مَيْمَيْتَاوَرْ شَرِيعَ 22 - أَتَّوْرَتْ دَ أَنَّبَاوَا1 مُوسَٰى يَثِيغَبَدَ مَغَنَ يَثٜىٰ «عِدَنْ كَغَ تُنْكِيَ كُواْ بِجِمِ نَمَڨُوبْثِنْكَ يَٻَتَ، بَذَاكَ ڨَلٜىٰشِبَ؞ يَا كَمَاتَ كَكُواْمَرْ دَشِ وُرِنْ مَڨُوبْثِنْكَ؞ 2 عِدَنْ كُمَ مَيْشِ بَايَ ذَمَ كُسَ، كُواْ كُوَ بَكَسَنْ شِ بَ، سَيْ كَكَٰوُاْ تُنْكِيَرْ كُواْ بِجِمِنْ أَغِدَنْكَ، يَذَوْنَ أَوُرِنْكَ حَرْ سَيْ لُواْكَثِنْ دَ مَيْشِ يَذُواْ نٜىٰمَنْسَ، سَعَنً كَبَا شِ؞ 3 حَكَ ذَاكَيِ دَ جَاكِنْ مَڨُوبْثِنْكَ دَ رِغَرْسَ دَ كُواْوَنٜىٰ أَبِنْ مَڨُوبْثِنْكَ دَ يَٻَتَ كَا سَامُ؞ بَذَاكَ جَنْيٜىٰ دَغَ يِنْ تَيْمَكُواْبَ؞ 4 «عِدَنْ كَا غَا جَاكِ كُواْ بِجِمِ نَمَڨُوبْثِنْكَ يَڢَاطِ عَكَنْ حَنْيَ، بَذَاكَ ڨَلٜىٰشِ بَ، يَا كَمَاتَ كَتَيْمَكٜىٰشِ كَطَغَ شِ؞ 5 «مَثٜىٰ بَذَاتَ سَا رِيغُنَنْ مَظَا بَ، نَمِجِ كُمَ بَذَيْسَا رِيغُنَنْ مَتَبَ؞ غَمَا دُكْ مَيْيِنْ حَكَ أَبِنْ ڨَمَ نٜىٰ غَ يَهْوٜىٰهْ اللَّهْ نْكُ؞ 6 «عِدَنْ كَتَرَرْ دَ غِدَنْ ڟُنْڟُ عَكَنْ إِتَاثٜىٰ كُواْ عَڧَسَا دَ یَیَ كُواْ دَ ڨُويْ عَثِكِ، مَامَرْ كُمَ تَنَ ݣُونْثٜىٰ عَكَنْسُ، بَذَاكَ طَوْكِ مَامَرْ دُكْ دَ یَیَنْبَ؞ 7 يَا كَمَاتَ كَبَرْ مَامَرْ تَتَڢِے، عَمَّا ذَاكَ عِيَ ݣُوشِ یَیَنْ، دُواْمِنْ كَسَامِ ذَمَنْ لَاڢِيَ، كَكُمَيِ ڟَوُانْ رَيْ؞ 8 «سَعَدَّ كُكَ غِنَا سَابُوانْ غِدَا، سَيْ كُغِنَ غُنْتُنْ كَتَنْغَ كٜىٰوَيٜىٰ دَ رُڢِنْ سَمَنْ غِدَنْ، دُواْمِنْ كَدَ وَنِ يَڢَاطِ دَغَ ثَنْ، كَجَا وَكَنْكَ أَلْحَكِنْ جِنِ عَكَنْ غِدَنْ؞ 9 «بَذَاكُ شُوكَ وَنِ إِرِ دَبَمْ عَثِكِنْ غُواْنَرْ إِنَبِنْكُبَ؞ عِدَنْ كُكَيِ حَكَ، ذَاعَ حَنَ كُمُواْضِ أَمْڢَانِنْ غُواْنَرْ إِنَبِنْدَ نَأَبِنْدَ كُكَ شُوكَ؞ 10 «بَذَاكَ حَطَ بِجِمِ دَ جَاكِ سُيِ نُواْمَ تَرٜىٰبَ؞ 11 «بَذَاكَسَا رِغَرْ دَ عَكَ سَاڧَ دَ ظَرٜىٰنْ غَاشِنْ تُمَكِ دَ ظَرٜىٰنْ لِيلِنْبَ؞ 12 «سَيْ كُطِنْكَ وَرِغَرْ دَ كُكَنْسَا