مَيْمَيْتَاوَرْ شَرِيعَ 2 - أَتَّوْرَتْ دَ أَنَّبَاوَا

¹ ‏«‏سَيْ مُكَ جُويَا مُكَ كَامَ تَڢِيَ ذُوَا ثِكِنْ دَاجِ تَهَنْيَرْ ذُوَا تٜىٰكُنْ ثِيَوَرْ إِوَ، كَمَرْ يَدَّ يَهْوٜىٰهْ يَڢَطَا مِنِ؞ مُكَ دَطٜىٰ مُنَ تَكٜىٰوَيٜىٰ يَنْكِنْ تُدَّيْ نَ سٜىٰيِرْ؞

² ‏«‏سَيْ يَهْوٜىٰهْ يَثٜىٰ مِنِ،

³ ‏‹‏كُنْ دَطٜىٰ كُنَ كٜىٰوَيٜىٰ ثِكِنْ وَنَّنْ يَنْكِنْ تُدَّيْ؞ يَنْذُ سَيْ كُجُويَا، كُيِ تَأَرٜىٰوَ؞

⁴ كَاعُمَرْثِ جَمَعَ ثٜىٰوَ سُبِے تَيَنْكِنْ ڧَسَرْ دَنْ‌غِنْسُ نَظُرِيَرْ إِسُوَ، وَطَنْدَ سُكٜىٰ ذَمَ عَيَنْكِنْ سٜىٰيِرْ؞ كُواْدَيَكٜىٰ سُنَ جِنْ ڟُواْرُوانْكُ، سَيْ كُيِ حَنْكَلِ،

⁵ كَدَ كُڟُواْكَنٜىٰسُ، غَمَا بَذَنْ بَاكُ ڧَسَرْسُبَ، كُواْ عِنْدَ ڧَڢَرْكُ ذَاتَ تَاكَ مَا؞ نَبَا ذُرِيَرْ إِسُوَ يَنْكِنْ تُدَّيْ نَ سٜىٰيِرْ يَذَمَ غَادُوانْسُ؞

⁶ دُكْ عَبِنْثِنْ دَ ذَاكُثِ دَ ضُوً دَ ذَاكُشَا، ذَاكُ بِيَ دَ أَظُرْڢَا؞›‏

⁷ ‏«‏غَمَا يَهْوٜىٰهْ اللَّهْ نْكُ يَيِ مُكُ أَلْبَرْكَ ثِكِنْ دُكَنْ أَيُّكَنْ حَنُّوَنْكُ؞ يَسَنْ دَ تَڢِيٜىٰ تَڢِيٜىٰنْكُ عَثِكِنْ دَاجِنَّنْ؞ يَهْوٜىٰهْ اللَّهْ نْكُ يَكَسَنْثٜىٰ تَرٜىٰ دَكُو عَثِكِنْ شٜىٰكَرُ أَرْبَعِنْ طِنَّنْ، بَكُ رَسَ كُواْمٜىٰبَ؞

⁸ ‏«‏سَيْ مُكَثِيغَبَدَ تَڢِيَ، مُكَ كَوْثٜىٰ وَیَنْعُوَنْمُ ذُرِيَرْ إِسُوَ وَطَنْدَ سُكٜىٰ ذَمَ عَثِكِنْ ڧَسَرْ سٜىٰيِرْ، مُكَ بَرْ حَنْيَرْ أَرَبَ وَدَّ تَڢِتُواْ دَغَ عٜىٰلَتْ دَ عٜىٰظِيُوانْ‌غٜىٰبٜىٰرْ؞ ‏«‏سَعَدَّ مُكَ جُويَا مُكَ كَامَ حَنْيَرْ دَ تَبِے وَجٜىٰنْ دَاجِنْ مُواْوَبْ،

⁹ سَيْ يَهْوٜىٰهْ يَثٜىٰ مِنِ، ‏‹‏كَدَ كُدَامِ مُواْوَبَاوَا، كُواْ كُڟُواْكَنٜىٰسُ دَ يَاڧِ، غَمَا بَذَنْ بَاكُ كُواْ سَاشٜىٰ دَغَ ڧَسَرْسُ يَذَمَ غَادُواْ أَغَرٜىٰكُبَ؞ نَا رِغَا نَبَادَ أَرْ تَذَمَ ڧَسَرْ غَادُواْ غَ ذُرِيَرْ لُوطُ؞›‏ »‏

¹⁰ أَ دَا كُوَ مُتَنٜىٰ عٜىٰمَاوَا نٜىٰ سُكٜىٰ ذَمَ أَوُرِنْ، وَتُواْ ڧَتِّنْ مُتَنٜىٰنٜىٰ مَاسُيَوَنْ غَسْكٜىٰ، مَاسُ ڟَيِ نٜىٰ كُمَ كَمَرْ یَیَنْ أَنَكْ؞

¹¹ أَنْ كُمَ سَنْ عٜىٰمَاوَا دَ سُونَنْ رٜىٰڢَيَاوَا كَمَرْ یَیَنْ أَنَكْ، عَمَّا مُواْوَبَاوَا نٜىٰ سُكَنْ كِرَاسُ عٜىٰمَاوَا؞

¹² أَ دَا هُواْرِيَاوَا نٜىٰ سُكٜىٰ ذَمَ عَڧَسَرْ سٜىٰيِرْ، عَمَّا ذُرِيَرْ إِسُوَ سُكَذُواْ سُكَ كُواْرٜىٰسُ، سُكَ هَلَكَاسُ، سُكَ ذَوْنَ أَوُرِنْ، كَمَرْ يَدَّ دَغَ بَايَ إِسْرَٰٓءِيلَاوَا سُكَيِ دَ مُتَنٜىٰنْ ڧَسَرْ كَنْعَنَ، وَدَّ يَهْوٜىٰهْ يَبَاسُ تَذَمَ ڧَسَرْ غَادُوانْسُ؞

¹³ مُوسَٰى يَثِيغَبَدَ مَغَنَ يَثٜىٰ ‏«‏بِسَغَ عُمَرْنِنْ يَهْوٜىٰهْ، مُكَتَاشِ مُكَ ڧٜىٰتَرٜىٰ ݣُورِنْ ظٜىٰرٜىٰدْ؞

¹⁴ دُكَنْ ݣُونَكِنْ دَ مُكَيِ عَثِكِنْ تَڢِيَرْمُ دَغَ كَدٜىٰشْ بَرْنٜىٰيَ ذُوَا لُواْكَثِنْ دَ مُكَ ڧٜىٰتَرٜىٰ ݣُورِنْ ظٜىٰرٜىٰدْ، يَكَيْ شٜىٰكَرُ تَلَاتِنْ دَ تَݣُوسْ؞ دُكَنْ ڟَارَا وَطَنْدَ سُكَ إِسَ يَاڧِ سُكَ مُمُّتُ أَدَاجِ كَمَرْ يَدَّ يَهْوٜىٰهْ يَرَنْڟٜىٰ؞

¹⁵ حَڧِيڧَ حَنُّنْ يَهْوٜىٰهْ يَيِ تَغَابَادَسُو، دُواْمِنْ يَهَلَكَاسُ، حَرْ دُكَنْسُ سُكَ مُتُ؞

¹⁶ ‏«‏سَعَدَّ دُكَنْ وَطَنْدَ سُكَ إِسَ يَاڧِ سُكَ مُتُ،

¹⁷ سَيْ يَهْوٜىٰهْ يَيِ مَغَنَ دَنِے، يَثٜىٰ،

¹⁸ ‏‹‏يَوْ ذَاكُ ڧٜىٰتَرٜىٰ تَكَنْ إِيَاكَرْ ڧَسَرْ مُواْوَبْ عَتَ أَرْ؞

¹⁹ سَعَدَّ كُكَ إِسُواْ يَنْكِنْ أَمُّواْنَاوَا، كَدَ كُدَامٜىٰسُ، كَدَ كُڟُواْكَنٜىٰسُ كُواْ كُيَاڧٜىٰسُ؞ غَمَا بَذَنْ بَاكُ وَنِ يَنْكِنْ ڧَسَرْ أَمُّواْنَاوَا تَذَمَ غَادُوانْكُبَ، دُواْمِنْ نَارِغَا نَا بَادَ ڧَسَرْ غَ ذُرِيَرْ لُوطُ تَذَمَ غَادُوانْسُ؞›‏ »‏

