مَيْمَيْتَاوَرْ شَرِيعَ 13 - أَتَّوْرَتْ دَ أَنَّبَاوَا

أَنْ حَنَ سُجَّدَ غَ وَطَنْسُ أَلُّواْلِ

¹ ‏«‏مَيْ يِوُوَ وَنِ أَنَّبِے كُواْ مَيْ مَڢَرْكِ ذَيْ تَاشِ عَثِكِنْكُ، يَيِ شٜىٰلَ يَنَدَ تَبَّثِ ثٜىٰوَ وَتَ عَلَمَ كُواْ وَنِ عَيْكِنْ بَنْ مَامَاكِ ذَيْ ڢَرُ؞

² عِدَنْ عَلَمَرْ نَنْ كُواْ عَيْكِنْ بَنْ مَامَاكِنَّنْ يَڢَرُ، ذَيْ يِڧُواْڧَرِ يَرُوطٜىٰكُ يَثٜىٰ، ‏‹‏بَرِ مُبِے وَطَنْسُ أَلُّواْلِ مُبَوْتَا مُسُ، أَلُّواْلِنْ دَ بَكُسَنْسُبَ؞›‏

³ عَمَّا كَدَ كُجِ كَلْمُواْمِنْ وَنَّنْ أَنَّبِے كُواْ مَيْ مَڢَرْكِنَّنْ؞ غَمَا يَهْوٜىٰهْ اللَّهْ نْكُ يَنَ ڠُودَكُ يَغَنِ كُواْ كُنَ ڧَوْنَرْسَ دَ دُكَنْ ذُوثِيَارْكُ دَ دُكَنْ رَنْكُ؞

⁴ سَيْ كُبِے يَهْوٜىٰهْ اللَّهْ نْكُ؞ شِ كَطَيْ نٜىٰ ذَاكُجِڟُواْرُوانْسَ، عُمَرْنَنْسَ ذَاكُ كِيَايٜىٰ، غَ مَغَنَرْسَ ذَاكُ كَسَ كُنّٜىٰ، شِينٜىٰ ذَاكُ بَوْتَا مَسَ، شِينٜىٰ كُمَ ذَاكُ مَنّٜىٰ مَسَ؞

⁵ عَمَّا أَنَّبِنَّنْ كُواْ مَيْ مَڢَرْكِنَّنْ، ذَاعَ كَشٜىٰشِ، سَبُواْدَ يَكُواْيَرْ دَ تَاوَيٜىٰ عَكَنْ يَهْوٜىٰهْ اللَّهْ نْكُ، وَنْدَ يَڢِتَرْ دَكُو دَغَ ڧَسَرْ مَصَرْ، وَنْدَ كُمَ يَڢَنْشٜىٰكُ دَغَ غِدَنْ بَوْتَا؞ إِرِنْ مُتَنٜىٰنَّنْ مُوغَيٜىٰنٜىٰ وَطَنْدَ سُكٜىٰسُواْ كُكَوْثٜىٰ دَغَ حَنْيَرْ دَ يَهْوٜىٰهْ اللَّهْ نْكُ يَعُمَرْثٜىٰكُ كُبِے؞ تَهَكَ ذَاكُ كَوَرْدَ مُغُنْتَادَغَ ثِكِنْكُ؞

⁶ ‏«‏مَيْ يِوُوَ طَنْعُوَنْكَ، كُواْ حَيْڢُوَرْ بَابَنْكَ، كُواْ مَامَرْكَ، كُواْ طَنْكَ، كُواْ یَرْكَ، كُواْ مَاتَرْ دَ كَكٜىٰسُواْ، كُواْ أَبُواْكِنْكَ نَكُرْكُسَ ذَيْذُواْ يَرُوطٜىٰكَ عَٻُواْيٜىٰ ثٜىٰوَ ‏‹‏ذُواْ مُيِ وَ أَلُّواْلِ سُجَّدَ، أَلُّواْلِنْدَ كُو دَ كَاكَنِّنْكُ بَكُ سَنِبَ؞›‏

⁷ مَيْ يِوُوَ وَنِ دَغَ ثِكِنْسُ ذَيْ ڧَرْڢَڢَاكُ كُيِ سُجَّدَ غَ أَلُّواْلِنْ ڧَبِيلُنْ دَسُكٜىٰ كٜىٰوَيٜىٰ دَكُو، كُواْ نَكُسَ كُواْ نَنٜىٰسَ دَغَ وَنَّنْ إِيَاكَرْ دُونِيَا ذُوَا وَنْثَنْ؞

⁸ بَذَاكُ يَرْدَ مَسَبَ، كَدَ مَا كُسَوْرَرٜىٰشِ؞ كَدَ كُيِ مَسَ جِنْڧَيْ كُواْ كُجِ تَوْسَيِنْسَ، كُواْ كُٻُواْيٜىٰشِ؞

