مَيْمَيْتَاوَرْ شَرِيعَ 17 - أَتَّوْرَتْ دَ أَنَّبَاوَا

هَدَايُنْدَ بَسُ ثَنْثَنْتَبَ

¹ ‏«‏بَذَاكُيِ وَ يَهْوٜىٰهْ اللَّهْ نْكُ هَدَايَ دَ بِجِمِ كُواْ تُنْكِيَرْ دَ تَكٜىٰدَ تَبُواْبَ كُواْ أَبِنْدَ بَدَيْدَيْبَ، غَمَا وَنَّنْ أَبِنْ ڨَمَ نٜىٰ غَ يَهْوٜىٰهْ اللَّهْ نْكُ؞

² ‏«‏مَيْ يِوُوَ أَنْسَامِ وَنِ كُواْ وَتَ عَثِكِنْ وَنِ غَرِنْ دَ يَهْوٜىٰهْ اللَّهْ نْكُ يَكٜىٰ بَاكُ، يَنَيِنْ أَبِنْدَ يَكٜىٰ مُوغُ أَعِدَانُنْ يَهْوٜىٰهْ اللَّهْ نْكُ، يَنَ كَرْيَ يَرْجٜىٰجٜىٰنِيَرْسَ

³ تَوُرِنْ بَوْتَاوَ وَطَنْسُ أَلُّواْلِ يَنَ كُمَيِ مُسُ سُجَّدَ، كُواْ غَ رَانَ، كُواْ غَ وَتَ، كُواْ غَ وَنِ دَغَ ثِكِنْ حَلِتُّنْ سَمَ وَنْدَ يَهْوٜىٰهْ يَحَنَ؞

⁴ عِدَنْ عَكَ كَٰوُاْ مُكُ لَابَرِنْ كُواْ كُنْجِ، سَيْ كُيِ بِنْثِكٜىٰ سُواْسَيْ؞ عِدَنْ كُوَ حَڧِيڧَ غَسْكِيَ نٜىٰ إِرِنْ وَنَّنْ أَبِنْ ڨَمَ يَڢَرُ عَثِكِنْ إِسْرَٰٓءِيلَ،

⁵ سَيْ كُكَٰوُاْ مُتُمِنْ كُواْ مَثٜىٰنْ دَ تَعَيْكَتَ وَنَّنْ لَيْڢِے عَڧُواْڢَرْ غَرِ؞ سَيْ كُجٜىٰجّٜىٰڢِ مُتُمِنْ كُواْ مَثٜىٰنْ حَرْ مُتُوَ؞

⁶ عَكَنْ شَيْدَرْ مُتُمْ بِيُ كُواْ عُكُ ذَاعَ يَنْكٜىٰ وَمُتُمِنْ حُكُنْثِنْ مُتُوَ، عَمَّا بَذَاعَ كَشٜىٰ وَنِ عَكَنْ شَيْدَرْ مُتُمْ طَيَبَ؞

⁷ حَنُّوَنْ شَيْدُنْ نٜىٰ ذَاسُ ڢَارَ جٜىٰڢِ مُتُمِنْ دُواْمِنْ يَمُتُ، سَعَنً سَوْرَنْ جَمَعَ سُبِے بَايَ؞ تَهَكَ ذَاكُ كَوَرْدَ مُغُنْتَادَغَ ثِكِنْكُ؞

⁸ ‏«‏عِدَنْ عَكَ كَٰوُاْ مُكُ شَرِيعَ مَيْ وُيَرْ يَنْكٜىٰوَ، كُواْ تَكِسَنْ كَيْ ثٜىٰ، كُواْ تَكَشٜىٰ وَنِ بَ دَ غَنْ‌غَنْبَ، كُواْ تَثِنْ مُتُنْثِ نٜىٰ، كُواْ تَوَنِ إِرِنْ ضِكِثِنْ دَ ذَيْ كَيْكُ شَرِيعَنٜىٰ، سَيْ كُتَڢِے وُرِنْ دَ يَهْوٜىٰهْ اللَّهْ نْكُ ذَيْ ذَاٻَا دُواْمِنْ عَيِ مَسَ سُجَّدَ؞

⁹ سَيْ كُكَيْ مَغَنَرْ وُرِنْ ڢِرِسْتُواْثِے، وَتُواْ ذُرِيَرْ لَوِ دَ مَيْ شَرِيعَ وَنْدَ يَكٜىٰ عَيْكِ أَ لُواْكَثِنْ؞ كُتَمْبَيٜىٰسُ، ذَاسُ كُوَ يَنْكٜىٰ شَرِيعَرْ دَ تَدَاثٜىٰ؞

¹⁰ سَيْ كُعَيْكَتَ دَيْدَيْ بِسَغَ شَرِيعَرْ دَسُكَ يَنْكَ سُكَ ڢَطَا مُكُ أَوُرِنْ دَ يَهْوٜىٰهْ ذَيْ ذَاٻَا؞ كُكِيَايٜىٰ كُكُمَ عَيْكَتَ كُواْوَنٜىٰ أَبِنْدَ سُكَ ڢَطَا مُكُ؞

