كُواْلُواْسِيَاوَا 2 - أَتَّوْرَتْ دَ أَنَّبَاوَا

¹ غَمَا إِنَ سُواْ كُسَنْ إِرِنْ ڢَامَرْ دَنَكٜىٰيِ دُواْمِنْكُ دَ مُتَنٜىٰنْ دَسُكٜىٰ لَوُدِكِيَ دَ كُمَ دُكَنْ وَطَنْدَ بَسُ تَٻَ غَنِينَبَ؞

² سُواْنَ شِينٜىٰ ڧَوْنَ تَهَطَسُو، سُكُمَ سَامِ ڧَرْڢَڢَاوَا أَ ذُوثِيَارْسُ، دُواْمِنْ سُسَامِ وَدَتَرْ تَبَّتَاثِّيَرْ ڢَهِمْتَ، دُواْمِنْ سُكَيْ غَ سَنِنْ ظُرْڢِنْ أَسِيرِنْ اللَّهْ، وَتُواْ أَلْمَسِيحُ دَ كَنْسَ كٜىٰنَنْ؞

³ عَثِكِنْسَ نٜىٰ دُكَنْ دَرَجَرْ حِكِمَ دَ تَسَنِ سُكٜىٰ عَٻُواْيٜىٰ؞

⁴ إِنَ غَيَ مُكُ وَنَّنْ نٜىٰ دُواْمِنْ كَدَ وَنِ يَرُوطٜىٰكُ دَ مَغَنَرْ يَوْدَرَ؞

⁵ كُواْدَيَكٜىٰ أَجِكِے بَانَ نَنْ تَرٜىٰدَكُو، عَمَّا أَ رُوحُ إِنَانَنْ تَنَ تَرٜىٰدَكُو؞ إِنَڢَضٍ ثِكِ سُواْسَيْ دَ جِنْ يَدَّ كُكٜىٰ ڟَيٜىٰ دَرَمْ، كُنَ كُمَ دَاغٜىٰوَ ثِكِنْ بَنْ‌غَسْكِيَرْكُ ثِكِنْ أَلْمَسِيحُ؞

بِنْ أَلْمَسِيحُ يَكَٰوُاْ سَابُوَرْ رَايُوَا

⁶ تُنْدَ كُنْ يَرْدَ ثٜىٰوَ عِيسَىٰ أَلْمَسِيحُ شِينٜىٰ عُبَنْ‌غِجِنْكُ، سَيْ كُثِيغَبَدَ يِنْ تَڢِيَرْكُ عَثِكِنْسَ؞

⁷ كُنَ عِيَيِنْ حَكَ عِدَنْ كُنْ كَڢُ سُواْسَيْ عَثِكِنْسَ، كُنَ كُمَ غِنَا كَنْكُ عَتُوشٜىٰنَّنْ، كُمَ كُنَ ڟَيَاوَا عَكَنْ بَنْ‌غَسْكِيَرْكُ، كَمَرْ دَيْ يَدَّ مُكَ كُواْيَ مُكُ، كُنَ كُمَ يَلْوَتَ ثِكِنْ غُواْدِيَ؞

⁸ كُلُورَ ڢَا، كَدَ وَنِ يَكَامَ حَنْكَلِنْكُ تَوُرِنْ عِلِمٍ دُونِيَرْ نَنْ دَ كُمَ عِلِمٍ رُوطُ نَبَنْظَ، وَطَنْدَ سُكَ ڢِتُواْ دَغَ وُرِنْ أَلْعَادَرْ یَنْ أَدَمْ، بِسَغَ إِيكُوانْ رُوحُواْحِ نَدُونِيَا نٜىٰ، بَدَغَ أَلْمَسِيحُ بَ؞

⁹ غَمَا عَثِكِنْ أَلْمَسِيحُ نٜىٰ، دُكَنْ ثِكَرْ اللَّهْ نْتَكَ تَكٜىٰ ظَوْنٜىٰ أَجِكِنْسَ؞

¹⁰ حَكَ مَا عَثِكِنْسَ، كُنْ ذَمَ ثِكَكُّ، شِے وَنْدَ يَكٜىٰ مَيْ مُلْكِ عَكَنْ مُلْكُواْكِ دَ إِيكُواْكِ؞

¹¹ عَثِكِنْسَ نٜىٰ كُمَ عَكَيِ مُكُ كَاثِيَ، كَاثِيَ بَ إِرِنْ دَ عَكٜىٰيِ دَ حَنُّ بَ، عَمَّا كَاثِيَرْدَ أَلْمَسِيحُ نٜىٰ يَيِ مُكُ، تَوُرِنْ تُوٻٜىٰ مُكُ حَلِنْ مُتُنْتَكَ؞

¹² غَمَا سَعَدَّ عَكَيِ مُكُ بَڢْتِسْمَ دَيْدَيْنٜىٰ دَ بِنّٜىٰوَرْكُ تَرٜىٰدَ أَلْمَسِيحُ؞ عَثِكِنْ بَڢْتِسْمَ عَكَ كُمَ تَادَكُ تَرٜىٰدَ أَلْمَسِيحُ تَوُرِنْ بَنْ‌غَسْكِيَرْكُ غَ إِيكُوانْ اللَّهْ، وَنْدَ يَتَادَشِ دَغَ مَتَتُّو؞

¹³ أَ دَا كُو مَتَتُّو نٜىٰ سَبُواْدَ ذُنُوبِ، دَ كُمَ سَبُواْدَ رَشِنْ كَاثِيَرْكُ تَتُوٻٜىٰ حَلِنْكُ نَمُتُنْتَكَ، عَمَّا اللَّهْ يَتَادَكُو رَايَيُّ تَرٜىٰدَ أَلْمَسِيحُ، تُنْدَيَكٜىٰ يَيَاڢٜىٰمَنَ دُكَنْ ذُنُبَنْمُ؞