ڧُنْشِنْ ظَرٜىٰ حُطُ مَاسُ لِلُواْ؞ عَكُواْوَثٜىٰ ݣُونَ تَرِغَرْ، ذَاكُ طِنْكَ ڧُنْشِنْ ظَرٜىٰ طَيَ؞» یَنْثِنْ مَثٜىٰنْ دَ عَكَ ظَرْغٜىٰتَ دَ لَيْڢِنْ لَلَتَ 13 «عِدَنْ مُتُمْ يَ عَوْرِ مَثٜىٰ يَݣُونَ دَ عِتَ، سَعَنً يَڧِتَ 14 يَكُمَ ظَرْغٜىٰتَ دَ ثٜىٰوَ تَايِ أَبِنْ كُنْيَا، يَنَ ٻَاتَ مَتَ سُونَ أَ ڢِيلِ، يَنَ ثٜىٰوَ ‹نَعَوْرِ وَنَّنْ مَثٜىٰ عَمَّا سَعَدَّ نَݣُونَ دَ عِتَ سَيْ نَتَرَرْ بَبُدُرْوَ بَثٜىٰ؞› 15 عِدَنْ وَنَّنْ يَڢَرُ، سَيْ بَابَنْتَ دَ مَامَرْتَ سُطَوْكِ شَيْدَرْ نُونَ ثٜىٰوَ یَرْسُ بُدُرْوَثٜىٰ ذُوَا وُرِنْ تَارُوَرْ دَتَّاوَا عَڧُواْڢَرْ غَرِ؞ 16 بَابَنْ مَثٜىٰنْ ذَيْ ڢَطَا وَدَتَّاوَنْ غَرِنْ ثٜىٰوَ ‹نَا بَا مُتُمِنَّنْ یَتَ تَذَمَ مَاتَرْسَ، عَمَّا يَڧِتَ؞ 17 غَاشِ يَا رِغَا يَا ٻَاتَ مَتَ سُونَ يَثٜىٰ «بَنْ سَامِ شَيْدَرْ نُونَ ثٜىٰوَ یَرْكُ بُدُرْوَثٜىٰبَ؞» عَمَّا غَا شَيْدَرْ نُونَ ثٜىٰوَ یَتَ بُدُرْوَثٜىٰ؞› سَعَنً سَيْ سُبُوطٜىٰ ذَنٜىٰنْ أَغَبَنْ دَتَّاوَنْ غَرِنْ؞ 18 سَيْ دَتَّاوَنْ غَرِنْ سُطَوْكِ مُتُمِنَّنْ سُيِ مَسَ بُلَلَ؞ 19 ذَاسُ كُمَسَا يَبِيَ أَظُرْڢَا طَرِے، سُبَا بَابَنْ يَارِنْيَرْ، غَمَا أَ ڢِيلِ مُتُمِنْ يَٻَاتَ سُونَنْ بُدُرْوَرْ إِسْرَٰٓءِيلَ؞ ذَاتَ ذَمَ مَاتَرْسَ، بَذَاعَيَرْدَ مَسَ يَكَشٜىٰ عَوْرٜىٰ دَ عِتَبَ، مُدِّنْ يَنَدَ رَيْ؞ 20 «عَمَّا عِدَنْ عَكَ تَبَّتَرْ دَ زَرْغِنْ غَسْكِيَ نٜىٰ، بَعَكُمَ تَبَّتَرْ دَ شَيْدَرْ نُونَ ثٜىٰوَ يَارِنْيَرْ بُدُرْوَثٜىٰ، 21 سَيْ سُڢِتَرْدَ يَارِنْيَرْ ذُوَا بَاكِنْ ڧُواْڢَرْ غِدَنْ بَابَنْتَ؞ سَعَنً مُتَنٜىٰنْ غَرِنْتَ سُجٜىٰجّٜىٰڢٜىٰتَ دَ دُوَڟُو حَرْ تَمُتُ، دُواْمِنْ تَعَيْكَتَ أَبِنْ ڧَسْڧَنْثِ عَثِكِنْ إِسْرَٰٓءِيلَ تَوُرِنْ يِنْ كَارُوَنْثِ أَغِدَنْ بَابَنْتَ؞ تَهَكَ ذَاكُ كَوَرْدَ مُغُنْتَادَغَ ثِكِنْكُ؞ 22 «عِدَنْ عَكَ كَامَ مُتُمْ يَنَ ݣُونَ دَ مَاتَرْ وَنِ مُتُمْ، دُكَنْسُ بِيُنْ ذَاسُ مُتُ، وَتُواْ شِ مِجِنْدَ يَݣُونَ دَ مَاتَرْ تَرٜىٰدَ عِتَ مَاتَرْ؞ حَكَ ذَاكُ كَوَرْدَ مُغُنْتَادَغَ ثِكِنْ إِسْرَٰٓءِيلَ؞ 23 «عِدَنْ عَثِكِنْ غَرِ وَنِ مُتُمْ يَ إِسْكٜىٰ يَارِنْيَ، يَارِنْيَرْ نَنْ بُدُرْوَ ثٜىٰ، كُمَ أَنْطَوْرَ أَلْڧَوَرِنْ عَوْرٜىٰ دَ عِتَ، سَيْ مُتُمِنْ يَݣُونَ دَ عِتَ، 24 ذَاعَ كَٰوُاْ دُكَنْسُ عَبَاكِنْ ڧُواْڢَرْ غَرِ أَ جٜىٰجّٜىٰڢٜىٰسُ دَ دُوَڟُو حَرْ سُمُتُ؞ مَثٜىٰنْ ذَاتَمُتُ دُواْمِنْ بَتَيِ كُوكَنْ نٜىٰمَنْ تَيْمَكُواْ بَ، كُواْدَيَكٜىٰ تَنَ ثِكِنْ غَرِ؞ مُتُمِنْ كُمَ غَمَا يَا ٻَاتَ مَاتَرْ مَڨُوبْثِنْسَ؞ حَكَ ذَاكُ كَوَرْدَ مُغُنْتَادَغَ ثِكِنْكُ؞ 25 «عَمَّا عِدَنْ أَدَاجِ نٜىٰ مُتُمْ يَسَدُ دَ مَثٜىٰنْ دَ أَنْرِغَا أَنْطَوْرَ أَلْڧَوَرِنْ عَوْرٜىٰ دَ عِتَ، يَكُمَ كَمَاتَ يَݣُونَ دَ عِتَ ڧَرْڢِے دَ يَجِ، تُواْ، وَنَّنْ مُتُمِنْ كَطَيْ ذَيْ مُتُ؞ 26 بَذَاكُيِ وَمَثٜىٰنَّنْ كُواْمٜىٰبَ؞ مَثٜىٰنَّنْ بَتَيِ وَنِ لَيْڢِنْدَ يَ إِسَ مُتُوَبَ، غَمَا وَنَّنْ مَغَنَ تَنَ كَمَرْ وَنْدَ يَڢَاطَوَ مَڨُوبْثِنْسَ يَكَشٜىٰشِ؞ 27 تُنْدَيَكٜىٰ يَسَامٜىٰتَ أَدَاجِ، وَتَڧِيلَ مَثٜىٰنْ تَايِ كُوكَنْ نٜىٰمَنْ تَيْمَكُواْ، عَمَّا بَابُ وَنْدَ ذَيْثٜىٰثٜىٰتَ؞ 28 «عِدَنْ مُتُمْ يَسَامِ يَارِنْيَ، يَارِنْيَرْ نَنْ بُدُرْوَ ثٜىٰ وَدَّ كُمَ بَاتَدَ أَلْڧَوَرِنْ عَوْرٜىٰ دَ وَنِ، إِنْ يَكَامَتَ ڧَرْڢِے دَ يَجِ يَݣُونَ دَ عِتَ، عَكَ كُمَ كَامَسُ عَثِكِنْ عَيْكَتَ لَيْڢِنَّنْ، 29 تُواْ، مُتُمِنْدَ يَݣُونَ دَ مَثٜىٰنَّنْ، ذَيْبِيَ وَبَابَنْ مَثٜىٰنَّنْ أَظُرْڢَا حَمْسِنْ، ذَاتَ كُمَ ذَمَ مَاتَرْسَ؞ سَبُواْدَ يَٻَتَ مَثٜىٰنْ، بَذَاعَيَرْدَ مَسَ يَكَشٜىٰ عَوْرٜىٰ دَ عِتَبَ مُدِّنْ يَنَدَ رَيْ؞ 30 «مُتُمْ بَذَيْ يِجِمَاعِ دَ مَاتَرْ بَابَنْسَبَ، وَنَّنْ ذَيْ ڧَسْڧَنْتَرْدَ بَابَنْسَ؞» |
Hausa Common Language Ajami Bible © The Bible Society of Nigeria, 2020
Bible Society of Nigeria