دَانِيٜىٰلْ 8 - أَتَّوْرَتْ دَ أَنَّبَاوَا

رُعُيَ غَمٜىٰدَ ضَغُواْ دَ بُنْسُرُ

¹ أَ شٜىٰكَرَا تَ عُكُ تَمُلْكٍ سَرْكِے بٜىٰلْشَظَّرْ نَ بَابِيلَ، سَيْ نِے دَانِيٜىٰلْ نَسَاكٜىٰ غَنِنْ وَتَ رُعُيَ، بَايَنْ رُعُيَ تَڢَرْكُوانْ؞

² عَثِكِنْ رُعُيَرْ، سَيْ نَغَ كَيْنَ عَبَاكِنْ رَاڢِنْ عُلَيْ وَنْدَ عَكَ حَڧَ أَ شُوشَنْ، بَبَّنْ بِرْنِنْ مُلْكٍ بَابِيلَ عَيَنْكِنْ عٜىٰلَمْ؞

³ دَ نَطَغَ عِدُواْ، سَيْ نَغَ ضَغُواْ أَڟَيٜىٰ عَبَاكِنْ رَاڢِنْ؞ يَنَ دَ ڧَهُواْنِ بِيُ دُواْغَيٜىٰ، عَمَّا طَيَ يَڢِ طَيَنْ ڟَوُاْ؞ وَنْدَ يَڢِ دُواْغُواْ شِينٜىٰ يَڟِرُواْ دَغَ بَايَ؞

⁴ إِنَ كَلُّواْ، سَيْ نَغَ ضَغُوانْ يَنَ كَيْ هَرِ ذُوَا وَجٜىٰنْ يَمَّ دَ وَجٜىٰنْ أَرٜىٰوَ دَ وَجٜىٰنْ كُدُ؞ بَابُوَتَ دَبَّرْ دَ تَ عِيَ ڟَيَاوَا تَيِغَابَادَشِ، كُمَ بَابُوَنْدَ يَ عِيَ كُٻُتَ دَغَ إِيكُوانْسَ؞ شِ دَيْ يَيِ يَدَّ يَغَ دَامَ، يَيِ تَغِرْمَ عَثِكِنْ إِيكُوانْسَ؞

⁵ سَعَدَّ نَكٜىٰ ثِكِنْ تُنَانِ عَكَنْ أَبِنْدَ نَكٜىٰ غَنِ، سَيْغَا بُنْسُرُ يَٻُلُّواْ دَغَ وَجٜىٰنْ يَمَّ، يَرَڟَا دُكَنْ دُونِيَا، عَمَّا سَبُواْدَ ذَاڢِنْ سَوْرِنْسَ، ڧَڢَرْسَ بَتَ كُواْ تَٻَ ڧَسَابَ؞ بُنْسُرُنْ يَنَدَ ڧَتُوانْ ڧَهُواْ أَڟَكَانِنْ عِدَنُونْسَ؞

⁶ سَيْ يَذُواْ وُرِنْ ضَغُواْنَّنْ مَيْ ڧَهُواْنِ بِيُ وَنْدَ نَغَنِ أَڟَيٜىٰ عَبَاكِنْ رَاڢِ؞ بُنْسُرُنْ كُوَ يَتَاسَرْ مَسَ دَ ڢُشِے مَيْ ذَاڢِ؞

⁷ نَغَ يَذُواْ كُسَدَ ضَغُوانْ دَ ڢُشِے مَيْ ڟَنَنِ ڨُورَيْ؞ سَيْ يَكَيْوَ ضَغُوانْ هَرِ، حَرْ يَكَكَّرْيَ ڧَهُواْنِنْسَ نَنْ بِيُ؞ ضَغُوانْ بَيْ عِيَ ڟَيَاوَا يَيِ غَابَادَ بُنْسُرُنْبَ؞ بُنْسُرُنْ يَبُغٜىٰشِ ڧَسَا يَتَتَّاكٜىٰشِ؞ بَاوَنْدَ يَ عِيَ كُٻُتَرْدَ ضَغُوانْ دَغَ بُنْسُرُنْ؞

⁸ سَعَنً بُنْسُرُنْ يَيِ تَغِرْمَ ثِكِنْ إِيكُوانْسَ؞ عَمَّا سَعَدَّ يَكَڢُ ثِكِنْ إِيكُوانْسَ، سَيْ بَبَّنْ ڧَهُواْنَّنْ يَكَرْيٜىٰ؞ أَ مَيْمَكُوانْسَ، سَيْ وَطَنْسُ مَنْيَنْ ڧَهُواْنِ حُطُ سُكَ ڟِرُواْ سُنَ ڢُسْكَنْتَرْ ڢُسْكُواْكِ حُطُ نَسَمَ، وَتُواْ غَبَسْ دَ يَمَّ دَ أَرٜىٰوَ دَ كُدُ؞

