مَيْمَيْتَاوَرْ شَرِيعَ 15 - أَتَّوْرَتْ دَ أَنَّبَاوَا

شٜىٰكَرَا تَيَڢٜىٰوَرْ بَاشِ

¹ مُوسَٰى يَثِيغَبَدَ مَغَنَ يَثٜىٰ ‏«‏عَڧَرْشٜىٰنْ كُواْوَثٜىٰ شٜىٰكَرَا تَبَݣَويْ سَيْ كُيَاڢٜىٰ دُكَنْ بَاشِنْ دَ كُكٜىٰبِے؞

² غَا يَدَّ ذَاكُ يَاڢٜىٰ وَمَيْ بَاشِ؞ كُواْوَنٜىٰ مَيْبِنْ مُتُمْ بَاشِ يَيَاڢٜىٰ وَطَنْعُوَنْسَ مُتُمِنْ إِسْرَٰٓءِيلَ وَنْدَ يَكٜىٰ رِڧٜىٰ مَسَ بَاشِ؞ بَذَيْ كَرْٻِ كُواْمٜىٰ دَغَ طَنْعُوَنْسَ وَنْدَ يَكٜىٰبِنْسَ بَاشِبَ، غَمَا أَنْيِ شٜىٰلَرْ يَاڢٜىٰوَا تَ يَهْوٜىٰهْ؞

³ كَنَ عِيَ مَڟَا وَبَڧُواْ يَبِيَاكَ، عَمَّا دُواْلٜىٰ كَيَاڢٜىٰ وَطَنْعُوَنْكَ مُتُمِنْ إِسْرَٰٓءِيلَ، كُواْ دَ بَاشِنْ نَوَنٜىٰ كَكٜىٰبِنْسَ؞

⁴ ‏«‏حَڧِيڧَ يَهْوٜىٰهْ اللَّهْ نْكُ ذَيْ أَلْبَرْكَثٜىٰكُ عَثِكِنْ ڧَسَرْدَ يَكٜىٰ بَاكُ غَادُواْ كُمَلَّكٜىٰتَ؞ بَذَاعَ سَامِ مَاسُ بُڧَاتَ عَثِكِنْكُبَ

⁵ إِنْ دَيْ ذَاكُ كَسَ كُنّٜىٰ غَ مَغَنَرْ يَهْوٜىٰهْ اللَّهْ نْكُ، كُكِيَايٜىٰ كُكُمَ عَيْكَتَ دُكَنْ عُمَرْنَنْ دَ نَكٜىٰ عُمَرْثٜىٰكُ يَوْ؞

⁶ غَمَا يَهْوٜىٰهْ اللَّهْ نْكُ ذَيْ أَلْبَرْكَثٜىٰكُ كَمَرْ يَدَّ يَيِ مُكُ أَلْڧَوَرِ؞ ذَاكُ كُوَ بَادَ رَنْثٜىٰ غَ أَلْعُمَّيْ دَيَوَ، عَمَّا كُو بَذَاكُ بُڧَاثِ رَنْثٜىٰ دُواْمِنْ كَنْكُبَ؞ كُو ذَاكُيِ مُلْكِ عَكَنْ أَلْعُمَّيْ دَيَوَ، عَمَّا سُو بَذَاسُيِ مُلْكِنْكُبَ؞

⁷ ‏«‏عِدَنْ أَݣَويْ مَيْ بُڧَاتَ عَثِكِنْكُ، وَتُواْ وَنِ دَغَ ثِكِنْ یَنْعُوَنْكُ عَثِكِنْ غَرُضُوً ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ، كَدَ كُتَوْرَرَ ذُوثِيَارْكُ، كُكَاسَ سَكِ حَنُّنْ تَيْمَكُواْ غَ طَنْعُوَنْكُ مَيْ بُڧَاتَ؞

⁸ أَ مَيْمَكُوانْ حَكَ، سَيْ كُبَاشِ حَنُّ سَكٜىٰ، كُبَاشِ رَنْثٜىٰ بِسَغَ أَبِنْدَ يَكٜىٰ بُڧَاتَ، كُواْ دَمَا نَوَنٜىٰ؞

⁹ كُلُورَ ڢَا، كَدَ كُيِ تُنَانِ كَمَرْ یَنْ إِسْكَ أَ ذُوثِيَارْكُ كُنَ ثٜىٰوَ ‏‹‏أَيْ، شٜىٰكَرَا تَبَݣَويْ، وَتُواْ شٜىٰكَرَرْ يَاڢٜىٰوَا تَايِ كُسَ،›‏ حَرْ كُطَوْرٜىٰ وَطَنْعُوَنْكُ مَيْ بُڧَاتَ ڢُسْكَ كُڧِ بَاشِ كُواْمٜىٰ؞ عِدَنْ يَا كَيْ كُوكَنْسَ غَ يَهْوٜىٰهْ عَكَنْكُ، أَبِنْ كُوَ ذَيْ جَٰوُاْ مُكُ لَيْڢِے؞

¹⁰ حَڧِيڧَ ذَاكُ بَاشِ حَنُّ سَكٜىٰ بَاتَرٜىٰدَ ٻَثِنْ ذُوثِيَابَ؞ عِدَنْ كُكَيِ حَكَنَنْ، يَهْوٜىٰهْ اللَّهْ نْكُ ذَيْسَا مُكُ أَلْبَرْكَ ثِكِنْ دُكَنْ أَيُّكَنْ حَنُّوَنْكُ؞