²⁰ وَنَّنْ يَنْكِ كُوَ، أَنْكُمَ سَنْ شِ يَنْكِنْ رٜىٰڢَيَاوَا نٜىٰ؞ دَا ثَنْ رٜىٰڢَيَاوَا نٜىٰ سُكٜىٰ ذَمَ عَثِكِنْتَ، عَمَّا أَمُّواْنَاوَا سُكَنْ كِرَاسُ ظَمْظُمَّاوَا؞

²¹ سُو مَا ڧَتِّ نٜىٰ مَاسُيَوَنْ غَسْكٜىٰ، مَاسُ ڟَيِ نٜىٰ كُمَ كَمَرْ یَیَنْ أَنَكْ؞ عَمَّا يَهْوٜىٰهْ يَهَلَكَاسُ دُواْمِنْ أَمُّواْنَاوَا سُمَيْدَ وُرِنْ يَذَمَ وُرِنْ ذَمَنْسُ؞

²² يَهْوٜىٰهْ يَيِ دَسُو دَيْدَيْ كَمَرْ يَدَّ يَيِ وَظُرِيَرْ إِسُوَ عَڧَسَرْ سٜىٰيِرْ، سَعَدَّ يَهَلَّكَرْ دَ هُواْرِيَاوَا دُواْمِنْ ذُرِيَرْ إِسُوَ سُذَوْنَ عَڧَسَرْ؞ هَرْوَيَوْ ذُرِيَرْ إِسُوَ سُنَ ظَوْنٜىٰ أَوُرِنْ؞

²³ غَمٜىٰ دَ أَوِّيَاوَا وَطَنْدَ سُكَ ذَوْنَ عَڧَوْيُكَنْ دَسُكٜىٰ كٜىٰوَيٜىٰ دَ غَاظَ، كِرِتَاوَا، وَتُواْ ڢِلِسْتِيَاوَا، سُكَذُواْ دَغَ ڟِبِرِنْ كِرِتْ سُكَ هَلَكَاسُ سُكَ ذَوْنَ أَوُرِنْ؞

²⁴ ‏«‏سَيْ يَهْوٜىٰهْ يَثٜىٰ، ‏‹‏كُتَاشِ كُكَامَ حَنْيَ، كُڧٜىٰتَرٜىٰ كُواْغِنْ أَرْنُوانْ؞ غَاشِ، نَبَادَ سَرْكِے سِهُوانْ نَ أَمُواْرِيَاوَا وَنْدَ يَكٜىٰ مُلْكِ أَ هٜىٰشْبُوانْ أَ حَنُّنْكُ، دُكْ دَ ڧَسَرْسَ؞ كُڢَارَ ثِنْ غَادُوانْ ڧَسَرْ تَوُرِنْ ڢَاطَ مَسَ دَ يَاڧِ؞

²⁵ دَغَ يَوْ ذَنْ ڢَارَ سَا ڟُواْرُوانْكُ يَڢَاطُواْ عَكَنْ دُكَنْ ڧَبِيلُ كُواْعِنَ عَڧَرْڧَشِنْ سَمَ، ذَاسُ ڢِرْغِتَ؞ سَعَدَّ سُكَجِ لَابَرِنْكُ، ذَاسُيِ ضَوَرْ جِكِے، سُدَامُ ڨُورَيْ؞›‏ »‏

إِسْرَٰٓءِيلَاوَا سُنْثِ سَرْكِے سِهُوانْ دَ يَاڧِ

²⁶ ‏«‏سَعَنً نَا عَيْكُواْ دَ یَنْ عَيْكَ دَغَ دَاجِنْ كٜىٰدٜىٰمُواتْ ذُوَا وُرِنْ سَرْكِے سِهُوانْ نَ هٜىٰشْبُوانْ دَ سَڧُوانْ نٜىٰمَنْ ذَمَنْ لَاڢِيَ نَثٜىٰ،

²⁷ ‏‹‏بَرِ مُوُثٜىٰ ثِكِنْ ڧَسَرْكَ؞ ذَامُبِے تَكَنْ حَنْيَ نٜىٰ كَطَيْ، بَذَامُ رَڟٜىٰ دَامَ كُواْ هَغُبَ؞

²⁸ دُكْ عَبِنْثِنْ دَ مُكَثِ دَ ضُوً دَ مُكَ شَا، ذَامُ بِيَكَ؞ مُو دَيْ كَيَرْدَ مَنَ مُوُثٜىٰ تَڧَسَرْكَ كَوَيْ؞

