دَانِيٜىٰلْ 4 - أَتَّوْرَتْ دَ أَنَّبَاوَا

وَسِيڧَرْ نٜىٰبُكَدْنٜىٰزَّرْ غَمٜىٰدَ مَڢَرْكِنْسَ عَكَنْ بَبَّنْ إِتَاثٜىٰ

¹ وَسِيڧَ دَغَ سَرْكِے نٜىٰبُكَدْنٜىٰزَّرْ ذُوَاغَ دُكَنْ ڧَبِيلُ دَ أَلْعُمَّيْ دَ مَاسُ يَرٜىٰ دَبَمْ دَبَمْ وَطَنْدَ سُكٜىٰ كُواْعِنَ عَدُونِيَا؞ بَرِ سَلَمَ عَيَلْوَثٜىٰ تَكَسَنْثٜىٰ أَغَرٜىٰكُ!‏

² نَغَ يَيِݣَوْ إِنْ سَنَرْ مُكُ دَ عَلَمُ دَ أَيُّكَنْ بَنْ مَامَاكِ وَطَنْدَ اللَّهْ مَڢِے طَوْكَكَ يَيِ مِنِ؞

³ إِنَا مِصَالِنْ عَلَمُنْسَ دَ أَيُّكَنْسَ مَاسُ بَنْ مَامَاكِ!‏ مُلْكِنْسَ مُلْكِ نٜىٰ نَهَرْ أَبَدَا، إِيكُوانْ مُلْكِنْسَ دَغَ ڟَارَا ذُوَا ڟَارَا نٜىٰ!‏

⁴ نِے نٜىٰبُكَدْنٜىٰزَّرْ إِنَ ثِكِنْ غِدَانَ، ثِكِنْ جِنْ دَاطِے دَ ݣُونْثِيَرْ رَيْ؞

⁵ أَنَانً، وَنِ دَرٜىٰ سَيْ نَيِ مَڢَرْكِ وَنْدَ يَبَا نِے ڟُواْرُواْ مَيْ ڟَنَنِ؞ سَعَدَّ نَكٜىٰ ݣُونْثٜىٰ أَغَدُواْنَ، تُنَانِنْدَ نَيِ دَ رُعُيُواْيِنْدَ نَغَنِ سُنْ سَا نَڢِرْغِتَ؞

⁶ سَبُواْدَ وَنَّنْ سَيْ نَكَڢَ عُمَرْنِ ثٜىٰوَ عَكِرَوُاْ مِنِ دُكَنْ مَاسُ حِكِمَ نَ بَابِيلَ دُواْمِنْ سُسَنَرْ مِنِ مَعَنَرْ وَنَّنْ مَڢَرْكِ؞

⁷ سَيْ مَاسُ دَبُواْ دَ مَاسُ سِحِرِ دَ ڠُونَيٜىٰنْ ڟَاڢِ دَ مَاسُ يِنْ دُوبَادَ تَوْرَرِ سُكَذُواْ، نَكُوَ ڢَطَا مُسُ مَڢَرْكِنْ، عَمَّا بَسُ عِيَ ڢَطَا مِنِ مَعَنَرْسَبَ؞

⁸ دَغَ بَايَ سَيْ وَنِ سَوْرَيِ مَيْ سُونَ دَانِيٜىٰلْ يَشِغُواْ؞ وَنَّنْ دَانِيٜىٰلْ كُوَ أَنْكُمَ سَنْ شِ دَ سُونَ بٜىٰلْتٜىٰشَظَّرْ، وَتُواْ سُونَنْ اللَّهْ‌نَ؞ شِے مُتُمْ نٜىٰ ثِكٜىٰ دَ رُوحٌ أَلُّواْلِ مَاسُ ڟَرْكِے؞ نَا كُوَ ڢَطَا مَسَ مَڢَرْكِنْدَ نَيِ، نَثٜىٰ،

⁹ ‏«‏يَا بٜىٰلْتٜىٰشَظَّرْ، شُوغَبَنْ مَاسُ دَبُواْ، تُنْدَيَكٜىٰ نَسَنْ رُوحٌ أَلُّواْلِ مَاسُ ڟَرْكِے يَنَ عَثِكِنْكَ، بَا وَنِ أَسِيرِنْ دَ ذَيْڢِ ڧَرْڢِنْ غَانٜىٰوَرْكَ؞ غَا مَڢَرْكِنْدَ نَيِ، سَيْ كَبَيَّنَ مِنِ مَعَنَرْسَ؞

