٰ، كُمَ رَنْسَ يَدُواْغَرَ عَكَنْ وَنَّنْ لَادَنْ عَيْكِنْ نٜىٰ، دُواْمِنْ كَدَ يَكَيْ كُوكَنْسَ غَ يَهْوٜىٰهْ عَكَنْكَ، حَرْ يَجَٰوُاْ مُكُ ذُنُوبِ؞ 16 «بَذَاعَ كَشٜىٰ إِيَايٜىٰ سَبُواْدَ ذُنُوبِنْ یَیَنْسُبَ، كُواْ عَثٜىٰ عَكَشٜىٰ یَیَ سَبُواْدَ ذُنُوبِنْ إِيَايٜىٰنْسُبَ؞ دُكْ مُتُمِنْ دَ يَيِ ذُنُوبِ، شِے ذَاعَ كَشٜىٰ؞ 17 «بَذَاكَ جُجُّويٜىٰ غَسْكِيَرْ دَتَكٜىٰ حَكِّنْ بَڧُواْ كُواْ نَمَرَايَبَ، كُواْ كُوَ كَطَوْكِ رِغَرْ مَاتَرْ دَ مِجِنْتَ يَمُتُ عَكَنْ جِنْغِنَبَ؞ 18 كَتُنَ ثٜىٰوَ دَا كُو بَايِ نٜىٰ عَڧَسَرْ مَصَرْ، يَهْوٜىٰهْ اللَّهْ نْكُ كُمَ يَڢَنْشٜىٰكُ دَغَ ثَنْ؞ سَبُواْدَ حَكَ إِنَ عُمَرْتَرْكُ كُيِ وَنَّنْ؞ 19 «سَعَدَّ كَيِ غِرْبِنْ أَمْڢَانِنْ غُواْنَرْكَ، كَمَنْتَادَ وَنِ دَمِ عَثِكِنْ غُواْنَرْ، بَذَاكَ كُواْمَ دُواْمِنْ كَطَوْكَبَ؞ ذَاعَبَرْ وَبَڧِ دَ مَرَايُ دَ مَاتَانْدَ مَذَنْسُ سُكَ مُتُ، دُواْمِنْ يَهْوٜىٰهْ اللَّهْ نْكَ يَسَا مَكَ أَلْبَرْكَ عَثِكِنْ دُكَنْ أَيُّكَنْ حَنُّوَنْكَ؞ 20 سَعَدَّ كَكَكَّٻٜىٰ یَیَنْ إِتَاثٜىٰنْ ظَيْتُنْ نَاكَ، بَذَاكَ سَاكٜىٰ بِنْ رَسَّنْ كَنَ كَكَّٻٜىٰوَبَ؞ ذَاعَبَرْ وَبَڧِ دَ مَرَايُ دَ مَاتَانْدَ مَذَنْسُ سُكَ مُتُ؞ 21 سَعَدَّ كَتَتَّارَ یَیَنْ إِنَبِے أَغُواْنَرْ إِنَبِنْكَ، بَذَاكَيِ كَالَنْ أَبِنْدَ يَرَغُبَ؞ ذَاعَبَرْ وَبَڧِ دَ مَرَايُ دَ مَاتَانْدَ مَذَنْسُ سُكَ مُتُ؞ 22 كَتُنَ ڢَا، دَا كُو بَايِ نٜىٰ عَثِكِنْ ڧَسَرْ مَصَرْ؞ سَبُواْدَ حَكَ إِنَ عُمَرْتَرْكُ كُيِ وَنَّنْ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria