دَانِيٜىٰلْ 12 - أَتَّوْرَتْ دَ أَنَّبَاوَا

ݣُونَكِنْ ڧَرْشٜىٰ

¹ مَيْ كَمَنِّنْ طَنْ أَدَمْ يَثِيغَبَدَ مَغَنَ يَثٜىٰ ‏«‏أَوَنَّنْ لُواْكَثِ مِيكَآءِيلُ، مَلاَىِٕكَ شُوغَبَنْ جَمَعَرْكَ ذَيْ تَاشِ يَطَوْكِ مَتَاكِ؞ ذَاعَيِ ݣُونَكِنْ عَذَابَ إِرِ وَدَّ بَعَتَٻَيِبَ تُنْدَ عَكَيِ دُونِيَا؞ عَمَّا أَ لُواْكَثِنْ، ذَاعَ كُٻُتَرْ دَ جَمَعَرْكَ، دُكْ وَنْدَ عَكَ رُبُوتَ سُونَنْسَ عَثِكِنْ لِتَّڢِنْ؞

² دَ يَوَ دَغَ ثِكِنْ وَطَنْدَ سُكَيِ بَرْثِ ثِكِنْ ڧُورَرْ ڧَسَا ذَاسُ تَاشِ، وَطَنْسُ ذُوَا رَيْ مَدَوَّمِ، وَطَنْسُ كُوَ ذُوَا كُنْيَا دَ مَدَوَّمِنْ ڧَسْڧَنْثِ؞

³ وَطَنْدَ سُكٜىٰ دَ حِكِمَ ذَاسُ حَصْكَكَ كَمَرْ سَرَرِنْ سَمَ، وَطَنْدَ كُمَ سُكَسَا مُتَنٜىٰ سُكَ جُويَا ذُوَا رَايُوَرْ أَدَلْثِے، ذَاسُ حَصْكَكَ كَمَرْ تَوْرَرِ حَرْ أَبَدَا أَبَدِنْ؞

⁴ ‏«‏عَمَّا كَيْ دَانِيٜىٰلْ، سَيْ كَكُلّٜىٰ مَغَنَرْ، كَكُمَ رُڢٜىٰ لِتَّڢِنْ دَ هَاتِمِ حَرْ ذُوَا ݣُونَكِنْ ڧَرْشٜىٰ؞ مُتَنٜىٰ دَيَوَ ذَاسُيِ تَكَيْوَ دَ كَٰوُاْوَ، سُنَ نٜىٰمَنْ ڧَارُوَرْ سَنِ؞»‏

⁵ سَعَنً نِے دَانِيٜىٰلْ إِنَ ثِكِنْ كَلُّواْ، سَيْغَا وَطَنْسُ بِيُ أَڟَيٜىٰ، طَيَ أَوَنَّنْ غٜىٰڢٜىٰنْ كُواْغِنْ، طَيَ كُمَ أَوَنْثَنْ غٜىٰڢٜىٰ؞

⁶ طَيَنْسُ يَتَمْبَيِ مُتُمِنْ دَيَكٜىٰ سَنْيٜىٰ دَ رِغَرْ لِيلِنْ، وَنْدَ يَكٜىٰ عَبِسَنْ ضُوً كُواْغِنْ ‏«‏سَيْ يَوْشٜىٰ وَطَنَّنْ أَيُّكَنْ بَنْ مَامَاكِ ذَاسُ ڧَارٜىٰ؟»‏

⁷ مُتُمِنْ دَيَكٜىٰ سَنْيٜىٰ دَ رِغَرْ لِيلِنْ وَنْدَ يَكٜىٰ عَبِسَنْ ضُوً كُواْغِنْ، يَطَغَ حَنُّوَنْسَ بِيُ سَمَ؞ سَيْنَجِ يَرَنْڟٜىٰ دَ وَنْدَ يَكٜىٰ رَايٜىٰ حَرْ أَبَدَا ثٜىٰوَ ‏«‏ذَاعَيِ لُواْكَثِ طَيَ دَ لُواْكَتَيْ دَ رَبِنْ لُواْكَثِ؞ سَعَدَّ عَكَ رُشٜىٰ إِيكُوانْ جَمَعَ مَيْ ڟَرْكِے، دُكَنْ وَطَنَّنْ ذَاسُثِكَ؞»‏

⁸ نَجِ أَبِنْدَ يَڢَطَا، عَمَّا بَنْ غَانٜىٰبَ؞ سَيْ نَثٜىٰ ‏«‏يَا مَيْغِرْمَ، مٜىٰنٜىٰنٜىٰ ڧَرْشٜىٰنْ وَطَنَّنْ أَبُبُوَ؟»‏

⁹ سَيْ يَثٜىٰ ‏«‏يِ تَڢِيَرْكَ، دَانِيٜىٰلْ، غَمَا أَنْكُلّٜىٰ مَغَنَرْ، أَنْكُمَ رُڢٜىٰتَ دَ هَاتِمِ حَرْ ݣُونَكِنْ ڧَرْشٜىٰ؞

¹⁰ ذَاعَ تَثٜىٰ مُتَنٜىٰ دَيَوَ، عَكُمَ ڟَبْتَثٜىٰسُ، سُذَمَ مَرَسَ تَبُواْ، عَمَّا مُوغَيٜىٰ ذَاسُيِ تَعَيْكَتَ مُغُنْتَارْسُ؞ دَغَ ثِكِنْ مُوغَيٜىٰ، بَاوَنْدَ ذَيْ غَانٜىٰ، عَمَّا وَطَنْدَ سُكٜىٰ دَ حِكِمَ ذَاسُ غَانٜىٰ؞

¹¹ تُنْدَغَ لُواْكَثِنْ دَ ذَاعَ حَنَ مِيڧَ هَدَايَ تَڧُواْنَاوَا تَيَوْ دَ كُلُّمْ، عَكُمَ كَڢَ أَبِنْ ڧَظَنْتَا مَيْ كَٰوُاْ هَلَّكَرْوَ، ذَاعَيِ ݣُونَ دُبُو دَ طَرِے بِيُ دَ ثَسَعِنْ؞

¹² مَيْ أَلْبَرْكَ نٜىٰ دُكْ وَنْدَ يَجِمْرٜىٰ حَرْ يَكَيْ غَ ڧَرْشٜىٰنْ ݣُونَ دُبُو دَ طَرِے عُكُ دَ تَلَاتِنْ دَ بِيَرْ؞

¹³ ‏«‏عَمَّا كَيْ دَيْ، يِتَڢِيَرْكَ حَرْ ڧَرْشٜىٰ؞ ذَاكَيِ بَرْثِ، عَڧَرْشٜىٰنْ ݣُونَكِے كُوَ ذَاكَ تَاشِ كَكَرْٻِ نَاكَ رَبُوانْ غَادُواْ؞»‏