¹⁰ ‏«‏غَا رُعُيَرْدَ نَغَنِ سَعَدَّ نَكٜىٰ ݣُونْثٜىٰ أَغَدُواْنَ؞ إِنَ كَلُّواْ، سَيْ نَغَ وَنِ إِتَاثٜىٰ أَڟَكِيَرْ دُونِيَا؞ إِتَاثٜىٰنْ كُوَ يَنَدَ ڟَيِ ڨُورَيْ؞

¹¹ إِتَاثٜىٰنْ يَيِ تَغِرْمَ، يَيِ ڧَرْڢِے حَرْ ڟَيِنْسَ يَكَيْ سَمَ، يَدَّ أَنَ عِيَ غَنِنْسَ دَغَ كُواْعِنَ عَدُونِيَا؞

¹² غَنْيٜىٰنْسَ مَاسُ ݣَنْ غَنِ نٜىٰ، كُمَ یَیَنْسَ سُنَانَنْ دَيَوَ، حَرْ سُنَ ثِيَرْدَ كُواْوَ دَ كُواْوَ؞ نَمُواْمِنْ دَاجِ سُنَ سَامُنْ إِنُوَ عَڧَرْڧَشِنْسَ، ڟُنْڟَيٜىٰنْ سَرَرِنْ سَمَ كُمَ سُنَ ذَمَ أَ رَسَّنْسَ؞ دُكَنْ مَاسُ رَيْ، أَغَرٜىٰشِ سُكٜىٰ سَامُنْ عَبِنْثِ؞

¹³ ‏«‏عَثِكِنْ وَنَّنْ رُعُيَرْدَ نَغَنِ سَعَدَّ نَكٜىٰ ݣُونْثٜىٰ أَغَدُواْ، سَيْ كُمَ غَ وَنِ مَلاَىِٕكَ مَيْ ڟَرْكِے، طَنْ سِنْتِرِ يَنَ سَوْكُواْوَ دَغَ سَمَ؞

¹⁴ سَيْ يَيِ كِرَا دَ بَبَّرْ مُرْيَ يَثٜىٰ، ‏‹‏أَ سَارٜىٰ إِتَاثٜىٰنْ، عَيَيَّنْكَ رَسَّنْسَ، عَثِثِّرٜىٰ غَنْيٜىٰنْسَ كَكَڢْ، أَوَرْوَاڟَرْدَ یَیَنْسَ؞ أَ سَا نَمُواْمِنْ دَاجِ سُغُدُ دَغَ ڧَرْڧَشِنْسَ، ڟُنْڟَيٜىٰ كُمَ سُتَاشِ دَغَ رَسَّنْسَ؞

¹⁵ عَمَّا عَبَرْ تُوشٜىٰنْ دَ سَيْوُاْيِنْسَ عَڧَسَا؞ سَيْ أَطَطَّوْرٜىٰشِ دَ سَرْڧَرْ بَڧِنْ ڧَرْڢٜىٰ دَ تَغُلَّ، عَبَرْ شِ ثِكِنْ طَنْيَرْ ثِيَوَ؞ بَرِ رَٻَ تَيِ تَجِڧٜىٰشِ، كُمَ يَيِ تَثِنْ ثِيَوَ تَرٜىٰدَ نَمُواْمِنْ دَاجِ؞

¹⁶ بَرِ أَرَبَشِ دَ حَنْكَلِ إِرِنْ نَمُتَنٜىٰ، عَبَاشِ إِرِنْ نَدَبَّ؞ ذَيْ ذَوْنَ أَوَنَّنْ حَلِ حَرْ ڟَوُانْ لُواْكَثِ بَݣَويْ؞

¹⁷ وَنَّنْ شِينٜىٰ حُكُنْثِنْ دَ یَنْ سِنْتِرِ سُكَ ڢَطَا، شِينٜىٰ مَتَاكِنْ دَ مَاسُ ڟَرْكِے سُكَ عُمَرْتَ، دُواْمِنْ دُكَنْ مَاسُ رَيْ سُسَنِ مَڢِے طَوْكَكَ شِينٜىٰ يَنَ مُلْكِ عَكَنْ دُكَنْ یَنْ أَدَمْ؞ شِينٜىٰ يَكَنْ بَادَ مُلْكِ غَ وَنْدَ يَغَ دَامَ، كُمَ يَكَنْ عِيَسَا تَلَكَ يَذَمَ سَرْكِے؞›‏ »‏

