مَيْمَيْتَاوَرْ شَرِيعَ 19 - أَتَّوْرَتْ دَ أَنَّبَاوَا

غَرُضُوً مَڢَكَا دُواْمِنْ مَيْ كِسَ

¹ مُوسَٰى يَثِيغَبَدَ مَغَنَ يَثٜىٰ ‏«‏‏يَهْوٜىٰهْ اللَّهْ نْكُ ذَيْ كَوَرْدَ أَلْعُمَّيْ وَطَنْدَ ذَيْبَاكُ ڧَسَرْسُ؞ سَعَدَّ يَيِ وَنَّنْ، كُمَ سَعَدَّ كُكَ كُواْرِ أَلْعُمَّنْ، كُكَ ذَوْنَ عَثِكِنْ غَرُرُوَنْسُ دَ غِدَاجٜىٰنْسُ،

² سَيْ كُكٜىٰٻٜىٰ غَرُرُوَ عُكُ عَثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ كُثِ غَادُوانْتَ؞

³ كُرَبَ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ غَادُواْ كَشِ عُكُ، غَرِ طَيَ عَثِكِنْ كُواْوَنٜىٰ كَشِ عُكُنَّنْ دُواْمِنْ وَنْدَ يَيِ كِسَنْ كَيْ يَغُدُ ذُوَا ثَنْ يَڟِيرَا؞ سَيْ كُشِرْيَ هَنْيُواْيِ ذُوَا وَطَنَّنْ غَرُضُوً؞

⁴ غَا يَدَّ ذَيْ كَسَنْثٜىٰ عِدَنْ وَنِ يَكَشٜىٰ وَنِ مُتُمْ بَ دَ غَنْ‌غَنْبَ، كُمَ بَابُ ڧِيَيَّ أَڟَكَانِنْسُ أَدَا، ذَيْ عِيَ غُدُ ذُوَا طَيَ دَغَ ثِكِنْ غَرُرُوَنَّنْ دُواْمِنْ يَثٜىٰثِ رَنْسَ؞

⁵ مِصَالِ، عِدَنْ وَنِ يَشِغَ ثِكِنْ كُرْمِ دَ وَنِ دُواْمِنْ سَارَنْ إِتَاثٜىٰ، طَيَنْ كُمَ يَنَ سَارَ، سَيْ كَنْ غَاتَرِنْ يَݣُوٻٜىٰ دَغَ ڧُواْتَرْ يَبُغِ طَيَنْ مُتُمْ حَرْ يَمُتُ، شِے وَنْدَ يَيِ كِسَنْ كَيْ طِنْ، ذَيْ عِيَ غُدُ ذُوَا طَيَ دَغَ ثِكِنْ غَرُرُوَنَّنْ، ذَيْ كُوَ ثٜىٰثِ رَنْسَ؞

⁶ عِدَنْ غَرِ طَيَنٜىٰ كَوَيْ، نِيسَنْسَ ذَيْ عِيَ سَا مَيْبِنْ حَكِّنْ جِنِ يَبِے مُتُمِنْ دَ يَيِ كِسَنْ كَيْ طِنْ ثِكِنْ ذَاڢِنْ ڢُشِے حَرْ يَكَشٜىٰشِ، كُواْدَيَكٜىٰ بَيْ ثَنْثَنْثِ عَكَشٜىٰشِ بَ سَبُواْدَ سُو بِيُ طِنْ بَابُ ڧِيَيَّ أَڟَكَانِنْسُ أَدَا؞

⁷ سَبُواْدَ حَكَ نَعُمَرْثٜىٰكُ، كُكٜىٰٻٜىٰ وَكَنْكُ غَرُرُوَ عُكُ؞

⁸ ‏«‏عِدَنْ يَهْوٜىٰهْ اللَّهْ نْكُ يَڧَارَ ڢَاطِنْ ڧَسَرْكُ كَمَرْ يَدَّ يَرَنْڟٜىٰوَ كَاكَنِّنْكُ، حَرْ يَبَاكُ دُكَنْ ڧَسَرْدَ يَيِ وَكَاكَنِّنْكُ أَلْڧَوَرِ ذَيْبَاسُ،

⁹ سَيْ كُكٜىٰٻٜىٰ وَطَنْسُ غَرُرُوَ عُكُ كُمَ؞ يَهْوٜىٰهْ ذَيْ ڧَارَ ڢَاطِنْ ڧَسَرْكُ إِنْ دَيْ كُنْ كِيَايٜىٰ كُكَ كُمَ عَيْكَتَ دُكَنْ عُمَرْنِنْ دَ نَكٜىٰ عُمَرْثٜىٰكُ عَيَوْ تَوُرِنْ ڧَوْنَرْ يَهْوٜىٰهْ اللَّهْ نْكُ، كُلُّمْ كُنَ تَڢِيَ عَثِكِنْ هَنْيُواْيِنْسَ؞

