دَانِيٜىٰلْ 10 - أَتَّوْرَتْ دَ أَنَّبَاوَا

رُعُيَ غَمٜىٰدَ مَيْ سَنْيٜىٰ دَ رِغَرْ لِيلِنْ

¹ أَ شٜىٰكَرَا تَ عُكُ تَمُلْكٍ سَرْكِے سَيِرُسْ نَ ڢَٰشِيَ، سَيْ عَكَ بَيَّنَ سَڧُواْ وُرِنْ دَانِيٜىٰلْ وَنْدَ عَكٜىٰ كِرَنْسَ بٜىٰلْتٜىٰشَظَّرْ؞ سَڧُوانْ كُوَ غَسْكِيَ نٜىٰ، عَمَّا يَنَدَ وُيَرْ غَانٜىٰوَ؞ دَانِيٜىٰلْ كُوَ يَغَانٜىٰ سَڧُوانْ بَايَنْدَ يَسَامِ مَعَنَرْسَ ثِكِنْ رُعُيَ؞

² أَوَطَنَّنْ ݣُونَكِے، نِے دَانِيٜىٰلْ، إِنَبَڧِنْ ثِكِ إِنَ أَظُمِ غَمٜىٰدَ مُتَنٜىٰنَ حَرْ مَكُواْ عُكُ؞

³ عَثِكِنْ مَكُواْنَّنْ عُكُ، بَنْثِ وَنِ عَبِنْثِنْ دَ نَكٜىٰسُواْ بَ، بَلّٜىٰ إِنْثِ نَامَ كُواْ إِنْشَا ضُوً إِنَبِے، بَنْكُوَ شَاڢَ مَيْبَ؞

⁴ أَ رَانَ تَعَشِرِنْ دَ حُطُ غَ وَتَ نَڢَارِ، إِنَ ڟَيٜىٰ عَبَاكِنْ بَبَّنْ كُواْغِنْ تَيْغِرِسْ،

⁵ سَيْ نَطَغَ عِدُواْ، نَغَ وَنِ مُتُمْ سَنْيٜىٰ دَ رِغَرْ لِيلِنْ، أَبِنْ طَمَرَرْسَ كُمَ نَظَلَّرْ ظِينَارِيَ نٜىٰ؞

⁶ جِكِنْسَ يَنَ حَصْكَكَاوَا كَمَرْ دُوڟٜىٰ مَيْ دَرَجَ نَكِرِسُواْلَتْ، ڢُسْكَرْسَ كَمَرْ وَلْڧِيَ، عِدَنُونْسَ كُمَ كَمَرْ هَرْشٜىٰنْ وُتَا، حَنُّوَنْسَ دَ ڧَڢَاڢُنْسَ سُنَ ڨَلِّ كَمَرْ تَغُلَّرْ دَ عَكَغُواْغٜىٰ، ڧَارَرْ مُرْيَرْسَ كَمَرْ سُورُوتُنْ بَبَّنْ تَارُوانْ جَمَعَ؞

⁷ نِے دَانِيٜىٰلْ كَطَيْ نٜىٰ نَغَ رُعُيَرْ؞ كُواْدَيَكٜىٰ مُتَنٜىٰنْ دَسُكٜىٰ تَرٜىٰدَنِ بَسُغَ رُعُيَرْ بَ، دُكْدَهَكَ ڟُواْرُواْ مَيْ ڟَنَنِ يَكَامَسُ حَرْ سُكَ غُدُ، سُكَ ٻُيَ؞

⁸ عَكَبَرْنِ نِے كَطَيْ؞ نَاكُوَغَا وَنَّنْ بَبَّرْ رُعُيَرْ؞ سَيْ ڧَرْڢِينَ يَبَرْنِ، ڢُسْكَتَ تَثَنْجَ سُواْسَيْ، دُكْ جِكِينَ يَمُتُ؞

⁹ سَعَنً نَجِ ڧَارَرْ مُرْيَرْسَ؞ سَعَدَّ نَجِ ڧَارَرْ مُرْيَرْسَ، سَيْ نَڢَاطِ دَ ڢُسْكَتَ حَرْ ڧَسَا، بَرْثِ مَيْ ظُرْڢِ كُوَ يَݣُوشٜىٰنِ؞

¹⁰ سَيْغَا حَنُّ عَكَيْنَ، يَطَغَنِ يَسَانِ عَكَنْ ڠُوِوُاْيِنَ دَ حَنُّوَنَ عَڧَسَا؞

¹¹ سَيْ يَثٜىٰ مِنِ ‏«‏يَا دَانِيٜىٰلْ، كَيْ مَيْ دَرَجَ نٜىٰ سُواْسَيْ وَنْدَ اللَّهْ يَكٜىٰسُواْ، كَلُورَ دَ مَغَنَرْ دَ ذَنْ ڢَطَا مَكَ؞ كَمِيڧٜىٰ ڟَيٜىٰ، غَمَا أَوُرِنْكَ عَكَ عَيْكُواْ نِے؞»‏ سَعَدَّ يَكٜىٰ ثِكِنْ ڢَطِنْ وَنَّنْ مَغَنَ، سَيْ نَمِيڧٜىٰ ڟَيٜىٰ، إِنَ ضَوَرْ جِكِے؞

