مَيْمَيْتَاوَرْ شَرِيعَ 12 - أَتَّوْرَتْ دَ أَنَّبَاوَا

وُرِے طَيَ كَطَيْ دُواْمِنْ يِنْ سُجَّدَ

¹ ‏«‏وَطَنَّنْ سُونٜىٰ ڧَٰعِدُواْدِ دَ عُمَرْنَنْ دَ ذَاكُ كِيَايٜىٰ كُكُمَ عَيْكَتَ عَثِكِنْ ڧَسَرْدَ يَهْوٜىٰهْ اللَّهْ نَكَاكَنِّنْكُ يَكٜىٰ بَاكُ كُثِ غَادُوانْتَ، كُمَلَّكٜىٰتَ دُكَنْ ݣُونَكِنْكُ عَدُونِيَا؞

² ذَاكُ هَلَّكَ كَكَڢْ دُكَنْ وُرَارٜىٰنْ دَ أَلْعُمَّنْ دَ ذَاكُ كُواْرَ سُكَنْيِ وَ أَلُّواْلِنْسُ سُجَّدَ عَكَنْ مَنْيَنْ تُدَّيْ دَ كَنْ تُدَّيْ دَ كُمَ ڧَرْڧَشِنْ كُواْوَنٜىٰ إِتَاثٜىٰ مَيْ بَادَ إِنُوَ؞

³ كُرُرُّشٜىٰ بَغَدَنْسُ، كُڢَرْڢَشٜىٰ دُووَڟُنْ سُجَّدَرْسُ، كُڧُواْنٜىٰ غُمَكَنْ أَشٜىٰرَ دَ وُتَا، كُكُمَ سَسَّارٜىٰ غُمَكَنْسُ؞ تَهَكَ ذَاكُ كَوَرْدَ سُونَيٜىٰنْسُ دَغَ وُرَارٜىٰنَّنْ؞

⁴ ‏«‏بَذَاكُيِ وَ يَهْوٜىٰهْ اللَّهْ نْكُ سُجَّدَ كَمَرْ يَدَّ سُكٜىٰيِ وَ أَلُّواْلِنْسُبَ؞

⁵ عَمَّا ذَاكُ نٜىٰمِ وُرِنْ دَ يَهْوٜىٰهْ اللَّهْ نْكُ ذَيْ ذَاٻَا دَغَ ثِكِنْ دُكَنْ يَنْكُنَنْ ذُرِيَرْكُ، دُواْمِنْ يَكَڢَ سُونَنْسَ أَوُرِنْ، يَكُمَ مَيْدَشِ وُرِنْ ذَمَنْسَ؞ عِ، ثَنْ نٜىٰ ذَاكُ تَڢِے،

⁶ عَثَنْ نٜىٰ كُمَ ذَاكُ كَيْ هَدَايُنْكُ تَڧُواْنَاوَا دَ سَوْرَنْ هَدَايُنْكُ دَ زَكَّرْكُ دَ بَيٜىٰ بَيٜىٰنْكُ نَغُواْدِيَ دَ هَدَايُنْكُ نَثِكَ ضَنْڟُوَا دَ بَيٜىٰ بَيٜىٰنْكُ نَيَرْدَرْ رَيْ دَ نَیَیَنْ ڢَارِ نَغَرْكٜىٰنْكُ نَشَانُو دَ نَتُمَكِ دَ نَأَوَكِ؞

⁷ عَثَنْ، وَتُواْ أَغَبَنْ يَهْوٜىٰهْ اللَّهْ نْكُ، ذَاكُثِ كُيِ مُرْنَ، كُو دَ عِيَلَنْكُ، عَكَنْ دُكَنْ أَيُّكَنْ حَنُّوَنْكُ وَطَنْدَ يَهْوٜىٰهْ اللَّهْ نْكُ يَ أَلْبَرْكَثٜىٰكُ عَثِكِ؞

⁸ ‏«‏بَذَاكُيِ كَمَرْ يَدَّ مُكَيِ أَنَنْ يَوْ بَ، يَدَّ كُواْوَ يَكٜىٰيِنْ أَبِنْدَ يَغَ دَامَ،

