مَيْمَيْتَاوَرْ شَرِيعَ 1 - أَتَّوْرَتْ دَ أَنَّبَاوَا

مَيْمَيْتَاوَرْ تَارِيحِنْ تَڢِيَرْ جَمَعَرْ إِسْرَٰٓءِيلَ

¹ وَطَنَّنْ سُونٜىٰ كَلْمُواْمِنْ دَ مُوسَٰى يَڢَطَا وَدُكَنْ إِسْرَٰٓءِيلَاوَا أَغَبَسْ دَ كُواْغِنْ يُواْدَنْ عَثِكِنْ دَاجِنْ أَرَبَ، وَنْدَ يَكٜىٰ ڢُسْكَنْتَرْ سُڢْ، ڟَكَانِنْ ڢَرَنْ دَ تُواْڢٜىٰلْ دَ لَبَنْ دَ هَظٜىٰرُواتْ دَ دِظَهَبْ؞

² تَڢِيَرْ ݣُونَ غُواْمَشَا طَيَ نٜىٰ دَغَ هُواْرٜىٰبْ ذُوَا كَدٜىٰشْ بَرْنٜىٰيَ، تَوَجٜىٰنْ حَنْيَرْ بَبَّنْ تُدُنْ سٜىٰيِرْ؞

³ أَ رَانَ تَڢَرْكُواْ غَ وَتَنْ غُواْمَشَا طَيَ أَ شٜىٰكَرَا تَأَرْبَعِنْ بَايَنْدَ سُكَتَاشِ دَغَ ڧَسَرْ مَصَرْ، مُوسَٰى يَيِ مَغَنَ دَ جَمَعَرْ إِسْرَٰٓءِيلَ بِسَغَ يَدَّ يَهْوٜىٰهْ يَعُمَرْثٜىٰشِ يَڢَطَا مُسُ؞

⁴ وَنَّنْ يَكَسَنْثٜىٰ بَايَنْدَ يَيِ يَاڧِ، يَثِ سَرْكِے سِهُوانْ نَ أَمُواْرِيَاوَا، وَنْدَ يَكٜىٰ مُلْكِ أَ هٜىٰشْبُوانْ دَ سَرْكِے عُواغْ نَ بَشَنْ، وَنْدَ يَكٜىٰ مُلْكِ أَ عَشْتَرُواتْ دَ عٜىٰدِرَيْ؞

⁵ أَغَبَسْ دَ كُواْغِنْ يُواْدَنْ عَثِكِنْ ڧَسَرْ مُواْوَبْ، مُوسَٰى يَڢَارَ بَيَّنَ وَطَنَّنْ كُواْيَرْوَرْ اللَّهْ، يَثٜىٰ،

⁶ ‏«‏كُتُنَ يَدَّ يَهْوٜىٰهْ اللَّهْ نْمُ يَيِ مَغَنَ دَمُو أَ هُواْرٜىٰبْ، يَثٜىٰ، ‏‹‏ذَمَنْكُ أَوَنَّنْ بَبَّنْ تُدُنْ سِنَيْ يَ إِسَ؞

⁷ كُتَاشِ، كُكَامَ حَنْيَ ذُوَا يَنْكِنْ تُدَّيْ نَ أَمُواْرِيَاوَا دَ دُكَنْ ڧَبِيلُنْ أَبُواْكَنْ ذَمَنْسُ وَطَنْدَ سُكٜىٰ عَيَنْكِنْ أَرَبَ؞ كُشِغَ مَنْيَنْ تُدَّيْ دَ يَنْكِنْ ڧأَنَانً تُدَّيْ دَ نٜىٰغٜىٰبْ دَ يَنْكِنْ بَاكِنْ تٜىٰكُ دَ ڧَسَرْ كَنْعَنَ دَ مَنْيَنْ تُدَّنْ لٜىٰبَنُوانْ، حَرْ ذُوَا إِيَاكَرْ بَبَّنْ كُواْغِ، وَتُواْ كُواْغِنْ يُڢِرٜىٰتِسْ؞

⁸ غَاشِ، نَبَادَ ڧَسَرْ أَ حَنُّنْكُ؞ كُشِغَ كُثِ غَادُوانْ ڧَسَرْدَ يَهْوٜىٰهْ يَرَنْڟٜىٰوَ كَاكَنِّنْكُ، وَتُواْ غَ إِبْرَٰهِيمْ، غَ إِسْحَٰڧَ، غَ يَعْڧُوبَ ثٜىٰوَ ذَيْبَاسُ دَ ذُرِيَرْسُ دَ ذَاسُذُواْ بَايَنْسُ؞›‏ »‏

