مَيْمَيْتَاوَرْ شَرِيعَ 11 - أَتَّوْرَتْ دَ أَنَّبَاوَا

أَبُبُوَنْ بَنْ مَامَاكِنْدَ يَهْوٜىٰهْ يَيِ

¹ ‏«‏سَبُواْدَ حَكَ، سَيْ كُڧَوْنَثِ يَهْوٜىٰهْ اللَّهْ نْكُ، كُكِيَايٜىٰ مَغَنَرْسَ دَ ڧَٰعِدُواْدِنْسَ دَ عُمَرْنَنْسَ دَ دُواْكُواْكِنْسَ؞

² يَوْ كُتُنَ ڢَا، بَا یَیَنْكُ نٜىٰ سُكَغَ كُواْ سُكَسَنْ هُواْرَرْوَرْ يَهْوٜىٰهْ اللَّهْ نْكُ بَ، عَمَّا كُونٜىٰ كُكَغَ غِرْمَنْسَ دَ حَنُّنْسَ مَيْ إِيكُواْ دَ مَنْيَنْ أَيُّكَنْسَ نَبَنْ مَامَاكِ،

³ دَ عَلَمُنْسَ دَ أَيُّكَنْسَ وَطَنْدَ يَيِ وَ سَرْكِے ڢِرْعَوْنَ نَ مَصَرْ دَ دُكَنْ ڧَسَرْسَ؞

⁴ كُونٜىٰ كُكَغَ أَبِنْدَ يَيِ وَسُواْجُواْجِنْ مَصَرْ دَ دَوَكِنْسُ دَ كٜىٰكُنَنْ دُواْكِنْسُ دَ كُمَ يَدَّ يَهْوٜىٰهْ يَسَا ضُوً تٜىٰكُنْ ثِيَوَرْ إِوَ يَهَطِيٜىٰسُ سَعَدَّ سُكٜىٰبِنْكُ دَ يَدَّ يَهْوٜىٰهْ يَهَلَكَاسُ كَكَڢْ؞

⁵ كُونٜىٰ كُكَغَ أَبِنْدَ يَيِ دُواْمِنْكُ أَدَاجِ كَاڢِنْ كُإِسُواْ أَوَنَّنْ وُرِے،

⁶ دَ أَبِنْدَ يَيِ وَ دَتَنْ دَ أَبِرَمْ، یَیَنْ عٜىٰلِيَبْ، جِيكُواْكِنْ رَعُبَيْنُ، يَدَّ ڧَسَا تَبُوطٜىٰ بَاكِ أَڟَكِيَرْ جَمَعَرْ إِسْرَٰٓءِيلَ تَهَطِيٜىٰسُ تَرٜىٰدَ عِيَلَنْسُ دَ تٜىٰنْتُنَنْسُ دَ كُواْوَنٜىٰ أَبُ مَيْ رَيْ وَنْدَ يَكٜىٰ تَرٜىٰدَسُو؞

⁷ أَيْ، عِدَنُونْكُ نٜىٰ سُكَغَ دُكَنْ مَنْيَنْ أَيُّكَنَّنْ دَ يَهْوٜىٰهْ يَعَيْكَتَ؞

أَلْبَرْكُنْ ڧَسَرْ أَلْڧَوَرِ

⁸ ‏«‏سَبُواْدَ حَكَ، سَيْ كُكِيَايٜىٰ دُكَنْ عُمَرْنَنْ دَ نَكٜىٰ عُمَرْثٜىٰكُ يَوْ، دُواْمِنْ كُسَامِ ڧَرْڢِنْ دَ ذَاكُ ڧٜىٰتَرٜىٰ كُشِغَ كُڨُوثٜىٰ ڧَسَرْدَ ذَاكُثِ غَادُوانْتَ؞

⁹ كُكِيَايٜىٰسُ دُواْمِنْ كُمَ كُيِ ڟَوُانْ رَيْ عَثِكِنْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْكُ ذَيْبَاسُ، سُو دَ ذُرِيَرْسُ، ڧَسَا مَيْ أَمْڢَانِ؞

¹⁰ غَمَا ڧَسَرْدَ ذَاكُ شِغَ كُثِ غَادُوانْتَ، بَكَمَرْ ڧَسَرْ مَصَرْ عِنْدَ كُكَڢِتُواْبَ، عِنْدَ كُكَنْ شُوكَ إِرِ، سَعَنً كُو كَنْكُ كُيِ بَنْضُوَ كَمَرْ غُواْنَرْ لَمْبُو؞

¹¹ عَمَّا ڧَسَرْدَ ذَاكُ ڧٜىٰتَرٜىٰ كُثِ غَادُوانْتَ، ڧَسَاثٜىٰ تَتُدَّيْ دَ تَݣُورُرُوَ وَدَّ ضُوً سَمَ يَكٜىٰ بَاتَ ضُوَ؞