⁹ غَمَا بَكُ شِغَ ڧَسَرْ تُكُنَبَ، وَتُواْ وُرِنْ هُوتَوَا، بَكُ كُمَثِ غَادُوانْ دَ يَهْوٜىٰهْ اللَّهْ نْكُ يَكٜىٰ بَاكُبَ؞

¹⁰ عَمَّا سَعَدَّ كُكَ ڧٜىٰتَرٜىٰ كُواْغِنْ يُواْدَنْ، كُكَ كُمَ ذَوْنَ ثِكِنْ ڧَسَرْدَ يَهْوٜىٰهْ اللَّهْ نْكُ يَكٜىٰ بَاكُ عِتَ غَادُواْ، ذَيْبَاكُ هُوتُ دَغَ دُكَنْ أَبُواْكَنْ غَابَنْكُ وَطَنْدَ سُكٜىٰ كٜىٰوَيٜىٰ دَكُو، حَرْ كُسَامِ ذَمَنْ لَاڢِيَ؞

¹¹ سَعَنً ذَاكُ كَيْ دُكَنْ أَبِنْدَ نَعُمَرْثٜىٰكُ كُكَيْ ذُوَا وُرِنْ دَ يَهْوٜىٰهْ اللَّهْ نْكُ ذَيْ ذَاٻَا دُواْمِنْ عَيِ سُجَّدَ دَ سُونَنْسَ، وَتُواْ ذَاكُ كَيْ هَدَايُنْكُ نَڧُواْنَاوَا دَ سَوْرَنْ هَدَايُنْكُ دَ زَكَّرْكُ دَ بَيٜىٰ بَيٜىٰنْكُ نَغُواْدِيَ دَ هَدَايُنْكُ مَڢِے ݣَوْ نَثِكَ ضَنْڟُوَا وَ يَهْوٜىٰهْ؞

¹² أَوُرِنْ ذَاكُيِ مُرْنَ أَغَبَنْ يَهْوٜىٰهْ اللَّهْ نْكُ، كُو دَ یَیَنْكُ مَظَا دَ مَاتَادَ بَايِنْكُ مَظَا دَ مَاتَادَ كُمَ لَوِيَاوَنْ دَسُكٜىٰ ظَوْنٜىٰ عَثِكِنْ غَرُرُوَنْكُ، تُنْدَيَكٜىٰ بَسُ دَ رَبُواْ كُواْ غَادُواْ تَرٜىٰدَكُو؞

¹³ كُلُورَ ڢَا، كَدَ كُمِيڧَ هَدَايُنْكُ نَڧُواْنَاوَا أَدُكْ عِنْدَ كُكَغَ دَامَ؞

¹⁴ عَمَّا سَيْ أَوُرِنْ دَ يَهْوٜىٰهْ ذَيْ ذَاٻَا دَغَ ثِكِنْ يَنْكِنْ وَتَ ذُرِيَرْكُ، ثَنْ ذَاكُ مِيڧَ هَدَايُنْكُ نَڧُواْنَاوَا، كُمَ عَثَنْ نٜىٰ ذَاكُ عَيْكَتَ دُكَنْ أَبِنْدَ نَعُمَرْثٜىٰكُ؞

¹⁵ ‏«‏عَمَّا دُكْ لُواْكَثِنْ دَ كُكٜىٰ دَ بُڧَاتَ، أَنْيَرْدَ مُكُ كُيَنْكَ نَامَ كُثِ ثِكِنْ كُواْوَنٜىٰ غَرِنْكُ أَدُكْ لُواْكَثِنْ دَ كُكٜىٰسُواْ، بِسَغَ أَلْبَرْكَرْ دَ يَهْوٜىٰهْ اللَّهْ نْكُ يَبَاكُ؞ مُتُمْ مَيْ ڧَظَنْتَادَ مَرَرْ ڧَظَنْتَا ذَيْ عِيَثِ، كَمَرْ ثِنْ نَامَنْ غَدَ كُواْ بَرٜىٰوَ؞