¹⁸ سَيْ سَرْكِے نٜىٰبُكَدْنٜىٰزَّرْ يَثٜىٰ ‏«‏وَنَّنْ شِينٜىٰ مَڢَرْكِنْ دَنِے نَا يِ؞ كَيْ كُمَ بٜىٰلْتٜىٰشَظَّرْ، سَيْ كَڢَطَا مِنِ مَعَنَرْسَ، غَمَا دُكَنْ مَاسُ حِكِمَ نَثِكِنْ مُلْكِنَ بَسُ عِيَ ڢَطَا مِنِ مَعَنَرْسَبَ؞ عَمَّا كَيْ ذَاكَ عِيَ، غَمَا رُوحٌ أَلُّواْلِ مَاسُ ڟَرْكِے يَنَ ثِكِنْكَ؞»‏

مَعَنَرْ مَڢَرْكِنْ دَ ثِكَاوَرْسَ

¹⁹ سَيْ دَانِيٜىٰلْ وَنْدَ عَكَ كُمَ سَنْ شِ دَ سُونَ بٜىٰلْتٜىٰشَظَّرْ، يَڟَيَ شِضُ نَطَنْ لُواْكَثِ أَ ضِكِثِے سَبُواْدَ تُنَانِنْسَ يَبَا شِ ڟُواْرُواْ؞ سَيْ سَرْكِے يَثٜىٰ مَسَ ‏«‏بٜىٰلْتٜىٰشَظَّرْ، كَدَ كَبَرْ مَڢَرْكِنْ كُواْ مَعَنَرْسَ يَبَاكَ ڟُواْرُواْ؞»‏ سَيْ بٜىٰلْتٜىٰشَظَّرْ يَأَمْسَ يَثٜىٰ ‏«‏يَا مَيْغِرْمَ، بَرِ اللَّهْ يَسَا مَڢَرْكِنَّنْ دَ مَعَنَرْسَ سُذَمَ عَكَنْ أَبُواْكَنْ غَابَنْكَ!‏

²⁰ كَغَا وَنِ إِتَاثٜىٰ وَنْدَ يَيِ غِرْمَ يَيِ ڧَرْڢِے حَرْ ڟَيِنْسَ يَكَيْ سَمَ، حَرْ أَنَ عِيَ غَنِنْسَ دَغَ كُواْعِنَ عَدُونِيَا؞

²¹ يَنَ دَ غَنْيٜىٰ مَاسُ ݣَوْ، یَیَنْسَ سُنَانَنْ دَيَوَ حَرْ سُنَ ثِيَرْدَ كُواْوَ دَ كُواْوَ؞ نَمُواْمِنْ دَاجِ سُنَ سَامُنْ إِنُوَ عَڧَرْڧَشِنْسَ، ڟُنْڟَيٜىٰ كُمَ سُنَ ذَمَ أَ رَسَّنْسَ؞

²² يَا سَرْكِے، كَيْنٜىٰ وَنَّنْ إِتَاثٜىٰ؞ كَيْ نٜىٰ كَيِ غِرْمَ، كَيِ ڧَرْڢِے، غِرْمَنْكَ يَكَيْ حَرْ سَمَ، مُلْكِنْكَ كُمَ يَكَيْ كُواْعِنَ عَدُونِيَا؞

²³ ‏«‏يَا سَرْكِے، سَعَدَّ كَكٜىٰ كَلُّواْ، سَيْغَا وَنِ مَلاَىِٕكَ مَيْ ڟَرْكِے، طَنْ سِنْتِرِ يَنَ سَوْكُواْوَ دَغَ سَمَ؞ يَنَ ثٜىٰوَ ‏‹‏أَ سَارٜىٰ إِتَاثٜىٰنَّنْ، أَ هَلَّكَ شِ، عَمَّا عَبَرْ تُوشٜىٰنْ دَ سَيْوُاْيِنْسَ ثِكِنْ ڧَسَا؞ أَ طَطَّوْرٜىٰ دَ سَرْڧَرْ بَڧِنْ ڧَرْڢٜىٰ دَ تَغُلَّ، عَبَرْ شِ أَطَنْيَرْ ثِيَوَ؞ بَرِ رَٻَ تَيِ تَجِڧٜىٰشِ، يَذَوْنَ تَرٜىٰدَ نَمُواْمِنْ دَاجِ حَرْ ڟَوُانْ لُواْكَثِ بَݣَويْ؞›‏