¹¹ غَمَا بَذَاعَ تَٻَ رَسَ مَاسُ بُڧَاتَ عَثِكِنْ ڧَسَرْبَ، شِے يَسَا نَكٜىٰ عُمَرْثٜىٰكُ، كُبُوطٜىٰ حَنُّنْكُ أَ سَكٜىٰ غَ یَنْعُوَنْكُ مَاسُ بُڧَاتَ دَ مَتَلَوْتَ عَثِكِنْ ڧَسَرْكُ؞»‏

يَدَّ ذَاعَلُورَ دَ بَايِ

¹² ‏«‏عِدَنْ عَكَ سَيَرْ مُكُ دَ طَنْعُوَنْكُ مُتُمِنْ إِبْرَانِيَاوَا نَمِجِ كُواْ مَثٜىٰ، سَيْ يَيِ مُكُ بَوْتَا شٜىٰكَرَا شِدَ، عَثِكِنْ شٜىٰكَرَا تَبَݣَويْ سَيْ كُیَنْتَرْ دَشِ؞

¹³ سَعَدَّ كُكَ یَنْتَرْ دَشِ، بَذَاكُ بَرْشِ يَتَڢِے حَنُّ وُاْڢِبَ؞

¹⁴ سَيْ كُبَاشِ ݣَوْتَيْ حَنُّ سَكٜىٰ دَغَ ثِكِنْ تُمَكِنْكُ دَ أَوَكِنْكُ دَ حَڟِنْدَ كُكَ بُغَ دَ ضُوً إِنَبِنْدَ كُكَ مَڟٜىٰ؞ سَيْ كُبَا شِ ڠُورْڠُودُوانْ أَبِنْدَ يَهْوٜىٰهْ اللَّهْ نْكُ يَ أَلْبَرْكَثٜىٰكُ دَشِ؞

¹⁵ كُتُنَ ثٜىٰوَ دَا كُو بَايِنٜىٰ عَڧَسَرْ مَصَرْ، عَمَّا يَهْوٜىٰهْ اللَّهْ نْكُ يَڢَنْشٜىٰكُ؞ شِيَسَا نَكٜىٰ بَاكُ وَنَّنْ عُمَرْنِ يَوْ؞

¹⁶ ‏«‏عَمَّا عِدَنْ بَاوَنْكَ يَثٜىٰمُكُ، ‏‹‏بَانَسُواْ إِنْ رَبُ دَكُو،›‏ غَمَا يَنَ ڧَوْنَرْكُ دَ عِيَلَنْ غِدَنْكُ، كُمَ يَنَ جِنْ دَاطِنْ ذَمَ تَرٜىٰدَكُو،

¹⁷ تُواْ، سَيْ كُطَوْكِ بَاوَنْ ذُوَا بَاكِنْ ڧُواْڢَرْ غِدَنْكُ كُهُودَ كُنّٜىٰنْسَ دَ أَلُّورَنْ هُدَاوَ؞ ذَيْ كُوَ ذَمَ بَاوَنْكُ حَرْ أَبَدَا؞ حَكَكُمَ ذَاكُيِ دَ بَيْوَرْكُ؞

¹⁸ سَعَدَّ كُكَ یَنْتَرْدَ بَاوَ، كَدَ كُيِ بَڧِنْ ثِكِ، غَمَا شٜىٰكَرَا شِدَ يَيِ مُكُ عَيْكِ، كُمَ عَيْكِنْسَ يَڢِ عَيْكِنْ لٜىٰبُرَ سَوْ بِيُ؞ عِدَنْ كُنْيِ حَكَ، يَهْوٜىٰهْ اللَّهْ نْكُ ذَيْسَا مُكُ أَلْبَرْكَ ثِكِنْ دُكَنْ عَيْكِنْ دَ كُكٜىٰيِ؞»‏

كٜىٰٻٜىٰوَرْ یَیَنْ ڢَارِ

¹⁹ ‏«‏ذَاكُ كٜىٰٻٜىٰ غَ يَهْوٜىٰهْ اللَّهْ نْكُ دُكَنْ یَیَنْ ڢَارِ مَظَا نَغَرْكٜىٰنْكُ نَشَانُو دَ نَتُمَكِ دَ نَأَوَكِ؞ بَذَاكُيِ عَيْكِنْ نُواْمَ دَ طَنْ ڢَارِ نَشَانُنْكُ بَ، بَذَاكُ كُمَ أَسْكٜىٰ غَاشِنْ طَنْ ڢَارِ نَتُنْكِيَرْكُبَ؞

²⁰ عَمَّا كُواْوَثٜىٰ شٜىٰكَرَا، كُو دَ عِيَلَنْ غِدَنْكُ ذَاكُثِسُ أَغَبَنْ يَهْوٜىٰهْ اللَّهْ نْكُ أَوُرِنْ دَ يَهْوٜىٰهْ ذَيْ ذَاٻَا دُواْمِنْ عَيِمَسَ سُجَّدَ؞

²¹ عَمَّا عِدَنْ يَنَدَ وَنِ تَبُواْ، كُواْ غُرْغُ، كُواْ مَكَنْتَ، كُواْ وَنِ إِرِنْ تَبُواْ مَيْ ڟَنَنِ، بَذَاكُ مِيڧَشِ هَدَايَ غَ يَهْوٜىٰهْ اللَّهْ نْكُ بَ؞

²² سَيْ كُثِشِ عَثِكِنْ غَرُرُوَنْكُ؞ مَيْ ڧَظَنْتَادَ مَرَرْ ڧَظَنْتَا، كُواْوَنٜىٰ مُتُمْ ذَيْ عِيَثِ، كَمَرْ نَامَنْ غَدَ كُواْ بَرٜىٰوَ؞

²³ سَيْ دَيْ جِنِنْ نٜىٰ كَطَيْ بَذَاكُثِ بَ، ذَاكُ ظُبَرْ دَشِ عَڧَسَا كَمَرْ ضُوَ؞»‏