¹⁶ عَمَّا بَذَاكُثِ جِنِنْ بَ، ذَاكُ ظُبَرْدَ جِنِ عَڧَسَا كَمَرْ ضُوَ؞

¹⁷ غَا أَبِنْدَ بَذَاكُثِ عَثِكِنْ غَرُضُوً دَ كُكٜىٰ ذَمَبَ، وَتُواْ زَكَّرْ سَابُوانْ حَڟِنْكُ، كُواْ تَضُوً إِنَبِنْكُ، كُواْ تَمَيْ، كُواْ تَیَیَنْ ڢَارِ نَغَرْكٜىٰنْ شَانُو، كُواْ نَتُمَكِ، كُواْ تَهَدَايَرْكُ تَثِكَ ضَنْڟُوَا، كُواْ هَدَايَرْكُ تَيَرْدَرْ رَيْ، كُواْ تَسَوْرَنْ بَيٜىٰ بَيٜىٰنْكُ؞

¹⁸ عَمَّا وَطَنَّنْ ذَاكُثِسُ أَغَبَنْ يَهْوٜىٰهْ اللَّهْ نْكُ أَ عِنْدَ ذَيْ ذَاٻَا، كُو دَ یَیَنْكُ مَظَا دَ مَاتَادَ بَايِنْكُ مَظَا دَ مَاتَادَ لَوِيَاوَنْ دَسُكٜىٰ ظَوْنٜىٰ أَغَرُرُوَنْكُ؞ سَيْ كُيِ مُرْنَ أَغَبَنْ يَهْوٜىٰهْ دَ دُكَنْ أَيُّكَنْ حَنُّوَنْكُ؞

¹⁹ كُلُورَ ڢَا، كَدَ كُمَنْتَادَ لَوِيَاوَا مُدِّنْ كُنَ ظَوْنٜىٰ عَثِكِنْ ڧَسَرْكُ؞

²⁰ ‏«‏سَعَدَّ يَهْوٜىٰهْ يَڧَارَ ڢَاطِنْ يَنْكِنْكُ، كَمَرْ يَدَّ يَيِ مُكُ أَلْڧَوَرِ، كُو كُمَ كُكَثٜىٰ، ‏‹‏إِنَ سُواْ إِنْثِ نَامَ،›‏ غَمَا كُنَ جِنْ مَرْمَرِنْ ثِنْ نَامَ، تُواْ، كُنَ عِيَ ثِنْ نَامَ يَدَّ كُكٜىٰسُواْ؞

²¹ عِدَنْ ڢَا وُرِنْ دَ يَهْوٜىٰهْ يَذَاٻَا يَكَڢَ سُونَنْسَ يَيِ مُكُ نِيسَ سُواْسَيْ، تُواْ، ذَاكُ عِيَ كُيَنْكَ وَتَ دَبَّ كَمَرْ يَدَّ نَعُمَرْثٜىٰكُ، كُواْ دَغَ ثِكِنْ غَرْكٜىٰنْ شَانُو كُواْ نَتُمَكِ كُواْ نَأَوَكِ وَطَنْدَ يَهْوٜىٰهْ يَبَاكُ؞ ذَاكُ عِيَ كُثِ يَدَّ كُكٜىٰسُواْ أَوُرَارٜىٰنْ ذَمَنْكُ؞

²² حَڧِيڧَ، كَمَرْ يَدَّ كُكٜىٰ ثِنْ نَامَنْ غَدَ كُواْ بَرٜىٰوَ، حَكَ ذَاكُ عِيَ كُثِ شِ؞ كُواْوَنٜىٰ مُتُمْ مَيْ ڧَظَنْتَادَ مَرَرْ ڧَظَنْتَا ذَاسُ عِيَثِ؞

²³ عَمَّا كُلُورَ ڢَا كَدَ كُثِ جِنِنْ، غَمَا جِنِنْ شِينٜىٰ رَيْ، بَذَاكُثِ رَنْ تَرٜىٰدَ نَامَنْ بَ؞

²⁴ بَذَاكُثِ جِنِنْ بَ، ذَاكُ ظُبَرْ عَڧَسَا كَمَرْ ضُوَ؞

²⁵ بَذَاكُثِ جِنِنْبَ، دُواْمِنْ كُسَامِ ذَمَنْ لَاڢِيَ، كُو دَ ذُرِيَرْكُ عَبَايَنْكُ، غَمَا ذَاكُ دِنْ‌غَ يِنْ أَبِنْدَ يَكٜىٰ دَيْدَيْ أَعِدَانُنْ يَهْوٜىٰهْ؞

