كُواْلُواْسِيَاوَا 3 - أَتَّوْرَتْ دَ أَنَّبَاوَا

طَوْكَرْ حَلِنْدَ عَكَ سَابُنْتَا

¹ تُنْدَيَكٜىٰ اللَّهْ يَتَادَكُو دَ رَيْ تَرٜىٰدَ أَلْمَسِيحُ، سَيْ كُسَا عِدُواْ عَكَنْ أَبُبُوَنَّنْ دَسُكٜىٰ سَمَ، عِنْدَ أَلْمَسِيحُ يَكٜىٰ، يَنَ كُوَ أَ ظَوْنٜىٰ أَ حَنُّنْ دَامَ نَ اللَّهْ؞

² كُسَا تُنَانِنْكُ عَكَنْ أَبُبُوَنْ دَسُكٜىٰ نَسَمَ، كَدَ كُدَامُ دَ أَبُبُوَنْ دُونِيَرْ نَنْ؞

³ غَمَا كُنْ رِغَا كُنْ مُتُ، رَنْكُ كُوَ يَنَ عَٻُواْيٜىٰ تَرٜىٰدَ أَلْمَسِيحُ ثِكِنْ اللَّهْ؞

⁴ سَعَدَّ أَلْمَسِيحُ، وَنْدَ شِينٜىٰ رَنْ نَاكُ، يَبَيَّنَ، سَيْ كُو مَا كُبَيَّنَ تَرٜىٰ دَشِ ثِكِنْ طَوْكَكَرْسَ؞

⁵ سَبُواْدَ حَكَ، سَيْ كُكَشٜىٰ حَلِنْ شَعَوَثٜىٰ شَعَوَثٜىٰنْ دُونِيَا أَ ذُوثِيَارْكُ، وَتُواْ إِسْكَنْثِ دَ عَيْكِنْ لَلَتَ دَ مُوغُوَرْ شَعَوَ دَ مُوغُنْ حَلِ دَ كُمَ ݣُوطَيِ، وَنْدَ شِے مَا بَوْتَرْ غُمَكَ نٜىٰ؞

⁶ سَبُواْدَ إِرِنْ هَلَيٜىٰنَّنْ نٜىٰ ڢُشِنْ اللَّهْ يَكٜىٰ سَوْكُواْوَ عَكَنْ مَرَسَ بِيَيَّ؞

⁷ دَا كُو دَ كَنْكُ كُنَ تَڢِيَ عَثِكِنْ وَطَنَّنْ هَلَيٜىٰ، سَعَدَّ كُكٜىٰ رَايُوَا عَثِكِنْسُ؞

⁸ عَمَّا يَنْذُ دُواْلٜىٰنٜىٰ كُرَبُ دَ دُكَنْ إِرِنْ هَلَيٜىٰنَّنْ؞ كُبَرْ يِنْ ڢُشِے دَ ذَاڢِنْ رَيْ دَ ڧِيَيَّرْ ذُوثِيَا دَ ٻَاتَ سُونَ دَ مَغَنَرْ ڧَظَنْتَادَغَ بَاكِنْكُ؞

⁹ كَدَ كُيِ وَجُونَ ڧَضْيَا دَيَكٜىٰ كُنْ رِغَا كُنْ كَوَرْدَ حَلِنْكُ نَدَا دَ أَيُّكَنْسَ،

¹⁰ حَرْ كُنْ طَوْكِ سَابُوانْ حَلِنَّنْ، وَنْدَ عَكٜىٰ سَابُنْتَاوَا غَ سَنِ بِسَغَ كَمَنِّنْ مَحَلِثِّنْسَ؞

¹¹ دَيَكٜىٰ كُنْ سَامِ سَابُوانْ حَلِ، بَابُ سَوْرَنْ بَمْبَنْثِ ڟَكَانِنْكُ كٜىٰنَنْ دَ يَهُودَاوَا دَ وَطَنْدَ بَا يَهُودَاوَا بَ دَ مَيْ كَاثِيَ دَ مَرَرْ كَاثِيَ دَ مَيْ طَنْيٜىٰنْ حَلِ دَ مُتُمِنْ ڧَوْيٜىٰ دَ بَاوَ دَ مَيْ یَنْثِ، دُكَنْسُ طَيَ نٜىٰ غَمَا أَلْمَسِيحُ شِينٜىٰ كُواْمٜىٰ، شِينٜىٰ كُمَ يَكٜىٰ ثِكِنْمُ دُكَ؞

¹² اللَّهْ يَذَاٻٜىٰكُ دُواْمِنْ كُذَمَ مُتَنٜىٰنْسَ مَاسُ ڟَرْكِے وَطَنْدَ يَكٜىٰ ڧَوْنَ ڨُورَيْ؞ سَبُواْدَ حَكَ، سَيْ كُطَوْكِ حَلِ نَجِنْ تَوْسَيِنْ جُونَ، كُنَ يِنْ أَلْحٜىٰرِ، كُنَ نُونَ تَوَلِعُ دَ سَوْڧِنْ كَيْ دَ جِمْرٜىٰوَ،