²⁴ ‏«‏غَا مَعَنَرْسَ، يَا سَرْكِے!‏ وَنَّنْ نٜىٰ عُمَرْنِنْ دَ مَڢِے طَوْكَكَ يَكَڢَ، ذَيْ ڢَاطُواْ وَ مَيْغِرْمَنَ سَرْكِے نٜىٰ؞

²⁵ ذَاعَكُواْرٜىٰكَ دَغَ ثِكِنْ مُتَنٜىٰ ذُوَا دَاجِ، ذَاكَ ذَوْنَ تَرٜىٰدَ نَمُواْمِنْ دَاجِ؞ ذَاكَ كَسَنْثٜىٰ حَكَ نَڟَوُانْ لُواْكَثِ بَݣَويْ، كَنَ ثِنْ ثِيَوَ كَمَرْ بِجِمِ، رَٻَ تَنَ جِڧٜىٰكَ؞ سَعَنً ذَاكَ سَنِ مَڢِے طَوْكَكَ نٜىٰ يَكٜىٰ مُلْكِ عَكَنْ یَنْ أَدَمْ، يَكَنْ كُمَ بَادَ مُلْكِ غَ وَنْدَ يَغَ دَامَ؞

²⁶ كَمَرْ يَدَّ عَكَ عُمَرْتَ عَبَرْ تُوشٜىٰنْ إِتَاثٜىٰنْ دَ سَيْوُاْيِنْسَ، حَكَنَنْ ذَاعَ تَبَّتَرْ مَكَ دَ مُلْكِنْكَ دَغَ لُواْكَثِنْدَ كَڢَارَ سَنِ ثٜىٰوَ مَيْ سَمَ نٜىٰ يَكٜىٰ مُلْكِ؞

²⁷ سَبُواْدَ حَكَ، يَا سَرْكِے، سَيْ كَكَرْٻِ شَوَرَاتَ، كَدَيْنَ ذُنُبَنْكَ كَيِ أَدَلْثِے؞ كَبَرْ مُغُنْتَارْكَ تَوُرِنْ عَيْكَتَ أَلْحٜىٰرِ غَ وَطَنْدَ عَكٜىٰيِ مُسُ دَنِّيَ؞ وَتَڧِيلَ ذَاعَ ڧَارَ ڟَوُانْ ذَمَنْكَ ثِكِنْ سَلَمَ؞»‏

²⁸ دُكَنْ أَبُبُوَنْ دَ دَانِيٜىٰلْ يَڢَطَا، سُنْ ڢَرُ دَ سَرْكِے نٜىٰبُكَدْنٜىٰزَّرْ؞

²⁹ أَنَانً بَايَنْ وَتَا غُواْمَشَا بِيُ، سَعَدَّ سَرْكِے يَكٜىٰ ذَاغَيَ عَكَنْ رُڢِنْ غِدَنْسَ عَ بَابِيلَ،

³⁰ سَيْيَثٜىٰ ‏«‏أَشٜىٰ، بَوَنَّنْ عِتَثٜىٰ بَابِيلَ بَبَّ وَدَّ نِے دَكَيْنَ نَغِنَ دَ ڧَرْڢِنْ إِيكُواْنَبَ؟ بَنِينٜىٰ نَا غِنَتَ دُواْمِنْ تَذَمَ غِدَنْ مُلْكِنَبَ؟ بَنِينٜىٰ نَا غِنَتَ دُواْمِنْ دَرَجَرْ طَوْكَكَتَبَ؟»‏

³¹ كَاڢِنْ سَرْكِے يَرُڢٜىٰ بَاكِ، سَيْغَا مُرْيَ دَغَ سَمَ تَنَثٜىٰوَ ‏«‏يَا سَرْكِے نٜىٰبُكَدْنٜىٰزَّرْ دَكَيْ عَكٜىٰ مَغَنَ!‏ يَنْذُ إِيكُوانْ مُلْكِنْكَ يَرَبُ دَكَيْ!‏