¹⁰ سَيْ كُيِ حَكَ دُواْمِنْ كَدَ أَ ظُبْدَ جِنِنْ مَرَرْ لَيْڢِے عَثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ غَادُواْ، دُواْمِنْ كَدَ أَلْحَكِنْ جِنِنْ يَكُواْمَ كَنْكُ؞

¹¹ ‏«‏عَمَّا عِدَنْ وَنِ مُتُمْ يَنَ ڧِنْ وَنِ نٜىٰ، حَرْ يَيِ ݣُونْتُوانْ ٻَوْنَ يَكَشٜىٰشِ، سَعَنً يَغُدُ ذُوَا طَيَ دَغَ ثِكِنْ غَرُرُوَنَّنْ،

¹² سَيْ دَتَّاوَنْ غَرِنْ مَيْ كِسَنْ كَيْ ذَاسُ عَيْكَ، عَكَمُواْ مَيْ كِسَنْ كَيْ طِنْ دَغَ ثَنْ، عَبَادَشِ أَ حَنُّنْ مَيْبِنْ حَكِّنْ جِنِنْ دُواْمِنْ عَكَشٜىٰشِ؞

¹³ بَذَاكُجِ تَوْسَيِنْسَبَ؞ تَهَكَ ذَاكُ كَوَرْدَ أَلْحَكِنْ جِنِنْ مَرَرْ لَيْڢِے دَغَ إِسْرَٰٓءِيلَ، دُواْمِنْ كُسَامِ ذَمَنْ لَاڢِيَ؞»‏

دُواْكَا عَكَنْ شَيْدَرْ إِيَاكَرْ ڧَسَا

¹⁴ ‏«‏بَذَاكُ ثِرٜىٰ عَلَمَرْ شَيْدَرْ إِيَاكَرْ ڢِيلِنْ غَادُواْ نَوَنْدَ يَكٜىٰ ذَمَ كُسَ دَكَيْبَ، وَتُواْ رَبُوانْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ كُمَلَّكٜىٰتَ، وَدَّ كُمَ كَكَنْ كَاكَنِّ سُكَ كَڢَ؞»‏

دُواْكَا عَكَنْ بَادَ شَيْدَ

¹⁵ ‏«‏شَيْدَرْ مُتُمْ طَيَ، بَذَاتَ إِسَ عَبَا وَنِ لَيْڢِے كُواْ عَتَبَّتَرْ دَ ذُنُوبِ بَ، سَيْدَيْ أَجِ تَبَاكِنْ شَيْدُ بِيُ كُواْ عُكُ كَاڢِنْ مَغَنَ ذَاتَ تَبَّتَا؞

¹⁶ عِدَنْ وَنِ مَيْ مُوغُنْ نُڢِ يَيِ ڧُواْڧَرِنْ بَادَ شَيْدَ عَكَنْ وَنِ،

¹⁷ سَيْ دُكَنْسُ بِيُ سُذُواْ أَغَبَنْ يَهْوٜىٰهْ دَ كُمَ غَبَنْ ڢِرِسْتُواْثِے دَ مَاسُ شَرِيعَ وَطَنْدَ سُكٜىٰ عَيْكِ أَ لُواْكَثِنْ؞

¹⁸ مَاسُ شَرِيعَ ذَاسُيِ بِنْثِكٜىٰ سُواْسَيْ؞ عِدَنْ كُوَ سُكَ تَرَرْ مَيْ شَيْدَ يَبَادَ شَيْدَرْ ڧَضْيَا عَكَنْ مُتُمِنْ،

¹⁹ سَيْكُيِ وَمَيْ شَيْدَرْ ڧَضْيَا طِنْ أَبِنْدَ يَسُواْ عَيِ وَوَنْثَنْ؞ تَهَكَ ذَاكُ كَوَرْدَ مُغُنْتَادَغَ ثِكِنْكُ؞

²⁰ سَوْرَنْ مُتَنٜىٰنْ ذَاسُجِ، سُجِڟُواْرُواْ، كُمَ نَنْ غَبَ بَذَاسُ ڧَارَ عَيْكَتَ إِرِنْ وَنَّنْ لَيْڢِے عَثِكِنْكُبَ؞

²¹ بَذَاكُجِ تَوْسَيِبَ، ذَيْ ذَمَ رَيْ مَيْمَكُوانْ رَيْ، عِدُواْ مَيْمَكُوانْ عِدُواْ، هَڧُواْرِ مَيْمَكُوانْ هَڧُواْرِ، حَنُّ مَيْمَكُوانْ حَنُّ، ڧَڢَا مَيْمَكُوانْ ڧَڢَا؞»‏