⁹ دُواْلٜىٰ كُكَشٜىٰشِ؞ حَنُّنْكَ نٜىٰ ذَيْ ڢَارَ جِڢَرْسَ، سَعَنً دُكَنْ جَمَعَ سُجٜىٰجّٜىٰڢٜىٰشِ حَرْ يَمُتُ؞

¹⁰ كُجٜىٰجّٜىٰڢٜىٰشِ دَ دُوَڟُو حَرْ يَمُتُ، غَمَا يَا نٜىٰمِ يَسَاكُ كُجُويَا دَغَ يَهْوٜىٰهْ اللَّهْ نْكُ، وَنْدَ يَڢِتَرْ دَكُو دَغَ ڧَسَرْ مَصَرْ دَغَ غِدَنْ بَوْتَا؞

¹¹ تَهَكَ دُكَنْ إِسْرَٰٓءِيلَاوَا ذَاسُجِ، سُكُمَ جِڟُواْرُواْ، حَرْ بَذَاسُ سَاكٜىٰ عَيْكَتَ إِرِنْ وَنَّنْ مُوغُنْ أَبُ عَثِكِنْكُبَ؞

¹² ‏«‏سَعَدَّ كُكٜىٰ ذَمَ عَثِكِنْ غَرُضُوً دَ يَهْوٜىٰهْ اللَّهْ نْكُ يَكٜىٰ بَاكُ، مَيْيِوُوَ ذَاكُجِ أَݣَويْ

¹³ وَطَنْسُ یَنْ إِسْكَ سُنْ ڢِتُواْ دَغَ ثِكِنْكُ سُنْ رِكِتَرْدَ مَذَوْنَنْ وَنِ غَرِ سُنَ ثٜىٰوَ ‏‹‏ذُواْ، بَرِ مُيِ وَ وَطَنْسُ أَلُّواْلِ سُجَّدَ، أَلُّواْلِنْ دَ بَكُ سَنْسُبَ؞›‏

¹⁴ تُواْ، سَيْ كُيِ بِنْثِكٜىٰ، كُيِ تَمْبَيَ سُواْسَيْ؞ عِدَنْ كُوَ حَڧِيڧَ غَسْكِيَ ثٜىٰ، إِرِنْ أَبِنْ ڨَمَرْ نَنْ يَڢَرُ عَثِكِنْكُ،

¹⁵ سَيْ كُكَكَّشٜىٰ دُكَنْ مَذَوْنَنْ غَرِنْ دَ تَكُواْبِے، كُكُمَ كَكَّشٜىٰ دُكَنْ دَبُّواْبِنْ دَ أَبُبُوَنْ غَرِ وَطَنْدَ عَكَ كٜىٰٻٜىٰ دُواْمِنْ هَلَّكَرْوَ؞

¹⁶ دُكَنْ أَبُبُوَنْ دَ كُكَ ݣُوشٜىٰ كُتَتَّارَ أَ ڢِيلِ نَثِكِنْ غَرِنْ؞ سَيْ كُڧُواْنَ غَرِنْ دَ دُكَنْ أَبُبُوَنْ دَ كُكَ ݣُوشٜىٰ، كُمِيڧَ شِ طُنْ‌غُمْ هَدَايَ تَڧُواْنَاوَا غَ يَهْوٜىٰهْ اللَّهْ نْكُ؞ غَرِنْ كُوَ ذَيْ كَسَنْثٜىٰ كُڢَيْ حَرْ أَبَدَا، بَذَاعَ ڧَارَ غِنَاشِ بَكُمَ؞

¹⁷ كَدَ أَ سَامِ وَنِ أَبِنْدَ عَكَ كٜىٰٻٜىٰ دُواْمِنْ هَلَّكَرْوَ أَ حَنُّنْكُ، دُواْمِنْ يَهْوٜىٰهْ يَجُويَ دَغَ ذَاڢِنْ ڢُشِنْسَ، يَيِ مُكُ جِنْڧَيْ، عَثِكِنْ جِنْڧَنْسَ كُمَ يَسَا كُڧَارَ يَوَنْكُ كَمَرْ يَدَّ يَيِ وَكَاكَنِّنْكُ أَلْڧَوَرِ تَرٜىٰدَ ضَنْڟُوَا؞

¹⁸ ذَيْ يِهَكَ إِنْ كُنْيِ بِيَيَّ غَ مَغَنَرْ يَهْوٜىٰهْ اللَّهْ نْكُ، كُكَ كِيَايٜىٰ دُكَنْ عُمَرْنَنْسَ وَطَنْدَ نَكٜىٰ عُمَرْثٜىٰكُ يَوْ، كُكَ كُمَيِ أَبِنْدَ يَكٜىٰ دَيْدَيْ أَعِدَانُنْ يَهْوٜىٰهْ اللَّهْ نْكُ؞»‏