مَيْمَيْتَاوَرْ شَرِيعَ 20 - أَتَّوْرَتْ دَ أَنَّبَاوَا

دُواْكُواْكِ غَمٜىٰدَ يَاڧِ

¹ مُوسَٰى يَثِيغَبَدَ مَغَنَ يَثٜىٰ ‏«‏سَعَدَّ كُكَ ڢِتَ دُواْمِنْ يَاڧِ دَ أَبُواْكَنْ غَابَنْكُ، كُكَ كُمَ غَ دَوَكِ دَ كٜىٰكُنَنْ دُواْكِ دَ كُمَ سُواْجُواْجِ مَاسُيَوَ ڢِيٜىٰدَ نَاكُ، كَدَ كُجِڟُواْرُوانْسُ، غَمَا يَهْوٜىٰهْ اللَّهْ نْكُ وَنْدَ يَڢِتَرْ دَكُو دَغَ ڧَسَرْ مَصَرْ يَنَ تَرٜىٰدَكُو؞

² كَاڢِنْ كُتَڢِے يَاڧِ، ڢِرِسْتِ ذَيْذُواْ غَبَ يَيِ مَغَنَ دَ ڧُنْ‌غِيَرْ سُواْجُواْجِنْ يَاڧِنْ،

³ ذَيْثٜىٰ مُسُ، ‏‹‏كُجِ، يَا جَمَعَرْ إِسْرَٰٓءِيلَ!‏ يَوْ كُنَ ڢِتُواْوَ دُواْمِنْ كُيِ يَاڧِ دَ أَبُواْكَنْ غَابَنْكُ؞ كَدَ كُڢِدَّ ذُوثِيَا، كُواْ كُجِڟُواْرُواْ، كُواْ كُيِ ضَوَرْ جِكِے، كُواْ كُڢِرْغِتَ سَبُواْدَسُو،

⁴ غَمَا يَهْوٜىٰهْ اللَّهْ نْكُ نٜىٰ يَنَ تَڢِيَ تَرٜىٰدَكُو، دُواْمِنْ يَيَاڧِ أَبُواْكَنْ غَابَنْكُ، يَكُمَ بَاكُ نَصَرَا؞›‏

⁵ ‏«‏سَعَنً شُوغَبَنِّنْ ذَاسُيِ مَغَنَ دَ ڧُنْ‌غِيَرْ سُواْجُواْجِ سُثٜىٰ، ‏‹‏كُواْ أَݣَويْ وَنِ مُتُمِنْدَ يَغِنَ سَابُوانْ غِدَا، عَمَّا بَيْ كٜىٰٻٜىٰشِ غَ يَهْوٜىٰهْ بَ تُكُنَ؟ سَيْ يَكُواْمَ غِدَنْسَ، دُواْمِنْ كَدَ يَمُتُ عَيَاڧِ، وَنِ دَبَمْ يَكٜىٰٻٜىٰ غِدَنْ؞

⁶ كُواْ أَݣَويْ وَنِ مُتُمِنْدَ يَشُوكَ غُواْنَرْ إِنَبِے، عَمَّا بَيْ ثِ أَمْڢَانِنْتَ بَتُكُنَ؟ سَيْ يَكُواْمَ غِدَنْسَ، دُواْمِنْ كَدَ يَمُتُ عَيَاڧِ، وَنِ دَبَمْ يَثِ أَمْڢَانِنْتَ؞

⁷ كُواْ أَݣَويْ وَنِ مُتُمِنْ دَ يَيِ أَلْڧَوَرِ ذَيْ عَوْرِ يَارِنْيَ، عَمَّا بَيْ عَوْرٜىٰتَبَ تُكُنَ؟ سَيْ يَكُواْمَ غِدَنْسَ، دُواْمِنْ كَدَ يَمُتُ عَيَاڧِ، وَنِ دَبَمْ يَ عَوْرٜىٰتَ؞›‏

⁸ ‏«‏شُوغَبَنِّنْ سُواْجُواْجِ ذَاسُ ڧَارَ يِنْ مَغَنَ دَ ڧُنْ‌غِيَرْ سُواْجُواْجِنْ سُثٜىٰ، ‏‹‏كُواْ أَݣَويْ وَنِ مُتُمِنْ دَيَكٜىٰ جِنْ ڟُواْرُواْ؟ كُواْ أَݣَويْ وَنْدَ يَڢِدَّ ذُوثِيَا؟ سَيْ يَكُواْمَ غِدَنْسَ دُواْمِنْ كَدَ يَسَا یَنْعُوَنْسَ سُكُمَ ڢِدَّ ذُوثِيَا كَمَرْسَ؞›‏

⁹ سَعَدَّ شُوغَبَنِّنْ سُكَ غَمَ مَغَنَ دَ ڧُنْ‌غِيَرْ سُواْجُواْجِنْ، سَيْ سُنَطَ مُسُ شُوغَبَنِّنْ يَاڧِ؞

