مَيْمَيْتَاوَرْ شَرِيعَ 14 - أَتَّوْرَتْ دَ أَنَّبَاوَا

أَنْ حَنَ أَلْعَادَرْ نُونَ بَڧِنْ ثِكِ

¹ سَيْ مُوسَٰى يَثِيغَبَدَ مَغَنَ يَثٜىٰ ‏«‏كُو یَیَنْ يَهْوٜىٰهْ اللَّهْ نْكُ نٜىٰ، بَذَاكُ يَيَّنْكَ ڢَتَرْ جِكِنْكُ بَ، كُواْ كُيِ وَغَبَنْ كَوُنَنْكُ أَسْكِ سَبُواْدَ كُنَ كُوكَنْ وَنْدَ يَمُتُبَ؞

² غَمَا كُو مُتَنٜىٰنٜىٰ وَطَنْدَ عَكَ كٜىٰٻٜىٰكُ دَ ڟَرْكِے غَ يَهْوٜىٰهْ اللَّهْ نْكُ؞ يَهْوٜىٰهْ اللَّهْ نْكُ كُوَ يَذَاٻٜىٰكُ دَغَ دُكَنْ ڧَبِيلَرْ دُونِيَا كُذَمَ ڧَبِيلَرْسَ، جَمَعَرْسَ مَڢِے دَرَجَ؞»‏

دَبُّواْبِے مَاسُ ڧَظَنْتَادَ مَرَسَ ڧَظَنْتَا

³ ‏«‏بَذَاكُثِ وَنِ أَبُ مَيْ ڧَظَنْتَا وَنْدَ عَكَ هَنَبَ؞

⁴ غَا دَبُّواْبِنْ دَ ذَاكُثِ، دَ سَانِيَ دَ تُنْكِيَ دَ عَكُيَ،

⁵ دَ بَرٜىٰوَ دَ غَدَ دَ نَامَنْ دَاجِ نَدَنْ‌غِنْ بَرٜىٰوَ دَ عَكُيَرْ دَاجِ دَ ڠُونْكِ دَ مَرِرِ دَ تُنْكِيَرْ تُدُ؞

⁶ ذَاكُ عِيَ ثِنْ كُواْوَثٜىٰ إِرِنْ دَبَّرْ دَ تَڢِنْ ڧَڢَرْتَ يَرَبُ بِيُ وَدَّ كُمَ تَكٜىٰ تُڧَرْ عَبِنْثِ عَبَاكِ؞

⁷ عَمَّا دُكْدَهَكَ، عَثِكِنْ وَطَنْدَ سُكٜىٰ تُڧَرْ عَبِنْثِ عَبَاكِ دَ وَطَنْدَ تَڢِنْ ڧَڢَاڢُنْتَ سُنْ رَبُ بِيُ، بَذَاكُثِ رَاڧُمِ دَ ذُواْمُواْ دَ رٜىٰمَبَ؞ كُواْدَيَكٜىٰ سُنَ تُڧَرْ عَبِنْثِ عَبَاكِ، تَڢِنْ ڧَڢَاڢُنْسُ بَسُ رَبُ بِيُبَ؞ دُواْمِنْ حَكَ أَبِنْ ڧَظَنْتَا نٜىٰ أَغَرٜىٰكُ؞

⁸ أَلَدٜىٰ مَا بَذَاكُثِبَ؞ كُواْدَيَكٜىٰ تَڢِنْ ڧَڢَاڢُنْسَ سُنْ رَبُ بِيُ، عَمَّا بَايَ تُڧَرْ عَبِنْثِ؞ أَبِنْ ڧَظَنْتَا نٜىٰ أَغَرٜىٰكُ، بَذَاكُثِ نَامَنْسَبَ، كُواْ كُتَٻَ غَاوَرْسَبَ؞

⁹ ‏«‏عَثِكِنْ دُكَنْ حَلِتُّنْ دَسُكٜىٰ ذَمَ عَثِكِنْ ضُوَ، غَ أَبِنْدَ ذَاكُثِ، وَتُواْ دُكْ أَبِنْدَ يَكٜىٰدَ ڧٜىٰغٜىٰ دَ ٻَوُانْ ڢَتَرْ جِكِے؞

¹⁰ دُكْ أَبِنْدَ بَاشِ دَ ڧٜىٰغٜىٰ دَ ٻَوُانْ ڢَتَرْ جِكِے، بَذَاكُثِبَ؞ أَبِنْ ڧَظَنْتَا نٜىٰ أَغَرٜىٰكُ؞

¹¹ ‏«‏ذَاكُ عِيَ ثِنْ دُكَنْ ڟُنْڟَيٜىٰ مَرَسَ ڧَظَنْتَا نٜىٰ؞

¹² عَمَّا غَا إِرِنْ ڟُنْڟَيٜىٰنْ دَ بَذَاكُثِبَ، وَتُواْ غَغَّڢَ دَ عُنْ‌غُلُ دَ مِكِيَ،

¹³ دَ بُغَ ظَبِے دَ شِرْوَ دَ كُواْوَنٜىٰ إِرِنْسُ،

¹⁴ دَ كُواْوَنٜىٰ إِرِنْ حَنْكَكَ،

¹⁵ دَ جِمِنَا دَ ڧُرُرُ دَ ڟُنْڟُ مَيْ كَامَ كِيڢِ دَ كُواْوَنٜىٰ إِرِنْ شَحُواْ،

¹⁶ دَ ڧَرَمَرْ مُجِيَ دَ بَبَّرْ مُجِيَ دَ كَظَرْ ضُوَ،

¹⁷ دَ مُجِيَرْ دَاجِ دَ عُنْ‌غُلُ مَيْ سُونَ مَيْكِ دَ ظَلْٻٜىٰ،

¹⁸ دَ شَمُوَ دَ كُواْوَنٜىٰ إِرِنْ ظَلْٻٜىٰ دَ جِنْجِمِ دَ جٜىٰمَغٜىٰ؞

¹⁹ ‏«‏دُكَنْ ڨُورِ مَاسُ ڢِكَڢِكَيْ، أَبِنْ ڧَظَنْتَا نٜىٰ أَغَرٜىٰكُ، بَذَاكُثِبَ؞

²⁰ عَمَّا دُكْ حَلِتَّ مَيْ ڢِكَڢِكَيْ كُمَ مَرَرْ ڧَظَنْتَا، ذَاكُ عِيَثِ؞

²¹ ‏«‏بَذَاكُثِ مُوشٜىٰبَ؞ عَمَّا ذَاكُ عِيَ كُبَا بَڧِنْ دَسُكٜىٰ ظَوْنٜىٰ عَثِكِنْكُ سُثِ، كُواْ كُوَ كُسَيَرْ وَ وَطَنْسُ بَڧِنْ؞ غَمَا كُو مُتَنٜىٰنٜىٰ وَطَنْدَ عَكَ كٜىٰٻٜىٰ دَ ڟَرْكِے غَ يَهْوٜىٰهْ اللَّهْ نْكُ؞ ‏«‏بَذَاكُ دَڢَ طَنْ عَكُيَ أَ مَدَرَرْ مَامَرْسَبَ؞»‏

كُواْيَرْوَا غَمٜىٰدَ زَكَّ

²² ‏«‏لَلَّيْ ذَاكُ ڢِتَرْدَ زَكَّ تَدُكَنْ أَمْڢَانِنْ دَ كُكَ شُوكَ أَغُواْنَكِنْكُ كُواْوَثٜىٰ شٜىٰكَرَا؞

²³ أَغَبَنْ يَهْوٜىٰهْ اللَّهْ نْكُ، أَوُرِنْ دَ ذَيْ ذَاٻَا دُواْمِنْ عَيِ سُجَّدَ دَ سُونَنْسَ نٜىٰ، ذَاكُثِ زَكَّ تَسَابُوانْ حَڟِنْكُ دَ تَضُوً إِنَبِنْكُ مَيْ ذَاڧِ دَ تَمَنْكُ دَ تَیَیَنْ ڢَارِ نَغَرْكٜىٰنْ شَانُنْكُ دَ نَتُمَكِنْكُ دَ أَوَكِنْكُ، دُواْمِنْ كُكُواْيَ يَدَّ ذَاكُيِ تَڢِيَ ثِكِنْ ڟُواْرُوانْ يَهْوٜىٰهْ اللَّهْ نْكُ حَرْ أَبَدَا؞