⁹ دَغَ ثِكِنْسُ سَيْ وَنِ ڧَرَمِنْ ڧَهُواْ كُمَ يَڟِرُواْ، يَيِ غِرْمَ يَبَظُو كُواْعِنَ؞ إِيكُوانْسَ يَكَيْ حَرْ ذُوَا وَجٜىٰنْ غَبَسْ دَ وَجٜىٰنْ كُدُ دَ وَجٜىٰنْ ڧَسَا مَيْ دَرَجَ؞

¹⁰ يَيِ غِرْمَ حَرْ يَكَيْ ثِكِنْ دُبُنْ دُبَّنْ حَلِتُّنْ سَمَ؞ يَجَٰوُاْ وَطَنْسُ تَوْرَرِ ذُوَا ڧَسَا، يَتَتَّاكٜىٰسُ؞

¹¹ يَطَوْكَكَ كَنْسَ حَرْ يَمَيْدَ كَنْسَ دَيْدَيْ دَ اللَّهْ شُوغَبَنْ دُبُنْ دُبَّنْ حَلِتُّنْ سَمَ؞ يَحَنَ يِنْ هَدَايَ تَڧُواْنَاوَا تَيَوْ دَ كُلُّمْ، يَكُمَ ڧَظَنْتَرْدَ وُرِے مَيْ ڟَرْكِے؞

¹² سَبُواْدَ ڟَنَنِنْ مُغُنْتَا سَيْ عَكَ بَادَ دُبُنْ دُبَّيْ غَ إِيكُوانْ ڧَهُوانْ، دُكْ دَ هَدَايَ تَڧُواْنَاوَا تَيَوْ دَ كُلُّمْ؞ أَنْ كُمَ تَتَّاكَ غَسْكِيَ؞ ڧَهُوانْ يَيِ أَبِنْدَ يَغَ دَامَ، يَكُوَ يِنَصَرَا؞

¹³ سَيْنَجِ وَنِ مَيْ ڟَرْكِے يَيِ تَمْبَيَ، وَنِ مَيْ ڟَرْكِے كُمَ يَأَمْسَ يَثٜىٰ ‏«‏سَيْ يَوْشٜىٰنٜىٰ مُغُنْتَارْ دَتَكٜىٰ ثِكِنْ رُعُيَرْ نَنْ ذَاتَ ڧَارٜىٰ؟ سَيْ يَوْشٜىٰ ذَاعَ حَنَ يِنْ هَدَايَ تَڧُواْنَاوَا تَيَوْ دَ كُلُّمْ؟ سَيْ يَوْشٜىٰ ذَاعَيِ أَبِنْ ڧَظَنْتَا مَيْ كَٰوُاْ هَلَّكَرْوَ دَ كُمَ بَادَ وُرِے مَيْ ڟَرْكِے دَ دُبُنْ دُبَّيْ دُواْمِنْ عَتَتَّاكَ؟»‏

¹⁴ سَيْ يَأَمْسَ ‏«‏سَيْ أَنْحَنَ هَدَايُنْ يَمَّ دَ سَاڢِيَ سَوْ دُبُو بِيُ دَ طَرِے عُكُ، سَعَنً ذَاعَ ڟَبْتَثٜىٰ أَ سَاكٜىٰ كٜىٰٻٜىٰ وُرِے مَيْ ڟَرْكِے؞»‏

مَلاَىِٕكَ يَبَيَّنَ مَعَنَرْ رُعُيَرْ

¹⁵ سَعَدَّ نِے دَانِيٜىٰلْ إِنَ كَلُّواْ ثِكِنْ رُعُيَرْ، كُمَ إِنَ ڧُواْڧَرِنْ غَانٜىٰ مَعَنَرْ رُعُيَرْ، سَيْغَا وَنِ مَيْ كَمَنِّنْ مُتُمْ يَڟَيَ أَغَبَنَ؞

¹⁶ سَيْ نَجِ مُرْيَرْ مُتُمْ دَغَ وَجٜىٰنْ رَاڢِنْ عُلَيْ تَنَ كِرَا ثٜىٰوَ ‏«‏جِبْرِيلُ، سَيْ كَتَيْمَكِ وَنَّنْ مُتُمْ يَغَانٜىٰ مَعَنَرْ رُعُيَرْ؞»‏

¹⁷ سَيْ مَلاَىِٕكَ جِبْرِيلُ يَمَڟُواْ كُسَدَ عِنْدَ نَكٜىٰ ڟَيٜىٰ؞ دَ يَذُواْ، سَيْ نَڢِرْغِتَ، نَڢَاطِ دَ ڢُسْكَتَ حَرْ ڧَسَا؞ عَمَّا يَثٜىٰ مِنِ ‏«‏يَا كَيْ طَنْ أَدَمْ، سَيْ كَغَانٜىٰ ثٜىٰوَ وَنَّنْ رُعُيَرْ تَشَاڢِ ݣُونَكِنْ ڧَرْشٜىٰنٜىٰ؞»‏