مُوسَٰى يَا نَطَ شُوغَبَنِّنْ ظُرِيُواْيِ

⁹ أَوَنَّنْ لُواْكَثِ نٜىٰ مُوسَٰى يَڢَطَا وَمُتَنٜىٰنْ ثٜىٰوَ ‏«‏سَعَدَّ مُكٜىٰ عَبَبَّنْ تُدُنْ سِنَيْ، نَغَيَ مُكُ ثٜىٰوَ نَوَيَرْ بِدَكُو تَڢِے ڧَرْڢِينَ؞ بَذَنْ عِيَ وَنَّنْ عَيْكِ نِے كَطَيْبَ؞

¹⁰ يَهْوٜىٰهْ اللَّهْ نْكُ يَسَا كُنْيِيَوَ حَرْ غَاشِ يَوْ كُنْيِيَوَ كَمَرْ تَوْرَرِنْ سَمَ؞

¹¹ بَرِ يَهْوٜىٰهْ اللَّهْ نَكَاكَنِّنْكُ يَڧَارَ يَوَنْكُ سَوْ دُبُنْ دُبَّيْ، يَكُمَسَا مُكُ أَلْبَرْكَ كَمَرْ يَدَّ يَيِ مُكُ أَلْڧَوَرِ؞

¹² عَمَّا يَيَ نِے كَطَيْ ذَنْعِيَ طَوْكَرْ نَوَيَرْكُ دَ وَهَلَرْكُ دَ كُمَ شِرْيَ ضِكِثِے ضِكِثِينْكُ؟

¹³ دَغَ كُواْوَثٜىٰ ذُرِيَرْكُ ڢَا، كُذَاٻِ مُتُمْ طَيَ مَيْ حِكِمَ، مَيْ غَانٜىٰوَ، كُمَ مَيْ سَابَا ذَمَ دَ جَمَعَ، نِے كُوَ ذَنْ نَطَسُ شُوغَبَنِّنْكُ؞

¹⁴ كُكَ أَمْسَ مِنِ، كُكَثٜىٰ، ‏‹‏عِ، مُنْ يَرْدَ دَ وَنَّنْ شَوَرَا، غَمَا تَنَدَ ݣَوْ عَيِتَ؞›‏

¹⁵ سَبُواْدَ حَكَ، نَطَوْكُواْ مَاسُ حِكِمَ دَ وَطَنْدَ سُنْ سَابَا ذَمَ دَ جَمَعَ دَغَ ثِكِنْ كُواْوَثٜىٰ ذُرِيَرْكُ، نَنَطَسُ شُوغَبَنِّنْكُ؞ وَطَنْسُ سُكَ ذَمَ شُوغَبَنِّ عَكَنْ دُبُو دُبُو، وَطَنْسُ عَكَنْ طَرِے طَرِے، وَطَنْسُ عَكَنْ حَمْسِنْ حَمْسِنْ، وَطَنْسُ كُمَ عَكَنْ غُواْمَ غُواْمَ؞

¹⁶ ‏«‏أَوَنَّنْ لُواْكَثِ نَغَرْغَطِے مَاسُ شَرِيعَرْكُ نَثٜىٰ، ‏‹‏كُسَوْرَرِ ضِكِثِنْ دَيَكٜىٰ ڟَكَانِنْ جُونَنْكُ، كُيِ شَرِيعَرْ غَسْكِيَ ڟَكَانِنْ مُتُمْ دَ طَنْعُوَنْسَ، كُواْ طَنْ ڧَسَا نٜىٰ كُواْ بَڧُوانْ دَيَكٜىٰ ذَمَ عَثِكِنْكُ؞

¹⁷ كَدَ كُتَٻَ نُونَ بَمْبَنْثِ ثِكِنْ شَرِيعَرْكُ، كُسَوْرَرِ دُكَ، كُواْ بَبَّنٜىٰ كُواْ ڧَرَمِ؞ كَدَ كُجِڟُواْرُوانْ ڢُسْكَرْ وَنِ، غَمَا شَرِيعَ تَ اللَّهْ ثٜىٰ؞ ڧَارَرْ دَ تَكٜىٰدَ وُيَ سُواْسَيْ، سَيْ كُكَٰوُاْ أَغَرٜىٰنِ إِنْجِ؞›‏