¹⁰ ‏«‏سَعَدَّ كُكَيِ كُسَدَ غَرِ دُواْمِنْ يَاڧِ، سَيْ كُڢَارَ عَيْكَ مَسَ دَ سَڧُوانْ نٜىٰمَنْ ذَمَنْ لَاڢِيَ؞

¹¹ عِدَنْ كُوَ سُكَ يَرْدَ دَ سَڧُوانْ سَلَمَرْ سُكَ مِيڧَ كَنْسُ غَرٜىٰكُ، تُواْ، دُكَنْ مُتَنٜىٰنْ غَرِنْ ذَاسُيِ مُكُ عَيْكِنْ دُواْلٜىٰ، سُبَوْتَا مُكُ؞

¹² عِدَنْ كُوَ سُكَڧِ سَڧُوانْ سَلَمَرْكُ سُكَيِ يَاڧِ دَكُو، سَيْ كُكٜىٰوَيٜىٰ غَرِنْ دَ يَاڧِ؞

¹³ سَعَدَّ يَهْوٜىٰهْ اللَّهْ نْكُ يَبَادَ غَرِنْ أَ حَنُّنْكُ، سَيْ كُكَشٜىٰ كُواْوَنٜىٰ نَمِجِ دَ تَكُواْبِے؞

¹⁴ عَمَّا ذَاكُ عِيَ كُݣُوشِ مَاتَادَ يَارَا دَ دَبُّواْبِے دَ كُواْوَنٜىٰ أَبِنْدَ يَكٜىٰ ثِكِنْ غَرِنْ؞ ذَاسُ ذَمَ مُكُ رَبُوانْ كَايَنْ دَ عَكَ ڨُوثٜىٰ عَيَاڧِ؞ حَكَ ذَاكُ مُواْضِ كَايَنْ دَ عَكَ ڨُوثٜىٰ، كَايَنْ دَ يَهْوٜىٰهْ اللَّهْ نْكُ يَبَاكُ؞

¹⁵ حَكَ ذَاكُيِ دَ دُكَنْ غَرُضُوً دَسُكٜىٰ نٜىٰسَ دَكُو، وَتُواْ غَرُضُوً دَ بَنَأَلْعُمَّنْ دَسُكٜىٰ كُسَ دَكُوبَ؞

¹⁶ ‏«‏عَمَّا غَرُضُوً أَلْعُمَّنَّنْ دَ يَهْوٜىٰهْ اللَّهْ نْكُ يَكٜىٰ بَاكُ كُثِ غَادُوانْسُ، بَذَاكُ بَرْ وَنِ أَبُ دَ رَيْ بَ؞

¹⁷ ذَاكُ هَلَكَاسُ كَكَڢْ، وَتُواْ سُو هِتِّيَاوَا دَ أَمُواْرِيَاوَا دَ كَنْعَنِيَاوَا دَ ڢٜىٰرِظِّيَاوَا دَ هِوِيَاوَا دَ يٜىٰبُسِيَاوَا، كَمَرْ يَدَّ يَهْوٜىٰهْ اللَّهْ نْكُ يَعُمَرْثٜىٰكُ؞

¹⁸ ذَاكُ هَلَكَاسُ كَكَڢْ دُواْمِنْ كَدَ سُكُواْيَ مُكُيِنْ دُكَنْ أَبُبُوَنْ بَنْ ڨَمَ وَطَنْدَ سُكٜىٰيِ وَ أَلُّواْلِنْسُ، حَرْ سُسَا كُو كُيِ ذُنُوبِ غَ يَهْوٜىٰهْ اللَّهْ نْكُ؞

¹⁹ ‏«‏سَعَدَّ كُكَ دَطٜىٰ كُنَ كٜىٰوَيٜىٰ غَرِ دُواْمِنْ يَاڧِ، دُواْمِنْ كُثِ شِ دَ يَاڧِ، بَذَاكُ هَلَّكَ عِتَتُوَنْ غَرِنْ تَوُرِنْ سَسَّارٜىٰسُبَ؞ كُواْدَيَكٜىٰ ذَاكُ عِيَ ثِنْ أَمْڢَانِنْسُ، بَذَاكُ سَسَّارٜىٰسُبَ، غَمَا عِتَتُوَنْ دَاجِ بَمُتَنٜىٰ بَنٜىٰ دَ ذَاكُكَيْ مُسُ يَاڧِ؞

²⁰ عِتَتُوَنْ دَ كُكَ سَنِ بَاسَ بَادَ أَمْڢَانِ، سُونٜىٰ كَطَيْ ذَاكُ عِيَ سَسَّارٜىٰسُ؞ وَطَنَّنْ نٜىٰ ذَاكُ عِيَيِ أَمْڢَانِ دَسُو دُواْمِنْ كُتَادَ أَبُبُوَنْ هَوْرَ كَتَنْ‌غَ دُواْمِنْ يَاڧِ؞»‏