¹⁸ سَعَدَّ يَكٜىٰ مَغَنَ دَنِے، سَيْ بَرْثِ مَيْ ظُرْڢِ يَݣُوشٜىٰنِ يَايِنْ دَ نَكٜىٰ ݣُونْثٜىٰ دَ ڢُسْكَتَ عَڧَسَا؞ عَمَّا يَتَٻَنِ يَتَادَنِ ڟَيٜىٰ؞

¹⁹ سَعَنً يَثٜىٰ مِنِ، ‏«‏غَاشِ، إِنَ سَنَرْ مَكَ أَبُبُوَنْ دَ ذَاسُ ڢَرُ نَنْ غَبَ أَ لُواْكَثِنْ دَ اللَّهْ ذَيْ نُونَ ڢُشِنْسَ؞ غَمَا رُعُيَرْ تَشَاڢِ ݣُونَكِنْ ڧَرْشٜىٰنْ دَ عَكَ شِرْيَ؞

²⁰ غَمٜىٰ دَ ضَغُواْنَّنْ مَيْ ڧَهُواْنِ بِيُ وَنْدَ كَغَنِ، يَنَ ݣُوتَنْتَا سَرَاكُنَنْ مٜىٰدِيَ نٜىٰ دَ نَ ڢَٰشِيَ؞

²¹ بُنْسُرُنَّنْ كُوَ سَرْكِنْ هٜىٰلَّسْ نٜىٰ؞ بَبَّنْ ڧَهُواْنَّنْ دَيَكٜىٰ ڟَكَانِنْ عِدَنُونْسَ كُمَ، يَنَ ݣُوتَنْتَا سَرْكِے نَڢَرْكُواْ؞

²² ڧَهُواْنِ حُطُ وَطَنْدَ سُكَ ڟِرُواْ بَايَنْ ڧَهُواْ نَڢَرْكُواْ يَكَرْيٜىٰ، سُنَ ݣُوتَنْتَا سَرَاكُنَ حُطُ وَطَنْدَ ذَاسُ ڢِتُواْ دَغَ ثِكِنْ أَلْعُمَّرْسَ، عَمَّا بَذَاسُ سَامِ إِيكُواْ إِرِنْ نَاسَبَ؞

²³ ‏«‏عَثِكِنْ ݣُونَكِنْ ڧَرْشٜىٰ نَمُلْكٍ سَرَاكُنَ حُطُنَّنْ، سَعَدَّ مُودُنْ مُغُنْتَارْسُ يَثِكَ، وَنِ مُوغُنْ سَرْكِے مَيْ تَوْرِنْ ڢُسْكَ، مَيْ ڠُونِنْتَ عَثِكِنْ رُوطُ ذَيْڢِتُواْ؞

²⁴ إِيكُوانْسَ ذَيْ ڧَارُ سُواْسَيْ، عَمَّا بَتَوُرِنْ إِيكُوانْ كَنْسَبَ؞ ذَيْ كَٰوُاْ هَلَّكَرْوَ مَيْ بَنْ ڟُواْرُواْ، كُمَ ذَيْثِ نَصَرَا أَدُكَنْ أَبِنْدَ يَكٜىٰيِ؞ ذَيْ هَلَّكَ مَنْيَنْ مُتَنٜىٰ دُكْ دَ ڟَرْكَكَا؞

²⁵ تَوُرِنْ مُوغُنْ وَيُوانْسَ ذَيْسَا رَشِنْ غَسْكِيَ يَيَلْوَتَ؞ عَثِكِنْ ذُوثِيَارْسَ، ذَيْ طَوْكَكَ كَنْسَ؞ بَاظَتُواْ بَاڟَمَّنِ، ذَيْ هَلَّكَ مُتَنٜىٰ دَيَوَ، حَرْ مَا ذَيْ تَيَرْوَ شُوغَبَنْ شُوغَبَنِّ؞ عَمَّا ذَاعَ هَلَكَاشِ، كُواْدَيَكٜىٰ بَتَهَنُّنْ طَنْ أَدَمْ بَ؞

²⁶ وَنَّنْ رُعُيَ غَمٜىٰدَ حَنَ هَدَايُنْ يَمَّ دَ نَسَاڢِيَ وَدَّ عَكَ نُونَ مَكَ غَسْكِيَ نٜىٰ؞ عَمَّا أَسِيرِ نٜىٰ، كَدَ كَڢَطَا، غَمَا رُعُيَرْ تَشَاڢِ ݣُونَكِے نَنَنْ غَبَنٜىٰ؞»‏

²⁷ بَايَنْ وَنَّنْ، نِے دَانِيٜىٰلْ كُوَ جِكِينَ يَمُتُ، حَرْ نَيِ ثِيوُاْ نَیَنْ ݣُونَكِے؞ ثَنْ أَنْجِمَ، سَيْ نَتَاشِ نَثِيغَبَدَ حِدِمَتَ دُواْمِنْ سَرْكِے؞ عَمَّا نِے كَمْ وَنَّنْ رُعُيَرْ تَسَا نَضِكِثِے، غَمَا بَنْ غَانٜىٰ مَنُڢَرْتَبَ؞