¹⁸ أَ لُواْكَثِنْ نٜىٰ نَعُمَرْثٜىٰكُ غَمٜىٰدَ دُكَنْ أَبُبُوَنْ دَيَكَمَاتَ كُيِ؞»‏

أَنْ عَيْكِ یَنْ لٜىٰڧٜىٰنْ أَسِيرِ ذُوَا ڧَسَرْ كَنْعَنَ

¹⁹ مُوسَٰى يَثِيغَبَدَ مَغَنَ ثٜىٰوَ ‏«‏كُتُنَ يَدَّ مُكَتَاشِ دَغَ بَبَّنْ تُدُنْ هُواْرٜىٰبْ، كَمَرْ يَدَّ يَهْوٜىٰهْ يَعُمَرْثٜىٰمُ، مُكَبِے تَبَبَّنْ دَاجِنَّنْ مَيْ بَنْ ڟُواْرُواْ وَنْدَ كُو دَ كَنْكُ كُكَ غَنِ، يَايِنْ دَمُكٜىٰ أَ حَنْيَرْمُ ذُوَا يَنْكِنْ تُدَّيْ نَ أَمُواْرِيَاوَا؞ سَعَدَّ مُكَ إِسُواْ كَدٜىٰشْ بَرْنٜىٰيَ،

²⁰ نَثٜىٰمُكُ، ‏‹‏كُنْ إِسُواْ يَنْكِنْ تُدَّيْ نَ أَمُواْرِيَاوَا وَنْدَ يَهْوٜىٰهْ اللَّهْ نْمُ يَكٜىٰبَامُ؞

²¹ غَاشِ، يَهْوٜىٰهْ اللَّهْ نْمُ يَبَادَ ڧَسَرْ أَ حَنُّنْكُ؞ سَيْ كُهَوْرَ دُواْمِنْ كُثِ غَادُوانْتَ، كَمَرْ يَدَّ يَهْوٜىٰهْ اللَّهْ نَكَاكَنِّنْكُ يَيِ مُكُ أَلْڧَوَرِ؞ كَدَ كُجِڟُواْرُواْ!‏ كَدَ كُمَ كُڢِرْغِتَ؞›‏

²² ‏«‏سَعَنً دُكَنْكُ كُكَ ذُواْ وُرِينَ كُكَثٜىٰ، ‏‹‏بَرِ مُعَيْكِ مُتَنٜىٰ سُشَا غَبَنْمُ، سُجٜىٰ سُلٜىٰڧُواْ مَنَ أَسِيرِنْ ڧَسَرْ تُكُنَ؞ سُبَامُ شَوَرَرْ دَ تَدَاثٜىٰ عَكَنْ وَثٜىٰ حَنْيَ ذَامُبِے دَ كُمَ إِرِنْ بِرَنٜىٰنْ دَ ذَامُ شِغَ؞›‏

²³ ‏«‏وَنَّنْ شَوَرَا كُوَ تَايِ مِنِ ݣَوْ؞ سَيْ نَذَاٻِ یَنْ لٜىٰڧٜىٰنْ أَسِيرِ غُواْمَشَا بِيُ، طَيَ دَغَ ثِكِنْ كُواْوَثٜىٰ ذُرِيَ؞

²⁴ سُكَتَاشِ سُكَ هَوْرَ ثِكِنْ يَنْكِنْ تُدَّيْ؞ سَعَدَّ سُكَ كَيْ ݣُورِنْ عٜىٰشْكُوالْ، سُكَ لٜىٰڧُواْ أَسِيرِنْ ڧَسَرْ؞

²⁵ سُكَ طٜىٰبُواْ دَغَ ثِكِنْ یَیَنْ عِتَتُوَ نَڧَسَرْ، سُكَ غَنْ‌غَرُواْ مَنَ دَسُو؞ سُكَ كُمَ بَامُ رَهُواْتُواْ ثٜىٰوَ ‏‹‏ڧَسَاثٜىٰ مَيْݣَوْ وَدَّ يَهْوٜىٰهْ اللَّهْ نْمُ يَكٜىٰبَامُ؞›‏ »‏

تَاوَيٜىٰ غَ يَهْوٜىٰهْ

²⁶ ‏«‏عَمَّا كُنْڧِ كُهَوْرَ ڧَسَرْ، كُكَ تَيَرْوَ عُمَرْنِنْ يَهْوٜىٰهْ اللَّهْ نْكُ؞