³² ذَاعَكُمَ كُواْرٜىٰكَ دَغَ ثِكِنْ مُتَنٜىٰ ذُوَا دَاجِ، ذَاكَ ذَوْنَ تَرٜىٰدَ نَمُواْمِنْ دَاجِ؞ ذَاكَ كَسَنْثٜىٰ حَكَ نَڟَوُانْ لُواْكَثِ بَݣَويْ، كَنَ ثِنْ ثِيَوَ كَمَرْ بِجِمِ؞ سَعَنً ذَاكَسَنِ ثٜىٰوَ مَڢِے طَوْكَكَ نٜىٰ يَكٜىٰ مُلْكِ عَكَنْ یَنْ أَدَمْ، يَكَنْ كُمَ بَادَ مُلْكِ غَ وَنْدَ يَغَ دَامَ؞»‏

³³ نَنْ دَنَنْ سَيْ أَبِنْدَ عَكَ ڢَطَا عَكَنْ نٜىٰبُكَدْنٜىٰزَّرْ يَثِكَ؞ عَكَ كُواْرٜىٰشِ دَغَ ثِكِنْ مُتَنٜىٰ ذُوَا دَاجِ؞ يَشِغَ ثِنْ ثِيَوَ كَمَرْ بِجِمِ؞ جِكِنْسَ يَجِڧٜىٰ دَ رَٻَ، حَرْ غَاشِنْسَ يَيِ ڟَوُاْ كَمَرْ غَاشِنْ غَغَّڢَ، ڧُمْبَرْسَ كُمَ سُكَيِ ڟَوُاْ كَمَرْ نَڟُنْڟُ؞

ڧَرْشٜىٰنْ شَيْدَرْ دَ نٜىٰبُكَدْنٜىٰزَّرْ يَبَايَرْ

³⁴ عَڧَرْشٜىٰنْ ݣُونَكِنَّنْ، سَيْ نِے نٜىٰبُكَدْنٜىٰزَّرْ، نَطَغَ عِدُواْ سَمَ، سَيْ حَنْكَلِنَ يَكُواْمُواْ مِنِ؞ نَكُوَ غِرْمَمَ مَڢِے طَوْكَكَ، نَيَبٜىٰشِ، نَغِرْمَمَشِ، شِے وَنْدَ يَكٜىٰ رَايٜىٰ حَرْ أَبَدَا؞ غَمَا مُلْكِنْسَ مُلْكِنٜىٰ نَهَرْ أَبَدَا، مُلْكِنْسَ دَغَ ڟَارَا ذُوَا ڟَارَنٜىٰ؞

³⁵ دُكَنْ مَذَوْنَنْ دُونِيَا بَعَبَاكِنْ كُواْمٜىٰ سُكٜىٰ أَغَرٜىٰشِيبَ؞ يَكَنْيِ يَدَّ يَغَ دَامَ دَ حَلِتُّنْ سَمَ، يَكُمَيِ يَدَّ يَغَ دَامَ دَ مَذَوْنَنْ دُونِيَا؞ بَا مَيْ هَنَشِ، بَا مَيْثٜىٰمَسَ، ‏«‏مٜىٰ كَكٜىٰيِ؟»‏

³⁶ أَوَنَّنْ لُواْكَثِ كُوَ، سَيْ حَنْكَلِنَ يَكُواْمُواْ مِنِ، سَيْ عَكَ مَيَرْ مِنِ دَ غِرْمَنَ دَ دَرَجَتَ دُواْمِنْ طَوْكَكَرْ مُلْكِنَ تَدَاوُاْ؞ مَاسُ بَانِ شَوَرَا دَ دَتَّاوَنَ سُكَ نٜىٰمُواْنِ؞ بَنْدَ حَكَمَا، عَكَ مَيَرْ مِنِ دَ إِيكُوانْ مُلْكِنَ عَكَ كُمَ ڧَارَ مِنِ غِرْمَ ڢِيٜىٰدَ نَدَا؞

³⁷ يَنْذُ نِے نٜىٰبُكَدْنٜىٰزَّرْ، إِنَ يَبُوانْ سَرْكِنْ سَمَ، إِنَ طَوْكَكَاشِ، إِنَ كُمَ غِرْمَمَشِ!‏ دُكَنْ أَيُّكَنْسَ دَيْدَيْنٜىٰ، دُكَنْ هَنْيُواْيِنْسَ كُمَ غَسْكِيَ نٜىٰ!‏ يَنَ دَ إِيكُواْ يَڧَسْڧَنْتَرْ دَ وَطَنْدَ سُكٜىٰ تَڢِيَ ثِكِنْ غِرْمَنْ كَيْ؞