¹² وَنَّنْ ڧَسَا كُوَ يَهْوٜىٰهْ اللَّهْ نْكُ يَكٜىٰ لُورَ دَ عِتَ؞ إِدَانُنْ يَهْوٜىٰهْ اللَّهْ نْكُ سُنَ عَكَنْتَ دَغَ ڢَرْكُوانْ شٜىٰكَرَا حَرْ ذُوَا ڧَرْشٜىٰنْ شٜىٰكَرَا؞

¹³ ‏«‏سَيْ كُيِبِيَيَّ دَ عُمَرْنَنْ دَ نَكٜىٰ عُمَرْثٜىٰكُ يَوْ ثٜىٰوَ كُڧَوْنَثِ يَهْوٜىٰهْ اللَّهْ نْكُ، كُكُمَ بَوْتَا مَسَ دَ دُكَنْ ذُوثِيَارْكُ دَ دُكَنْ رَنْكُ؞

¹⁴ عِدَنْ كُنْيِ حَكَ، يَهْوٜىٰهْ ذَيْ عَيْكَ دَ ضُوً سَمَ عَڧَسَرْكُ أَ لُواْكَثِنْسَ، دُكْ ضُوَ نَڢَرْكُواْ دَ نَڧَرْشٜىٰ دُواْمِنْ كُتَتَّارَ سَابُوانْ حَڟِنْكُ دَ ضُوً إِنَبِنْكُ مَيْ ذَاڧِ دَ مَنْكُ؞

¹⁵ يَهْوٜىٰهْ ذَيْ كُمَسَا ثِيَوَ تَڟِيرَا أَ ڢِيلَيٜىٰنْكُ دُواْمِنْ دَبُّواْبِنْكُ؞ ذَاكُ كُوَثِ كُڧُواْشِ؞

¹⁶ كُلُورَ ڢَا، كَدَ ذُوثِيَا تَرُوطٜىٰكُ حَرْ كُجُويَا كُبَوْتَا وَ وَطَنْسُ أَلُّواْلِ كُيِ مُسُ سُجَّدَ؞

¹⁷ غَمَا عِدَنْ كُنْيِ حَكَ، ڢُشِنْ يَهْوٜىٰهْ ذَيْ يِڧُونَ عَكَنْكُ، ذَيْكُلّٜىٰ سَرَرِنْ سَمَ دُواْمِنْ يَحَنَ ضُوً سَمَ، ڧَسَا كُمَ بَذَاتَ بَادَ أَمْڢَانِنْتَبَ؞ بَذَاعَدَطٜىٰبَ كُو مَا ذَاكُ هَلَّكَ عَڧَسَا مَيْݣَوْ طِنَّنْ دَ يَهْوٜىٰهْ يَكٜىٰ بَاكُ؞

¹⁸ ‏«‏سَيْ كُسَا وَطَنَّنْ كَلْمُواْمِنَ عَثِكِنْ ذُوثِيَارْكُ دَ رَنْكُ، كُطَوْرَسُ سُذَمَ عَلَمَ أَ حَنُّوَنْكُ، كُكَڢَسُ سُذَمَ لَمْبَ أَغُواْشِنْكُ؞

¹⁹ دَ ڨُوذُواْ ذَاكُ كُواْيَرْ دَسُو غَ یَیَنْكُ؞ ذَاكُيِ مَغَنَ غَمٜىٰدَسُو سَعَدَّ كُكٜىٰ ظَوْنٜىٰ أَغِدَا دَ سَعَدَّ كُكٜىٰ تَڢِيَ دَ سَعَدَّ كُكٜىٰ ݣُونْثٜىٰ دَ كُمَ سَعَدَّ كُكَتَاشِ؞

²⁰ ذَاكُ رُبُوتَسُ عَكَنْ ڢِرَمْ نَڧُواْڢُواْڢِنْ غِدَاجٜىٰنْكُ دَ ڧُواْڢُواْڢِنْ بِرَنٜىٰنْكُ،

²¹ دُواْمِنْ ݣُونَكِنْكُ دَ ݣُونَكِنْ یَیَنْكُ سُيِ ڟَوُاْ عَثِكِنْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْكُ ذَيْبَاسُ مُدِّنْ سَمَ يَنَ بِسَ دُونِيَا؞

²² ‏«‏سَيْ كُكِيَايٜىٰ دَ ڨُوذُواْ دُكَنْ عُمَرْنَنَّنْ دَ نَكٜىٰ عُمَرْثٜىٰكُ، كُڧَوْنَثِ يَهْوٜىٰهْ اللَّهْ نْكُ، كُيِ تَڢِيَ ثِكِنْ دُكَنْ هَنْيُواْيِنْسَ، كُمَنّٜىٰ مَسَ؞