²⁷ كُكَيِ غُنَغُنِ عَثِكِنْ تٜىٰنْتُنَنْكُ، كُكَثٜىٰ، ‏‹‏أَيْ، سَبُواْدَ يَهْوٜىٰهْ يَڧِمُنٜىٰ، شِے يَسَا يَڢِتَرْ دَمُو دَغَ ڧَسَرْ مَصَرْ، دُواْمِنْ يَبَادَمُو أَ حَنُّنْ أَمُواْرِيَاوَا سُهَلَكَامُ؞

²⁸ إِنَا نٜىٰ ذَامُجٜىٰ؟ یَنْ لٜىٰڧٜىٰنْ أَسِيرِ سُنْ كَرْيَ مَنَ ڠُوِوَ دَ رَهُواْتُوانْسُ؞ سُكَثٜىٰ ‏«‏مُتَنٜىٰنْ ڧَسَرْ سُنْ ڢِمُ ڧَرْڢِے كُمَ مَاسُ ڟَيِ نٜىٰ ڢِيٜىٰ دَمُو؞ بِرَنٜىٰنْسُ مَنْيَ مَنْيَ نٜىٰ، كَتَنْ‌غَرْسُ كُمَ سُنَدَ ڟَيِ ڨُورَيْ؞ حَرْ مَا مُنْ غَا ذُرِيَرْ یَیَنْ أَنَكْ أَوُرِنْ!‏»‏ ›‏

²⁹ ‏«‏عَمَّا نَثٜىٰ مُكُ، ‏‹‏كَدَ كُجِڟُواْرُوانْسُ كُواْ كُڢِرْغِتَ؞

³⁰ يَهْوٜىٰهْ اللَّهْ نْكُ وَنْدَ يَكٜىٰ تَڢِيَ أَغَبَنْكُ، شِ كَنْسَ ذَيْ يِيَاڧِ دُواْمِنْكُ كَمَرْ يَدَّ يَيِ مُكُ أَ مَصَرْ أَعِدَنُونْكُ؞

³¹ عَثِكِنْ دَاجِ كُمَ كُنْ غَا يَدَّ يَهْوٜىٰهْ اللَّهْ نْكُ يَطَوْكٜىٰكُ أَ حَنُّ كَمَرْ يَدَّ بَابَ يَكَنْ طَوْكِ ڧَرَمِنْ طَنْسَ، أَدُكَنْ تَڢِيَرْكُ حَرْ ذُوَا وَنَّنْ وُرِے؞›‏

³² عَمَّا دُكْ دَ أَبُبُوَنَّنْدَ يَعَيْكَتَ، كُنْڧِ كُدُواْغَرَ غَ يَهْوٜىٰهْ اللَّهْ نْكُ،

³³ وَنْدَ يَشَا غَبَنْكُ، يَنَ نٜىٰمَنْ مُكُ وُرِے مَيْݣَوْ عِنْدَ ذَاكُ سَوْكَ؞ دَ دَرٜىٰ يَكَنْ نُونَ مُكُ حَنْيَ دَ ڧُنْشِنْ وُتَادَ رَانَ كُمَ يَكَنْ بِدَكُو دَ ڧُنْشِنْ غِرْغِجٜىٰ؞»‏

يَهْوٜىٰهْ يَا حُكُنْتَ إِسْرَٰٓءِيلَ

³⁴ ‏«‏سَعَدَّ يَهْوٜىٰهْ يَجِ مَغَنْ‌غَنُنْ غُنَغُنِنْكُ سُنْيِيَوَ، سَيْ يَيِ ڢُشِے سُواْسَيْ؞ يَرَنْڟٜىٰ يَثٜىٰ،

³⁵ ‏‹‏بَا وَنِ دَغَ ثِكِنْ وَطَنَّنْ مُتَنٜىٰ نَوَنَّنْ مُوغُوَرْ ڟَارَا وَنْدَ ذَيْ غَا ڧَسَا مَيْݣَوْ وَدَّ نَرَنْڟٜىٰ ذَنْبَا كَاكَنِّنْكُ،

³⁶ سَيْدَيْ كَلٜىٰبْ طَنْ يٜىٰڢُنّٜىٰ؞ شِے ذَيْشِغَ يَغَنْتَ، إِيَاكَرْ عِنْدَ تَڢِنْ ڧَڢَرْسَ يَتَاكَ ذَنْبَاشِ تَرٜىٰدَ یَیَنْسَ، غَمَا يَابِے يَهْوٜىٰهْ دَ دُكَنْ ذُوثِيَارْسَ؞›‏