²⁶ عَمَّا بَيٜىٰ بَيٜىٰنْكُ مَاسُ ڟَرْكِے دَ هَدَايُنْكُ نَثِكَ ضَنْڟُوَا ذَاكُ طَوْكَ كُكَيْ وُرِنْ دَ يَهْوٜىٰهْ ذَيْ ذَاٻَا دُواْمِنْ عَيِ مَسَ سُجَّدَ؞

²⁷ سَيْ كُمِيڧَ نَامَ دَ جِنِ طُنْ‌غُمْ هَدَايَ تَڧُواْنَاوَا عَكَنْ بَغَدٜىٰنْ يَهْوٜىٰهْ اللَّهْ نْكُ؞ غَمٜىٰ دَ سَوْرَنْ هَدَايُ، ذَاعَ ظُبَرْدَ جِنِنْ هَدَايُنْ عَكَنْ بَغَدٜىٰنْ يَهْوٜىٰهْ اللَّهْ نْكُ، عَمَّا ذَاكُثِ نَامَنْ؞

²⁸ كُلُورَ، كُكِيَايٜىٰ دُكَنْ وَطَنَّنْ كَلْمُواْمِنْ دَ نَكٜىٰ عُمَرْثٜىٰكُ دُواْمِنْ كُسَامِ ذَمَنْ لَاڢِيَ، كُو دَ ذُرِيَرْكُ عَبَايَنْكُ حَرْ أَبَدَا، غَمَا ذَاكُ دِنْ‌غَ يِنْ أَبِنْدَ يَكٜىٰ دَيْدَيْ يَنَدَ ݣَوْ كُمَ أَعِدَانُنْ يَهْوٜىٰهْ اللَّهْ نْكُ؞»‏

غَرْغَطِ عَكَنْ غُمَكَ

²⁹ ‏«‏‏يَهْوٜىٰهْ اللَّهْ نْكُ ذَيْ كَوَرْ مُكُ دَ أَلْعُمَّنَّنْ وَطَنْدَ ذَاكُ شِغَ ثِكِنْ ڧَسَرْسُ دُواْمِنْ كُكُواْرٜىٰسُ دُواْمِنْ كُثِ غَادُوانْ ڧَسَرْسُ كُذَوْنَ أَوُرِنْ؞

³⁰ سَعَدَّ يَهْوٜىٰهْ يَيِ حَكَ، سَيْ كُلُورَ ڢَا، كَدَ سُذَمَ مُكُ تَرْكُواْ كُبِے هَنْيُواْيِنْسُ بَايَنْدَ أَنْكَوَرْ دَسُو دَغَ غَبَنْكُ؞ كَدَ كُنٜىٰمِ سَنِنْ وَنِ أَبُ غَمٜىٰدَ أَلُّواْلِنْسُ كُنَ ثٜىٰوَ ‏‹‏يَيَ وَطَنَّنْ أَلْعُمَّيْ سُكٜىٰيِ وَ أَلُّواْلِنْسُ سُجَّدَ؟ مُو مَا ذَامُيِ كَمَرْ يَدَّ سُكٜىٰيِ؞›‏

³¹ كَدَ ڢَا كُيِ وَ يَهْوٜىٰهْ اللَّهْ نْكُ حَكَ، غَمَا دُكْ أَبِنْ ڨَمَ وَنْدَ يَهْوٜىٰهْ يَكٜىٰڧِ، شِينٜىٰ سُنْيِ وَ أَلُّواْلِنْسُ، حَرْ مَا سُنَ ڧُواْنَ یَیَنْسُ مَظَا دَ مَاتَادَ وُتَا هَدَايَ غَ أَلُّواْلِنْسُ؞

³² ‏«‏كُكِيَايٜىٰ، كُعَيْكَتَ دُكَنْ كَلْمُواْمِنْدَ نَعُمَرْثٜىٰكُ؞ كَدَ كُڧَارَ، كَدَ كُضَغٜىٰ دَغَ ثِكِ؞»‏