²⁹ كَيْ دَيْ كَيَرْدَ مَنَ مُوُثٜىٰ تَڧَسَرْكَ، كَمَرْ يَدَّ ذُرِيَرْ إِسُوَ، وَطَنْدَ سُكٜىٰ ظَوْنٜىٰ عَيَنْكِنْ سٜىٰيِرْ دَ كُمَ مُواْوَبَاوَا، وَطَنْدَ سُكٜىٰ ذَمَ أَعَرْ، سُكَ يَرْدَ مُكَبِے تَڧَسَرْسُ؞ غَمَا مُنَسُواْ مُڧٜىٰتَرٜىٰ كُواْغِنْ يُواْدَنْ ذُوَا ڧَسَرْدَ يَهْوٜىٰهْ اللَّهْ نْمُ يَكٜىٰبَامُ؞›‏

³⁰ ‏«‏عَمَّا سَرْكِے سِهُوانْ نَ هٜىٰشْبُوانْ، بَيْ يَرْدَ مَنَ مُوُثٜىٰبَ، غَمَا يَهْوٜىٰهْ اللَّهْ نْكُ يَتَوْرَرَ ذُوثِيَارْسَ دَ حَنْكَلِنْسَ، دُواْمِنْ يَبَادَشِ أَ حَنُّنْكُ، كَمَرْ يَدَّ يَنْذُ يَيِ؞

³¹ ‏«‏سَيْ يَهْوٜىٰهْ يَثٜىٰ مِنِ، ‏‹‏دُوبَ، نَڢَارَ بَادَ سَرْكِے سِهُوانْ دَ ڧَسَرْسَ أَ حَنُّنْكُ؞ كُڢَارَ ڢَاطَوَ ڧَسَرْسَ دَ يَاڧِ دُواْمِنْ كُثِ غَادُوانْتَ؞›‏

³² سَيْ سَرْكِے سِهُوانْ دَ مُتَنٜىٰنْسَ سُكَ ڢِتُواْ دُواْمِنْ سُيَاڧٜىٰمُ أَ يَهَظَ؞

³³ عَمَّا يَهْوٜىٰهْ اللَّهْ نْمُ يَبَادَشِ أَ حَنُّنْمُ، مُكَ هَلَكَاشِ دَ یَیَنْسَ دَ دُكَنْ مُتَنٜىٰنْسَ؞

³⁴ أَوَنَّنْ لُواْكَثِ مُكَ ثِنْيٜىٰ دُكَنْ غَرُرُوَنْسَ دَ يَاڧِ، مُكَ هَلَكَاسُ كَكَڢْ دَ مَظَا دَ مَاتَادَ يَارَا؞ كُواْ طَيَ بَيْ رَايُبَ؞

³⁵ عَمَّا مُكَ رِڧٜىٰ دَبُّواْبِے كَطَيْ دَ دُكَنْ كَايَنْ دَ مُكَ ڨُوثٜىٰ دَغَ غَرُضُوً دُواْمِنْ كَنْمُ؞

³⁶ يَهْوٜىٰهْ اللَّهْ نْمُ يَتَيْمَكٜىٰمُ مُكَثِ غَرِنْ أَرُواْوٜىٰرْ وَنْدَ يَكٜىٰ عَبَاكِنْ ݣُورِنْ كُواْغِنْ أَرْنُوانْ دَ وَنِ غَرِنْ دَيَكٜىٰ عَثِكِنْ ݣُورِ، حَرْ ذُوَا غِلٜىٰيَدْ؞ بَابُوُرِ مَيْ كَتَنْ‌غَ عَثِكِنْ غَرِ وَنْدَ يَغَغَرٜىٰمُ؞

³⁷ ڧَسَرْ أَمُّواْنَاوَا ثٜىٰ كَطَيْ بَمُجٜىٰ كُسَبَ، وَتُواْ ڧَسَرْدَ تَكٜىٰ عَبَاكِنْ كُواْغِنْ يَبُّواكْ دَ غَرُضُوً يَنْكِنْ تُدَّيْ دَ سَوْرَنْ وُرَارٜىٰنْ دَ يَهْوٜىٰهْ اللَّهْ يَعُمَرْثٜىٰمُ كَدَ مُشِغَ؞»‏