³⁷ سَبُواْدَ كُونٜىٰ يَهْوٜىٰهْ يَيِ ڢُشِے دَنِے، يَثٜىٰ، ‏‹‏حَرْ كَيْ مَا بَذَاكَ شِغَ ڧَسَرْ أَلْڧَوَرِنْبَ؞

³⁸ يُواْشُوَ طَنْ نُنْ، مَتَيْمَكِنْكَ نٜىٰ ذَيْ شِغَ؞ كَڧَرْڢَڢَاشِ، غَمَا شِينٜىٰ ذَيْبِدَ جَمَعَرْ إِسْرَٰٓءِيلَ سُثِ غَادُوانْ ڧَسَرْ؞›‏

³⁹ ‏«‏سَعَنً يَهْوٜىٰهْ يَثٜىٰ وَدُكَنْمُ، ‏‹‏ذَنْ بَادَ ڧَسَرْ وَ یَیَنْكُ وَطَنْدَ بَسُ عِيَ بَمْبَنْتَ ڟَكَانِنْ مُغُنْتَادَ أَلْحٜىٰرِبَ، وَطَنْدَ كُكَيِ ڟَمَّنِ ذَاعَ ڨُوثٜىٰسُ عَيَاڧِ، سُونٜىٰ ذَاسُ شِغَ ڧَسَرْ سُثِ غَادُوانْتَ؞

⁴⁰ عَمَّا كُو كَمْ، سَيْ كُجُويَا، كُكُواْمَ ثِكِنْ دَاجِ تَهَنْيَ ذُوَا تٜىٰكُنْ ثِيَوَرْ إِوَ؞›‏

⁴¹ ‏«‏سَعَنً كُكَ أَمْسَ مِنِ كُكَثٜىٰ، ‏‹‏مُنْيِ وَ يَهْوٜىٰهْ ذُنُوبِ!‏ ذَامُ شِغَ ثِكِنْ ڧَسَرْ مُيَاڧٜىٰتَ، بِسَغَ أَبِنْدَ يَهْوٜىٰهْ اللَّهْ نْمُ يَڢَطَا؞›‏ سَيْ كُواْوَنّٜىٰنْكُ يَطَوْكِ كَايَنْ يَاڧِنْسَ، كُكَيِ ڟَمَّنِ ذَيْ ذَمَ مُكُ دَ سَوْڧِ كُثِ يَنْكِنْ تُدَّيْ دَ يَاڧِ؞

⁴² ‏«‏عَمَّا يَهْوٜىٰهْ يَثٜىٰ إِنْ ڟَاوَتَا مُكُ، كَدَ كُهَوْرَ كُڢَاطَ مُسُ دَ يَاڧِ، غَمَا بَذَيْ كَسَنْثٜىٰ تَرٜىٰدَكُوبَ؞ عِدَنْ كُكَ كُسْكُرَ كُكَ تَڢِے، أَبُواْكَنْ غَابَنْكُ ذَاسُ مُرْڧُشٜىٰكُ؞

⁴³ حَكَ كُوَ نَڢَطَا مُكُ، عَمَّا بَكُ سَوْرَرَتَبَ؞ كُكَ تَيَرْوَ عُمَرْنِنْ يَهْوٜىٰهْ؞ ثِكِنْ غِرْمَنْ كَنْكُ كُكَ شِغَ يَنْكِنْ تُدَّيْ دُواْمِنْ يَاڧِ؞

⁴⁴ سَيْ أَمُواْرِيَاوَنْ دَسُكٜىٰ ذَمَ عَثِكِنْ يَنْكِنْ تُدَّيْ سُكَ ڢِتُواْ دَيَوَ كَمَرْ ڧُدَنْ ظُمَ، سُكَبِيكُ سُكَيِ تَمُرْڧُشٜىٰكُ أَ سٜىٰيِرْ حَرْ ذُوَا هُوارْمَ؞

⁴⁵ سَيْ كُكَ كُواْمُواْ، كُكَيِ كُوكَا أَغَبَنْ يَهْوٜىٰهْ، عَمَّا بَيْ كَسَ كُنّٜىٰ غَرٜىٰكُبَ، بَلّٜىٰ مَا يَكُلَ دَكُو؞»‏

شٜىٰكَرُنْ يَٰوُاْ أَ دَاجِ

⁴⁶ ‏«‏شِيَسَا كُنْيِ دُواْغُوَرْ ذَمَ أَ كَدٜىٰشْ؞