¹² سَيْ يَثٜىٰ مِنِ، ‏«‏كَدَ كَجِڟُواْرُواْ، دَانِيٜىٰلْ، غَمَا تُنْدَغَ رَانَرْدَ كَڢَارَسَا ذُوثِيَا غَ نٜىٰمَنْ غَانٜىٰوَ، كَكُمَ ڧَسْڧَنْتَرْ دَكَنْكَ أَغَبَنْ اللَّهْ نْكَ، أَنْجِ أَدُّعَرْكَ، كُمَ أَدُّعَرْكَ عِتَثٜىٰ دَلِيلِنْ ذُوَانَ وُرِنْكَ؞

¹³ عَمَّا شُوغَبَنْ ڧَسَرْ ڢَٰشِيَ يَيِ غَابَادَنِے حَرْ ݣُونَ عَشِرِنْ دَ طَيَ؞ عَمَّا مَلاَىِٕكَ مِيكَآءِيلُ، طَيَ دَغَ ثِكِنْ مَنْيَنْ شُوغَبَنِّ، يَذُواْ يَتَيْمَكٜىٰنِ، سَبُواْدَ عَكَ رِڧٜىٰنِ أَوُرِنْ تَرٜىٰدَ سَرَاكُنَنْ ڢَٰشِيَ؞

¹⁴ يَنْذُ نَذُواْ دُواْمِنْ إِنْسَا كَغَانٜىٰ أَبِنْدَ ذَيْڢَرُ دَ مُتَنٜىٰنْكَ نَنْ غَبَ عَڧَرْشٜىٰنْ ݣُونَكِے؞ غَمَا رُعُيَرْ تَشَاڢِ ݣُونَكِے نَنَنْ غَبَ؞»‏

¹⁵ سَعَدَّ يَكٜىٰ ڢَطَا مِنِ وَطَنَّنْ كَلْمُواْمِ، سَيْ نَسُنْكُيَرْ دَكَيْنَ ڧَسَا، نَيِ شِضُ، بَا مَغَنَ؞

¹⁶ سَيْغَا وَنِ مَيْ كَمَنِّنْ طَنْ أَدَمْ يَتَٻَ لٜىٰٻٜىٰنْ بَاكِنَ؞ سَعَنً نَ عِيَ سَاكٜىٰ بُوطٜىٰ بَاكِ، نَيِ مَغَنَ، نَثٜىٰ وَوَنْدَ يَكٜىٰ ڟَيٜىٰ أَغَبَنَ ‏«‏يَا مَيْغِرْمَ، سَبُواْدَ وَنَّنْ رُعُيَثٜىٰ ذَاڢِ يَكَامَنِ حَرْ ڧَرْڢِينَ يَڧَارٜىٰ؞

¹⁷ يَنْذُ يَا مَيْغِرْمَ، تَيَيَا نِے بَاوَنْكَ ذَنْعِيَ مَغَنَ دَكَيْ؟ يَنْذُ بَانِ دَ سَوْرَنْ ڧَرْڢِے، بَانِ كُمَ دَ سَوْرَنْ نُمْڢَشِ؞»‏

¹⁸ سَيْ وَنَّنْ مَيْ كَمَنِّنْ طَنْ أَدَمْ يَسَاكٜىٰ تَٻَنِ، يَكُوَ ڧَرْڢَڢَانِ؞

¹⁹ سَيْيَثٜىٰ ‏«‏يَا كَيْ مُتُمْ مَيْ دَرَجَ سُواْسَيْ، كَدَ كَجِڟُواْرُواْ؞ كَڧَرْڢَڢَ، كَيِ ڧَرْڢِنْ حَلِ!‏»‏ بَايَنْدَ يَيِ مَغَنَ دَنِے، سَيْ نَسَامِ ڧَرْڢَڢَاوَا نَثٜىٰ ‏«‏يَنْذُ بَرِ مَيْغِرْمَ يَيِ مَغَنَ، غَمَا كَارِغَا كَا ڧَرْڢَڢَانِ؞»‏

²⁰ شِے كُوَ يَثٜىٰ، ‏«‏كَسَنْ دَلِيلِنْ ذُوَانَ وُرِنْكَ؟ يَنْذُ ذَنْ كُواْمَ إِنْيِ يَاڧِ دَ شُوغَبَنْ ڧَسَرْ ڢَٰشِيَ؞ سَعَدَّ نَثِنَصَرَا عَكَنْسَ، شُوغَبَنْ ڧَسَرْ هٜىٰلَّسْ شِے مَا ذَيْتَاسُواْ؞

²¹ بَاوَنْدَ ذَيْ تَيْمَكٜىٰنِ يَاڧِ دَ وَطَنَّنْ، سَيْدَيْ مَلاَىِٕكَ مِيكَآءِيلُ شُوغَبَنْ جَمَعَرْكَ؞ دُكْدَهَكَ بَرِ إِنْڢَطَا مَكَ أَبِنْدَ يَكٜىٰ أَرُبُوثٜىٰ أَ لِتَّڢِنْ غَسْكِيَ؞»‏