¹³ كُنَ تَ يِنْ حَڧُرِ دَ جُونَ؞ عِدَنْ كُمَ وَنِ عَثِكِنْكُ يَيِ وَوَنِ لَيْڢِے، كُغَاڢَرْتَا مَسَ، كَمَرْ يَدَّ عُبَنْ‌غِجِ يَغَاڢَرْتَا مُكُ ذُنُبَنْكُ، حَكَمَا كُو مَا كُغَاڢَرْتَا وَ جُونَ؞

¹⁴ ڢِيٜىٰ دَ وَطَنَّنْ، كُطَوْكِ حَلِنْ ڧَوْنَ، غَمَا ڧَوْنَ ثٜىٰ تَكٜىٰ طَوْرَ دُكَنْ كُواْمٜىٰ ثِكِنْ ثِكَكِّيَرْ طَيَنْتَكَ؞

¹⁵ بَرِ سَلَمَ تَ أَلْمَسِيحُ تَيِ مُلْكِ أَ ذُوثِيَارْكُ، غَمَا سَبُواْدَ سَلَمَرْ نَنْ ثٜىٰ اللَّهْ يَكِرَاكُ ثِكِنْ جِكِے طَيَ، كُكُمَ كَسَنْثٜىٰ مَاسُ غُواْدِيَ؞

¹⁶ بَرِ مَغَنَرْ أَلْمَسِيحُ تَكَسَنْثٜىٰ أَ ذُوثِيَارْكُ عَيَلْوَثٜىٰ، كُنَ كُواْيَ وَ جُونَ، كُنَيِ وَجُونَ غَرْغَطِے دَ دُكَنْ حِكِمَ، كُنَ رٜىٰرَ وَاڧُواْڧِنْ زَبُورَا دَ نَيَبُوانْ اللَّهْ، كُنَ رٜىٰرَ وَاڧُواْڧِنْ دَ رُوحُ يَڧِرْڧِرُواْ، كُنَ رٜىٰرَاوَ دَ غُواْدِيَ أَذُوثِيَارْكُ؞

¹⁷ عَكُواْوَنٜىٰ أَبِنْدَ كُكٜىٰيِ، ثِكِنْ مَغَنَ كُواْ أَيُّكَ، كُيِشِ عَثِكِنْ سُونَنْ عُبَنْ‌غِجِ عِيسَىٰ، كُنَ غُواْدٜىٰ وَ اللَّهْ عُبَا تَوُرِنْسَ؞

ذَمَنْ دَ يَدَاثٜىٰ غَ عِيَلِ

¹⁸ كُو مَتَنْ عَوْرٜىٰ، كُمِيڧَ كَنْكُ غَ مَذَنْكُ كَمَرْ يَدَّ يَدَاثٜىٰ ثِكِنْ عُبَنْ‌غِجِ؞

¹⁹ كُو مَظَا كُمَ كُڧَوْنَثِ مَاتَنْكُ؞ كَدَ كُنُونَ مُسُ حَلِ مَرَرْ تَوْسَيِ؞

²⁰ كُو يَارَا، كُيِ وَ إِيَايٜىٰنْكُ بِيَيَّ ثِكِنْ كُواْوَنٜىٰ أَبُ، غَمَا وَنَّنْ يَكَنْ ڢَرَنْتَاوَا عُبَنْ‌غِجِ رَيْ؞

²¹ كُو عُبَنِّ، كَدَ كُمَاڟَ وَيَارَنْكُ لَمْبَ، دُواْمِنْ كَدَ سُڢِدَّ ذُوثِيَا؞

²² كُو بَايِ، كُيِ بِيَيَّ غَ إِيَايٜىٰنْ‌غِجِنْكُ نَدُونِيَا ثِكِنْ كُواْمٜىٰ؞ كَدَ كُيِ عَيْكِنْ غَنِنْ عِدُواْ كَمَرْ مَاسُ سُوانْ ڢَرَنْتَ وَمُتَنٜىٰ رَيْ، أَمَيْمَكُوانْ حَكَ، كُيِ عَيْكِ دَ ذُوثِيَا طَيَ، كُنَ ڟُواْرُوانْ عُبَنْ‌غِجِ؞

²³ دُكْ أَبِنْدَ كُكٜىٰيِ، كُيِشِ دَ دُكَنْ ذُوثِيَارْكُ كَمَرْ غَ عُبَنْ‌غِجِ نٜىٰ كُكٜىٰيِوَ، بَ غَ مُتُمْبَ،

²⁴ تُنْدَيَكٜىٰ كُنْ سَنِ ثٜىٰوَ عُبَنْ‌غِجِ ذَيْبَاكُ غَادُواْ وَنْدَ يَكٜىٰ لَادَنْكُ؞ غَمَا عُبَنْ‌غِجِ أَلْمَسِيحُ نٜىٰ كُكٜىٰ بَوْتَاوَ!‏

²⁵ مَيْ عَيْكِنْ مُغُنْتَا كُوَ، ذَيْسَامِ لَادَنْ مُغُنْتَارْسَ، غَمَا بَابُ نُونَ بَمْبَنْثِ؞