¹¹ دُواْلٜىٰنٜىٰ كُيِ أَبِنْدَ ذَاسُ كُواْيَ مُكُ دَغَ كُواْيَرْوَرْ مُوسَٰى، كُيِ بِيَيَّ دَ شَرِيعَرْسُ؞ كَدَ كُكَوْثٜىٰ دَامَ كُواْ هَغُ دَغَ أَبِنْدَ سُكَ ڢَطَا مُكُ كُيِ؞

¹² دُكْ وَنْدَ يَيِ رَشِنْ بِيَيَّ، حَرْ يَڧِ جِنْ مَغَنَرْ ڢِرِسْتِ وَنْدَ يَكٜىٰيِنْ حِدِمَ أَغَبَنْ يَهْوٜىٰهْ اللَّهْ نْكُ، كُواْ مُتُمِنْ يَڧِ جِنْ مَغَنَرْ مَيْ شَرِيعَ، وَنَّنْ مُتُمْ دُواْلٜىٰنٜىٰ عَكَشٜىٰشِ؞ تَهَكَ ذَاكُ كَوَرْدَ مُغُنْتَادَغَ ثِكِنْ إِسْرَٰٓءِيلَ؞

¹³ دُكَنْ جَمَعَ ذَاسُجِ سُكُمَ جِڟُواْرُواْ، بَذَاسُ ڧَارَ يِنْ رَشِنْ بِيَيَّبَ؞»‏

ڧَٰعِدُواْدِ غَمٜىٰدَ ذَمَنْ سَرْكِے

¹⁴ ‏«‏سَعَدَّ كُكَ شِغَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ، كُكَ كُمَثِ غَادُوانْتَ كُنْ كَڢُ عَثِكِنْتَ، مَيْيِوُوَ ذَاكُثٜىٰ، ‏‹‏ذَامُ نَطَ سَرْكِنْ دَ ذَيْ يِمُلْكِنْمُ، كَمَرْ دُكَنْ ڧَبِيلُنْ دَسُكٜىٰ كٜىٰوَيٜىٰ دَمُو؞›‏

¹⁵ تُواْ، سَيْ كُتَبَّتَا كُنَطَ وَكَنْكُ سَرْكِنْ دَ يَهْوٜىٰهْ اللَّهْ نْكُ ذَيْ ذَاٻَا؞ كُنَطَ وَنِ دَغَ ثِكِنْ یَنْعُوَنْكُ يَذَمَ سَرْكِنْكُ؞ بَذَاكُ نَطَ بَڧُواْ يَذَمَ سَرْكِے عَكَنْكُبَ، وَنْدَ شِے بَدَغَ ثِكِنْ جَمَعَرْكُبَ؞

¹⁶ عَمَّا ڢَا، سَرْكِنْ بَذَيْ تَتَّارَ وَكَنْسَ دَوَكِ دَيَوَ بَ، كُواْ يَسَا مُتَنٜىٰ سُكُواْمَ مَصَرْ دُواْمِنْ سُڧَارَ دَوَكِ، غَمَا يَهْوٜىٰهْ يَثٜىٰ مُكُ، ‏‹‏بَذَاكُ سَاكٜىٰ كُواْمَاوَا أَوَنَّنْ حَنْيَبَ؞›‏

¹⁷ سَرْكِنْ بَذَيْ كُمَ تَارَ وَكَنْسَ مَاتَابَ، دُواْمِنْ كَدَ سُجُويَ ذُوثِيَارْسَ دَغَ يَهْوٜىٰهْ؞ بَذَيْ كُمَ تَتَّارَ وَكَنْسَ أَظُرْڢَا دَ ظِينَارِيَ دَيَوَبَ؞

¹⁸ سَعَدَّ يَهَوْ كَنْ كُجٜىٰرَرْ مُلْكِنْسَ أَغَبَنْ ڢِرِسْتُواْثِے، وَتُواْ ذُرِيَرْ لَوِ، ذَيْسَا أَ رُبُوتَ مَسَ كُواْيَرْوَرْ دَتَكٜىٰ عَثِكِنْ نَطَطّٜىٰنْ لِتَّڢِنْ دُواْكُواْكِنْ يَهْوٜىٰهْ؞

¹⁹ لِتَّڢِنْ دُواْكُواْكِنْ ذَيْ كَسَنْثٜىٰ تَرٜىٰ دَشِ، سَرْكِے كُوَ ذَيْ يِتَكَرَنْتَ شِ دُكَنْ ݣُونَكِنْ رَنْسَ، دُواْمِنْ يَكُواْيَ يَدَّ ذَيْ يِتَڢِيَ ثِكِنْ ڟُواْرُوانْ يَهْوٜىٰهْ اللَّهْ نْسَ، يَنَ كِيَايٜىٰ يَنَ كُمَ عَيْكَتَ دُكَنْ كَلْمُواْمِنْ دُواْكُواْكِ دَ وَطَنَّنْ ڧَٰعِدُواْدِ؞

²⁰ يِنْ حَكَ ذَيْ هَنَشِ يَطَغَ كَنْسَ يَغَ كَمَرْ يَڢِ سَوْرَنْ یَنْعُوَنْسَ؞ ذَيْ هَنَشِ يَكَوْثٜىٰ دَامَ كُواْ هَغُ دَغَ بِنْ دُواْكُواْكِنْ، دُواْمِنْ شِ دَ ذُرِيَرْسَ سُدَطٜىٰ سُنَ مُلْكِ عَثِكِنْ إِسْرَٰٓءِيلَ؞»‏