¹⁴ يَيِ وَنَّنْ تَوُرِنْ يَنْكٜىٰ إِغِيَرْ نَنْ تَرُبُوتَثِّيَرْ شَيْدَ عَكَنْمُ ثٜىٰوَ مُنْ كَرْيَ كُواْيَرْوَا دَ ڧَٰعِدُواْدِنْتَ؞ عَمَّا اللَّهْ يَكَوَرْدَ عِتَ، حَرْ أَنَ عِيَ ثٜىٰوَ يَكَڢٜىٰتَ دَ ڧُوسَ أَجِكِنْ غِثِّيٜىٰنْ أَلْمَسِيحُ؞

¹⁵ يَڨُوثٜىٰ كَايَنْ يَاڧِ نَمُلْكُواْكِ دَ إِيكُواْكِ، يَبَاسُ كُنْيَا أَ ڢِيلِ تَوُرِنْ ثِنْ نَصَرَا عَكَنْسُ عَكَنْ غِثِّيٜىٰ؞

بِنْ دُواْكُواْكِ بَيْ عِسَا بَ

¹⁶ سَبُواْدَ حَكَ، كَدَ كُبَرْ وَنِ يَبَاكُ لَيْڢِے عَكَنْ أَبِنْدَ كُكٜىٰثِ، كُواْ أَبِنْدَ كُكٜىٰشَا، كُواْ كُمَ عَكَنْ رَشِنْ كِيَايٜىٰوَرْ وَنِ بِكِ، كُواْ بِكٍ سَابُوانْ وَتَ، كُواْ هُوتُ أَ رَانَرْ هُوتُ تَمَكُواْ؞

¹⁷ وَطَنَّنْ أَبُبُوَ كَمَرْ حُواْتُواْ نٜىٰ كَوَيْ نَأَبِنْدَ ذَيْذُواْ، عَمَّا أَلْمَسِيحُ شِينٜىٰ عَيْنِحِنْ أَبِنْ؞

¹⁸ سَبُواْدَ حَكَ، كَدَ كُبَرْ وَنِ يَرَبَكُ دَ نَصَرَرْكُ تَوُرِنْ نَاثٜىٰوَ عَكَنْ حَنَ وَكَنْسُ جِنْ دَاطِے دُواْمِنْ نٜىٰمَنْ لَادَ دَ يِوَمَلاَىِٕكُ سُجَّدَ دَ دُواْغَضَ غَ غَنِنْ رُعُيُواْيِ دَ كُمَ طَغَ كَيْ بَابُ دَلِيلِ؞ ذُوثِيَارْسُ تَحَلِنْ مُتُنْتَكَ تَسَا سُيِ حَكَ؞

¹⁹ أَيْ، إِرِنْ وَنَّنْ مُتُمْ بَيْ مَنّٜىٰوَ أَلْمَسِيحُ بَ، وَنْدَ شِينٜىٰ كَيْ نَجِكِے؞ غَمَا شِے يَنَ رِڧٜىٰ دَ دُكَنْ جَمَعَرْ مَاسُبِے، وَتُواْ جِكِنْسَ، وَنْدَ يَكٜىٰ أَ حَطٜىٰ تَوُرِنْ غَٻُواْٻِ دَ جِجِيُواْيِ، يَنَ كُمَيِنْ غِرْمَ دَ غِرْمَنْ دَ اللَّهْ يَكٜىٰ سَاوَا؞

²⁰ غَاشِ، كُنْ مُتُ تَرٜىٰدَ أَلْمَسِيحُ، يَكُمَ یَنْتَرْ دَكُو دَغَ إِيكُواْكِنْ دُونِيَرْ نَنْ؞ دُوانْمٜىٰ كُكٜىٰيِنْ رَايُوَا كَمَرْ حَرْ يَنْذُ كُو نَدُونِيَا نٜىٰ؟ دُوانْمٜىٰ كُكٜىٰ مِيڧَ كَنْكُ غَ ڧَٰعِدُواْدِنْ دُونِيَرْ نَنْ، وَتُواْ،

²¹ كَمَرْ ڧَٰعِدُواْدِ مَاسُ ثٜىٰوَ ‏«‏كَدَ كَيِ أَمْڢَانِ دَ وَنَّنْ، كَدَ كَطَنْطَنَ، كَدَ كَتَٻَ؟»‏

²² إِرِنْ وَطَنَّنْ ڧَٰعِدُواْدِ كُوَ سُنْ شَاڢِ أَبُبُوَنْ دَ ذَاسُ ضُٻَ نٜىٰ، سَبُواْدَ أَنْكَڢَ سُونٜىٰ بِسَغَ ڧَٰعِدُواْدِ دَ كُواْيَرْوَرْ مُتُمْ؞

²³ حَڧِيڧَ، إِرِنْ ڧَٰعِدُواْدِنَّنْ سُنَدَ عَلَمَرْ حِكِمَ يَدَّ سُكَنْ كَٰوُاْ ڨُوذُواْ ثِكِنْ أَدِّينِنْ دَ مُتَنٜىٰ سُكَ ڧِرْڧِرُواْ دَ نَاثٜىٰوَ عَكَنْ حَنَ وَكَنْسُ جِنْ دَاطِے دُواْمِنْ نٜىٰمَنْ لَادَ دَ كُمَبَا وَجِكِے وَهَلَ؞ عَمَّا غَسْكِيَ، ڧَٰعِدُواْدِنَّنْ بَاسُدَ وَنِ إِيكُواْ وَجٜىٰنْ حَنَ شَعَوَرْ جِكِے؞