²⁴ عَمَّا عِدَنْ وُرِنْ دَ ذَاكُ كَيْ زَكَّرْ يَيِ مُكُ نِيسَ سُواْسَيْ، حَرْ بَذَاكُ عِيَ كَيْ زَكَّرْ دَ يَهْوٜىٰهْ اللَّهْ نْكُ يَ أَلْبَرْكَثٜىٰكُ دَ عِتَ أَوُرِنْبَ، سَبُواْدَ وُرِنْ دَ يَهْوٜىٰهْ اللَّهْ نْكُ ذَيْ ذَاٻَا دُواْمِنْ عَيِ سُجَّدَ دَ سُونَنْسَ يَيِ نِيسَ دَغَ وُرِنْكُ سُواْسَيْ، غَ أَبِنْدَ ذَاكُيِ؞

²⁵ سَيْ كُسَيَرْ دَ زَكَّرْ، كُتَڢِے دَ كُطِنْ وُرِنْ دَ يَهْوٜىٰهْ اللَّهْ نْكُ ذَيْ ذَاٻَا؞

²⁶ سَيْ كُكَشٜىٰ كُطِنْ عَكَنْ دُكْ أَبِنْدَ كُكٜىٰسُواْ، وَتُواْ كُواْ شَانُو نٜىٰ، كُواْ تُمَكِ، كُواْ ضُوً إِنَبِے، كُواْ أَبِنْ سَا بُغُوَ، كُواْ دَيْ دُكْ أَبِنْدَ رَنْكُ يَكٜىٰسُواْ؞ أَوُرِنْ نٜىٰ ذَاكُيِ بِكِ أَغَبَنْ يَهْوٜىٰهْ اللَّهْ نْكُ، كُو دَ عِيَلَنْ غِدَنْكُ كُيِ مُرْنَ تَرٜىٰ؞

²⁷ ‏«‏عَمَّا كَدَ كُمَنْتَادَ لَوِيَاوَنْ دَسُكٜىٰ ظَوْنٜىٰ عَثِكِنْ غَرُرُوَنْكُ، غَمَا بَسُ دَ رَبُواْ كُواْ غَادُواْ كَمَرْ يَدَّ كُو كُكٜىٰ دَشِ؞

²⁸ عَڧَرْشٜىٰنْ كُواْوَثٜىٰ شٜىٰكَرَا عُكُ، ذَاكُ ڢِتَرْدَ دُكَنْ زَكَّرْ أَمْڢَانِنْ غُواْنَكِنْكُ وَنْدَ كُكَ غِرْبٜىٰ أَوَنَّنْ شٜىٰكَرَا، كُ أَجِيٜىٰ أَغَرُرُوَنْكُ؞

²⁹ وَنَّنْ عَبِنْثِ دُواْمِنْ لَوِيَاوَا نٜىٰ دَيَكٜىٰ بَسُ دَ غَادُواْ كَمَرْ يَدَّ كُو كُكٜىٰ دَشِ دَ كُمَ دُواْمِنْ بَاڧِ دَ مَرَايُ دَ مَاتَانْدَ مَذَنْسُ سُكَ مُتُ وَطَنْدَ سُكٜىٰ ذَمَ عَثِكِنْكُ؞ ذَاسُ ذُواْ، سُثِ، سُڧُواْشِ؞ كُيِ حَكَ دُواْمِنْ يَهْوٜىٰهْ اللَّهْ نْكُ يَسَا مُكُ أَلْبَرْكَ ثِكِنْ دُكَنْ أَيُّكَنْ حَنُّوَنْكُ؞»‏