²³ عِدَنْ كُنْيِ حَكَ، يَهْوٜىٰهْ ذَيْكُواْرِ دُكَنْ وَطَنَّنْ أَلْعُمَّيْ أَغَبَنْكُ، ذَاكُ كُمَ كُواْرِ مَنْيَنْ أَلْعُمَّنْ دَ سُكَڢِيكُ ڧَرْڢِے دَ كُمَ يَوَ؞

²⁴ دُكْ عِنْدَ تَڢِنْ ڧَڢَرْكُ يَتَاكَ ذَيْ ذَمَ نَاكُ؞ يَنْكِنْكُ ذَيْ مِيڧٜىٰ دَغَ دَاجِ عَكُدُ ذُوَا مَنْيَنْ تُدَّنْ لٜىٰبَنُوانْ عَ أَرٜىٰوَ دَ كُمَ دَغَ كُواْغِنْ يُڢِرٜىٰتِسْ أَغَبَسْ ذُوَا تٜىٰكُنْ مٜىٰدِتٜىٰرٜىٰنِيَ عَيَمَّ؞

²⁵ بَابُ مُتُمِنْدَ ذَيْ عِيَ ڟَيَاوَ يَڢُسْكَنْثٜىٰكُ؞ يَهْوٜىٰهْ اللَّهْ نْكُ ذَيْسَا مُتَنٜىٰنْ دُكَنْ ڧَسَا عِنْدَ كُكَ سَا تَڢِنْ ڧَڢَا سُڢِرْغِتَ سُجِڟُواْرُوانْكُ، كَمَرْ يَدَّ يَيِ مُكُ أَلْڧَوَرِ؞

²⁶ ‏«‏غَاشِ، يَوْ، إِنَبَاكُ دَامَ كُذَاٻِ أَلْبَرْكَ كُواْ لَعَنَ؞

²⁷ ذَاكُ سَامِ أَلْبَرْكَ، عِدَنْ كُنْيِ بِيَيَّ دَ عُمَرْنَنْ يَهْوٜىٰهْ اللَّهْ نْكُ وَطَنْدَ نَكٜىٰ عُمَرْثٜىٰكُ عَيَوْ؞

²⁸ ذَاكُ سَامِ لَعَنَ، عِدَنْ بَكُيِ بِيَيَّ دَ عُمَرْنَنْ دَ يَهْوٜىٰهْ اللَّهْ نْكُ يَكٜىٰ بَاكُبَ، عِدَنْ ڢَا كُكَ جُويَا دَغَ حَنْيَرْدَ نَعُمَرْثٜىٰكُ عَيَوْ، كُكَبِے وَطَنْسُ أَلُّواْلِنْ دَ بَكُسَنْسُبَ؞

²⁹ سَعَدَّ يَهْوٜىٰهْ اللَّهْ نْكُ يَكَٰوُاْكُ ثِكِنْ ڧَسَرْدَ ذَاكُ شِغَ كُثِ غَادُوانْتَ، سَيْ كُيِ شٜىٰلَرْ أَلْبَرْكَرْ نَنْ عَبَبَّنْ تُدُنْ غٜىٰرِظِمْ، كُكُمَيِ شٜىٰلَرْ لَعَنَرْ نَنْ عَبَبَّنْ تُدُنْ عٜىٰبَلْ؞

³⁰ وَطَنَّنْ مَنْيَنْ تُدَّيْ كُوَ سُنَ ڧٜىٰتَرٜىٰنْ كُواْغِنْ يُواْدَنْ أَغٜىٰڢٜىٰنْ يَمَّ نَڧَسَرْ كَنْعَنِيَاوَا، وَطَنْدَ سُكٜىٰ ذَمَ أَعَرَبَ، سُنَ ڢُسْكَنْتَرْ غِلْغَلْ، وَجٜىٰنْ دَ عِتَتُوَنْ ڟَاڢِ سُكٜىٰ؞

³¹ غَمَا ذَاكُ ڧٜىٰتَرٜىٰ كُواْغِنْ يُواْدَنْ دُواْمِنْ كُڨُوثٜىٰ ڧَسَرْدَ يَهْوٜىٰهْ اللَّهْ يَكٜىٰ بَاكُ؞ سَعَدَّ كُكَثِ غَادُوانْتَ كُكَ ذَوْنَ عَثِكِنْتَ،

³² كُلُورَ ڢَا، كُكِيَايٜىٰ كُكُمَ عَيْكَتَ دُكَنْ ڧَٰعِدُواْدِ دَ عُمَرْنَنْ دَ نَكٜىٰ شِمْڢِطَا أَغَبَنْكُ يَوْ؞»‏